අගවිනිසුරු ඉල්ලා අස්වියයුතුයි. නැතිනම් දෝෂාභියෝගයක්

ප‍්‍රජාතන්ත‍්‍රවාදය සහ නීතියේ ආධිපත්‍යය සඳහා ශ‍්‍රී ලාංකිකයන්ගේ කැපවීම දැඩි ලෙස තහවුරු කරන ජනතා තීරණයේ ප‍්‍රතිඵලක් ලෙස ශ‍්‍රී ලංකාවේ දේශපාලන දිවියේ තීරණාත්මක නව අදියරක් උදා වී ඇත.

නව ජනාධිපති මෛති‍්‍රපාල සිරිසේන සහ නව ප‍්‍රජාතාන්ති‍්‍රක සන්ධානයේ ජයග‍්‍රහණය පොරොන්දු වූ ආණ්ඩුක‍්‍රම ව්‍යවස්ථාමය සහ සෙසු ප‍්‍රතිසංස්කරණ සිදුකිරීම සඳහා ජනතාව විසින් ලබාදුන් වරමකි. සියල්ලටම පෙර මේ වරම, ආණ්ඩුක‍්‍රම ව්‍යවස්ථාවේ 17වන සංශෝධනය ස්වයංක‍්‍රීයව සකි‍්‍රය කරවමින් 18 වන සංශෝධනය වහාම අහෝසි කිරීම සඳහා ලබාදුන් ජන වරමක් වන අතර, ඉන්පසු රටේ ප‍්‍රජාතන්ත‍්‍රවාදය සහ නීතියේ ආධිපත්‍යය බලගැන්වීම සඳහා බාධක වශයෙන් පවතින 1978 ආණ්ඩුක‍්‍රමයේ සියලූ අනර්ථකාරී වගන්ති ඉවත් කළ යුතුය.

ලෝකයේ අන් කිසිදු තැනක විධායක ජනාධිපතිවරයා හට පරම බලය පාවිච්චි කිරීමට මෙතරම් බලතල ලබාදී නැති බව මෙහිදී සැලකිල්ලට ගත යුතුය. ඇමරිකා එක්සත් ජනපදය සහ ප‍්‍රංශය වැනි රටවල් ජනාධිපතිවරයාගේ බලතල සීමා කර තිබෙන්නේ ඔවුන්ගේ ජනාධිපතිවරුන් විස්තීරණ ආයතනමය රාමුවකට බැඳ තැබීමෙන් සහ ප‍්‍රජාතන්ත‍්‍රවාදයක් නීතියේ ආධිපත්‍යයත් උත්තම්භනය වන තිතර සම්ප‍්‍රදායන්ට බැඳ තැබීම මගිනි. ශ‍්‍රී ලංකා ආණ්ඩුක‍්‍රමයේ තිබෙන අනර්ථකාරී ප‍්‍රතිපාදනයන් හැකි තාක් කඩිනමින් ඉවත් කළ යුතුය. මාධ්‍ය නිදහස ට බාධා කිරීම, මාධ්‍යවේදීන්ට හා සෙසු මත දරන්නන්ට සිදුකරන පහර දීම් වැනි ජනතා සහභාගිත්වය සඳහා වන සියලූ බාධක අවසන් කළ යුතු අතර, ඒ අනුව ජනතාවට එකී ප‍්‍රජාතන්ත‍්‍රවාදී ප‍්‍රතිසංස්කරණ ගෙන ඒම සඳහා දායක විය හැකිය.

මැතිවරණ කොමසාරිස්ට ආචාරය
විධායක ජනාධිපතිවරුන් කිහිප දෙනෙකු විසින් සිදුකළ බරපතළ ප‍්‍රහාරයන් තිබියදීත්, නිදහස් හා සාධාරණ මැතිවරණවලින් තොරව පැවති රටක් වශයෙන් ලංකාව නැවත වරක් සනාථ කර තිබෙන්නේ එහි මූලික ප‍්‍රජාතාන්ත‍්‍රික ව්‍යූහය තවමත් පවතින බවයි. 1931 වසරේදී හඳුන්වා දුන් ඡුන්ද බලය ශ‍්‍රී ලංකාවේ දේශපාලන ව්‍යූහයේ සහ ජනතාවගේ මානසිකත්වයේ තිර අංගයක් බවට පත් වී තිබේ.

