මුද්දක් නිසා බැට් පිත්තකින් පහරකැ සිසුවා දින දෙකක් රෝහලේ.

හර්ෂි සි. පෙරේරා

ඉක්කගොඩ ආරච්චිලාගේ පුෂ්ප නදීෂාන් 15 හැවිරිදි හෝමාගම ජනාදිපති විදුහලේ 10 වසරේ ඉගෙන ගන්නා සිසුවෙකි. ඊ ඒ ගුණතිලක මහතා ඔහුගේ පියාය. ඔහු තම පුතාට වදහිංසා පැමිණවීම පිලිබදව 2011.12.30 දින මානව හිමිකම් කොමිසම් සබාවට, පොලිස්පතිට, ළමා ආරක්ෂක අදිකාරියට, ළමා හා අපයෝජන නිවාරණ කාර්යන්සයට ලිකිතව පැමිණිලි කළේය.

මුද්ද සොරා ගත්තයි කියා නදිශාන්ව එහි අයිතිකරුවන් වන ශ්‍රියානි අජිත් සහ නලින් ඔහුව තම නිවසේ සගවා තබා ගෙන පහර දෙන ලදී. ඔහුව පාදුක්ක පොලිසියට ගෙන යාමෙන් අනතුරුව එහි නිලදාරියකු මුද්ද ගැන අසමින් අත් දෙක උස්සන්නට කියා පැය බාගයක පමණ කාලයක් ඔහුගේ පිටට බැට් පිත්තකින් පහරදී ඇත. ඔහුව පොලිස් කුඩුවටද දමා තිබේ.

2011.12.27 උසාවි දමා ඇප මත නිදහස් කර ඇත. එම වියාජ නඩුවේ අංකය 484/11 C වේ.

නිදහස්වීමෙන් පසුව නදීෂ දින දෙකක් හෝමාගම රෝහලේ නේවාසිකව ප්‍රතිකාර ලබා ඇත. රෝහල් පොලිසිය ප්‍රකාශයක් ලබා ගෙන ඇති අතර අදිකරණ වයිද්‍ය නිලදාරිද ඔහුව පරීක්ෂා කර තිබේ.

Read More

කොලබ දුෂණ මර්දන ඒකකය, දෙසොහොයුරන්ට වද දෙයි.

හර්ෂි සි. පෙරේරා

සිද්දිය වන්නේ 2011.12.14 දින දහවල් 1.30 ට පමණය. මෙසේ දුෂණ මර්දන ඒකකය විසින් පහර දෙන්නේ චමින්ද රත්න කුමාර පිරිස් සහ දුමින්ද ප්‍රිය කුමාර පිරිස් යන දෙසොහොයුරන්ටය. ඔවුන් පානදුර හිරණ ප්‍රදේශයේ පදිංචිකරුවන්ය.

පහරදීමෙන් පසුව චමින්දව ගෙදර ඒවා ඇත. නමුත් ඔහුගේ මල්ලි වන දුමින්දව වියාජ චෝදනා නගා අදිකරණයට ඉදිරිපත් කිරීමෙන් අනතුරුව 2011.12.20 දින දක්වා රක්ෂිත බන්දනාගාර ගත කර ඇත.

 මේ පහරදීම සිදුවූ අවස්ථාවේ ඔවුන්ට අයත් ත්‍රිරෝද රථයටද අලාබ හානිසිදුවී තිබේ.

Read More

හිමිදිරි විප්ලවය හෙවත් ලාංකික අරාභී වසන්තයේ මූලයන්

| නිලන්ත ඉලංගමුව

රාජ්‍ය පාලනයේ යාන්ත්‍රනය වූයේ ප්‍රචණ්ඩත්වය සහ භිෂණයයි. භීෂණය ඵලදායක වීමටනම් එය අත්තනෝමතික සහ ක්‍රෑර විය යුතුය. එය විශාල වශයෙන් ජීවිත හානි නොකරන නමුත් සෑම පුද්ගලයෙකු වෙතම පහසුවෙන් ලඟාවීමට හැකි විය යුතුය. මෙම මූලධර්මය ඉතා හොඳින් අවබෝධවන කාරණයක්. සම්ප්‍රදායික වශයෙන් රිලවෙක් බය කිරීම සඳහා කුකුලෙක් මැරිය යුතුයි කියන්නේ මෙයටයි.--- මාඕගේ ශ්‍රේෂ්ඨ දුර්භික්ෂය - ෆ්‍රෑන්ක් ඩිකොටර් ( පිටුව 292 )

දේශපාලන මැදිහත් වීම අවම වූ වීම නිසාම අතිශය සාර්ථක වූ උද්ඝෝෂණයක් ලෙස මේ වන විටත් ක්‍රියාත්මක වන එළවලු ගොවීන් සහ වෙළඳුන් රජයට එරෙහි ගෙන යන ක්‍රියාමාර්ගය හැඳින්විය හැකිය. එය මෑත කාලීනව ලංකාවේ දැකගත හැකි වූ වඩාත් සාර්ථකම උද්ඝෝෂණය වන අතර ඉදිරි සති කිහිපය තුළදී පුළුල් ජනතා ව්රෝධයක් මේ හේතුව මත ඇති වීමේ පරිසරය නිර්මාණය වී තිබේ. ආණ්ඩුව යොමු වී ඇත්තේ නුසුදුසු තැන මර්ධනය කිරීමටය. මේ නිසා ආණ්ඩුව එකම විසඳුම් සෙවීමේ මාර්ගය ලෙස තවදුරටත් නිතී විරෝධී මර්ධනය වෙතට තල්ලු විය හැකි අතර ඒ සඳහා තමන් විස්වාසය තබා ඇති එකම ඒකකය වන මිලිටරිය යොදා ගනු ඇත. ආණ්ඩුවට තම කටයුතු කරගැනීම සඳහා වන එකම විකල්පය වී ඇත්තේ මිලිටරියයි.

බලය නැමති පද්ධතිය තුළ සාධාරණත්වය සහ යුක්තිය අපේක්ෂා කිරීම දවල් හීනයක් බවට පත් වූයේ 70 දශකයෙන් පසු ලංකාවේ පාලක ආණ්ඩු තුළ සහ ඊට එරෙහි බල කඳවුර තුළ ඇති වූ විබෙධනය හේතුවෙනි. ඒ වන විට ආසියාවේ මෙන්ම බටහිර රටවල ආර්ථික මෙන්ම දේශපාන මොඩලයක් ලෙස ශ්‍රී ලංකාව මෙන්ම පිලිපීනය කෙරෙහි අවධානය යොමු වූ නමුත් පසු කාලීන එය ඛේදනීය ලෙස වෙනස් විය. මේ වන විට අදාළ රටවල් දෙකම විනාශයට ගිය රටවල් වල ආසියානු නිදර්ශකයන්ය. දුෂණයේ සහ අයුක්තියේ පාරාදීසයන්ය. දේශපාලන ප්‍රතිසංස්කරණ නීතියෙන් ගලවා දැමීම සහ නිතීය මත බලය අතිපිහිත කිරීමට උත්සහ කිරීම එම විනාශයේ මුලික හරයාත්මක කාරණාවලින් එක ප්‍රධාන කාරණයක් ලෙස පෙනේ. එය තවදුරත් විනාශ කරනු ලැබුවේ විධායක ජනාධිපති ධුරය නමින් නීතියට ඉහලින් සිටින සේ අයෙකු පිහිටුවා සියලුම නීති වලින් එම ධුරය ඉවත් කිරීමෙනි. ජනාධිපති මහින්ද රාජපක්ෂ මහතා විසින් මේ වන විට භුක්තිවිඳිමින් සිටින්නේ එයයි.

එළවලු සහ පළතුරු ප්‍රවාහනය කිරීම සඳහා අනුගමනය කළ යුතු වත් පිළිවෙත් ආණ්ඩුව හිටි අඩියේ ක්‍රියාත්මක කිරීම සඳහා නීති පැනවීම සහ එය කඩ කරන අයවලුන් නිතීය ඉදිරියට පැමිණවීම භයානක වන්නා සේම ඛේදනීයද වේ. මෙය සැබවින්ම රිලවෙක් භය කිරීම සඳහා කුකුලෙක් මැරීමට උත්සහ කිරීම හා බඳුය. මේ වනවිට ලංකාවේ නිතීය වූ කලී ගැටලුවකි. එය ක්‍රියාත්මක වීමේ සහ එය බලය ගැන නිරීක්ෂණය කරන විෂයක් වනු වෙනුවට බලයේ අනුගාමික බලවේගයක් වීම හේතුවෙන් යුක්තියට ඇති ඉඩ වලක්වා තිබේ. කාලාන්තරයක් තිස්සේ සිදු කරනු ලබන ජන ඝාතන සිදු කරමින් ඒවා වළලා දමා වර්තමානය ඉතිහාසය කිරීම හෙවත් කළු පෙන්වා සුදු යැයි පිළිගැනීමට බල කිරීමේ සිට නිතී විද්‍යාලයේ විභාග වංචා කරමින් නීතිඥයෙකුවීම සහ එම වංචාවන් හෙළිකරන සහ යුක්තිය ප්‍රශ්න කරන අයට මරණීය තර්ජන එල්ල කිරීම දක්වා වූ ක්‍රියාදාමය තුළ ඇත්තේ මෙකී සංඛේතීය බැඳීමයි. එළවලු සහ පලතුරු ප්‍රවාහනය සඳහා කූඩ හදුන්වා දීම වූ කලී කන්න නැති මිනිසුන්ට කන්නට යමක් දීම පසෙකලා බටහිර පන්නයට කෝට් ඇඳීමට අණ කිරීමට යන්ත දැරීම සහ සමාන වන ආකාරයේ ඛේදනීය හාස්‍ය උත්පාදන තත්වයකි.

පසුගිය කාල වකවානුව පුරාම ආණ්ඩුව විසින් සිදු කරනු ලැබුවේ මෙවැනි මවා පෙන්වීම් මිස ජනතාවගේ සැබෑ ගැටලූ හඳුනා ගෙන කටයුතු කිරීම නොවේ. චීනයෙන් හෝ වෙනත් රටකින් ලබා ගන්නා ණය සහ ඔවුන්ගේ මිනිස් ශ්‍රමය යොදා සිදු කරන ඉදිකිරීමක් තමන්ගේ නමෙන් නම් කරගෙන තමන් එය ඉදි කළේය යන දේශපාලන මුලාව විසින් සිදු කරමින් සිටින රැවටීම මෙහිදී සාමාන්‍ය ජනතාව විසින්ම වඩාත් ප්‍රබෝදහජනක ලෙස ප්‍රශ්න කිරීම අතිශය දැකුම් කළු වේ. ලංකාවේ පක්ෂ දේශපාලානය නමැති බලය හසුරුවන්නගේ රූකඩ නාටකයෙන් ඔබ්බට ගිය මෙවැනි ජනතාවගේ ක්‍රියාදාමයන් සිදු වීම වැදගත් වන්නේ අත්තනොමතිය මර්ධනයෙන් තොර වූ සාර්ථක දේශපාලන ප්‍රතිසංස්කරණයක් උදෙසාය. මෙය ජනතාවගේ හිමිදිරි විපල්වය ( Twilight Revolution ) ලෙස නම් කළ හැකිය.

ඊජිප්තුවෙන් ආරම්භ වූ මෑතකාලීන අරාභී වසන්තය මේ වනවිට රටවල් ගණනාවක ව්‍යාප්ත වී ඇති බව කවුරුත් දන්නා කාරණයකි. අදාළ ජනතා නැගිටීම් වලින් රටවල් වල පැවති පාලනයන් වෙනස් කළ ආකාරය සහ ඒවා මඟින් නව ආණ්ඩු පත්කර ගැනීම වසර පුරාම දිස් වූ අතර එමඟින් ඇති කොට ඇති අභියෝගද විශාල වේ. අරාභී වසන්තය හෙවත් , ජනතාවගේ උද්ගෝෂණයක් ඔස්සේ නිතීය හෑල්ලුවට ලක් කරමින් එය අයුතු ලෙස තමන්ගේ පෞද්ගලික පැවැත්ම උදෙසා භාවිතා කළ පාලක ආණ්ඩු ඉවත් කිරීම නව ඉතිහාසයක් නිර්මාණය කළේය. එය විවධ ආකාරයෙන් බටහිර රටවලටද ව්‍යාප්ත වූ අතර මේ වන විට ඇමෙරිකාව ඇතුළු බටහිර රටවල් රැසක ක්‍රියාත්මක වන වෝල් ස්ට්‍රීට් විරෝධතාවය තුළින් එම රටවල පවතින බලය ප්‍රශ්ණ කරමින් සිටින ආකාරයද හදුනා ගත හැකිය. මුළු ලෝකය පුරාම නිදහස උදෙසා නිර්මාණය වන ජනතා අරගල සංවිධානය වන ආකාරය මින් හදුනා ගත හැකිය. මෙය ලංකාව තුළ ඇති වීමේ ඉඩකඩ අතිශය දුලභ බව පසුගිය කාලය පුරාම නිරීක්ෂණය කිරීමට හැකි වූ පොදු කාරණයක් වූයේ වෙන කිසිවක් නිසා නොව මෝඩ දේශපාලන ඕපා දූප වලින් ඔබ්බට ගොස් රටේ සැබෑ ප්‍රශ්න හඳුනා ගෙන ඒවාට ආමන්ත්‍රණය කිරීමේ ප්‍රභල පක්ෂයක් හෝ සිවිල් කණඩායමක් නොමැති වීම හේතුවෙනි.

දේශපාලනික වශයෙන් ලංකාව වැටි ඇත්තේ අගාධයකය. එය විසින් රටේ නායකයා ජනතාවගේ මුදල් සමඟ සිදු කරන රමණීය හරභ ආවරණය කොට ඇත. එකී ආවරණය සාදාරනීකරණය කර ගැනීම සඳහා බලය විසින්ම කොටි සංවිධානය අතුගා දැමීම නමැති යල් පැන ගිය භූමිකාව තව තවත් විකුණමින් සිටියි. එනම් 2009 දක්වා ලංකාවේ විපක්ෂ දේශපාලනය හැසිර වූ කොටි සංවිධානය පද්ධතියෙන් ඉවත් වීම හේතුවෙන් රටේ දේශපාලන පක්ෂවලට කොටි සංවිධානය මෙන් ප්‍රභල විරෝධයක් එල්ල කිරීමට ඇති නොහැකියාව නිසා ආණ්ඩුවේ නිහඬ මර්ධනය වැළක්විය නොහැකි එකම වැඩපිළිවෙල බවට පත් කොට තිබේ. මුහුණ දිය යුතු යථාර්තය බවට පත් කොට තිබේ. මුළු ලෝකයම බලා සිටින විට ගුටි කෙළ ගන්නෙත් ඉන් දින කිහිපයකට පසු සැවොම එකතු වී ක්‍රිකට් ගසන්නෙත් රටේ සිදුවෙමින් පවතින ඛේදනීය තත්වය නිවැරදි ලෙස අවබෝධ කරගෙනද යන්නම විහිළුවකි. රට එකම මුල්ලෙරියාවක් බව ලෝකයට ඉඟි කරමින් ඇත්තේ සාමාන්‍ය ජනතාව තව තවත් පීඩාවට ලක් කරමිනි. පසුගිය නොවැම්බර් මාසයේදී පමණක් පුදගලින් 14 දෙනෙකු අතුරුදන් වී ඉන් සිව් දෙනෙකු පමණක් නැවත තම නිවෙස් කරා පැමිණීමේ ඇත්ත වන්නේ මෙයයි. මෙය සෝවියට් රුසියාවේ ස්ටාලින්ගේ පාලනය යටතේ සිදු වූ නායක වන්දනය සහ නිහඬ ඝාතනය හා සාමන තත්වයක් නිර්මාණය වීමකි. මෙය වහාම වෙනස් කිරීමට නොහැකි වුවහොත් පක්ෂවල නායකයින් වෙනස් වූ පලියට රටට හිරු පායන්නේ නැත. එවැනි දේශාපලන සින්දු කරලියට ගෙන ඒමම අවිඥාකමකි. එළවලු ගොවීන්ගේ සහ වෙළඳුන්ගේ විරෝධයේ ඇති ආකර්ෂණය වන්නේ එය මෙකී මුලාව ප්‍රශ්ණ කිරීමයි. ඒ වෙනුවෙන් දිවි හිමියෙන් සටන් කිරීමයි.

( 2011 - 12 - 15 )

Read More

සියදිවි නසා ගැනීම

සටහන

ශෂිකලා දුලශිනි ජි . පුංචිහේවා

සියදිවි නසා ගැනීමේ සංසිද්දිය මේ වන විට ලංකාවේ වර්ධනීය තත්වයක් පෙන්නුම් කරන බව සමාජීය වශයෙන් හෙළි දරව් වී තිබේ . එයද බොහෝ අවස්ථා වල ක්ෂණික තීරණ මත කඩිනම් විසදුම් කර එලම්බවිමේ ප්රවනාතාවයකින් යුක්ත වේ . සියදිවි නසා ගැනීම සදහා වයස් භේදය නොවැදගත් වන අතර වයස අවුරුදු 15 සිට සිදුවන ක්රියාවක් බව සමාජ සමීක්ෂණ වලින් වැඩිමනක් හෙළිව ඇත .

