ප්‍රථමවතාවට ජපන් ආරක්‍ෂක අමාත්‍යවරයෙකු කොළඹ වරායේ සංචාරයක

ශ‍්‍රී ලාංකේය වරාය ඉතිහාසයේ ප‍්‍රථම වතාවට ජපාන ආරක්‍ෂක අමාත්‍යවරයෙකුගේ ආගමනය සනිටුහන් කරමින් ජපාන ආරක්‍ෂක අමාත්‍ය ඉට්සුනොරි ඔනොඬේරා මැතිතුමා පසුගිය දා කොළඹ වරායේ විශේෂ නිරීක්‍ෂණ චාරිකාවක නිරත වි ය. එහි දී නියමු මධ්‍යස්ථානය ඇතුළු ස්ථාන රැුසක් එතුමාගේ නිරීක්‍ෂණයට ලක් වි ය. කොළඹ වරාය මේ වන විට අත්කර ගෙන ඇති ප‍්‍රගතිය ජපාන ආරක්‍ෂක අමාත්‍යවරයාගේ විශේෂ ඇගයුමට ලක් වූ අතර, ශ‍්‍රී ලංකාව හා ජපානය අතර සබඳතා තවදුරටත් පුළුල් කර ගනිමින් දෙරට වරායයන් අතර සමුද්‍රිය සංවර්ධන සහයෝගීතාව වර්ධනය කර ගැනීම පිළිබඳ අවධානය යොමු කෙරිණ.




මෙහිදී අදහස් දැක්වූ ශ‍්‍රී ලංකා වරාය අධිකාරියේ සභාපති ආචාර්ය පරාක‍්‍රම දිසානායක මහතා කොළඹ වරාය ලෝකයේ ඉහළ ම වර්ධන අනුපාතය වාර්තා කිරීමට මේ වසරේ පළමු කාර්තුව තුළ හැකි වූ බවත්, ශ‍්‍රී ලංකාව සහ ජපානය අනාදිමත් කාලයක සිට මිත‍්‍ර සම්බන්ධතා පැවැති රටවල් දෙකක් බවත්, ශ‍්‍රී ලංකා වරාය අධිකාරියේ ආදායමින් 80%ක දායකත්වය ලබා දෙන ජය බහලූ පර්යන්තය ඉදිකිරීමෙහි ලා ජපන් රජය ලබා දුන් දායකත්වය විශේෂයෙන් කැපී පෙනෙන බවත්, ජපාන ආරක්‍ෂක අමාත්‍යවරයාට පැහැදිලි කළේ නව පර්යන්ත ඉදි කිරීම ඇතුළු පුළුල් යටිතල පහසුකම් ක‍්‍රියාදාමය කොළඹ වරාය තුළ ස්ථාපිත වීම පිළිබඳ එතුමාගේ විශේෂ අවධානයට ලක් කරමිනි.

මෙම අවස්ථාවට ජපාන තානාපති අතිගරු කෙනිචි සුබනුමා මැතිතුමා ඇතුළු ¥ත පිරිසක් මෙන් ම, ශ‍්‍රී ලංකා වරාය අධිකාරියේ විධායක අධ්‍යක්‍ෂ නිලාන් වික‍්‍රමසිංහ, හබර් මාස්ටර් කපිතාන් අතුල හේවාවිතාරණ යන මහත්වරුන් එක් වි ය.

ජපාන ආරක්‍ෂක අමාත්‍ය ඉට්සුනොරි ඔනොඬේරා මැතිතුමාගේ කොළඹ වරාය ආගමනය සංකේතවත් කරමින් ශ‍්‍රී ලංකා වරාය අධිකාරියේ සභාපති ආචාර්ය පරාක‍්‍රම දිසානායක මහතා විසින් ජපාන ආරක්‍ෂක අමාත්‍ය ඉට්සුනොරි ඔනොඬේරා මැතිතුමා වෙත විශේෂ තිළිණ ප‍්‍රදානයක් ද සිදු කරන ලදි.

Read More

ජපානය : අධික ගං වතුර හා නාය යාම් හේතුවෙන් පුද්ගලයන් 20 දෙනෙකු මරුට

l කිෂානි වැලිවිටිගොඩ

අධික වැසි නිසා ජපානයේ නිරිත දිග ප්‍රදේශයේ මේ දින වල පවතින ගං වතුර හේතුවෙන් එම ප්‍රදේශයේ ජීවත් වන වැසියන් 250,000 කට ආරක්‍ෂිත ස්ථාන වලට ඉවත් වන ලෙසට බලධාරින් විසින් නියෝග කර ඇති බවට විදෙස් පුවත් තොරතුරු අනාවරණය වේ. බලධාරීන් විසින් මෙම නියෝගය නිකුත්කොට ඇත්තේ ගත වුන තෙදින තුල ගං වතුර සහ නාය යාම් හේතුවෙන් සිදු වූ මරණ සංඛ්‍යාව 20 බව වාර්තා වූ නිසාය.