මේ සම්බන්ධයෙන්, නිදහස් හා සාධාරණ මැතිවරණයක් සඳහා වූ ජනතා අයිතිය ධෛර්යමත්ව ආරක්ෂා කරදීම වෙනුවෙන් මැතිවරණ කොමසාරිස් මහින්ද දේශප‍්‍රිය මහතාට විශේෂයෙන් ස්තූතිවන්ත විය යුතුය. ඔහු සහ ඔහුගේ කණ්ඩායම ජනතාවගේ නියම ගරුත්වය ලබාගෙන ඇති අතර, ඉදිරි අනුප‍්‍රාප්තිකයන් විසින් ද කි‍්‍රයා කළ යුතු අන්දම පිළිබඳව පූර්වාදර්ශයක් ලබාදී තිබේ. මැතිවරණ කොමසාරිස්වරයා විසින් ගන්නා ලද ශක්තිමත් ස්ථාවරය, 17 වන සංශෝධය යටතේ ස්වාධීන මැතිවරණ කොමිසමක් හැකිතාක් ඉක්මනින් පිහිටුවීම දක්වාම වැඩිදියුණු වේ යැයි විශ්වාස කෙරේ.

සියලූ ප‍්‍රජාතාත්ත‍්‍රික ආයතන ශක්තිමත් කිරීම

1978 ආණ්ඩුක‍්‍රමයේ අරමුණ වූයේ ශ‍්‍රී ලංකාවේ සියලූ ප‍්‍රජාතාන්ති‍්‍රක ආයතන විනාශ කිරීම නොවේ නම් අඩපණ කිරීමය. අවසාන වශයෙන් ශ‍්‍රී ලාංකික ජනතාව එහි ඇති භයානකකම වටහාගෙන පොලිස් සේවය, මැතිවරණ කොමසාරිස් ධුරය, සිවිල් සේවය, විගණකාධිපති දෙපාර්තමේන්තුව, අල්ලස් හෝ ¥ෂණ විමර්ශන කොමිසම සහ සෙසු සියලූ ඒ හා සබැඳි ආයතන වැනි ශ‍්‍රී ලංකාවේ මහජන ආයතනවලට එල්ල වී තිබෙන සියලූ මර්දනයන් අවසන් කරනු වස් එක හෙළා ඡන්දය ප‍්‍රකාශ කර තිබේ.

මේ සම්බන්ධයෙන්, නීතියේ ආධිපත්‍යය නැවත පිහිටුවීමේ දැක්මෙන් බලන විට ශ‍්‍රී ලංකා පොලිසියේ ස්වාධීනත්වය තහවුරු කිරීම ප‍්‍රමුඛතර දෙය ලෙස පවතියි. පොලිසිය ප‍්‍රධාන නීති සාධන ආයතනය බවට පත් කළ යුත්තේ නීතියේ ආධිපත්‍යය සුරකිමින් සහ ජනතාවට විවිධාකාර කි‍්‍රයාකාරකම්වල නිතර වීම සඳහා ආරක්ෂිත වාතාවරණයක් ඇති කරමිනි. පොලිස් ආයතනය ට හානිකර බොහෝ දේ සිදුකර තිබේ. මේ සම්බන්ධයෙන් ‘දේශපාලනීකරණය’ යන ජනපි‍්‍රය යෙදුමෙන් හැඳින්වෙන, දේශපාලනඥයන් සිය අරමුණු ඉටුකර ගැනීම සඳහා පොලිස් සේවය පාලනය කිරීම යන සරල අදහස වැදගත්ම බාධකයයි. මේ ක‍්‍රමයේ කොටසක් බවට පත්ව තිබෙන එබඳු සෘණාත්මක කි‍්‍රයාදාමයක් ප‍්‍රමාණාත්මක ලෙස සමාලෝචනය කළ යුතු වන අතර ඒවා ඉවත් කිරීම සඳහා ප‍්‍රතිශෝධන පියවර ගත යුතුය.

සීඝ‍්‍ර ආර්ථික දියුණුවක් ල`ගා කර ගැනීම සහ සියලූ පුරවැසියන්ගේ ආරක්ෂාව සහතික කිරීම යන දෙයාකාරයෙන්ම ශ‍්‍රී ලංකාවට අවශ්‍ය කර තිබෙන එක් ප‍්‍රමුඛතර කරුණක් වනුයේ ශ‍්‍රී ලංකා පොලිසිය නවීකරණය කිරීමයි. රටේ පවතින පැරණි මොඩලයේ පොලිස් ක‍්‍රමය නවීන ජාතියක සංකීර්ණතාවට සරිලන සේවා ලබාදීමට අපොහොසත් ය. බි‍්‍රතාන්‍යය විසින් හඳුන්වා දුන් බි‍්‍රතාන්‍ය-අයිරිෂ් මාදිලියේ පොලිස් ක‍්‍රමය ලෝකයේ සිදුවෙමින් පවතින වෙනස්කම් උකහා ගැනීමට අසමත්ව තිබෙන අතර, මේ අනුව යල්පිනූ ආයතනයක් බවට පත්ව තිබේ.