 

පුද්ගලයකු සියදිවි නසා ගන්නේ ඇයි ? යම් කෙනෙකුට සිදුවන සමාජීය හුදකලාභාවය , ඔහු මරණිය තත්වයක් කරා ගෙන යාමේ මානසික ප්රවේගයක් ඇති බව බොහෝ විට හදුනා ගෙන ඇත . මෙහි ඇති න්යායත්මකභාවය එමිල් ඩර්කයිම් විසින් , සියදිවි නසා ගැනීමේ සංසිද්දිය න්යායකට ගොනු කරමින් , එයට ගොදුරු වන්නන්ගේ ජිවිත විවරණය කර ඇත . එයට දායක වෙමින් ,මනෝ චිකිත්සකයින් විසින් , පුරවා සංසිද්දීන් ගවේෂණය කොට සියදිවි නසා ගැනීම වලක්වා ලීමට මනෝ විද්යාත්මක ක්රම වේදයන් ඉදිරිපත් කරමින් , මෙම තත්වය අවම කිරීම සදහා උත්සහ ගෙන ඇත .

එහෙත් සියලු සාධක අභිබවමින් තවමත් සියදිවිනසා ගැනීම , ලංකාව තුල වර්ධනය වන ආකාරය සංක්යා ලේඛන සාක්ෂි දරයි . එයට හේතු කාරකයන් හා වෙනස් වූ සමාජ තත්වයන් කුමක්ද යන්න සොයා බැලිය යුතුය .

.

අප දන්නා තරමින් සියදිවි නසා ගැනීම සිදුවුයේ මේ ආකාරයටයි .

1. ආර්ථික පරිහානිය හා සමුර්ධියකදී

2. ප්රේම සබදතා බිද වැටීමකදී

3. මානසික රෝගී තත්වයන් තුලදී

4. වයස්ගථ භාවයකදි

5. තවත් අය වෙනුවෙන්

(ත්රස්තවාදීන්ගේ සියදිවි නසා ගැනීම් )

6. සමාජීය හුදකලභාවයකදී

7. ක්ෂණික කොපයකදී

මේ ආකාරයට ලංකාව තුල සියදිවි නසා ගැනීම හදුනා ගත හැකි උවද ත්රස්තවාදීන්ගේ සියදිවි නසා ගැනීම් පමණක් මේ වන විට සංක්යා ලේඛනයන්ගෙන් ඉවත් වී ඇත .

ලංකාවේ දුෂ්කර ප්රදේශ වල අද වන විට ස්වභාවික විපත් හේතු කොට ගෙන , එති වන ආර්ථික අවපීඩනය හේතු කොට ගෙන සියදිවි නසා ගන්න ආකාරය තවමත් දැක ගත හැක .

ප්රේම සම්බන්දත බිද වැටීම පාසල් වියේ පටන් මැදි වයස් මට්ටම වන තෙක් ඇති වන තත්වය දර ගත නොහැකිව , සියදිවි නසා ගැනීම සිදු වේ . මෙම කරුණ සමාජයට වඩාත් අහිතකර ලෙස බලප ඇති බව , වර්තමාන කරුණු අද්යනයේදී පෙනී යන්නේ තමා විසින් සියදිවි හානි කර ගැනීමට පෙර , තව කීප දෙනෙකුගේම ජිවිත හානි කර අපරාධ රාශියකට මුල පුරමින් , සිදු කරන ලද ක්රියාවන්ය . මෙම තත්වය අද වන විට සමාජයට අහිතකර ලෙස බලපාන බව පෙනී යයි .

මානසික රෝගී තත්වයන්හිදීද පුද්ගලයින් සියදිවි නසා ගැනීමට පෙළඹේ . මෙහිදී එම පුද්ගලයා එම ක්රියාවේ වගකීම නොදරන අතර මියයන තෙක් අරමුණක් හෝ වෙනත් ක්රියාවක් මෙම සන්සිද්දියට අදාල නොකරමින් , සියදිවි හානි කර ගනී . මෙවැනි පුද්ගලයින් හදුනා ගෙන ඔවුන් බලා ගැනීම සමාජීය වගකීමයි .

වයස්ගත භාවයද හේතු කොට ගෙනද පුද්ගලයින් සියදිවි නසා ගැනීමට පෙළඹේ . මෙහිදී පුද්ගලයා සමාජීය හුදකලභාවයට පත් වන අතර එය හේතු කොට ගෙන ඇති වන කලකිරීම තුලින්ද , ඔවුන්ට වැළදෙන අසනීප සුව නොවීමේ වේදනාව දරා ගත නොහැකිවද වයස්ගත වුවන් සියදිවි නසා ගැනීමට හේතු වී ඇත . මෙම පුද්ගලයින් බලා ගැනීමද සමාජීය වගකීම වේ .

මෙයට අමතරව ක්ෂණික කෝපයද මෙයට හේතු කාරක වේ . පුද්ගලයින් තුල හට ගන්න මානසික අර්බුදයන් විසදා ගැනීමට යාමේදී පාර්ශවයන් දෙකකදී ඇති වූ ගැටුම් හේතුවෙන් පාලනය කර ගත නොහැකි ආවේගයන් මත යම් අපරාධයක් සිදු කරමින් , සියදිවි නසා ගැනීම මේ තුලින් සිදු වේ . මෙය බොහෝ විට ත්රිවිධ හමුදා තුල ඇති වන පරිසර තත්වය හේතු කොටගෙන සිදුව ඇත .

ඉහත කරුණු සියල්ල හේතු කොට ගෙන ලංකාව තුල සියදිවි නසා ගැනීමේ සංසිද්දිය මේ වන විට වර්ධනීය තත්වයකට පත්ව ඇති බව සමාජ සමීක්ෂණ මගින් හෙළි දරව් වන අතර ලංකාවේ මේ මොහොත වන විටත් කොතනකදී හෝ සියදිවි නසා ගැනීමක් සිදුව ඇත . ඒ බව සංක්යත්මකව දිනපතා රාත්රී පුවත් විකාශනයේදී අපට ශ්රවනය කල හැක .රටක දියුණුව බැලීමේදී සමාජීය බිද වැටීම් වැඩි වන විට ගණනය කල හැකි තත්ත්ව සාධකයක් ලෙසද හදුනා ගත හැක .

Read More

ඩග්ලස්ගේ නං දෙඩිවිලි.

සියලු දෙමල දේශපාලන නායකයින් දෙමල ප්‍රජාවේ ගැටළු විසදීමට පාර්ලිමේන්තු තේරීම් කාරක සබාවට සහය පල කල යුතුය යයි පවසන අමාත්‍ය ඩග්ලස් දේවානන්ද දෙමල ජාතික සන්දානයේ ස්රිජු බාවය සහ අවංක බාවය ප්‍රශ්න කර සිටි.

මේ දෙඩිවිලි හරහා අපේ මතකයට නැගෙන්නේ සුදු වැන් රථය. අදිකරණ ක්‍රියාදාමයෙන් බැහැරව සිදු කරන මරා දැමීම සහ වදහින්සාවය.

ආණ්ඩුව පළමුව කලයුත්තේ දෙමල ජනයාගේ විශ්වාසය දිනා ගැනීමයි. මෑතකදී පැවති උතුරු නැගෙනහිර පළාත් පාලන මැතිවරණයේදී මේ ශුද්දවූ ත්‍රිත්වය අයින් කරන්නේ නැද්ද යනුවෙන් කටවුට් ප්‍රශ්න කල යාපන සරසවියේ ප්‍රකට බුද්දීමතකුට රට හැර යාමට සිදුවිය. මෙවන් පසුබිමක රාජපක්ෂ ආණ්ඩුවේ දේශපාලන ස්රිජුබාවය සහ අවන්කබාවය ගැන දෙමල දේශපාලන පක්ෂ වලට ඇති හැගීම සහ දැනීම ගැන අමුතුවෙන් කිවයුතු නොවේ.

දෙමල ජනයා දිනා ගැනීමට නම් උතුරු නැගෙනහිර පළාත් සබා පිහිටුවා ඒ වට අවශ්‍ය බලතල දිය යුතුය. ඉන්පසුව ඩග්ලස්ලාගේ නං දෙඩිවිලි වලට තේරුමක් ලැබෙනු ඇත.

හර්ෂි සි පෙරේරා

Read More

නීතියේ පාලනය;- කළුතර උතුර පොලිසිය සාමාන්‍ය ජනයා පිඩාවට පත් කරයි.

බමුනුඅරච්චිගේ ජයවර්දන වස්කඩුවේ පදිංචි 50 හැවිරිදි විවාහකයෙකි. ඔහු පවුද්ගලික ආරක්ෂක අංශයේ රැකියාවක නිරත වේ. ඔහුගේ බිරිද කරුණාමුනි සිරිමාවතී සිල්වාය.

2011.11.29 දින ඔවුන්ට කළුතර උතුර පොලිසියට පැමිණෙන ලෙස දන්වා ඇත. ඒ සිරිමාවතිට එරෙහිව අගේ සොහොයුරිය දැමු පැමිණිල්ල විබාග කිරීමටය. එදින පැමිණිලිකාරිය පොලිසියට නොපැමිණි බැවින් ඔවුන් ගෙදර පැමිණ තිබේ.

2011.11.30 කළුතර උතුර පොලිසියේ අපරාද අංශයේ ස්ථානාදිපති සහ පොලිස් නිලාදරිනියක් ඔවුන්ගේ නිවසට පැමිණ සිරිමාවතිව පොලිසියට ගෙන යාමට උත්සහ කල මුත් ඇය එය තරයේ ප්‍රතික්ෂේප කර ඇත. මේ අවස්ථාවේ ජයවර්දන නිවසේ සිට නොමැත.

පොලිසිය දැනුම් දුන් ආකාරයට එදින සවස සිරිමාවතී සිය පුතා සමග පොලිසියට ගොස් ඇත. ඒ අවස්ථාවට පැමිණිලිකාරිය පොලිසියට පැමිණ නොසිටි අතර පැමිණ සිටියේ අගේ බැණා වන එඩ්වඩ් දර්මසිරි සහ තවත් අසල්වැසි කාන්තාවකි.

පොලිසිය අදාල පැමිණිල්ල විබාග කර ඇත්තේ සිරිමාවතිට ගණිකාව යනුවෙන් අපහාස කරමින් සහ තර්ජනය කරමිනි. පොලිස් ලොක්කා ඇයට පිස්සි යනුවෙන් ආමන්ත්‍රණය කර තිබේ. තවද මින්මත්තට ඇයට විරුද්දව පැමිණිලි ලැබුනහොත් උසාවි දමා ඇග බදින බවටද තර්ජනය කර ඇත. ඇගෙන් ප්‍රකාශයට අත්සන් ගෙන ඇත්තේ කියවා තේරුම් කර නොදී බලහත්කාරයෙනි.

ජයවර්දන ප්‍රකාශ කරන ආකාරයට පොලිසිය එඩ්වඩ් දර්මසිරිට ගැතිව කටයුතු කරයි.

හර්ෂි සි. පෙරේරා

Read More

මහාචාර්ය සරත් විජේසුරිය , ලේඛිකා චින්තා ලක්‍ෂ්මී සිංහ ආරච්චි මහත්මිය සහ ආරියවංශ රණවීර කවියා

| ඩී . සුගත් රාජපක්ෂ

සිංහල සාහිත්‍යයට අනුපමේය සේවයක් කළ, අප‍්‍රකට ලේඛිකා චින්තා ලක්‍ෂ්මී සිංහ ආරච්චි මහත්මිය ගැන සරත් විජේසූරිය ලියූ සටහන පිලිබඳ සටහනකි.

සරත් විජේසූරිය

චින්තා ලක්‍ෂ්මී සිංහ ආරච්චි පිළිබඳව සරත් විජේසුරිය විසින් ලියන ලද සටහන කියවන විට අපට හැගෙන්නේ තම ප්‍රතිවාදීන්ට පහර දීම පිණිස කුමක් හෝ නිමිත්තක් සොයමින් සිටින සරත් වීජේසුරියට චින්තා ලක්‍ෂ්මී සිංහ ආරච්චි හොඳ මාතෘකාවක් වී ඇති බවයි. මේ මාතෘකාව ඔස්සේ ඔහු ආරියවංශ රණවීර කවියාට පහර දීමට අනගි අවස්ථාවක් උදා කරගෙන ඇත.

එම ලිපියේ සරත් විජේසුරිය මෙසේ සඳහන් කරයි.

චින්තා ලක්‍ෂ්මී සිංහ ආරච්චිගේ මරණය, මම අමාත්‍යංශයේ ලේකම් ආරියවංශ රණවීර මහතාට දැනුම් දුනිමි. ඊට මුල් වූයේ රණවීර මහතා දරන තනතුරම නොවේ. ඉතා අප‍්‍රකට, අහිංසක ජීවිතයක් ගත කළ චින්තා ලක්‍ෂ්මී ගැන ඔහුට යම් අවබෝධයක් ඇතැයි සිතීම එක හේතුවකි. සංස්කෘතික අමාත්‍යංශයේ ලේකම් වීමට පෙර ලංකා ලේඛක සංවිධානයේ සමලේකම් වූ ආරියවංශ රණවීර මහතාට චින්තා ලක්‍ෂ්මී අමතක වන්නට නොහැකිය. ලේඛක සංගමයේ ආරම්භයේ සිටම ඇය කාරක සභාව නියෝජනය කළාය. දුර බැහැර සිට පැමිණ ඈ හැම කටයුත්තකටම සහභාගී වූවාය. ඒ කෙසේ වෙතත්, ලේඛකයකු - පරිවර්තකයකු ලෙසින් රණවීර මහතා තුළ කිසියම් අවබෝධයක් මේ ලේඛිකාව පිළිබඳව ඇතැයි මම අවංකවම කල්පනා කළෙමි. එහෙත් රණවීර මහතාට කතා කළ මොහොතේ මට එක දෙයක් පැහැදිලි විය. එය නම් ඔහු අවම වශයෙන් ශෝකය පළ කොට ආණ්ඩුවේ වියදමෙන් විදුලි පණිවුඩයක්වත් නොයවන බවයි. සංස්කෘතික අමාත්‍යංශය මේ වැදගත් ලේඛිකාවට කළ හැකි ඉහළම අවමානය සිදු කළ බව සංවේගයෙන් වුව කිව යුතුය. මීට එකම හේතුව චින්තා ලක්‍ෂ්මී, ගැමි කාන්තාවක ලෙස ජීවත් වීමය. ඇගේ සැමියා, සරම කමිසය හඳින ගැමියකු වීමය.

(සාහිත්‍ය ලෝකයේ සියලු නොපනත්කම් ඉවසමින් සිට ඇය අවසන් ගමන් ගියාය- සරත් විජේසුරිය)

සරත් විජේසුරියගේ හේතු දැක්වීමද ඉතා සරලය. චින්තා ලක්‍ෂ්මී සිංහ ආරච්චිගේ සැමියා, සරම කමිසය හඳින ගැමියකු වීම නිසා සංස්කෘතික අමාත්‍යංශයේ ලේකම් ආරියවංශ රණවීර ශෝකය ප්‍රකාශ කොට ආණ්ඩුවේ වියදමෙන් විදුලි පණිවුඩයක්වත් යැවීමට උනන්දු නොවූ බවයි.

සරත් විජේසුරිය යනු අන්‍යන් විනිශ්චය කිරීමට ඕනෑම අවස්ථාවක සැදී පැහැදී සිටින අයෙකි. ඔහු සාහිත්‍ය ලෝකයේ නමක් ඇති කර ගැත්තේ සාහිත්‍යමය වටිනාකමකින් යුත් නිර්මාණ බිහි කිරීමෙන් නොව ඕපාදුප සහ කුණු රසය මිශ්‍ර වූ මගේ නඩුව ඉවරයි යන විශාල කැලා පත්තරය ලිවීමෙනි. අන්‍යන්ගේ ලිංගික ජීවිතය පමණක් නොව ඔවුන්ගේ ලියුම් හොරෙන් කඩා කියවා විකෘති වින්දනයක් ලබාගෙන ඒවා ප්‍රසිද්ධ කිරීමෙන්ද ඔහු පොරක් වීමේ මේනියාවෙන් පෙළුණේය. මගේ නඩුව ඉවරයි යනු මරාගෙන මැරෙන බෝම්බකරුවෙකුගේ මනසක් ඇති පුද්ගලයෙකුට පමණක් ලිවිය හැකි පොතකි. මරාගෙන මැරෙන බෝම්බකරුවා අධි පිපුරුම් බලය ඇති ආර්.ඩී.එක්ස් භාවිතා කරන අතර මගේ නඩුව ඉවරයි කෘතියේ ලේඛකයා භාවිතා කරන්නේ විනාශකාරී වචන සමුහයකි.

සරත් විජේසුරියට තම ප්‍රතිවාදීන්ට පහර දීමට අවශ්‍ය වූ විට කුණු ලිංගික ඕපාදුප ශාස්ත්‍රීය භාෂාවකිනි ඉදිරිපත් කිරීමට සමත් කමක් තිබේ. ඔහුගේ මගේ නඩුව ඉවරයි කෘතියේ කොළඹ විශ්ව විද්‍යාලයේ මහාචාර්ය හේමපාල ජයවර්ධන මහාචාර්ය කුසුමා කරුණාරත්නට ඇමරිකාවට එන්නට ආරාධනා කරන්නේ ඇය සමග ලිංගිකව එකතු වීමටය. සරත් විජේසුරිය මේ බව දැනගන්නේ අනුන්ගේ ලිපි හොරෙන් කඩා කියවීමෙනි. මහාචාර්ය හේමපාල ජයවර්ධනට කාර්යාල කාර්ය සහායක නිමල් පද්මතිලක සමග අඹුසැමි සබඳතාවයට සමාන සබඳතාවයක් ඇත. (මගේ නඩුව ඉවරයි - සරත් විජේසුරිය) සරත් විජේසුරියගේ නඩුව ගැන වාර්තා කරන පුවත්පත් වාර්තාකාරිය පුවත්පත් කතුවරයා සමග නිදාගනි. "එයා කැමති ටිකක් මැදි වයසේ අයට" (මගේ නඩුව ඉවරයි - සරත් විජේසුරිය). ජේ බී දිසානායක ලිංගික අවශතාවය ගැන කියන්නේ -රෙන්ඩ බර හැදුනම ඕනේ කක්කුස්සියක් (මගේ නඩුව ඉවරයි - සරත් විජේසුරිය) මේ ආදී වශයෙන් මහාචාර්ය සරත් විජේසුරිය අනුන්ගේ ලිංගික ජීවිත ගැන විනිශ්චයන් දෙන්නේ එක්කෝ ඔහු ලිංගික බෙලහිනයෙකු හෝ ඔහු තුල තදබල ලිංගික අසහනයක් තිබෙන නිසා විය යුතුය. ඔහු මිය ගිය චින්තා ලක්‍ෂ්මී සිංහ ආරච්චි මහත්මිය දඩමීමා කරගෙන ඇයටද අපහාස වන පරිදි තමන්ගේ තවත් ප්‍රතිවාදියෙකුට ලිංගික මඩක් ගසයි.