මහා වැසි සහ නාය යාම් තත්වය ඉදිරි දින කිහිපය තුලද පැවතිය හැකි බවට එරට කාලගුණ විද්‍යා දෙපාර්තුමේන්තුව අනතුරු අඟවා තිබේ. ඊයේ දින (13) පුද්ගලයන් 07 දෙනෙකුට ආසන්න සංඛ්‍යාවක් අතුරුදහන් වී ඇති බව එරට මාධ්‍ය වාර්තා කර තිබේ. මෙසේ අතුරුදහන් වූ පුද්ගලයන් සොයා එරට ජීවිත ආරක්ෂක හමුදාව විසින් මෙහෙයුම් ආරම්භ කර තිබෙන බවට වැඩි දුරටත් වාර්තා වේ.

Read More

ජපානය : අධිරාජ්‍යයාගේ හදවත් සැත්කම සාර්ථකයි.

l කිශානි වැලිවිටිගොඩ 

ජපානයේ 78 හැවිරිදි අධිරාජ්‍යයා හට ටෝකියෝ විශ්වවිද්‍යාල රෝහලේදී සිදු කරන ලද පැය පහකට ආසන්න කාලයක් ගත වූ හදවත් සැත්කම සාර්ථකව සිදු කළ බව ජපානයෙන් වාර්තා වේ. අකිහිතෝ අධිරාජ්‍යයා ගෙවී ගිය මාස කිහිපයේදී අයහපත් සෞඛ්‍ය තත්වයෙන් පීඩා වින්ද අතරම කිහිප වතාවක්ම රෝහල් ගත කිරීමට සිදු විය.

අධිරාජ්‍ය හිරිහිතෝ සහ අධිරාජ්‍යනි නාගාකෝ කුණියට් ට දාව 1933 දෙසැම්බර් 23 වන දින ටෝකියෝ නුවරදී සුගුනෝමියා අකිහිතෝ එම පවුලේ පස් වන දරුවා වන අතරම පළමු පිරිමි ළමයාද විය. ජපන් පුරාවුර්ත වලට අනුව අකිහිතෝ ජපානයේ ප්‍රථම අධිරාජ්‍යයා වන ජිම්මු අධිරාජ්‍යයාගේ උරුමයෙන් පැවත එන පුද්ගලයෙකි. අධිරාජ්‍ය හිරෝහිතොගේ අභාවයෙන් පසුව පත් වූ 125 වෙනි අධිරාජ්‍යයා වන්නේ අකිහිතෝ අධිරාජ්‍යයා ය .

Read More

ජපානය : රික්ටර් මාපාංක 7.0ක තවත් භූමිකම්පාවක්

l කිෂානි වැලිවිටිගොඩ 

ඊයේ(31) රික්ටර් මාපාංක 7.0 සටහන් කරමින් ජපානයේ ටෝකියෝ නුවරට දකුණු දිශාවෙන් කිලෝ මීටර 600 ක් පමණ දුරින් සහ පැසිෆික් සාගරයේ පිහිටි ඉසු දුපත අතර ප්‍රදේශයෙන් භූමිකම්පාවක් සිදු වී තිබෙන බවට වාර්තා වේ. එරට කාලගුණ විද්‍යා දෙපාර්තුමේන්තුව සඳහන් කරන අන්දමට මෙම භූමිකම්පාවේ අපි කේන්ද්‍රය වී තිබෙන්නේ කිලෝ මීටර 370 ක් සාගරය තුලටය.

කෙසේ වෙතත් එම භූමිකම්පාව නිසා සුනාමි අනතුරු ඇඟවීම් නිකුත් කොට නැත. මෙම භූමිකම්පාව ඇති වන අවස්ථාවේ ටෝකියෝ නුවර පිහිටි ගොඩනැගිලි කම්පනයට පත් වී තිබෙන නමුත් කිසිම ආකාරයේ අලාභ හානියක් හෝ තුවාල සිදු වීම් පිලිබඳ වාර්තා වී නැත. ජපානයේ ක්‍රියාත්මක වන දුම්රිය ගමන් මේ වන විට තාවකාලිකව අවලංගු කර තිබෙන අතර ආරක්ෂාකාරී බව තහවුරු වූ විගසම නැවතත් දුම්රිය ගමන් ඇරඹීමට නියමිතය.