ශ‍්‍රී ලංකාව වැනි යටත් විජිත මෙන් නොව, ලන්ඩන් නගරයේ වැඩිදියුණු කර තිබෙන්නේ සම්මුතිය මගින් හඳුනාගත්-නාගරික ක‍්‍රමයේ පොලිසියකි. මෙවැනි පොලිස් ක‍්‍රමයක් ශ‍්‍රී ලංකාවේ ආයතනයික රාමුවේ කිසිකලෙකත් කොටසක් නොවීය. මේ අනුව අවශ්‍ය වී තිබෙන්නේ රැුඩිකල් ක‍්‍රමයේ නැවත ගොඩනැංවීමකි. නූතන හැකියාවන් ළ`ගාකර ගැනීමේ මෙම ප‍්‍රමාද වූ කාර්යය ඉටුකිරීමට සහ පොලිසිය පිළිබඳ තිබෙන ප‍්‍රතිරූපය වෙනස්කිරීමට පොලිස්පතිවරයා සහ උසස් නිලයන් විසින් එළඹෙනු ඇතැයි ආසියානු මානව හිමිකම් කොමිසම විශ්වාස කරයි.

භීතියේ සහ විනිර්මුක්තියේ සංස්කෘතිය අවසන් කිරීම

1978 ආණ්ඩුක‍්‍රම ව්‍යවස්ථාව සමග ආරම්භ වූ මෙම සංස්කෘතියට, ආණ්ඩුවේ බලධාරිත්වයෙන් යුත් අධිකරණමය නොවන ඝාතන, බලහත්කාරයෙන් සිදුකරන අතුරදන් කිරීම් ද ඇතුලූව, සියලූ පොලිස් ස්ථානවල පුරුද්දක් වශයෙන් සිදුකෙරෙන වධහිංසාව, ආණ්ඩුවේ සියලූ විරුද්ධවාදීන් හට මරණ තර්ජන සිදුකිරීමේ ආරක්ෂක උපක‍්‍රමය සහ හමුදා, පොලිස් හෝ සමාන්තර හමුදා සේවයට අයත් වරදකාරී නිලධාරීන්ට නඩු පැවරීමට සහ ඔවුන්ව විමර්ශනයට අසමත්වීම ඇතුළත් ය. මේ ගැටලූව සම්බන්ධයෙන් විචාරාත්මක විමසීමක් සහ එය නතර කිරීම සඳහා ගත යුතු පියවර, පොලිස් සේවය නවීකරණය කිරීමේ එක් සංරචකයක් විය යුතුය.

හොංකොං හි ICAC ආකාරයේ දූෂණ මර්දන කොමිසමක් සංස්ථාපනය කිරීමේ වැදගත්කම

ශ‍්‍රී ලංකාවේ අල්ලස් හෝ දූෂණ මර්දන කොමිසම ජනතාවගේ අවමානයට ලක්ව ඇත. විශේෂයෙන්ම මහින්ද රාජපක්ෂ රෙජීමය යටතේ මේ කොමිසම නිවාඩු යවා ඇත්තා සේය. එම කොමිසම විසින් සිදුකරතැයි අපේක්ෂිත නීත්‍යානුකූල කාර්යයන් එය ඉටුනොකරන බව සහතික කරන්නට ආණ්ඩුව පියවර ගත්තේය. මේ දක්වා බිහිවූ ශී‍්‍ර ලංකාවේ සියලූ ආණ්ඩු, අල්ලස සහ දූෂණය පිටුදැකීම සඳහා කිසිදු බරපතළභාවයකින් යුතුව අරගල කිරීමට සමත් වී නැත.