එයට හැඳින්වීමක් ලියා දෙන්නට එක් ප‍්‍රවීණ ලේඛකයෙක් රුපියල් පන්දාහක (5000/-) අල්ලසක් ඉල්ලා සිටියේය. පොත මුද්‍රණය කරන්නට ප‍්‍රකාශකයකු සොයා දෙන්නට ඇය ගොදුරක් කර ගන්නට තවත් ප‍්‍රවීණයකු උත්සාහ කළේය. වයෝවෘද්ධ වියත් ලේඛකයකු මේ අත් පිටපත ප‍්‍රකාශයට පත් කරන්නට භාර ගෙන එය අස්ථාන ගත කළේය. මේ ආදී වශයෙන් අපේ සාහිත්‍ය ක්‍ෂේත‍්‍රයේ සිවිල් බලය හිමි උදවිය මේ තැනැත්තියට දොරගුළු වැසූ, නින්දිත හිරිහැර කළ කාලය වසර දහයකි. (සාහිත්‍ය ලෝකයේ සියලු නොපනත්කම් ඉවසමින් සිට ඇය අවසන් ගමන් ගියාය- සරත් විජේසුරිය)

කරුණාකර අවධානය යොමු කරන්න "පොත මුද්‍රණය කරන්නට ප‍්‍රකාශකයකු සොයා දෙන්නට ඇය ගොදුරක් කර ගන්නට තවත් ප‍්‍රවීණයකු උත්සාහ කළේය " යන වැකිය වෙත. මෙය සැබෑවක්ද නැතහොත් එය මහාචාර්ය සරත් විජේසුරියගේ අතේ රෝලක්ද නොදනිමි. එවැනි දෙයක් අතිශයින්ම පුද්ගලික කරුණකි. එවැනි දෙයක් චින්තා ලක්‍ෂ්මී සිංහ ආරච්චි මහත්මිය සරත් වීජේසුරියට හෙළි කලේද ? නැතොත් ඔහුගේ අවශ්‍යතාවය මත මෙවැනි කථාවක් නිර්මාණය කලේද ? නමුත් මෙවැනි අන්දමේ කරුණක් ලිවිම මගින් ඔහු සිංහල සාහිත්‍යයට අනුපමේය සේවයක් කළ ලේඛිකා චින්තා ලක්‍ෂ්මී සිංහ ආරච්චි මහත්මියට දරුණු ලෙසින් අපහාස කොට තිබේ. එය බොරුවක් නම් එවැනි දෙයක් ලිවිය හැක්කේ තදබල ලිංගික අසහනයක් ඇති පුද්ගලයෙකුට පමණි.

ඒක භාෂික සරසවි ඇදුරන් තුල පවතින කුහක බව හීනමානය යන දුර්ගුණයන්ට අමතරව සරත් විජේසුරිය තුල තවත් දුර්ගුණයක් ඇත. එය මම පමණයි සුදනා අන්‍යන් හොරු සහ කුහකයෝ යන තමා ගැන තිබෙන අධි තක්සේරුවයි. මෙවැනි ගති පැවතුම් ඇති මිනිසුන් දෙබිඩ්ඩන් සහ හක්කේ බුදුරැස් / බොක්කේ දඩමස් වර්ගයේ මිනිසුන් බව අප අත්දැකීමෙන් දනිමු. ඔහු 1994 චන්ද්‍රිකා බලයට පත් කිරීමේ ව්‍යාපෘතියේ බැලයෙකු ලෙස වැඩ කළේය. වික්ටර් අයිවන්ගේ චෞර රැජින කෘතියේ අනාගත අභිවෘධිය පතා චන්ද්‍රිකාගේ සාරිපොටේ එල්ලුණු සරසවි ඇදුරන් සිටින චායාරූපයේ සරත් විජේසුරියගේ මුහුනත් තහඩුව හොඳාකාරව දැකිය හැක. නමුත් දැන් ඔහු එම අපකීර්තිමත් අතීතය ගැන කතාකරන්නේ නැත. ඒ වෙනුවට රජයේ රෙගුලාසි වලට යටත් වී සේවය කරන ආරියවංශ රණවීර කවියාගේ ස්වාධීන භාවය ගැන කතා කරයි එය අමුම අමු කුහකකමකි.

ලංකාවේ පොත් ප්‍රකාශකයන්ගේ මගෝඩිකම් ගැන සදහන් කෙරෙන අමිල ගුණරත්න විසින් ලියන ලද ලිපියක් මෑතකදී මට කියවන්නට ලැබිණි. එම ලිපියේ ඔහු සරත් විජේසුරිය ගැන සඳහන් කරන්නේ මානව සාරාර්ථ ගැන කතා කරමින් ලේඛකයන්ට පොලු තියමින් ඔවුන්ගේ ඉහ මොළ හුරාකන සහ ලේඛකයන්ට හොරෙන් ඔවුන්ගේ පොත් දෙවන තුන්වන වර මුද්‍රණය කොට කර්තෘ භාග නොගෙවා අධික ලාභ ලබන කූට මුදලාලි කෙනෙකු ලෙසටය. ඒ හැර පසුගිය සතියේ මට ගොඩගේ ප්‍රකාශක ආයතනයේ සේවය කල අයෙකු මුණ ගැසුණි. සරත් විජේසුරිය ගැන නම් සඳහන් කල වහාම ඔහු කිවේ කොන්ද දෙකට තුනට නවාගෙන ගොඩගේ මුදලාලි ලඟට ඇවිත් බැගැපත්වෙලා තමන්ගේ මුල් පොත් දෙක තුන ගහගෙන නමක් හදාගත්තට පස්සේ ගොඩගේ මුදලාලිට අපහස කරලා පත්තරේ ලිපි ලියපු ගුණමකුවා වශයෙනි. ඔහු ජේ බී දිසානායකට අපහාස කොට පොත් ලිව්වේ බටහිර රටකට ශිෂ්‍යත්වයකට යාමට ජේ. බී ගෙන් බලාපොරොත්තු වූ පරිදි අනුග්‍රහයක් නොලැබූ නිසාය. ඒ ගැන තායිලන්තයේ සිටි ජේ බී දිසානායක කියා ඇත්තේ බටහිර රටකට ශිෂ්‍යත්වයකට යාමට තරම් සරත් විජේසුරියගේ ඉංග්‍රීසි දැනුම මුහුකුරා නොතිබූ නිසා ඔහුව ශිෂ්‍යත්වයකට නම් නොකළ බවයි. සරත් විජේසුරියගේ ඉංග්‍රීසි දැනුම වෙනුවෙන් ජේ බී දිසානායකට බලවත් වන්දියක් ගෙවීමට සිදු විය. මගේ නඩුව ඉවරයි යන විශාල කැලා පත්තරයේ ජේ බී දිසානායකගේ ලිංගික ජිවිතයේ අඳුරු තැන වලට පවා ටෝච් ගසමින් සරත් විජේසුරිය පිටු පිරවූයේ සදාචාර වටිනාකම් ගැනවත් නොතකමිනි.

චින්තා ලක්‍ෂ්මී සිංහ ආරච්චි පිළිබඳව මහත් කැක්කුමෙන් කතා කරන සරත් විජේසුරිය ගෙන් යමක් ඇසීමට අවසර. විජේසුරිය මහතාණෙනි ඔබ තනියම සිටින විට නිවසේ කන්නාඩිය ඉදිරියට ගොස් එයින් පෙනෙන ඔබගේ ප්‍රතිබිම්බයේ දෙනෙත් දෙස බලා පහත ප්‍රශ්න වලට පිළිතුරු දෙන්න.

1) විජේසුරිය ග්‍රන්ථ කේන්ද්‍රය මගින් ප්‍රකාශයට පත් කරන ලද විශාල වශයෙන් විකිණී ගිය චින්තා ලක්‍ෂ්මී සිංහ ආරච්චිගේ මාවතේ ගීතය, අපරාජිත ජීවිතයක් හා අපූගේ ලෝකය , අරණකට පෙම් බැඳ, යන කෘතීන් සඳහා ඔබ කොපමණ මුදලක් චින්තා ලක්‍ෂ්මී සිංහ ආරච්චි මහත්මියට කර්තෘ භාගය වශයෙන් ගෙව්වේද ?

2) මාවතේ ගීතය, අපරාජිත ජීවිතයක් හා අපූගේ ලෝකය , අරණකට පෙම් බැඳ, යන කෘතීන් ඔබ දෙවන වර මුද්‍රණය කරන විට චින්තා ලක්‍ෂ්මී සිංහ ආරච්චි මහත්මිය දැනුවත් කලද ? ඒ සඳහා නියමිත මුදල් ඇයට දුන්නේද ?

3) ඇගේ මරණින් පසු මාවතේ ගීතය, අපරාජිත ජීවිතයක් හා අපූගේ ලෝකය , අරණකට පෙම් බැඳ, යන කෘතීන් කොපමණ සංක්‍යාවක් ඔබ සමයවර්ධන , සරසවි මුද්‍රණ යන්ත්‍ර වල (හොරාට) මුද්‍රණය කලේද ?

4) එම පොත් විකිණීමෙන් ලද අදායමෙන් යම් ප්‍රතිශතයක් චින්තා ලක්‍ෂ්මී සිංහ ආරච්චි මහත්මියගේ සරම කමිසය හඳින ගැමියෙකු බඳු සැමියාට දුන්නේද ?

මෙම ප්‍රශ්න වලට පිළිතුරු අපට අවශ්‍ය නැත. එය ඔබගේ ප්‍රතිබිම්බයේ දෙනෙත් වලට පවසන්න. එවිට ඔබට හර්ද සාක්ෂියක් තිබේ නම් ඔබට දැනුණු හැඟීම පමණක් අපට කියන්න.

අවසාන වශයෙන් ඔබට යමක් කීමට තිබේ. ඔබගේ කාර්යාල කාර්ය සහායක නිමල් පද්මතිලක ගැන සමලිංගික කුණු කතා පවා ලිවූ ඔබට ආරියවංශ රණවීර කවියාගේ ගේ කුරුල්ලෝ සහ වී කුරුල්ලෝ කවි පොතේ එන කාර්යාල කාර්ය සහායක ගේ මරණය පිලිබඳ කවිය කියවන ලෙස ඉල්ලමි. මෙන්න එම කවිය.

කාර්යාල කාර්ය සහායක ගේ මරණය - [ආරියවංශ රණවීර]

රිය එක නින්නාද කළ

නැටුම්

කෙළි කවට සිනා

මළගෙට හරියටම හැතැප්මයක් මෙහාදී

නතර කොට

පැළැන්දහ

ඔවුහු

සෝක මූණු

රියෙන් බැස

නියඟය දපා ගෙන හිඳින

වෙල් එළිය හරහා වැටුණු

නිරන්තර පා මැඩුමෙන්

සුදු වුණු නියර දි ගේ ගොස්

හිඳී බී ගත් මළ දොළින් පැන

පිවිසුණහ මළ ගෙට

ගිලිණු නෙත් කෙවෙනි තුළ

කසිප්පුවෙන් ඉදිමුණු නෙතින්

හතර පස් දෙනෙකු තැන තැන

දොඩන වාචාල බස් කපා ගෙන

ඉඳ හිට

පොළොව දෙදරවා විත්

සිරුරු විනිවිද යන

කම්පා නාදයකි

ගෙතුළ ගැහැණියක ගේ

කන්තෝරුවේ

නෝනලා මහත්තැන් හැඳි

සුදුම සුදු ඇඳුම් දෙස

මුව අයා බලා

මුළු මුළු වන

කිළිටි දරු පැටව්

හය හත් දෙනෙකි

සංක් ෂේප කොට

මේ සියල්ල

ගුලි වී සිටී

ලෑලි පෙට්ටි යේ

පිදුරු වහලය දික් කර

හදිසි යේ බෑ

යාලත්ත යට

කෙසඟ

මළ සිරුර

හැරී යන විට

නිහඬ රිය තුළ

සෝපත් සැබෑ මූණු

නොවෙනස්වම තිබිණි

හැතැප්මයකට වඩා

බොහෝ දුර

Read More

ආශ්චර්ය කරා යන ගමනේ මහමග යුද්දය.

සෝමාවතිය - මාතර පෞද්ගලික බසයක් වැලිගම තල්අරඹේදී ටිපර් රියක ගැටී බස් මගීන් 32 දෙනකුට වැඩි පිරිසක් තුවාල ලබා මාතර රෝහලට ඇතුළු කැර ඇතැයි පොලිසිය කියයි. බස් රියටද අලාභහානි කැර ඇත. වාහන ගමනා ගමනය අවහිර වී උණුසුම් හා උද්වේගකාරී තත්ත්වයක් ද හටගෙන ඇත.

මිට වසර දෙකහමාරකට පෙර පුද්ගලයින් බහුලව මියගියෙත් තුවාල ලැබුවේත් යුද්දයෙනි. දැන් පුද්ගලයින් පිඩාවට පත් වන්නේ මාර්ග අනතුරු වලිනි. දුර ප්‍රදේශයකට යන බසයක නැග්ගොත් බොහෝවිට එක්කෝ අනතුරකි. නැතිනම් සෙසු බසයක් සමග තරගයට ගොස් බැන ගැනීමකි. නැතිනම් ගහ ගැනීමකි.

රථ වාහන පොලිසිය සෑම තැනකම ඇත. දඩ කොලය සමග අත්වැල් බැදගත් ජරාවට ඔවුන් වඩාත් ප්‍රසිද්දය.

මහමග නිතිය නොමැතිකම් රටේ සෙසු කටයුතු වලදී නිතිය නොමැතිකම යන්න මනාව කුළුගන්වයි. මහමග ජිවිතයට ඇති අයිතිය අහිමි වන රටක ආශ්චර්යෙන් ඇති වැඩේ කිමද?

හර්ෂි සි. පෙරේරා

Read More

සිංහරාජයේ අන්තිම අලි තිදෙනාගේ ඉරණම ....

| ප්‍රසාද් හරින්ද්‍ර කුමාර

මෙරට අති බහුතරයක්‌ වන අලින් සිටින්නේ වියළි කලාපයේය. තෙත් කලාපයේ මෙරට අලින් සිටින්නේ 20 දෙනෙකුටත් අඩු ප්‍රමාණයකි. ඔව්හු ශ්‍රී පාද අඩවියේ සහ සිංහරාජයේ ජීවත් වෙති. වියළි කලාපයේ අලින් හා සැසඳීමේදී 300 ට 1 වැනි ඉතාම අඩු ප්‍රතිශතයක්‌ ලෙස තෙත් කළාපයේ අලින් වාර්තා වීම තුළ ඔවුන්ගේ වටිනාකම පිළිබඳව අමුතුවෙන් පැවසිය යුතු නැත. සිංහරාජ අඩවියේ අලින් තිදෙනෙක්‌ පමණක්‌ ජීවත් වෙති. ඔවුන් තිදෙනාගෙන් නව ජනිතයන් බිහි නොවන්නේ ඔවුන් අතර ලිංගික සබඳතාවයන් නැති නිසාය. ඒ තරම්ම ශීලාචාර සහජ පුරුද්දක්‌ සද්දන්ත කුලේ මේ ඇත්තන්ගේ ලෝකයේ තිබේ. එකම පවුලේ මව ඇගේ පුතා හා දියණිය වශයෙන් සිංහරාජයේ මේ අලි තිදෙනා ජීවත්වේ. එයින් පිරිමි අලියා පණු දළයා වශයෙන් හඳුන්වන අතර ඔහු තම මවට මව ලෙසද නැගනිය නැගනිය ලෙසද සලකමින් කුමර බඹසර රකිමින් ගෙන යන ජීවිතය එවන් ශීලාචාරකමක්‌ නොමැති අපේ සමාජයට කොතරම් නම් ආදර්ශයක්‌ද?.

ඉතිහාසයේ සිය ගණනක්‌ සිංහරාජයේ අලි ඇතුන් වාසය කළද අද තිදෙනෙක්‌ දක්‌වා එම සංඛ්‍යාව අඩුවීමට බලපා ඇති ප්‍රධානතම හේතුව සිංහරාජයට අයත් කැලෑ ප්‍රදේශය ශීඝ්‍රයෙන් එළි කිරීමයි. එනිසා සිංහරාජය ඊට අයත්ව තිබූ යාබද වනාන්තර වලින් වෙන් වූ හුදකලා වනාන්තරයක්‌ බවට පත්ව ඇත. අලි ඇල්ලීම්ද සිංහරාජයේ අලි ගහනය අඩුවීමට හේතුවී තිබේ. තොණ්‌ඩු තබා එවකට අලින් ඇල්ලූ අතර පසුව ප්‍රසිද්ධ වෙන්දේසියේ ඔවුන් වෙන්දේසි කෙරිණි. ඒ ආකාරයට මීට වසර 40 පමණ පෙර ද සිංහරාජයේ තොණ්‌ඩුවකට හසුවූ අලියෙක්‌ රත්නපුරයේ ව්‍යාපාරිකයෙක්‌ රු. 20000 කට ආසන්න මුදලකට මිලදී ගෙන ඇති අතර පසුව එම අලියා අකාලයේ මිය ගියේය.