ජපානය භූමිකම්පා සුලබව සිදු වන රටක් වන අතර ලෝකයේ රටවල් අතුරින් භූ චලනවලට ක්‍රියාකාරී ප්‍රදේශයක පිහිටා තිබෙන රටකි.

Read More

ජපානයේ මුදල් ඇමති අගමැති ධුරයට

කිෂානි වැලිවිටිගොඩ 

ජපානයේ පැවති මැතිවරණයෙන් එරට මුදල් ඇමති යෝශිහිකෝ නොඩා පාලක පක්ෂයේ නායකයා ලෙස තේරී පත් වී ඇති අතර තවත් වසර 5 කින් ඔහු එරට අගමැති ධුරයට පත් වනු ඇත.

වෙළඳ ඇමති වන බෑන්රි කයිඩා මනාප 177 ක් ලබා ගත් අතර නොඩා මනාප 215 ක් ලබා ඔහුව පරාජය කරමින් ඉදිරියෙන් සිටි අතර ඉන් පසුව අපේක්ෂකයින් 5 දෙනාගෙන් කිසිවෙක් ප්‍රථම වටයේ බහුතර කැමැත්ත දිනා ගැනීමට අපොහොසත් විය. කයිඩා ප්‍රථම වටයේ මනාප අතර ඉහලින් සිටියත් බහුතර මනාප සංඛ්‍යාව වන මනාප 200 ලබා ගැනීමට නොහැකි විය. පාර්ලිමේන්තුවේදී පාලක පක්ෂයේ වැඩිම බලයේ පවතින බැවින් 54 හැවිරිදි නොඩා ඊළඟට අගමැති ධුරයට පත් වීම නිසැකය.

පාර්ලිමේන්තු සාමාජිකයින් 398 දෙනෙකු තරඟ අපේක්ෂකයින් 5 දෙනාට තම මනාප ලබා දුන් අතර හිටපු විදේශ ඇමති සේඉජි මහේරා , කෘෂිකර්ම ඇමති මිචිකෝ කානෝ සහ ප්‍රවාහන ඇමති සුමියෝ මබුචි අනෙක් තරග අපේක්ෂකයින් තිදෙනා විය.

Read More

එක්සත් ජාතීන්ගේ සංවිධානයේ ලේඛම් ජපානයේ න්‍යෂ්ටික කලාපයේ සංචාරයක

ජපානයේ සිදු වූ භූමිකම්පාව සහ සුනාමිය නිසා එරට වැසියන් 24,000 ක් පමණ මිය ගිය අතර න්‍යෂ්ටික බලාගාරය ආශ්‍රිතව ජීවත් වූ 80,000 ක් පමණ වන නිවැසියන්ට එම නිවාස හැර යන්නට සිදු විය. සඳුදා දින බෑන් කි මූන් මහතා එම ජනතාව මුණගැසීමට නියමිතය. 

කිෂානි වැලිවිටිගොඩ

එක්සත් ජාතීන්ගේ සංවිධානයේ මහා ලේඛම් බෑන් කි මූන් මහතා අද (07) උදැසන ජපානයේ ටෝකියෝ නුවරට ළඟ වුනු අතර සවස් භාගයේ ඔහු ෆුකුශීමා න්‍යෂ්ටික කලාපය නැරඹීමට කටයුතු යොදා තිබුණු බවට ඒ. ෆ්. පි. වාර්තා කරයි.

ජේෂ්ට විදෙස් නායකයින් අතර ඇමෙරිකානු ජනාධිපති මාර්තු 11 වන දින ජපානයේ ඇති වූ රික්ටර් මාපාංක 9.0 සිදු වූ භුමිකම්පාවෙන් ඇති වූ සුනාමි තත්වය නිසා ජපානයේ ෆුකුශීමා න්‍යෂ්ටික බලාගාරයේ විකිරණ කාන්දු වීමේ සිද්ධියෙන් පසු මෙම බලාගාරය නැරඹීමට සැලසුම් කොට තිබුණි. භූමිකම්පාවේ ප්‍රබලතාවය හේතුවෙන් හට ගත් සුනාමි තත්වය නිසා ෆුකුශීමා න්‍යෂ්ටික බලාගාරයේ සිසිලන පද්ධතිය ක්‍රියාවිරහිත වීම විකිරණ කාන්දු වීමට හේතු විය.