ශ‍්‍රී ලංකාවේ ආර්ථික දියුණුව සඳහා මෙන්ම රට තුළ නීතියේ ආධිපත්‍යය ද සුරක්ෂණය වීම සඳහා ගත යුතු තවත් එක් ප‍්‍රබලතම පියවරක් වන්නේ අල්ලස හා දූෂණයට එරෙහි සැබෑ කොමිසමක් පිහිටුවීමයි. දූෂණය මර්දනය කිරීම සඳහා වන බලාත්මක රාජ්‍ය ආයතනය සඳහා ලොව පුරා උදාහරණ ගණනාවක් තිබේ. එවැනි එක් ආයතනයක් වන්නේ හොංකොං හි පිහිටා තිබෙන දූෂණයට එරෙහි ස්වාධීන කොමිසමයි.

නව ජනාධිපතිවරයා ව අනාගතයේ කෘතවේදිත්වයෙන් යුතුව සිහිපත් කළ හැකි, ඔහු විසින් ලබා යුතු එක් විශාල දායකත්වයක් වන්නේ දූෂණය සමග සටන් කරන එවැනි විශ්වාසනීය ආයතනයක් පිහිටුවීමයි. නව ජනාධිපතිවරයා සහ නව ප‍්‍රජාතන්ත‍්‍රවාදී පෙරමුණ මෙවැනි කොමිසමක් පිහිටුවීම සඳහා ප‍්‍රමුඛත්වය ලබාදෙනු ඇතැයි අපි විශ්වාස කරමු. එය, අලූත තේරී පත්වූ ආණ්ඩුවට, මහින්ද රාජපක්ෂගේ පෙර ආණ්ඩුව මෙන්ම සිය විධිනියම පත‍්‍රයට ද්‍රෝහී වනු ඇත්දැයි ජනතාව තුළ තිබෙන බිය ඉවත් කළ හැකි එක් මගක් වේ.

අධිකරණයේ ස්වාධීනත්වය: අග විනිසුරු මොහාන් පීරිස් දෝෂාභියෝගයට ලක්කිරීමේ අවශ්‍යතාවය
ශ‍්‍රී ලංකාවේ ප‍්‍රජාතන්ත‍්‍රවාදී කීර්තියට ඇති වූ අති දැවැන්ත කැළලක් වූයේ ආචාර්ය ශිරානි බණ්ඩාරනායක අගවිනිසුරු පදවියෙන් නීතිවිරෝධී ලෙස ඉවත් කිරීමයි. අධිකරණයේ ස්වාධීනතාවයට එල්ල වූ එවැනි ප‍්‍රහාරයක් නැවත ඇති නොවන බව සහ එවැනි ප‍්‍රහාරයකින් ආරක්ෂා වීමම සඳහා සුරක්ෂණයන් ඇති කරන බවට ශ‍්‍රී ලංකා ජනතාවට නැවත සහතික විය යුතුය.

මේ සම්බන්ධයෙන් කළයුතු පළමු පියවර වන්නේ දැනට පදවියේ සිටින ඞී ෆැක්ටෝ අගවිනිසුරු මොහාන් පීරිස් ඉවත් කිරීමයි. ඔහු එසේ අස් නොවන්නේ නම් දෝෂාභියෝගයේ ආණ්ඩුක‍්‍රම ව්‍යවස්ථාමය අර්ථයන් තුළ එසේ කළ යුතු වේ. ඔහුගේ කිළිටි වෘත්තීය ජීවිතය, ඔහු ව දෝෂාභියෝගයට ලක් කිරීම සඳහා පමණටත් වැඩි පදනමක් සපයයි. තවද මේ සමග විනිසුරුවරුන් පත්කිරීම, මාරුකිරීම සහ ඉවත්කිරීම සම්බන්ධ කි‍්‍රයාවලියේදී දේශපාලනමය අතපෙවීම් ඉවත්කිරීම සඳහා සියලූ පියවර ගත යුතුය. 17 වන සංශෝධනය වහා බලාත්මක කිරීම මෙයට දායක වනු ඇත. මේ හැරුණු විට, විනිසුරුවරුන් විසින් සිදුකරන බලය අයුතු ලෙස යොදාගැනීම් හා දූෂණයන් සම්බන්ධයෙන් මහජනයාට පැමිණිලි කළ හැකි ක‍්‍රම නිර්මාණය කළ යුතුය. තවද එබඳු පැමිණිලි විශ්වාසනීය ලෙස සහ සීඝ‍්‍රයෙන් විමර්ශනය කර සුදුසු පියවර ගත යුතුය.