සිංහරාජයේ වාසය කරන අලි තිදෙනා වසරේ වැඩිම කාලයක්‌ වාසය කරන්නේ හඳපාන්ඇල්ල ප්‍රදේශයේය. ඒ ආශ්‍රිතව ඇති කජුගස්‌වත්ත, රඹුක, පොලේකන්ද හා කෝපිකෑල්ල යන ප්‍රදේශ ඔවුන්ගේ සුපුරුදු නවාතැන්ය. අලින්ගේ චර්යා රටාවන්ට අනුව ජීවිත කාලය තුළ වර්ග කි. මී. 50-200 අතර වපසරියක සැරිසරන අතර ඒ අනුව යමින් මෙම අලි තිදෙනාද වසරකට වරක්‌ හෝ දෙවරක්‌ දෙල්වල රක්‌ෂිතය, වලන්කන්ද රක්‌වාන හා සිංහරාජයේ කුඩව යන ප්‍රදේශවලට ඒමට අමතක නොකරති. සිංහරාජයේ වෙසෙන අලි තිදෙනාගේ ප්‍රධානතම ආහාර වන්නේ කිතුල්, දොaතළු හා මල් බට යන ශාකයන්ය. මෙයින්ද කිතුල් ඔවුන්ගේ ප්‍රියතම ආහාරයය. සිංහරාජය තුළ ඔවුන් වැඩි වශයෙන් වාර්තා වන්නේ මුහුදු මට්‌ටමේ සිට මීටර් 500-700 අතර ප්‍රදේශයේය. මෙම අලි තිදෙනා තමාගේ වාසස්‌ථාන කළාපය (Home rang) පෙරට වඩා මෑත කාලීනව වැඩි කරගෙන ඇත. එනම් ඔව්හු වර්තමානයේ වැඩි වපසරියක සැරිසරති.

සිංහරාජයේ වනපෙත රකින ආරක්‍ෂකයන් ලෙසද මෙම අලින් තිදෙනා හැඳින්විය හැක. එනම් දැව ජාවාරම්කරුවන්, හොර මත්පැන් පෙරන්නන්, මැණික්‌ ගරන්නන් මෙන්ම දඩයම්කරුවන්ද වනයට ඇතුළු වීමට බියක්‌ දක්‌වන්නේ මෙම අලින් සිටින නිසාය. මෙම අලි තිදෙනා සිංහරාජයෙන් සමුගත් දිනෙක සිංහරාජයේ ගහකොළ වලට සේම සතා සිවුපාවාටද අඳුරු කලදසාවක්‌ උදාවනු නොඅනුමානය.

කෙසේ වුවත් සිංහරාජයේ අලින් තිදෙනාම මේ වන විට සිටින්නේ දැඩි ජීවිත අවදානමකය. මේ වන විටත් ඔවුන්ට වෙඩි තැබීම් සිදුකර ඇත. එමෙන්ම පෙට්‌ට්‍රල් ඇඟට දමා ඔවුන්ට ගිනි තබන්නට විවිධ අවස්‌ථා වලදී උත්සාහ කර ඇත. ගමක්‌ ආසන්නයට පැමිණි විට ඉවක්‌ බවක්‌ නැතිව අලි වෙඩි පත්තු කිරීම් නිසාද ඔවුන්ට ශ්‍රවණාබාධ ඇතිවී තිබෙනවාට සැකයක්‌ නැත. නිරන්තරවම අලි වෙඩි පත්තු කිරීම නිසා එම අලින් මිනිසුන්ට දක්‌වන බියද අඩුවී තිබේ.

සිංහරාජය අවට ගම් කිහිපයක ජනතාවටද මෙම අලින් තිදෙනාගෙන් යම් යම් හානියක්‌ සිදුවීමද අමතක කළ නොහැක. සිංහරාජයේ අලින්ගෙන් ජීවිත හානි 7 ක්‌ ඔවුන්ට සිදුවී තිබීම ඉන් ප්‍රධානය. එසේම ඔවුන්ගෙන් වැඩිම පිරිසක්‌ මිය ගොස්‌ ඇත්තේ නොසැලකිළිමත් භාවය හෝ තමාගේ චණ්‌ඩිකම ප්‍රදර්ශනය කරන්නට යැමද නිසාය. අවසන් වරට අලියා පහරදී සිංහරාජයේදී තරුණයෙක්‌ මිය ගියේ තවත් පිරිසක්‌ සමග ඔහු අලියා පසුපස සෑහෙන දුරක්‌ එලවාගෙන යන්නට යැමේදීය. ඊට පෙරද පුද්ගලයකු බීමතින් යුතුව අලියාගේ වල්ගය කපාගෙන එනවා යෑයි පවසමින් අලි වෙඩිද ගසමින් අලියා පසුපස ගොස්‌ ඇත. ඔහුටද එදා නිරපරාදේa ජීවිතය අහිමි විය. එමෙන්ම ගම්මානවලට අලි පැමිණි විට කෙසෙල් ගස්‌ හා පොල් ගස්‌ ආහාරයට ගැනීමද සිංහරාජය අවට ගම් වැසියන්ට පවතින තවත් ගැටලුවකි. නමුත් මෙවැනි කරදරද ඉවසමින් සිංහරාජයේ මෙම සද්ධන්තයින් තිදෙනාගේ හෙට දවස වෙනුවෙන් කැපවී සිටින සිංහරාජය අවට අති බහුතරයක ගම්වැසියන් පිළිබඳව ප්‍රසංශනීය ලීලාවෙන් යුතුව සිහිපත් කළ යුතුය.

එහෙත් සිංහරාජයේ අලින්ගේ වටිනාකම බලධාරීන්ට තවමත් පෙනී නැතිගානය. ඊට ද හේතු ගණනාවක්‌ ඇත. සිංහරාජයේ අලින් අවට ගම් වලට කරදරයක්‌ යෑයි පවසමින් මීට මාස කිහිපයකට පෙර ඔවුන් අල්ලා යාල වනෝද්‍යානයට ගෙන ගොස්‌ දමන්නට බලධාරීහු උත්සාහ කළහ. නමුත් ඔවුන්ට නොතේරුන හා ඊට දිරි දුන් අයට නොතේරුන දේ වූයේ ජෛව විවිධත්වයේ එක්‌ පුරුකක්‌ ඉවත් වුවහොත් එම පද්ධතියම කඩා වැටෙන බවයි. සිංහරාජයේ අලින් සිංහරාජය තුළ ආහාර වශයෙන් ගන්නා කිතුල්, දෝතළු හෝ බට, යාල නොමැති බවයි. එමෙන්ම වාර්ෂික වර්ෂාපතනය මි.මී. 3000-5000 තරම් අගයක්‌ ගන්නා වර්ෂා වනාන්තරයක ජීවත්වූ ඔවුන් තිදෙනාට වාර්ෂික වර්ෂාපතනය මි.මී. 750 ටත් අඩු වියළි කලාපීය වන බිමක්‌වන යාල ජීවත් විය නොහැකි බවද ඔව්හු තේරුම් නොගත්හ. එම නිසා මෙම සතුන් තිදෙනා මෙහිම රඳවා ගත යුතුය. එපමණක්‌ නොව තිදෙනකුට පමණක්‌ සීමාවී ඇති සිංහරාජයේ අලි ගැන විධිමත් පර්යේෂණයක්‌ තවමත් සිදුවී ද නොමැත. සිංහරාජයේ දැනට සිටින්නේ අලි තිදෙනෙක්‌ නොව දෙදෙනෙක්‌ පමණක්‌ යෑයි ඇතැම් බලධාරීන්ගේද මතයයි. නමුත් වාර්තා නොවන අලියාට සිදු වූයේ කුමක්‌දැයි සෙවීමට තරම් වත් නුවණක්‌ ඔවුන්ට පහළ නොවීම කොතරම් නම් කනගාටු දායක තත්ත්වයක්‌ද? සිංහරාජයේ සිටින අලින් තිදෙනා ගැන පමණක්‌ නොව මෙරට තෙත් කලාපයේ අලින් වාසය කරන අනෙක්‌ ප්‍රදේශය වන ශ්‍රී පාද අඩවියේ අලින් පිළිබඳව විධිමත් පර්යේෂණයක්‌ සිදුකිරීම ඉක්‌මන් අවශ්‍යතාවයකි.

සිංහරාජයේ අලින්ගේ මරණය ඉක්‌මන් විය හැකි සිදුවීමක්‌ පසුගියදා සිංහරාජයෙන් වාර්තා විය. එනම් ඉලුමකන්ද හරහා සූරියකන්දට පාරක්‌ කැපීම ආරම්භ කිරීමය. මෙම මාර්ගය සංවර්ධනය වූ පසු ඊට යාබද ඉඩම් විවිධ පිටස්‌තර පුද්ගලයන් මිලදී ගෙන සංචාරක ව්‍යාපාරය අරමුණු කරගත් හෝටල් ආදිය ඉදිකිරීම සැලසුම් කිරීම ස්‌වාභාවිකය. එම ජනාකීර්ණ වීම තුළ සිංහරාජයේ අලින්ගේ සංචාරක මාර්ග ඇහිරී යන අතරම මිනිසුන් සමග තිබෙන ගැටුම තීව්‍රර වනුද ඇත.

කිසිවෙකුගේ හව්හරණක්‌ නොමැතිව සිටින සිංහරාජයේ මෙම අහිංසකයන් තිදෙනාගේ ජීවත් වන කාලය වැඩි කිරීමට බලධාරීන්ට කළ හැකි තවත් කාර්යයක්‌ ඇත. එනම් අලි තිදෙනා වසරේ වැඩිම කලක්‌ හැසිරෙන ප්‍රදේශයට බොහෝ දුරින් තිබෙන වනජීවී කාර්යාලය රඹුක හෝ කජුගස්‌වත්ත වැනි ප්‍රදේශයකට ගෙන ඒමට හැකිනම් එය ඉතා ඵලදායක විය හැක. එමෙන්ම සිංහරාජයේ වනජීවී කාර්යාලයේ නිලධාරීන්ට මීට වඩා රාජකාරියට අවශ්‍ය මූලික සම්පත් ලබා දියයුතුව ඇත. සිංහරාජය අවට ගම්වැසියන්, වනජීවි නිලධාරීන් හා වනසම්පත් නිලධාරීන් අතර තිබෙන සබඳතාවය මීට වඩා මිත්‍රශීලී විය යුතුව ඇති බව ගම්මුන් සමග කතා කිරීමේදී පැහැදිලිවිය. අලියෙක්‌ ගමට පැමිණි විට ඔහුව ප්‍රකෝප නොකර දෙපාර්ශ්වයටම හානි නොවන ලෙස අලියා යළි කැලයට යවන ආකාරය පිළිබඳ ගම්මුන් විධිමත්ව දැනුවත් කිරීම අවශ්‍ය බව යළි යළිත් සිහිපත් කළ යුතුව ඇත.

කාලයක්‌ තිස්‌සේ යෝජනාවෙමින් පවතින නමුත් තවමත් ක්‍රියාත්මක නොවූ ඉඩම් ප්‍රතිසංස්‌කරණ කොමිෂන් සභාව සතු සිංහරාජයට යාබද ඉඩම් සිංහරාජයට පවරා ගැනීම ඉක්‌මන් විය යුතුය. එසේ වන්නේ නම් සිංහරාජයේ අලි තිදෙනාට නිදහසේ හැසිරිය හැකි වපසරිය තවත් පුළුල් වනු ඇත.

පරිසරය හදාරන්නට මිහිපිට ඇති ස්‌වභාවික විද්‍යාගාරයක්‌ බඳු වූද, මානසික සුවය, සෞන්දර්යය රසය අගයන්නන්ට නිසල වන අසපුවක්‌ වූද, සොබා දහම අගයන අප සැමටම සිංහරාජය නිවහල් පවිත්‍ර බිමකි. ඒ පවිත්‍ර බිමට අභිමානය කැන්දන පරපුරක අවසානය බඳු වූ සද්ධන්තයින් තිදෙනා රැකගැනීම අපගේ වගකීමක්‌ නොවන්නේද? ඔවුන් සිංහරාජයෙන් සමුගත් දිනෙක යළිත් ඒ විසල්වන බිමේ සෝබමාන හස්‌ති රුවක්‌ අප නෙතු මානයේ ජීවමාන නොවනු ඇත. ඔවුන් අකාලයේ මියදුනහොත් ඒ නිසා ළසොවින් තැවෙන ඔබගේද මගේද සිත සනසවන්නට සිංහරාජයේ සියොත් කැළ විහඟ ගී ද නොගයනු ඇත්තේය.

Read More

ප්‍රගීත් ගැන කවුද ඇත්ත කියන්නේ?

පාතාල නායකයකු වන දෙමටගොඩ චමින්දට අනුව දුමින්ද සිල්වාගේ උපදෙස් පරිදි ඔවුන් ප්‍රගීත් එක්නැළිගොඩගේ මළසිරුර මිගමු කලපු මුහුදේ දමා ඇත. දෙමටගොඩ චමින්දව බාරත ලක්ෂ්මන් ගාතනය සම්බන්දයෙන් අත්අඩංගුවට ගෙන තිබේ.

එක්සත් ජාතීන්ගේ වදහින්සාවට එරෙහි සම්මුතිය පිළිබද සමුළුවේදී හිටපු නීතිපති මොහාන් පිරිස් මේ මාද්‍යකරුවාගේ ගාතනය සම්බන්දයෙන් කිවේ කුමක්ද? එනම් ප්‍රගීත් පිටරටක දේශපාලන රැකවරණය ලබා ගෙන ජිවත් වෙන බවයි.

ප්‍රගිත්ගේ ආදරණිය බිරිද හිටපු නීතිපතිගේ මෙම ප්‍රකාශය ගැන කිවේ කුමක්ද?

"පිරිස් කියන ආකාරයට මගේ මහත්තයා හැංගිලා ඉන්නවනම් කවදාවත් මට කතා නොකර ඉන්නේ නැහැ. ඔවුන් අපේ දරුවන්ට ඉතාමත් ආදරෙයි. කවදාවත් ඔහු අපව එවන් වේදනාවකට පත් කරන්නේ නැහැ. මොහාන් පිරිස් කියනවා ඔහු මගේ මහත්තයා ඉන්න තැන දන්නවා කියලා. ඔහු කියන්නේ ඇත්තකනම් ඔහු මගේ මහත්තයාව මට ගෙනත් දිය යුතුයි."

මෙම අදහස් දැක්වීම සන්ද්‍යා එක්නැලිගොඩ කලේ සි. පි. ජේ වෙබ් අඩවියටයි. (Committee to Protect Journalists .)

හර්ෂි සි. පෙරේරා

Read More

"දිනුවානම් කනක් ඇහිලා ඉන්න නැහැ."

හර්ෂි සි. පෙරේරා

මේ හම්බන්තොට පරාජය ගැන ඇතැමුන්ගේ කතාය. එත් ඒ බහුතරය නොවේ. බහුතරයට ඕවා ගැන කතා කරනවට වඩා එදිනෙදා වේල සොයා ගැනීමට සටනක් කල යුතුව ඇත.

ඕස්ට්‍රේලියාවේ ගෝල්ඩ් කෝස්ට් කණ්ඩායම නියෝජිතයින් 20 ක් වන විට අපේ අය 160 කි. ඒ අතර ඔටුනු නොපලන් නාමල් කුමාරයා මෙන්ම අනර්කලීද විය.

මහා බැංකු අදිපති කියන්නේ පරාජය හමුවේ හම්බන්තොට දියුණු කිරීම නතර නොකරන බවයි. හම්බන්තොට දියුණුවට ගැනෙන අංග ලෙස වරාය, ගුවන් තොටුපල ප්‍රදාන වේ. වරාය ගැන කුමන කතාද? මහා ගල, ගැබුර, මොසන් වැසි යන සියල්ල ජනතාව තුල ඇති කර ඇත්තේ ප්‍රේහෙලිකාය.

පරාජයට ශ්‍රී ලංකා ක්‍රිකට් සංගමය මුහුණ දෙන නය බර බලපෑවද?

කෙසේනමුත් මේ තීරණාත්මක අවස්ථාවට එනම් ජයග්‍රහණය වෙනුවෙන් බොක්සින් ක්‍රීඩක මංජු වන්නිආරච්චි තහනම් උත්තේජක නිසා රන් පදක්කම ආපසු ගැනීමේ තීරණයට විරුද්දව අබියාචන කරන්න එපායි ඔහුට ආණ්ඩුවෙන් අණ ලැබුනේ නම් එය දැඩිව හෙළා දැකිය යුතුව ඇත.

Read More

ස්තුතියි තාත්තේ හැම දේටම.

හර්ෂි සි. පෙරේරා

මා මෙසේ කියන්නේ තිලිනා වීරසිංහ සහෝදරියගේ හර්දයන්ගම නිසදැස එනම් "ස්තුතියි තාත්තේ, සංසාරය පුරාවට" රස විදීමෙන් පසුවයි. ගැණු ළමුන් ගොඩක් ෆිට් තාත්තල එක්කලු. මා සම්බන්දයෙන් නම් ඇත්ත. කිවිදියට ?

ගැණු ළමයි තාත්තලට යටත් වෙලා ඉන්න ඕනලු. තාමත් මෙවන් බමුණු මත අපේ සමාජයේ තියෙනවා.