ජපානයේ සිදු වූ භූමිකම්පාව සහ සුනාමිය නිසා එරට වැසියන් 24,000 ක් පමණ මිය ගිය අතර න්‍යෂ්ටික බලාගාරය ආශ්‍රිතව ජීවත් වූ 80,000 ක් පමණ වන නිවැසියන්ට එම නිවාස හැර යන්නට සිදු විය. සඳුදා දින බෑන් කි මූන් මහතා එම ජනතාව මුණගැසීමට නියමිතය.

න්‍යෂ්ටික ආපදාව සිදු වී මාස 5 ක් ඉක්මවා ගියත් ජපාන් අධිකාරිය විසින් තවමත් න්‍යෂ්ටික බලාගාරයේ ප්‍රතික්‍රියක වල ක්‍රියාවලිය ක්‍රමවත්ව පවත්වා ගැනීමට දැඩි පරිශ්‍රමයක් දරමින් සිටි.

Read More

ආර්ථික අර්බුදය උග්‍ර අතට: ජපානයේ සමාගම් වලට බලපෑම්

ගෝලීය ආර්ථිකය කඩා අවටීමෙන් පසු ප්‍රථමවරට එය ජපානයේ ඉහල පෙළේ සමගම වලටද බලපා ඇති බව ජපානයේ බැංකුව විසින් කළ නවතම සමීක්ෂණයකින් හෙළි වී ඇත. ඒ පිළිබඳව තොරතුරු අද ජපානයේ මාධ්‍ය වාර්තා කර තිබුණු අතර ඊට අනුව පසුගිය සැප්තැම්බර් මාසයේ 08 ක්ව තිබුණු සමාගම් වල ආර්ථික අගය මේවනවිට 05 දක්වා අඩු වී ඇති අතර මීළඟ වසරේ මාර්තු වන විට එය ඍණ 02 දක්වා පහත වැටීමට ඉඩ තිබේ. ආර්ථික අර්බුධය ටොයෝටා අවනී ඉහල පෙලේ සමාගම් වලට බලපෑ ඇත. මේ නිසා ටොයෝටා සමගම තම නිෂ්පාදන පසුගිය ඔක්තෝබර් මාසයේ සිට සීග්‍ර ලෙස අඩු කිරීමට තිරණය කළ බව අදාළ වාර්තා පෙන්වා දී තිබේ.

Read More

ජපානයේ අධිකරණ ඇමතිවරයා ඉල්ලා අස් වෙයි

තමා වසින් ප්‍රකාශ කළ අදහසක් සැලකිල්ලට ගනිමින් ඇති වූ තත්වය හමුවේ ජපානයේ අධිකරණ ඇමති මිනොරු යනගිඩා තම දූරයෙන් අද ( 22/11) ධූරයෙන් ඉල්ලා අස් විය. එය අගමැති නෛටෝ ඛාන් ගේ ආණ්ඩුවට ප්‍රබල බලපෑමක් එල්ල විය හැකි කාරණයක් විය හැකි බව එරටින් ලැබෙන වාර්තා සඳහන් කරයි. තමා දූරයෙන් ඉල්ලා අස් වීම සඳහා හේතුව ඉදිරිපත් කළ ඇමතිවරයා කියා සිටියේ තමන් ඉල්ලා අස් වීමෙන් අගමැතිවරයා යෝජනා කොට ඇති පනත ඉකමනින් සම්මත කරගත හැකි වෙතයි අපේකෂා කරණ බව ප්‍රකාශ කළේය. කෙසේ වෙතත් ඇමතිවරයා පසුගිය 14 වැනිදා හිරෝශිමාවේදී ජනතාව හමුවේ කියා සිටියේ, "මේ අධිකරණ ඇමතිකම කියන්නේ හරිම ලේසි වැඩක්. කොයි වෙලේ හරි මට උත්තරක් නැති වෙලාවට මට ඒකෙන් ගොඩ එම සඳහා පාර්ලිමේන්තුව පාවිච්චි කළ හැකියි," ලෙසය. මේ හේතුවෙන් රටේ දේශපාලන කලබැගෑනියක් ඇති විය. කෙසේ වෙතත් අදාල අමතිවරයාගෙන් හිස් වන ඇමති දූරය කැබිනට් මණ්ඩලයේ ප්‍රධාන ලේඛම් යෝශිටෝ සෙන්ගුගු යටතට පත්වනු ඇති.

Read More