සිවිල් සමාජය

පෙර පැවති ආණ්ඩුවේ සිරිතක් වූයේ සිවිල් සමාජයේ කි‍්‍රයාකාරකම් රටට පහරදීමක් සේ පෙන්වීමයි. ජනතාව දේශපාලනයට මැදිහත්වීම සීමාකිරීමට බොහෝ දේ කරන ලදී. එම ප්‍රොපගැන්ඩාව ඉවත්කිරීමට සහ සිවිල් සමාජයේ සියලූ ආයතනවලට ජාතියේ කි‍්‍රයාකාරිත්වයට දායක වීමට හැකි වන පරිදි දැඩි පරිශ‍්‍රමයන් ගත යුතුය.

මෙතරම් දශක ගණනක් 1978 ආණ්ඩුක‍්‍රම ව්‍යවස්ථාව කි‍්‍රයාත්මක වීමට ඉඩ දී තිබීම ශ‍්‍රී ලංකාවේ සිවිල් සමාජයට එක් වූ කැළලක් ලෙස පවතියි. මෙම ආණ්ඩුක‍්‍රම ව්‍යවස්ථාවට මුලපටන්ම විරෝධය දැක්විය යුතුව තිබිණි. සිවිල් සමාජය එවැනි විරෝධයක් දැක්වීමට අසමත් වූයේ මන්ද යන්න ප‍්‍රවේශමෙන් අධ්‍යයනය කළ යුතු වන අතර, ලිබරල් ප‍්‍රජාතාන්තී‍්‍රය ආණ්ඩුක‍්‍රම ව්‍යවස්ථාවක මූලික මූලධර්ම ආරක්ෂා කිරීම සඳහා සිවිල් සමාජයේ අවශ්‍යතාවය පිළිබඳ දැනුවත් කළ යුතුය. මෙම සෘණාත්මක අත්දැකීම නැවත වරක් අත්විඳීමට ඉඩ නොතැබිය යුතුය.

ජාතික ශක්තිය සඳහා අලූත් සමීකරණයක්: සුලූතරය සහ බහුතරය එක්ව නැගී සිටීම

ශ‍්‍රී ලංකාවේ ප‍්‍රජාතන්ත‍්‍රවාදය තර්ජනයට ලක්වූ සෑම තීරණාත්මක අවස්ථාවකදීම දමිල, මුස්ලිම් සහ සෙසු ආගමික සුලූතරයන් හෙවත් සුලූ ජාතික ප‍්‍රජාව සිංහල බෞද්ධ බහුතරය සමග එක්ව නැගී සිටියහ. මෙම මැතිවරණය එයට තවත් එක් නිදසුනකි. මෙම ප‍්‍රතිඵලය මගින්, ශ‍්‍රී ලංකාවේ මහත් දුක්ඛයන් සහ අහිමිවීම් නිර්මාණය කළ ප‍්‍රධාන ගැටලූවලින් සමහරක් විසඳීම සඳහා ජන සංජානනය යොදාගැනීමටත්, සුලූතරයට සහ බහුතරයට ස්වකීය නිර්මාණාත්මක හැකියාවන් භාවිතා කිරීමටත් හැකිවන සමීකරණයක් සපයයි.

අවශ්‍ය වන්නේ සමාජයේ සියලූ කොටස් කතිකාවතට සම්බන්ධ වී, සාධාරණ සම්මුතියක ජීව ගුණයක් තුළ දේශයට පීඩා කරන සියලූ ගැටලූ නිරාකරණය කර ගත හැකි බව විශ්වාස කිරීමයි. නව ජනාධිපතිවරයා මෙන්ම ඔහුගේ සන්ධානයද, සුලූ ජාතික පක්ෂ ඇතුළත්ව සියලූ දේශපාලන පක්ෂ ද එකිනෙකාට උපකාර කරගත හැකි මෙම නව දේශපාලන සහයෝගිතා සමීකරණය තුළ වැඩ කරනු ඇතැයි අපි අපේක්ෂා කරමු.

නැවත වරක් සිය දේශපාලනමය බුද්ධිමත්භාවය සහ ප‍්‍රඥාව විදහා දැක්වූ ශ‍්‍රී ලාංකේය ජනතාවට අපි සුබ පතන්නෙමු. එම බුද්ධිමත් භාවය සහ ප‍්‍රඥාව මේ රටෙන් කිසිදා නැති නොවේවායි ද පතන්නෙමු. අද සිදුවූ මෙම වෙනසේ ප‍්‍රතිඵලවල ප‍්‍රතිලාභය අනාගත පරම්පරාවන් ලබනු ඇතැයි අප විශ්වාස කරන අතර, අනාගතය පිළිබඳ ඔවුන්ගේ අපේක්ෂා නැවත කිසිදිනෙක පාවා නොදෙනු ඇතැයි ද අපි අපේක්ෂා කරමු.