ස්තුතියි තාත්තේ, සංසාරය පුරාවට

ලා කහ පැහැති වට්ටක්කා මල් පිපුණු

අලුයම තුෂර පිනි මත

නුඹ මට දායද කළ... සිඟිති ගෙමිදුලෙහි

ඇඟිලි තුඩු මතින් දිව යමි මම

ඔබ උරුම කර ගිය අපමණ දෑ අතරට

සියොතුන්ට ලෙහෙනුන්ට බත් හුළු දන්දෙමින්

අයාලේ යන සතුන්ගේ පිපාසය සංසිඳුවන

පැන් බඳුන් පුරවමින්..

සුදෝ සුදු වතු සුදු මල් දෝත දරා

මා පිටව යන පෙරමග... හොරැහින් බලමින්

දවසැරඹූ නුඹ නැති කඩුල්ල පාළුය

මුළු ගම්මානයම නිසලව වැලපේ තවම

ගම්මානයටම ආදරණීය පියකු වූ බව නුඹ

මගේ හද පතුලට දැනුනේ

නුඹේ මලගම දා ගම්මානයේ දෝරේ ගලා ගිය

ආදරයේ කඳුළැලි අතරිනි.

සැඳෑ අඳුරේ ඇදී යන සුදු වෑන් රියකින් තැති ගැනී

දොරගුලු ලා මා රැකගන්න අපරිමිත වෙර දැරූ

ආදරණීය තාත්තේ

නුඹට අවැසි තරමට

කීකරු නොවූ මේ හිතුවක්කාරිය වෙනුවෙන්

හද පතුලේ වූ ආදරණීය ආඩම්බරය

මහ මෙරක් වූ ලෙන්ගතු කම

අප දෙදෙනා හැර අන් කවුරු දන්නෙද?

නුඹ මා අතැර ගොස් නැත

නුඹ සිටී පැතිරී මගේ දිවිය පුරාවට

මා වෙත ස්නේහයේ නෙතු හයාගෙන

මිනිස්කමෙහි අරුත් පමණක්ම සොයා යාමට

මරණයට එරෙහිව ජීවිතය පුදන්නට

දියණියක බිහිකර ලොවට දන් දුන්නාට

බොහොම ස්තුතියි තාත්තේ

සංසාරය පුරාවට!

කොහොම වුනත් පිය සෙනෙහසේ අගය වඩාත් දැනෙන්නේ එක නැති වුණාම. මේක අන් දේවලටත් පොදු දර්මතාවක්.

තිලිනාගේ නිසදැස අපුරුයි. අව්‍යාජයි. හර්දයන්ගමයි.

Read More

ජනමාධය විදුහල : ඕපපාතික අධ්‍යක්ෂකවරිය කප්පම් ගනී?

| ලංකා ගාර්ඩියන් විශේෂ වාර්තාකරුවෙකු විසිනි

තමන්ගේ අඩුපාඩු වසාගන්න අසරණ ළමුන්ගෙන් මුදල් ලබාගැනීම නින්දිත ක්‍රියාවකි. මන්ද ජනමාධ්‍ය විදුහලේ අධ්‍යක්ෂකවරිය හා පුවත්පත් ආයතන ඉහල නිලධාරීන් මේ කරන්නේ තමුන්ගේ ළමුන් පාවා දී තව එකෙකුගේ අඩුපාඩු වසාගැනීමට අනුබල දීමකි.

අහසින් කඩා පාත් වූ අධ්‍යක්ෂකවරියක් විසින් පාලනය කරනු ලබන ජනමාධ්‍ය විදුහල කොළඹ ප්‍රකාශනයේ තවත් ඉදිරි පියවරක් තබමින් ජනමාධ්‍ය සිසුන්ගෙන් ඉතා අසාදාරන ලෙස මුදල් අයකරගැනීමේ ක්‍රියාවක නිරත වී සිටි. ශ්‍රී ලංකා පුවත්පත් ආයතනය තුළ අතුරුදහන් වූවා කියන ලැප්ටොප් පරිගණක යන්ත්‍රයක් වෙනුවෙන් එහි වටිනාකම රුපියල් 100000 බව පවසමින්, මෙම මුදල සියලු ළමුන් විසින් ගෙවන ලෙස අද දින ( නොවැම්බර් 07 ) අධ්‍යක්ෂවරිය විසින් හදිසියේ ළමුන් ගේනවා බලපෑම් කර ඇත.එසේ නොකරන්නේ නම් 2011 වසර සදහා නියමිත ඩිප්ලෝමා සහතියකය නොදෙන බවට තර්ජනය කර ඇත.

මේ පිළිබද ඇය පොලිසියට පැමිණිලි කර බව පවසමින් ළමුන්ට පවසා ඇත්තේ පොලිසියද එසේ ඩිප්ලෝමා සහතියකය නොදෙන ලෙස පැවසුවායයි මහත් උජාරුවෙන් කියයමින් ළමුන්ට තර්ජනය කර ඈත. මෙය කප්පම් ගැනීම හා සමාන ක්‍රියාවකි. පසුගිය සතියේ දී මෙමෙ විදුහලේ පාඨමාලා වසන් වූ අතර, එම අවසන් වූ දිනයේදීම මෙසේ පරිගණක යන්ත්‍රය අතුරුදහන් වී ඇති බව සැලයි. දැනගන්නට ලැබෙන අන්දමට මෙම පරිගණක යන්ත්‍රය වසර ගණනක් පැරණි එකකි.එය විදෙස් ආධාර මත ගන්නා ලද්දකි.එය රුපියක් ලක්ෂයක් වන්නේ කෙසේදැයි සැවොම විස්මය පළකරති.

පුවත් පත් ආයතනය විසින් පාලනය කරනු ලබන ශ්‍රී ලංකා ජනමාධ්‍ය විදුහලට අතුලත් සියලු කැමරා,පරිගණක,රුපවාහිනී මැදිරි උපකරණ ඉතා ඉහල මිලකට වසරක් පාසා රක්ෂණය කර ඇත. එපමණක් නොව මෙහි සේවය කරන සේවකයන්ද මෙසේ ඉහල මිලකට රක්ෂණය කර ඇත.මෙහි පැය 24 පුරා ආරක්ෂක කැමරා ජාලයක් ඇති අතර ආරක්ෂක නිලධාරීන් කීප දෙනකුද සේවය කරති. එවැනි වාතාවරණයක් මත මෙසේ පරිඝනකයක් අතුරුදහන් වුණා කියා පැවසීම විහිළුවකි. විදුහලේ ඉගෙන ගන්න ළමුන්ට තමන්ගේ බැග් පවා පංති වලට ගෙනයාම සපුරා තහනම්ය. එවැනි පරිසරයක් තුළ ලැප්ටොප් යන්ත්‍ර අතුරුදහන් වීම පුදුම සහගතය. ආයතනයේ යන්ත්‍ර සුත්‍ර ආරක්ෂා කිරීම එම ආයතන නිලධාරීන්ගේ රාජකාරියේ කොටසකි.

තමන්ගේ අඩුපාඩු වසාගන්න අසරණ ළමුන්ගෙන් මුදල් ලබාගැනීම නින්දිත ක්‍රියාවකි. මන්ද ජනමාධ්‍ය විදුහලේ අධ්‍යක්ෂකවරිය හා පුවත්පත් ආයතන ඉහල නිලධාරීන් මේ කරන්නේ තමුන්ගේ ළමුන් පාවා දී තව එකෙකුගේ අඩුපාඩු වසාගැනීමට අනුබල දීමකි. පුවත්පත් ආයතනයේ ඉදිරි දැක්මක් තියෙන ඉහල නිලධාරියෙකු නැති ද කියා අපි අසමු.ජනමාධ්‍ය පාඨමාලාවේ අදාල වාර්ෂික මුදල ගෙවගන්නට බැරි ළමුන්ද මෙහි අධ්‍යාපනය හදාරති. එවැනි තත්වයක් යටතේ සදාචාරාත්මක මාධ්‍ය නිදහසක් කතා කරන පුවත් පත් ආයතනය මේ කරන්න යන්නේ කුමක්ද ??

Read More

ස්‌ත්‍රියකට මෙතරම් කරන්නේ ඇයිද අවමන්

| ආචාර්ය සුජිත් නිශාන්ත හේවගේ

සමාජය තුළ ස්‌ත්‍රියට සමාජ ඇගයුම පිළිබඳ සමාජ විද්‍යාත්මක දෘෂ්ටි කෝණයෙන් විමසීමේදී අදාළ සමාජ නිර්ණායක සෘනාත්මක ස්‌වරූපයක්‌ ගන්නා බව පැහැදිලිව දක්‌නට ලැබේ. මේ අනුව යමක පවතින අයහපත් බව ප්‍රකාශ කිරීමේ ස්‌වරූපයක්‌ ලෙස ස්‌ත්‍රීත්වය භාවිත කරනු ලබන ආකාරය එහිදී පැහැදිලිව කැපී පෙනේ. ශක්‌තිමත් බව පුරුෂත්වය තුළ නිරූපණය කිරීමට කිසි විටෙක නොපැකිළෙන සමාජය නිරතුරුව ස්‌ත්‍රිය දෙස හෙලනුයේ අවඥා සහගත දැක්‌මකි. ස්‌ත්‍රිය දුර්වලත්වය, නොහැකි බව, අසමත් බව ආදී ලක්‍ෂණවලින් යුතුව භාවිත කරනු දැකිය හැකිය. පවුලක වැඩි කාර්යභාරයක්‌ කරනුයේ මවයි.නැතහොත් ස්‌ත්‍රියයි. සිය ස්‌වාමියා, දූ දරුවන්, දෙමවුපියන්, ඥාතී හිතමිතුරන් ආදී සියලු දෙනා විෂයෙහි යුතුකම් වගකීම් නිසි පරිදි ඉටු කිරීමේ වගකීම පැවරෙනුයේ බිරිඳ හෙවත් ස්‌ත්‍රියටය. එබඳු අවස්‌ථාවකදී හැම විටකදීම සාර්ථකත්වය පමණක්‌ ස්‌ත්‍රිය වෙතින් අපේක්‍ෂා කරන පුරුෂ මූලික සමාජය ස්‌ත්‍රී භූමිකා පිළිබඳ නිසි අගය කිරීමක්‌ සිදු නොකරන බව පැහැදිලිව පෙනෙන්නට තිබේ. ඇතැම් විට පවුලක සැමියාට ද වඩා ආදායම උපයීම පිණිස වෙහෙස වී කටයුතු කරනුයේ බිරිඳ විය හැකිය. එබඳු අවස්‌ථාවලදී ඇගේ වෘත්තීය පසුබිම පිරිමියාට ද වඩා දැඩි වගකීම් සහිත ස්‌වරූපයක්‌ ගනී. නමුදු ඒ සියලු කටයුතු ඉටුකර ගනිමින්ම දූ දරුවන්ගේ කටයුතු ද කිසිදු අඩුපාඩුවක්‌ නොමැතිව නොපිරිහෙළා ඉටුකිරීමේ වගකීම ඇය කරට ගන්නේ අල්ප මාත්‍ර හෝ මැසිවිල්ලක්‌ නොමැතිවය. ගැල්බර අදින රිය සක විලස නොපිරිහෙලා පවුලේ වගකීම් කාර්යභාරය ඉටු කරන ස්‌ත්‍රියකට ඒ පිළිබඳ අගය කිරීමක්‌ වත් පිරිමියාගෙන් නොලැබේ. ඒ වෙනුවට ඇයට හිමි වනුයේ අතපසු වන කාර්යයන් වෙනුවෙන් ලැබෙන නින්දා අපහාස පමණි. ස්‌ත්‍රියකට වඩා අඩු වගකීමක්‌ දැරුවද සමාජ ආකල්පය වී ඇත්තේ වඩා ශක්‌තිමත් පිරිමියා යන සාවද්‍ය මතයයි. එය පුරුෂ කේන්ද්‍රික සමාජය විසින් සමාජගත කිරීමට වෑයම් කරන්නක්‌ මිස සැබෑවක්‌ නොවන බව වටහා ගත යුතුය.

අප හැම විටම ප්‍රවේශම් විය යුතු වන්නේ යුක්‌ති සහගත සමාජ ප්‍රතිමාන පුරක්‍ෂිත කිරීමට හා අයුක්‌ති සහගත සමාජ සම්මත හා ප්‍රඥප්තිවලට අනුකූල නොවී සිටීමටය. මේවා සමාජ සම්මත වුවත් සදාචාරයට පටහැනි දේ අයුක්‌ති සහගත සමාජ ආකල්ප ලෙස දැක්‌විය හැකිය. ලොව සියලු දෙනාගේම මානුෂික අයිතිවාසිකම් ගරු කරනවා සේම එකී මානුෂික අයිතිවාසිකම් අහිමි වන පරිදි එක්‌ පුද්ගල කොටසකගේ වුව කායික හා මානසික හිංසනයට පත් කිරීම නොකළ මනා දෙයකි. එබැවින් ස්‌ත්‍රිය සමාජයේ දෙවන පෙළ පුරවැසියන් කිරීම කෙතරම් සදාචාරාත්මක කරුණක්‌ දැයි වටහා ගැනීම මෙය කියවන ඔබට බාරය.

ගෑනු ගති, ගෑනියෙක්‌ වගේ ආදී ව්‍යවහාර සමාජයේ ව්‍යාප්තව පවතිනුයේ යමකු තුළ විද්‍යමාන චර්යාවක්‌ හෙළා දැකීමට අවශ්‍ය වූ අවස්‌ථාවලදී ය. එහිදී එබඳු ව්‍යවහාර භාවිත වනුයේ සමාජ සම්මත අපේක්‍ෂිත උසස්‌ මට්‌ටමට නොසැසඳෙන කිසිදු සදාචාර වගකීමක්‌ නොමැති චර්යා හැඳින්වීම සඳහා බව පැහැදිලිව දැකගත හැකිය. සැබැවින් ම ගැහැනුකම මේ තරම් පහත හෙළා කතා කළ හැකිද යන කරුණ මෙහිදී ඉස්‌මතු වේ. මන්ද හැම විටකදීම ස්‌ත්‍රිය පුරුෂයා තරමට වැදගත් පුද්ගලයකු නොවන්නේ ද යන ද්විතීය කරුණ ද ඒ සමඟම උද්ගත වන බවයි. මෙහිදී වර්ගභේදවාදී ගෝත්‍රිකවාදී ආචීර්ණ කල්පිත අන්ධ බමුණු මතවාදවලට මූලිකත්වය හිමිව තිබීම කිසිසේත් සාධාරණ යෑයි අනුමත කළ නොහැකිය. ලිංගික නිර්ණය කෙසේ වුවද, මූලිකත්වය හිමිවිය යුත්තේ මනුෂ්‍යත්වයටය. ඒ අනුව ස්‌ත්‍රී පුරුෂ භාවය කුමක්‌ වුවද සමාජයේදී ඇයට හිමිවිය යුතු ගෞරවනීය සමාජ තත්ත්වය තුට්‌ටු දෙකට දමා සැලකීම නොසුදුසු බව තවමත් මෙරට වෙසෙන පිරිමි සමාජයට නොහැකි වී තිබීම අවාසනාවකි. දරුවකු කුඩා කාලයේදී පටන් පවුල් තුළින් ලබන ආකල්ප වැඩිහිටියකු වූ පසුව ද ප්‍රබලව බලපවත්වන බව නොරහසකි. දරුවන් කුඩා කාලයේදී පටන් පවුල සංස්‌ථාව තුළදී බහුලව අසන්න දකින්න ලැබෙනුයේ පිරිමියාට වඩා ස්‌ත්‍රිය පහළ බව අඟවන දේවල් ය. එබැවින් එබඳු අය වැඩිහිටියන් වූ පසුවද එබඳු ආකල්ප ඔවුන් තුළ දක්‌නට ලැබේ. ඇතැම් විට පවුලේ ගැහැනු දරුවන්ට වඩා සිය මවගේ ආදරය පිරිමි දරුවන් වෙත යොමු වී තිබෙනු දකින දරුවන් වැඩිහිටියන් වූ පසුවද සිතනුයේ එය සමාජය තුළදී තිබිය යුතු සත්‍ය තත්ත්වය බවයි. මෙසේ වැරදි ආකල්ප පුහුණුව නිසා නිතරම පිsරිමියා ඉහළ යන ගර්වයෙන් පසුවීමට හා ස්‌ත්‍රිය පහත්ය යන හීනමානයෙන් පසුවීමට දරුවන් යොමු වේ. දරුවන්ගේ මෙබඳු වැරදි ආකල්ප නිවැරැදි කළ යුතු ය.

පුද්ගලයෙක්‌ තවත් අයකුගෙන් උසස්‌a හෝ පහත් වනුයේ නිලය, ජාතිය, කුලය, පෙළපත, ස්‌ත්‍රී පුරුෂ භාවය, සමාජ පසුබිම හෝ වත්පොහොසත්කම අනුව නොවේ. තමාගේ සාරධර්ම හා සදාචාර ලක්‍ෂණ අනුවය. ස්‌ත්‍රියක වූ පමණින් දෙවන පෙළ මනුෂ්‍යයකු නොවේ. නමුදු මෙලොව සෑම හොඳ දෙයක්‌ම පුරුෂයාටය. මේ නිසා පළමු පෙළේ පුරුෂයා වැජඹේ. ස්‌ත්‍රියට නිතරම හිමි වනුයේ මානව සමාජයේ දෙවන පෙළ සාමාජික බවයි. නමුදු මේ තත්ත්වය, දක්‍ෂතාව, කුසලතාව, අනුව රැස්‌කර ගත් පුණ්‍ය ශක්‌තිය අනුවය. මේ නිසා මෙලොව ස්‌ත්‍රියක ලෙස උපත ලබන ස්‌ත්‍රිය පිරිමියකුට දෙවැනි නොවේ. ඇගේ මිනිස්‌ ආත්මභාවය ලබනුයේ ද පුන්‍ය ශක්‌තිය අනුවය. ලිංග නිර්ණය ජීව විද්‍යාව අනුව සකස්‌වන කරුණක්‌ මිස යමකුගේ පුණ්‍ය හෝ පාප ශක්‌තිය මත තීරණය වන දෙයක්‌ නොවන බව වටහා ගත යුතුය. මේ අනුව ස්‌ත්‍රියක හෝ පුරුෂයකු යන බාහිර ජීව විද්‍යාත්මක සාධක නොසලකා, ක්‍රියා පූර්වගම වූ ෙච්තනාවට බුදු දහමේ මූලික ස්‌ථානය පිරිනැමේ. ඒ අනුව ඕනෑම අවස්‌ථාවක සිය සදාචාර මට්‌ටම උසස්‌ හෝ පහළ දක්‌වා යොමුකර ගැනීමේ පූර්ණ බලය ලිංගික හැඩතල නොසලකා එම පුද්ගලයාටම බුදු දහම විසින් හිමිකර දී තිබේ. මේ පුද්ගල ස්‌වඡන්දතාව නමැති අතිශය මානුෂික පසුබිම මානව සමාජය වෙත උරුම කොට ලබා දීමකි. වෙනත් කිසිදු සමකාලීන ආගමික සංස්‌ථාවක්‌ විසින් ස්‌වච්ඡන්දතාවට මෙතරම් ගරුකර නොතිබිණි. ස්‌වච්ඡන්දතාව නිසා ගරු කරන ලද පුද්ගල ස්‌වාධීන චින්තනය වෙනත් සමයන්හි පරාධීන කොට තිබුණේ සියල්ල මිනිස්‌ කැමැත්තට පරිබාහිරව කිසියම් සැලැස්‌මකට හෝ ආකෘතියකට පැවරීම මගිනි. එය විමුක්‌තියට හෝ නිදහස ලැබීමට ක්‍රමය සේ සැලකිය නොහැක. බුදු දහම ශ්‍රේෂ්ඨ වනුයේ විමුක්‌තියට මඟ කිsසිදු දෙවියකුට හෝ බ්‍රහ්මයකුට නොපවරා හුදෙක්‌ සිය ආත්ම දමනය මගින් ම පමණක්‌ ම විමුක්‌තිය ලැබිය හැකි බව මිනිසුන්ට පෙන්වා දෙනු ලබන බැවිනි. ඒ තුළ වෙනත් කිසිදු අයෙකුගේ පිහිටට ගැති නොවී ස්‌වච්ඡන්දතාව කෙරෙහි විශ්වාසය තබා කටයුතු කිරීමට මිනිසුන්ට හැකි වන්නේය.

අප හැම විටම ප්‍රවේශම් විය යුතු වන්නේ යුක්‌ති සහගත සමාජ ප්‍රතිමාන පුරක්‍ෂිත කිරීමට හා අයුක්‌ති සහගත සමාජ සම්මත හා ප්‍රඥප්තිවලට අනුකූල නොවී සිටීමටය. මේවා සමාජ සම්මත වුවත් සදාචාරයට පටහැනි දේ අයුක්‌ති සහගත සමාජ ආකල්ප ලෙස දැක්‌විය හැකිය. ලොව සියලු දෙනාගේම මානුෂික අයිතිවාසිකම් ගරු කරනවා සේම එකී මානුෂික අයිතිවාසිකම් අහිමි වන පරිදි එක්‌ පුද්ගල කොටසකගේ වුව කායික හා මානසික හිංසනයට පත් කිරීම නොකළ මනා දෙයකි. එබැවින් ස්‌ත්‍රිය සමාජයේ දෙවන පෙළ පුරවැසියන් කිරීම කෙතරම් සදාචාරාත්මක කරුණක්‌ දැයි වටහා ගැනීම මෙය කියවන ඔබට බාරය. ලිංගික හැඩතල සාධකයක්‌ ලෙස පමණක්‌a ගෙන ඒ අනුව කිසියම් ජන වර්ගයක්‌ හෝ කොට්‌ඨාසයක්‌ කොන්කර තැබීම අයුක්‌ති සහගත සමාජ ප්‍රතිමානයක්‌ සේ පෙන්වා දිය හැකිය. කිසියම් ජන සමාජයක්‌ සතු සංස්‌කෘතික මට්‌ටම උසස්‌ හෝ පහත් බව මැනබලා ගන්නා මිණුම් දඬුවක්‌ ලෙස ද සහනශීලී බව සැලකිය හැක. බුදුරදුන් වඡ්ජීන්හට දේශනා කළ සප්ත අපරිහානි ධර්ම අතර සඳහන් ස්‌ත්‍රියකගේ සමාජ වටිනාකම පිළිගැනීමේ ඇති වැදගත්කම පිළිබඳ සමාජ විද්‍යාත්මක සිද්ධාන්තය මෙකලට ද එක ලෙසම වලංගු අකාලික දහමකි.

ස්‌ත්‍රියගේ දැන උගත්කම, ගතිගුණ සමාජ මට්‌ටම ආදි අගයන්වලට වඩා සිරුරේ පැහැය, ලාබාල බව හැඩය කෙරෙහි වඩා දැඩි ආකර්ශනයක්‌ ඇති බව සති අන්ත පුවත්පත්වල පළවන මංගල යෝජනා මැනවින් පිරික්‌සූ කළ පැහැදිලි වන සත්‍යයකි. මෙහි අහිතකර පැතිකඩ රාශියක්‌ තිබේ. ස්‌ත්‍රියක්‌ කොපමණ දැන උගත්කම්වලින් ඉහළට පැමිණිය ද තවමත් සමාජය ඇගෙන් බලාපොරොත්තු වනුයේ සාම්ප්‍රදායික වටිනාකම් අතළොස්‌ස පමණක්‌ වීම මෙහි විද්‍යමාන කරුණකි. එම වටිනාකම් පවා හුදෙක්‌ බාහිර ශාරීරික හැඩතල වලට පමණක්‌ සීමාවීම අවාසනාවන්ත තත්ත්වයකි. කෙතරම් දැන උගත්කම්වලින් ඉහළට ගිය ද පිරිමි තවමත් ස්‌ත්‍රියකගෙන් අපේක්‍ෂා කරනුයේ දිගු වරලසක්‌ හිමිව තිබීම, පැහැපත් බව, ළාබාල බව, ඉවුම් පිහුම්, මැහුම් ගෙතුම් ආදී ගේ දොර වැඩ කටයුතු දැන ගැනීම වැනි පුරුෂ කේන්ද්‍රික සමාජ ක්‍රමය විසින් අත්‍යවශ්‍ය යෑයි සලකන ලද සාධක කිහිපයක්‌ පමණි. මේ අනුව ස්‌ත්‍රියකගේ බුද්ධිය, උගත්කම, දක්‍ෂතාව වැනි පුද්ගල පෞරුෂ හා සමාජ සාධක නොසලකා හැර තිබේ. කොපමණ වෑයම් කළ ද තවමත් මෙලොව ක්‍රියාත්මක වනුයේ පුරුෂ කේJද්‍රි ස්‌වරූපයකින් බව වටහා ගැනීමට මෙය ඉතා හොඳ සාධකයකි. එසේම ස්‌ත්‍රියකට මෙලොව යම්කිසි වෘත්තීය අවස්‌ථාවකදී වෘත්තීය හා අධ්‍යාපන සුදුසුකම්වලට වඩා කායික ආකර්ෂණය පිළිබඳ පුරුෂ මූලික සමාජය වඩාත් දැඩිව සැලකිලිමත් වන බව ද නොරහසකි. එය පසු කාලයකදී එබඳු සේවා ස්‌ථානයකදී පුරුෂාධිපත්‍යය හමුවේ ස්‌ත්‍රිය දඩමීමා කර ගැනීමට පවා අනියම් ලෙස බලපානු ලබන බව සැලකිය හැකිය. සේවා උසස්‌වීම්, වැඩි වැටුප්, නිවාඩු, හොඳ සේවා ස්‌ථාන, රාජකාරි සහන ආදී දේ පිණිස පුරුෂ කේන්ද්‍රික සමාජ ක්‍රමය ස්‌ත්‍රියකගෙන් බලාපොරොත්තු වනුයේ හුදෙක්‌ දිවි හිමියෙන් රැක ගත් පිරිසිදු බව ද ආත්ම ගෞරවය ද විය හැකිය.

ස්‌ත්‍රියක පුරුෂයකු වේවා මෙලොව ජීවත්වන සෑම දෙනකුටම ඇත්තේ සමාන මනුෂ්‍ය ජීවිතයකි. මිනිස්‌ ජීවිතය විවිධාකාරය. ඒ නිසා වරෙක ලාභ ද විටෙක පාඩු ද විවිධ නින්දා අපහාස ද විඳ දරා ගැනීමට බොහෝ විට සිදු වීම ස්‌වභාවයයි. මේ ස්‌වභාවය අටලෝ දහමයි. ස්‌ත්‍රී පුරුෂ භේදයකින් තොරව ජීවිතයේ විවිධ අවස්‌ථාවලදී සිදුවන උස්‌ පහත්වීම් සෑම දෙනාටම විඳීමට සිදු වේ. එය ලෝක ස්‌වභාවයයි. එසේ සිදුවීම්වලදී උපේක්‍ෂකව, මධ්‍යස්‌ථ සිතින් ඒ හැම දුක්‌ගිනි ඉසිලීමට තරම් සවිමත් සිතක්‌ කෙනකු තුළ නිරායාසයෙන් ඇති නොවේ. එබඳු අවස්‌ථාවලදී ගත හැඩි දැඩි ශක්‌තිමත් යෑයි පවසන පිරිමින්ට වඩා ගත සවිබල දුබල යෑයි සලකන ස්‌ත්‍රීන් ශක්‌තිමත් ව එවැනි දුක්‌ කරදර විඳ දරා ගැනීමට දක්‌වන සමත්කම විස්‌මය දනවන සුළුය. ගැහැනියකගේ සිත පිරිමි සිතකට වඩා ධෛර්යමත් ය. මිනිස්‌ සිතකට එබඳු තත්ත්වයකට මනාව ඔරොත්තු දිය හැකි වනුයේ දුකට හුරු පුරුදුකර හැඩ ගස්‌වා ගැනීම තුළිනි. ස්‌ත්‍රීන් උපන්දා සිට විඳින අනේක විධ දුක්‌ ගැහැට නිසා ස්‌ත්‍රීන්ට එබඳු හැකියාවක්‌ නිරායාසයෙන් ම ලැබී තිබේ. දරුවකු මේ ලෝකයට බිහි කිරීමේදී සෑම ස්‌ත්‍රියක්‌ ම දරන වේදනාව සුළුපටු නැත. එබඳු ප්‍රසව වේදනාවක්‌ කවදාවත් නොඉසිලූ පිරිමියකුට දරු දුක කුමක්‌ දැයි මවක්‌ පමණ පහසුවෙන් වටහා ගත නොහැක්‌කේ ද එබැවිනි. කායික වේදනාව මෙන්ම මානසික වේදනාව දැරීම අතින් ස්‌ත්‍රීන් පවා පුරුෂයන්ට වඩා ඉදිරියෙන් පසුවේ.

ස්‌ත්‍රියක ජීව විද්‍යාත්මක නිර්මාණයවී ඇත්තේ තවත් ජීවීන් බිහි කිරීමට හා පෝෂණය කිරීමට අවශ්‍ය කරන ආදරය සෙනෙහස දයාව බඳු සදාචාර ගුණ ශාරීරික හා මානසික පසුබිම තුළ ඇතිවන පරිද්දෙනි. ස්‌ත්‍රිය හැම විටකදීම අනුන් කෙරෙහි අතිශය සංවේදී වනුයේ එබැවිනි. ආදරය, සෙනෙහස වැනි මානුෂික හැඟීම් ඉදිරියේදී ස්‌ත්‍රියක බොහෝ විට අවංකය. සත්‍ය ගරුකය. සෘජුය. මාතෘත්වය ගෙදර බුදුන් අම්මා වැනි උතුම් බවකට නංවා ඇත්තේ එබඳු බොහෝ මානව වටිනාකම් සමස්‌ත ස්‌ත්‍රීත්වය තුළ ගැබ්ව ඇති බැවිනි. ප්‍රජාපති ගෝතමී මහ රහත් භික්‍ෂුණින් වහන්සේට පසු ගමන් ගොස්‌ සම්මා සම්බුදු හිමියන් පෙන්වා වදාළේ ද මාතෘත්වයේ ගැබ්වන මෙකී උදාරතර ගුණයි.

Read More

හොදම දේ ළමුන්ට; අමිලගේ සහ ගිහාන්ගේ පිටවල් පුපුරා යයි.

හර්ෂි සි. පෙරේරා

අමිල සහ ගිහාන් මාතලේ මා/ වීර කප්පෙට්ටියපොළ මද්‍ය මහා විදුහලේ 11 වසර බි පන්තියේ ඉගෙනුම ලබන වයස අවුරුදු 15 ක් වූ සිසුන් දෙදෙනෙකි.

2011.10.24 දින දහවල් මේ සිසුන් දෙදෙනාම පාසලේ සමුපකාරයට ගොස් ගෙවල් වලට දුරකථන ඇමතුම් ගෙන කියා සිටියේ තමන්ට ලොරි සර් පහරදීම නිසා අමාරු බවයි.

එවිට පාසලට පැමිණි ඔවුන්ගේ දෙමාපියන් දරුවන්ව මාතලේ රෝහලට ඇතුලත් කර ඇත.

මේ සිසුන් දෙදෙනාට කලින් හමුදාවේ සේවය කල අයකු බව කියන ලොරි සර් විසින් පහරදීමට හේතු වී ඇත්තේ කෑම කන ශාලාවේ වීදුරුවක් ගලක් වැදී කැඩී යාමයි.

මේ සිසුන් දෙදෙනා මාතලේ රෝහලේ 2011.10.26 දින දක්වා නේවාසිකව ප්‍රතිකාර ලබා ගෙන ඇත. ඔවුන්ගෙන් රෝහල් පොලිසිය කටඋත්තර ලබා ගෙන ඇති අතර අදිකරණ වයිද්‍ය නිලදාරිවරයාද ඔවුන්ව පරික්ෂා කර තිබේ.

අම්මගේ අප්පාගේ බුදලේදැයි අසමින් ලොරි සර් මෙසේ වේවැලෙන් මේ සිසුන් දෙදෙනාගේ පිටවල් වලට පහරදී ඇත. ඒ පාරවල් ඔවුන්ගේ අත් වලටත් වැදී ඇත. අමිලව විදුහල්පතිගේ කාර්යාලය ඇතුලට මුහුණ සිටින සේ එහි ඉදිරිපස දන ගස්වා තබන ලදී. ගිහාන්ගේ පිටට වේවැල කැඩෙන තුරුම පහර දී ඇත. ඔහු බිම වාඩි වී ලොරි සර් අබියස වැද වැටෙමින් තමන්ට පහර නොදෙන්නයි කන්නලවු කර තිබේ.

"මේ අන්තිම දවස, සල්ලි තියෙනවනම් ඕන දෙයක් කරලා පෙන්නපන් උසාවි පොලිසි ඕන තැනක පලයල්ලා" ඒ ලොරි සිය අමානුෂික පහරදීමෙන් අනතුරුව බැණ වදිමින් ළමුන්ව පන්ති වලට එළවා ගත් අයුරුයි.

Read More

“අරුණලු සෙරෙන් අරුණෝදයට” – ඒ අරුණෝදය කොහේද?

| ශාන්

බුමුතුරුණු

"බයස්ල ඇවිල්ල කෙළින්ම ගියේ කෑන්ටීන් එකට.එතකොට ළමයි උදේ කෑම කනව, බයර්ස්ල කුස්සියටත් ගියා, කන කෑම මොනවද කියල බැලුව, පස්සෙ එයාල මැනේජ්මන්ට් එකට කිව්වා උදේ කෑම එක දිය යුතු ක්‍රමය. එයාල ගොඩක් දුරට ළමයින්ගෙ පහසුකම් බලනව, කෑමබීම, ඇදුම් පැලදුම් විතරක් නෙවෙයි ගෙදර දොරේ තත්ත්වය පවා අහල දැන ගන්නවා. යුරෝපියන් බයස්ල ගොඩක් ෆැක්ට්‍රීස් වලින් ගාමන්ට්ස් ගන්න කලින් ෆැක්ට්‍රීස් වලට ඇවිල්ල හැමදේම හොයල බලනව. මා හිතන්නේ එයාල ඒ හැම දේකින්ම බලාපොරොත්තු වෙන්නෙ කොලිටී ගාමන්ට්ස් මිල දී ගන්න”

අරගලය තවදුරටත් මාක්ස් ලෙනින්වාදී ඉගැන්වීම් තුළ පදනම්වීම අවශ්‍ය වුවත් ගොඩනගන්නට යන්නා වූ සමාජ ක්‍රමයට රුසියන් විප්ලවය හෝ අතීතයේ සිදුවූ වෙනත් කිසිම විප්ලවයක් ආදර්ශය ලෙස ගැනීම අවිද්‍යාත්මකය. නූතන අරගලය පදනම් විය යුත්තේ වර්තමාන සමාජ දේශපාලන බලවේගයන්ට ගැලපෙන අන්දමිනි.

1999 දී තරම් ඈතක දී මා හා කතා බහක යෙදුන ඇගලුම් කර්මාන්ත ශාලාවක කළමනාකරුවකු වන මගේ මිතුරකු තම කර්මාන්ත ශාලාවේ වෙළද පළ තත්ත්වය ගැන මට කී ඒ කතාව ඒ පිළිබදව විමසා බැලීමට තරම් ආකර්ශනීය වූවක් විය. දස වද දෙමින් තුට්ටුවට දෙකට ශ්‍රමය සූරාකන ලංකාවේ බහුතරයක් ඇගලුම් කර්මාන්ත ශාලාවන්හි වෙළෙද පළ සංස්කෘතියට වෙනස්ව යන එක්තරා ප්‍රවනතාවක් ඒ වනවිට බොහෝ ඇගලුම් කර්මාන්ත ශාලා ආශ්‍රිතව සිදුවෙමින් පැවතුණි. මා අනතුරුව සොයා ගත් කරුණු අනුව මේ සංස්කෘතික වෙනස වෙළද පළ තුළ ඇතිවෙමින් පවතින්නේ දියුණු හා උසස් මට්ටමක වෙළද පළ තත්ත්වයන් ගැන සංවේදී ව්‍යවසාකයන්ට අයත් ඇගලුම් කම්හල් ආශ්‍රිතව මෙන්ම නිපදවන ඇගලුම් යුරෝපය වැනි ගුණාත්මක ඇගලුම් මිල දී ගන්නා වෙළද පළකට අළෙවි කරන කම්හල් ආශ්‍රිතව වීම විශේෂයකි. ලාභය ලැබීමට නම් අඩු වැටුප් ශ්‍රමය අත්‍යවශ්‍යයි යන මානසිකත්වයෙන් කටයුතු කරන නොදියුණු වෙළද පළ තත්ත්වයක කටයුතු කරන කම්හල් ආශ්‍රිතව තවදුරටත් පැවතියේ පරණ පුරුදු වහල් වෙළදාම මිස අනෙකක් නොවේ.

2003 වර්ෂයේ දී යුරෝපයට ඇගලුම් අපනයනය සම්බන්ධයෙන් අත්සන් කෙරුණ ගිවිසුමක දී මෙන්ම කම්කරු ශ්‍රමය පිළිබදව සංශෝධනය කළ නීතී අණ පනත්හි අන්තර්ගතය සියුම්ව විමසා බැලුවහොත් ධනේශ්වර වෙළද පළ හා අතිරික්ත වටීනාකම් පිළිබද තත්ත්වයන් එසේම ආරක්ෂා කරමින් කම්කරු ශ්‍රමය පිළිබදව වඩා වැඩි වටීනාකමක් ලබා දී තිබෙන බව අවබෝධ කර ගත හැකිය. එහිදී කම්කරු ශ්‍රමය පිළිබදව වෙනදා නැති උනන්දුවක් මෙන්ම නිෂ්පාදන ක්‍රියාවලියේ දී ඊට වැඩි ඉඩකඩක් ද තබා තිබුණේ ශ්‍රමය පිළිබද මාක්ස්වාදී අර්ථකතනයන්ට අනුව යැයි වරදවා තේරුම් ගත යුතු නැත. එහෙත් වෙනදා නැති උනන්දුවක් කම්කරු ශ්‍රමය සම්බන්ධයෙන් ධනේශ්වරය දැක්වූයේ ධනේශ්වරයේ ගෝලීය අවශ්‍යතා පුළුල් කිරීමට බව අවිවාදිතය. නමුත් කවර අරමුණකින් හෝ දැක්වූ ඒ උනන්දුව ශ්‍රමය පිළිබදව වන දේශපාලන කතිකාවේ දී අත්හල නොහැකි සාධයකි. නමුත් බොහෝ වාමාංශිකයෝත් වෘත්තීය සමිති ක්‍රියාධරයනුත් ධනේශ්වර වෙළද පළ තුළ සිදුවූ මේ ක්‍රම වෙනස දැකීමට තරම් සියුම් හෝ විමර්ශනශීලී හෝ නොවීම කනගාටුවට කරුණකි. ඒ නිසාම ධනේශ්වරයට එරෙහිව සංයුක්ත විකල්ප අරගලයක නිරතවීමට නිර්මාණාත්මක හැකියාවක් ඇති නොවුණි.

ධනේශ්වර වෙළද පළ තුළ මේ ක්‍රම වෙනස ඇති වූයේ 1978 ජයවර්ධන රෙජීමය දියත් කළ ප්‍රතිසංස්කරණයන්හි ප්‍රතිඵලයක් වශයෙනි. මේ ප්‍රතිසංස්කරණයන් සමග ලාංකික වෙළද පළ ගෝලීය ධනේශ්වරය සදහා සූදානම් වූ අතර ඒ සමග එතෙක් පැවති රාජ්‍ය කේන්ද්‍ර කර ගත් ධනේශ්වර නිෂ්පාදන ක්‍රමයත් දේශපාලන ක්‍රමයත් වෙනස් වුණි. නව වෙනස තුළ “සූරාකෑම”, “ධනපති පන්තිය” හා “පීඩිත පන්තිය” යන මාක්ස්වාදී වාං මාලාවේ කෝෂාර්ථයන්ට අලුත් අර්ථකථන ලැබුණි. මේ නිසා ධනේශ්වරයට එරෙහිව අරගල කිරීමත් බොහොදුරට අවලංගු හා නිෂ්ඵල උත්සාහයන් බවට පත් වුණි. ලාංකික පොළව මත සිදුවූ ජනතා අරගලයන් අසාර්ථකවීමට මූලික කාරණාවන්ගෙන් එකක් ලෙස පැහැදිලි කළ හැක්කේ ක්‍රම වෙනසකට ලක්වූ ධනේශ්වරය හදුනා ගැනීමට තරම් “දැනුම” ලාංකික සමාජවාදීන් සතුව නොපැවතීම බව පැහැදිලි කරුණකි.

මේ නිසා ලාංකික සමාජවාදීන් තවදුරටත් ධනේශ්වරය අර්ථ දැක්වූයේ රාජ්‍ය කේන්ද්‍ර ගත ප්‍රපංචයක් ලෙසිනි. අරගල කළ යුත්තේ ධනේශ්වර රාජ්‍ය ප්‍රතිසංස්කරණයන් සදහා මිස සමාජවාදී සමාජ වෙනසකට නොවන බව ඔවුහු ප්‍රායෝගිකව ඔප්පු කළහ. මේ නිසා පීඩිතයන් වෙනුවෙන් මහපාරට බැස සටන් කරන විට එල්ල වන ධනේශ්වර මර්දනයේ දී කිසිම පීඩිත සමාජ බලවේගයකට ඊට සංයුක්තව මුහුණ දීමට හැකියාවක් නොවුණි. පීඩිතයන් ද පෙනී සිටීයේ ධනේශ්වරයේ පැවත්ම වෙනුවෙනි. ඒ අනුව “පීඩිත” හෝ “ධනේශ්වර” පන්තීන් අලුතින් හැඩ ගැසී “සූරාකෑම” ද අලුත් අර්ථකථනයන් තුළ සිදුවෙමින් තිබුණි.

අරගලය තවදුරටත් මාක්ස් ලෙනින්වාදී ඉගැන්වීම් තුළ පදනම්වීම අවශ්‍ය වුවත් ගොඩනගන්නට යන්නා වූ සමාජ ක්‍රමයට රුසියන් විප්ලවය හෝ අතීතයේ සිදුවූ වෙනත් කිසිම විප්ලවයක් ආදර්ශය ලෙස ගැනීම අවිද්‍යාත්මකය. නූතන අරගලය පදනම් විය යුත්තේ වර්තමාන සමාජ දේශපාලන බලවේගයන්ට ගැලපෙන අන්දමිනි. ඒනිසා අතීතයෙන් අත්දැකීම් ලබා ගැනීම වලංගු වුවත් අතීතයෙන් ආදර්ශයන් ලබා ගැනීම අවලංගු සාධකයකි. සමාජවාදී තැන් මාරුව වෙනුවෙන් පෙනී සිටීන්නන්ට මේ ධනේශ්වර සමාජ ක්‍රමයේ සිදුව ඇති වෙනස තේරුම් ගැනීමටත් ඒ අනුව තම අරගලය සකස් කර ගැනීම සදහාත් දැනුම නිර්මාණය කර ගැනීම සදහා අති විශාල සමාජ කතිකාවක් ගොඩ නගා ගැනීම මූලික අවශ්‍යතාවකි.

ලාංකික වෙළද පළ ගෝලීය ධනේශ්වරයට සම්බන්ධ වූයේ පුළුල් කතිකාවකින් නොවේ. එසේම සම්භාව්‍ය ධනේශ්වර අර්ථයෙන් වූ වෙළද පළ පුළුල්වීමකින් ද නොවේ. මේ නිසා ලාංකික ධනේශ්වර පන්තිය අද ඉතිහාසයේ බරපතලම අර්බූදයට ලක්ව තිබේ. මේ අර්බූදය නිසා රාජ්‍යයේ ආධිපත්‍ය ධනපති පන්තියෙන් ගිලිහී ධනය ඇති වෙනත් සමාජ තීරුවකට උරුම වුණි. මේ සමාජ තීරුව රාජ්‍ය ගැතිකම නිසා ආර්ථික හා දේශපාලන බලය ලැබූ පිරිසක් මිස සමාජ සංවේදී හෝ දේශපාලන අරමුණකින් යුත් සම්භාව්‍ය ධනපතියන් පිරිසක් නොවේ. එමෙන්ම මේ සමාජ තීරුව ආර්ථික ක්‍රියාකාරකම්හි වැඩි දායකත්වයක් දරන්නේ නිෂ්පාදන ක්ෂේත්‍රයේ නොවේ. මේ සමාජ තීරුව සෑහෙන දුරකට පදනම් වී ඇත්තේ ලූම්පන් ආර්ථික කටයුතු වලය. ඒ නිසා ඔවුන්ගේ සමාජ දේශපාලන ක්‍රියාකාරකම් වැඩි සම්බන්ධයක් දක්වන්නේ ලුම්පන් දේශපාලන ක්‍රියාකාරකම් වලට ය.

ලාංකික රාජ්‍ය ධනේශ්වර අර්බූදයක ගිලී තිබීම බොහෝ වාමාංශිකයන් දකින්නේ ධනාත්මකවය. එහෙත් මේ අර්බූදය ධනේශ්වර විරෝධි අරගලය කරා ද පැමිණ ඇති බව බොහෝදෙනෙක් අවබෝධ කරගෙන නොමැත. ධනේශ්වරයේ ආධිපත්‍ය ධනය ඇති ලුම්පන් සමාජ තීරුවකට හිමිවීමට සාපේක්ෂව ලාංකික පීඩිත පන්තියේ ආධිපත්‍ය ද ලුම්පන් සමාජ බලවේගයන් විසින් ඩැහැගෙන ඇති බව පෙනෙන්නට තිබේ. ලුම්පන් සමාජ බලවේගයන්ට සමාජ සංවේදීතාවක් හෝ සමාජය ගැන දෘෂ්ටීමය හැගීමක් හෝ ඇතැයි පැවසිය නොහැක. ඒ නිසා එවැනි සමාජ තීරුවකින් සමාජ වෙනසක් සදහා අවශ්‍ය අරගලකාරී උත්සාහයකට බීජයන් ලබා නොදේ. මේ නිසා ගෝලීය ධනෙශ්වරයේ ක්‍රමෝපායන් හදුනා ගනිමින් සමාජවාදී සමාජ වෙනසක් ඇති කර ගැනීම සදහා අවශ්‍ය දැනුම නිර්මාණය කර ගැනීමට ලූම්පන් සමාජ තීරුවට දැරිය හැකි දායකත්වයක් ගැන විශ්වාස කිරීම අර්ථ විරහිත බලාපොරුත්තුවකි.

එහෙත් මේ අර්බූදය ජය ගත යුත්තේ ද “චෙක්මේට්” වී ඇති සමාජ බලවේගයන්ගේ හැසිරීම තුළින්ම ය. ලාංකික පීඩිත පන්තිය පමණක් නොව ධනපති පන්තිය ද ගිලී ඇති අර්බුදයෙන් ගලවා ගැනීමේ හැකියාව ඇත්තේ බුද්ධිමතුන්ට ය. සමාජ පන්තීන් දෙකෙහිම බුද්ධිමතුන් උත්සාහ දැරිය යුත්තේ සමාජය මේ හිරවීමෙන් ගලවා ගැනීමටය. සමාජවාදී සමාජ වෙනසක් සදහා යා යුතු ගමන දිගු ගමනක් වී ඇත්තේ එබැවිනි.

Read More

බන්දනාගාරය, මනුෂ්‍යත්වය, සහ දන හානිය.

හර්ෂි සි. පෙරේරා

බන්ධනාගාරගතව සිටින 36,000කට ආසන්න රැඳවියන් සහ සිරකරුන් වෙනුවෙන් දිනකට රුපියල් එක්කෝටි අට ලක්‍ෂයක් වැයවන බව බන්ධනාගාර සහ පුනරුත්තාපන අමාත්‍යාංශය කියයි.

එක් සිරකරුවෙකු වෙනුවෙන් දිනකට රුපියල් 300ක් වැයවන බවත් සාමාන්‍යයෙන් වර්ෂයකට රුපියල් එක්ලක්‍ෂ දස දහසක් වැය වන බවත් සඳහන්ය.

ඉහත පුවත අනුව සිහිපත් වන කරුණු ගණනාවකි. එනම් මෙම සිරකරුවන් ගෙන් 70% ක් පමණ සැකකරුවන් බවයි. තවද ඔවුන් අතර සුළු දඩුවම් විදින අය සැහෙන පිරිසකි. මේ මනුෂ්‍යයින්ට සිදුවන ඉමහත් අසදාරණය වැළැක්විය යුතුය. පොලිසිය, රස පරීක්ෂක, නීතිපති සහ නඩු පමාව මින් බොහොමයක් සම්බන්දයෙන් වගකීම බාර ගත යුතුය. තවද සුළු දඩ නොගෙවීම් පිළිබද සිර දඩුවම් ලැබූ අය හැකි ඉක්මනින් නිදහස් කිරීමට පියවර ගත යුතුය.

ඊළගට මොවුන් නඩත්තුවට වැය වන්නේ රාජපක්ෂලාගේ බුදලය නොව සාමාන්‍ය මහජනතාවගේ බදු මුදල්ය. ඒ නිසා මනුෂ්‍යයින්ට මනුෂ්‍යයින් විදියට සැලකීමටත් මේ සා විශාල දන හානිය වැළැක්වීමටත් වහාම පියවර ගන්න. මේ දේවල් සිරකරුවන් දබදිව වන්දනාවේ යැවීමට වඩා වැදගත් වේ.

Read More

ළමා පරපුරේ අමරණීය වූ වීරයා : ටයි මහත්තයා

| නදීෂානි පි‍්‍රයංගිකා

ඔහු සිනමා වංශ කතාන්දරයට එක් වූයේ මොහොතින් මොහොත අලුත්වන මිනිසකු ලෙසිනි. අලුත් හැඟුම් පැතුම් සමගින්, අලුත් ඇසකින්, නවමු කවුළුවකින් ලොව දෙස බලන්නට ඔහුට අවැසි විය. ගතානුගතිකත්වය වූ කලී නොනැවතී ගලා යන දිය පහරක් වී නම්, ඔහුගේ සිත් හසර ඊට මඟ අහුරන ගිරි කුළක් වැනි විය. එහෙත්, ඔහුගේ සිත සැබෑවටම ගිරි කුළක් නම් නොවිණි. එය ඈත දුර අහසේ පාවෙන පුළුන් වළා කැටියකට වඩා මුදු විය. සැහැල්ලු විය. ළපල්ලක් ළපොල් මැල්ලක් වැනි විය. ඔහු ළඳරු සිත හොඳින් හඳුනා ගත්තේ එහෙයිනි.

“මම තවමත් පුංචි ළමයකු විදිහටයි හැගෙන්නේ. වයසින් මුහුකුරා ගියත් මම තවමත් මගේ ළමා වයස දෑතින් බදා ගන්නවා. කයින් වැඩිහිටියකු වූ මම සිතින් පුංචි ළමයෙක්.”

මේ වනාහී දශක ද්විත්වයකට ඔබ්බෙහිදී ඔහු කියූ කියමනකි.

කවුරුදෝ කවුරුදෝ දැන් ලොක්කෝ......

අපි මයි අපිමයි දැන් ලොක්කෝ.. යැයි වරක් “හඳයා” චිත්‍රපටිය තුළින් ළමා මනසට ආමන්ත්‍රණය කළ ඔහු ගලිවරයන්, දිය රකුස්, චව් චව්, බගලවතී ඉස්කෝලේ හාමිනේ, පිස්සු පූසා ව ඔවුනගේ ලෝකයට සමීප කර වූයේය.

මේ අටුවා ටීකා නොපැවසුවද, දශක ගණනකින් නිර්මාණයක් නොකළ ද මේ කතානායකයාණෝ අප කවුරුත් හොඳින් හඳුනමු. ඒ ආදරණීය ‘ටයි මාමා, ටයි මහත්තයා, නැත්නම් ටයිටස් තොටවත්තයන්’ ලෙසිනි. ළමා ලොවක් සැනසු ඔහු අද ළමා ලොවද සොඳුරු රසික සිත් ද හඬවමින් අඳුරු නිමේෂයකදී අප අතරින් වෙන්විණි. ඒ පසුගිය ශනිදාය.

1929 අප්‍රේල් 19 දා කොළඹ බොරැල්ලේ විසූ ටී. ජී. එම්. ජුලියස් ද සිල්වා සහ සිසිලියා හෙට්ටිආරච්චි ට දාව සිව්වන දරුවා ලෙසින් මෙලොව එළිය දුටු හේ නමින් තොටවත්තගේ දොන් මනුවෙල් ටයිටස් ද සිල්වා නම් විය. එවකට ශ්‍රී ලංකාවේ කතා නාද සිනමාවක් බිහි වී නොතිබුණු මුත්, දරුවා උපන් මොහොතේ නාඩි වාක්‍යය ප්‍රගුණ කළ දෛවඥයකු කියා ඇත්තේ, “මේ ළමයා ලොකු වුණාම පින්තූර කතා කරනවා” යනුවෙනි. එහෙත් එදා කියූ නාඩි වාක්‍යය සැබෑ කරමින් ටයිටස් තොටවත්ත නම් වූ අදියුරුවන් සකසුවන් ලාංකේය කලා නිර්මාණයන්හී නොමැකෙන නමක් සනිටුහන් කළේය.

කුඩා කළ ඔහු කිසි විටක දඟකාරයකු නම් නොවූණේය. ඔහුගේ සිත ඇදී ගියේ අපූරු දේවල්වලටය. දෙමළ, හින්දි චිත්‍රපට නැරඹීමට පි‍්‍රයතාවයක් දැක්වූ ඔහු සෙලෝලයිඩ් පටයෙන් කරනු ලබන විජ්ජාවල් පිළිබඳව වරින් වර සිතන්නට විය. මවුපියන් ව්‍යාපාරිකයින් වූ නිසාවෙන් නගරය හැර ගමට යන්නට ඔහුට ලැබුණේ වසරකට වරක් හෝ දෙවරකි. ඒ තාත්තාගේ ගම වූ පයාගලටය.

ඒ නිසාවෙන්දෝ ඔහු ගමේ ක්‍රීඩා දන්නේ අල්ප වශයෙනි. නගරයේ ට්‍රෑම් කාර්, ඔහුට හොඳින් හුරුපුරුදුය. ජනාකීර්ණ බවෙන් මිදෙන්නට ඔහුගේ සිතට අවැසි විය. කොළඹ ආනන්දයේ අධ්‍යාපනය ලබන කාලයේදී එහි කලා උළෙලවල්වලට වරින් වර ඔහු නාට්‍ය නිර්මාණ ඉදිරිපත් කළේ ය.

ඔහුගේ ළමා ලෝකයෙහි සැරිසැරුවේ ගිරව්, හාවෝ, වැනි සුරතල් සතුන් ය. තොටවත්තයන් මේ අපූරු යාළුවන්ට පෙම් බැන්දේය. වෙසක් කාලයට ජාතක කතාවන්හී විවිධ චරිත කාඩ්බෝඩ් චිත්‍රයට නගා හෝ කඩදාසි නිර්මාණ කළ ඔහු සිය ගමන් මඟට මුල් අත්පොත් තබන්නේ එතැනිනි.

කුමාරතුංග මුනිදාසයන් ප්‍රකාශ කළ පරිදි ‘අලුත් අලුත් දෑ නොතනන ජාතිය ලොව නො නගී’ යන්නට අරුත් ගැන් වූ ඔහු එකකට නොව බොහෝ දෑට දක්‍ෂ විය. බොහෝ දෑ උගත්තේය.

සිප්සතර කොළඹ ආනන්ද විද්‍යාලයෙන් හැදෑරූ ඔහු ඒ අතරතුර මරදාන තාක්ෂණික විද්‍යාලයෙන් කැමරාකරණය උගත්තේය. හේවුඩ් ආයතනයෙන් චිත්‍ර හා මූර්තිත්, ජේ. ඩී. ඒ. පෙරේරා ගෙන් තෙල් සායම් කලාවත්, ස්ටැන්ලි අබේසිංහයන්ගෙන් පැස්ටල් චිත්‍ර කලාවත්, ශේෂා පලිහක්කාරගේ “සරඳපානී” කලා ආයතනයෙන් නර්තනයත් ආදී වූ විවිධ කලාවන් සිය මනස ට එක්කර ගත්තේ ය.

ඔහුගේ දිවි මඟ වෙනස් කළේ අහම්බෙන් දුටු පුවත්පත් දැන්වීමකි. සෙලෝලයිඩ් පටයේ විජ්ජාවන්ට වශී වූ ඔහුට එය ඇරයුමක් වැනි විය. රජයේ චිත්‍රපට අංශයට පුහුණුවන ආධුනික කාර්මිකයන් ඉල්ලා තිබූ ඒ දැන්වීමට ඔහුගේ සිත තදින්ම ඇඳී ගියේය. එහෙත් මේ වන විට ඔහු සිටියේ අධ්‍යාපනයේ කඩඉමක් ආසන්නයේය.

ඒ සරසවි පිවිසුමයි. ඉගෙනුම හැරදා රැකියාවකට යන්නට මවුපියන්ගෙන් කිසිදු අවසරයක් නොලැබෙන බව වටහා ගත් ඔහු පාසල් ගමන කැප කර රජයේ චිත්‍රපට අංශයේ පුහුණුවන්නට ගියේ පාසල් යන මුවාවෙනි. දීමනාවක් ලෙස ඔහුට ලැබුණේ රුපියල් 150/- කි. සනත් ලියනගේ, ටී. කමූර්, දයා ප්‍රනාන්දු වැනි සිය සඟයන් අතරේ ඔහු කැපී පෙනෙන අයකු විය. කැමරාකරණය, සංස්කරණය, රසායනාගාර කටයුතු පිටපත් මුද්‍රණය ඔහු උගත්තේ එතැනිනි.

චලන රූප මහා අත්භූත දෙයක් යැයි වරක් ඔහු ප්‍රකාශ කළේ ද එහි ඇතුළත බොහෝ දෑ ඔහු දත් හෙයිනි. 1953 වසරේදී විත්ති කතා චිත්‍රපට සංස්කරණය කරමින් සිනමා ලොවට ප්‍රවේශ වූ හෙතෙම, ඒ ඇරැඹුයේ දිගු ගමනක මුලාරම්භයයි. ඒ කාර්තිව් දූපතේ ධීවර මිනිස්සු නම් වූ විත්ති කතා චිත්‍රපටයෙනි. මෙය සංස්කරණය කළ ඔහුගේ ජීවිතයට තවත් අපූර්ව පුද්ගලයකු මුණගැසේ. ඒ ලෙස්ටර් ජේම්ස් පීරිස් ය. සංස්කරණයේ කිසියම් වූ අපූර්වත්වයක් ඔහුගෙන් දුටු ලෙස්ටර් ජේම්ස් පීරිස් ශූරීහු ඔහුගේ විත්ති කතා චිත්‍රපට සංස්කරණ සඳහා ටයිටස් තොටවත්තයන්ව තෝරා ගති.

ඒ අනුව ලෙස්ටර් ජේම්ස් පීරිස් ශූරීන්ගේ ඛ්ධදඳභඥඵබ ඪද බඩඥ ච්පර ඛධදඥ චිත්‍රපට සංස්කරණ කළ ඔහු වැනිස් චිත්‍රපට උළෙලේ ඩිප්ලෝමා සහතිකයකට හිමිකම් කියුවේය. ඉන් අනතුරුව 1955 වසරේදී ඕඥ ඉචබඥ ධප ඡඥ ඵධපපර චිත්‍රපටය තුළින් ද ඔහුගේ අපූර්ව සංස්කරණ හැකියාව හෙළි විණි.

කලක් රජයේ චිත්‍රපට අංශයේ සේවය කළ ඔහුට, වරින් වර සෘණාත්මක ආකල්ප ඒ කෙරෙහි ඇතිවිණි. ඒ යුගය වනවිට ඔහු ලෙස්ටර් ජේම්ස් පීරිස් ශූරීන්ගේ රේඛාවට සංස්කරණ සහාය ලබාදෙමින් සිටි වකවානුවකි. සියල්ල එසේ තිබියදී ලෙස්ටර්, ටයිටස් හා විලී බ්ලේක් සුසංයෝගය රජයේ චිත්‍රපට සංස්ථාවෙන් ඉවත්වේ. ඒ 1955 සැප්තැම්බර් මස 1 වන දාය.

තවදුරටත් අධ්‍යාපනය ලබන්නට සිතාගත් හෙතෙම 1957 වසරේදී විදේශ ගත වේ. යළිඳු 1958 වසරේදී මව්බිමට පැමිණෙන ඔහුගේ ජීවිතයට තවත් අරුණාලෝකයක් එක්වේ. ඒ සුජාතා ප්‍රනාන්දු නම් වූ සිය ජීවිත ගමනේ සෙවනැල්ල හා එක්වීමයි.

එවකට ශ්‍රී ලාංකේය සිනමාව තුළ මුල් බැසගෙන තිබුණේ දකුණු ඉන්දීය සිනමා ශෛලියය. මුල් යුගයේදී දේශීය සිනමාව ඉන් මුදවා ගන දේශීය මුහුණුවරක් ඊට ලබාදීමට ටයිටස් තොටවත්තයන් හා සඟයින් ඉටු කළ මෙහෙවර නොවන්නට අද අපට සිංහල සිනමාවක් ගැන කතා කරන්නට හෝ නොහැකිවන බව විද්වත් මතයකි.

සිනමා නිර්මාණයක අර්ථයක සමඟ සහගමනයේ යන රිද්මය තීරණය වනුයේ සංස්කරණ ශිල්පියාගේ නිර්මාණාත්මක හැකියාව මත බැව් ටයිටස් මුල්වරට මෙරටට හඳුන්වා දුනි. හේ සංස්කරණය වනා හී හුදු තාක්ෂණික විප්ලවයක් පමණක් නොවන බැව් හොඳින් දැන සිටි සකසුවෙකි. 60 දශකයේ මුල් භාගයේදී “සෙරන්ඩිබ්” සමාගමේ චිත්‍රපටවල ප්‍රමුඛ සංස්කරණ ශිල්පියා වූ හෙතෙම ‘රන්මුතු දූව‘ චිත්‍රපටයේ ජනපි‍්‍රයත්වයට වෙසෙසින්ම දායක වූවකි.

බටහිර පන්නයේ හෝ පෙරදිග ක්‍රියාදාම ඒජබඪධද හා ත්‍රාසජනක ඊඩපඪතතඥප චිත්‍රපට සංස්කරණයේදී ශ්‍රී ලාංකිකයින්ට සිටි හොඳම සකසු වූයේ ටයිටස් තොටවත්තයන්ය. කවර චිත්‍රපටයකදී වුවද සංස්කරණයේදී ඔහු සතු වූ දේශජ ගතිකත්වය කැපී පෙනිණ. පෙර අපර දෙදිග සිනමාවේ නා නා විධ වූ ආභාෂයන්, අනුප්‍රාණයන් මැද වුවද, ඔහු හෙළ දෙස බස රැසට ගරු කළ අදීන අනන්‍යතාවයකින් හෙබි දේශීය කලාකරුවකු ලෙස ඉස්මතු වූයේ එබැවිනි.

සංස්කරණයට එක් වූ මුල් කාලයේදී ටයිටස් සිල්වා ලෙස ඔහු තමාව හඳුන්වා ගති. 1956 වර්ෂයට පෙර හා ඊට සමීප කාලය තුළ පෙනී සිටි ටයිටස් සිල්වාත්, ඉන් ඉක්බිති දශක ගණනක් තුළදී අප හඳුනාගත් ටයිටස් තොටවත්තත් අතර ඇත්තේ විද්වත් මත අනුව සාදෘශ්‍ය ලක්‍ෂණවලට වඩා විශදෘෂ ලක්‍ෂණයන් ය.

වරක් ඔහුව, ඉන්දීය සිනමාකරු සුක් දේව් ට තවකෙක් සේ යැයි සමාන කළේ එහෙයිනි. ථචදර ථඪතඥඵ බධ ඨධ ඕඥටධපඥ රධභ ඵතඥඥන වැනි චිත්‍රපට තුළ සුක් දේව් හා තොටවත්තයන් අතර පිටස්තර ලක්‍ෂණ දක්නට ලැබෙන බැව් ලෙස්ටර් ජේම්ස් පීරිස් ශූරීහු ද ප්‍රකාශ කර තිබේ.

“චණ්ඩියා”, “සිහසුන”, “හාරලක්සෙ”, සහ “මරුවා සමඟ වාසේ” චිත්‍රපටවල තේමාවල මෙන්ම හඳයා චිත්‍රපටයේ පැන්ෂන් කාරයාගේ චරිතය, “චණ්ඩියා” චිත්‍රපටයේ පප්පා මහත්තයා, චරිතවලද වෙනත් බොහෝ තැන්හී ද එකී ලක්‍ෂණය ගම්‍යමාන වේ.

සැබෑ තොටවත්තයන් කතා කරන්නේ මේ සුළු චරිත තුළින් යැයි කෙනෙකුට සිතෙන්නේ එබැවිනි. ඔහු ළමා ලොවට ආමන්ත්‍රණ කළේ ළමා සිත් සනසාළමිනි. එතෙක් කලක් ඉතා සීමිත පිරිසකට පමණක් සීමා වූ විදේශීය කාටූන් චිත්‍රපට, දේශීය ආරට අනුව හඬ කවා සිංහල ප්‍රේක්‍ෂකයා අතරට ගෙන ඒමෙහිලා ඔහුට සියල්ලන්ගේ කෘතඥතාවය හිමි වූ වාර අනන්තය.

1980දී හොඳම චිත්‍රපටය සඳහා ට්පචදඤ ර්‍ථපඪය සම්මානය, 1990 දි කලා ශූරී ගෞරව සම්මානය, 1993 දී උන්ඩා විශේෂ සම්මානය, 1995 දී රණ තිසර, 1996 දි විශ්ව ප්‍රසාදිනී, 1997 දී ජනපති පුරෝගාමි සම්මානය, 1998 දී ජපන් රජයෙන් පිරිනමන බුන්කා සම්මානය, 2000 දී ජනපති සිනමා සම්මානය, විශිෂ්ඨ රටවැසියන් උදෙසා පිරිනමනු ලබන සිංහ සම්මානයෙන් ද පිදුම් ලැබූ තොටවත්තයන් හොඳම චිත්‍රපට අධ්‍යක්‍ෂවරුන් දස දෙනා සඳහා පිරිනමනු ලබන විචාරක සම්මානයෙන් ද පිදුම් ලැබුවේය.

තොටවත්තගේ දොන් මනුවෙල් ටයිටස් ද සිල්වා නම් වූ ඔහු එක් අතකින් ශ්‍රී ලාංකේය සිනමාවේ එදා මෙදා පහළ වූ උසස් සිනමාකරුවන් අල්ප දෙනාගෙන් කෙනෙකි. අනෙක් අතින් ඔහු සිනමාව, රූපවාහිනිය යන ද්වි මාධ්‍යයන්හි පුරෝගාමී මෙහෙවරක් ඉටු කළා වූද, කෘතහස්ත කලාකරුවෙකි.

සල රූ, ටෙලි රූ අධ්‍යක්‍ෂවරයකු, සංස්කරණ, ශිල්පියකු, ශබ්ද පරිපාලකයකු, නළුවකු, රසායනාගාර පාලකයකු, සහාය අධ්‍යක්‍ෂවරයකු, නර්තන, චිත්‍ර, මුර්ති ශිල්පියකු කලා අධ්‍යක්‍ෂවරයකු, කතා, දෙබස් හා තිරනාටක රචකයකු, හඬ කැවීම්, සැකිලි රූ, අත් රූ මෙහෙයවන්නකු ලෙස විවිධ ප්‍රතිභාවන් පෙන්වූ ඔහු, ප්‍රගල්භ චින්තනයකින් හෙබි සොඳුරු මානව හිතවාදියෙකි. විප්ලවවාදියෙකි. අභිනව පරපුරකට මග කියාදුන් කලාකරුවෙකි. දෙස බස රැසට ගරු කළ දේශප්‍රේමියෙකි. ළමා පරපුරේ අමරණීය වීරයෙකි.

නිවී ගිය මුත් කලා කෙතේ එක් පහන් තරුවක්, “ටයිටස් තොටවත්ත” නම් වූ නාමය රසික සිත් හී සදා කල් තරුවක් මෙන් බැබලෙනු නොඅනුමාන ය.

අධ්‍යක්ෂණය කරන ලද චිත්‍රපට:-

චණ්ඩියා

කවුද හරි

තෙවත - (අහළ පහළ, ගිලිහුණු මල්, පික්චර් පිස්සා)

හාර ලක්සෙ

සිහසුන

නාන්ගු

ලෙච්චමී

සාගරිකා

මංගලා

මරුවා සමඟ වාසේ

හඳයා

විත්ති කතා චිත්‍රපට:-

රැක්ම

මඟ හොඳට පෙනේ නම්

අත හිත

වනයේ මහිම

විදුලිය පිරිමැස්ම

දැනුම වැඩුම

ගිරිහඬු සෑ පුවත

ද සංස්කරණය කළ වෘතාන්ත චිත්‍රපට:-

රේඛාව

සංදේශය

දස්කොන්

රන්මුතුදූව

ගැටවරයෝ

ධීවරයෝ

චණ්ඩියා

සාරවිට

සැනසුම කොතැනද

පරසතු මල්

ඔබ දුටුදා

කවුද හරි

පුංචි බබා

හන්තානේ කතාව

බඩුත් එක්ක හොරු

ළමා ලොවට:-

දොස්තර හොඳ හිත

පිස්සු පූසා

ගලිවරයන්ගේ සුවිසැරිය

සූටි බූට් පූසා

ඇලඩින් සහ පුදුම පහන

නරි වාදම්

ඕං රීං කට්ටු කට්ටු

බෑ කියන්න බෑ

ළා තණකොළ පෙත්තා

උප සිරැසි හා හඬකැවීම්:-

රොබින් හුඩ්

ඔෂින්

මල්ගුඩි දවසැ

සිටුවර මොන්ත ක්‍රිස්ටෝ

මනුතාපය

වෙනත් නිර්මාණ:-

රන් කහවනු

හිරු නොසැලී සිටියේය

වැටත් නියරත්

කොරයා සහ අන්ධයා

මනෝ පුබ්බංග මා ධම්මා

හැලී ධූම කේතුව

සැලෙන ලෙළෙන

Did you die in vain

Read More