ආසියානු මානව හිමිකම් කොමිසමෙන් ප‍්‍රකාශයක්

Read More

අනාගත පරම්පරාවල නාමයෙන් අපි තීරණාත්මක ලෙස ක්‍රියාකාරී වෙමු..!

 -2015 ජනාධිපතිවරණය පිළිබඳ විශ්වවිද්‍යාල ආචාර්යවරුන්ගේ ප්‍රකාශය

ලංකා ජනාධිපතිවරණය ප්‍රකාශයට පත් කරනු ලැබ ඇත. ඒ නිසා ජනවාරි 8 වැනි දා මැතිවරණයේදී අප සියලූ දෙනාට මෙරට පුරවැසියන් ලෙස අපගේ ඡන්දය භාවිත කිරීමට සිදුවනු ඇත. ගැඹුරින් කරුණු සලකා බලා අප එළඹගත් නිගමනය වන්නේ අපේ රට අනාගත පරම්පරා කෙරෙහි තීරණාත්මක බලපෑම් ඇති කරන්නා වූ ඓතිහාසිකව වැදගත්  සන්ධිස්ථානයකට එළඹ ඇති බවය. අප අපේක්ෂා කරන සියලූ වෙනස්කම් එක් රැයකින් හෝ හුදෙක් ආණ්ඩු මාරුවකින් දිනාගත හැකියයි විස්වාස නොකරන අපි මෙම එළඹෙන ජනාධිපතිවරණය ප්‍රජාතන්ත්‍රවාදය නීතියේ පාලනය යහපාලනය සහ සමාජ සාධාරණය සම්බන්ධ ගැටලූ ආමන්ත්‍රණයට කුඩා අවකාශයක් උදා කර ඇතැයිද සිතමු.

පසුගිය දශකය තුළ නීතියේ පාලනය සහ ප්‍රජාතන්ත්‍රවාදය සහ  යහපාලනය පිළිබඳ ප්‍රමිතීන් සහ ප්‍රතිමානවල බිඳ වැටීමක් සිදු වූ බවත් දේශපාලන බලය සහ ආර්ථීක බලය ඉතා කුඩා කණ්ඩායමක් අත සංකේන්ද්‍රණය වූ බවත් අපි දැඩි අවධානයෙන් යුතුව නිරීක්ෂණය කරමු.

මේ තත්වය පහත සඳහන් ක්ෂේත්‍රයන්හි දැකිය හැකි විය:

- අධිකරණ ක්ෂේත්‍රය සම්පූර්ණයෙන්ම පාහේ දේශපාලණීකරණය වීමල අධිකරණ පද්ධතිය තම වාසිය පිණිස අවභාවිත කිරීම අර්බුදකාරී උපරිමයක් කරා ගමන් කළේ හිටපු අග්‍රවිනිශ්චයකාරවරිය නීතිවිරෝධී ලෙස දෝෂාභියෝගයකට ලක්කිරීම නිසාය.

- පොලීසිය දේශපාලනික වශයෙන් පාලනය කිරීම, පොලීසියේ මහජන වගවීමක් නොමැතිකම, පොලිස් නිලධාරින් විසින් කරන ලද මානව හිමිකම් උල්ලංඝනය කිරීම් දරුණු මට්ටකම පැවතීම

- ජනමාධ්‍යවේදීන්ට තර්ජනය කිරීම සහ නිදහස් මාධ්‍ය මර්දනය කිරීම

- පාලක ප්‍රභූ පිරිස අත සංකේන්ද්‍රණය වී ඇති රාජ්‍ය ආයතන සහ සේවාවල බිඳවැටීම.  මෙම ආයතන සහ සේවා වෙත ප්‍රවේශවීමට අපට ඇති හැකියාව සීමා කර ඇත්තේ එම ආයතන සහ සේවා ලබා ගැනීමේ හැකියාව බලපෑම සහ බලය යෙදීමේ හැකියාව මත තීරණය වන නිසාය. මේ නිසා රාජ්‍ය සේවකයෝ දේශපාලන අතපෙවීම්වලට ලක් කෙරෙන අතර යම් ආකාරයක ස්වාධීනත්වයක් පෙන්නුම් කරන්නට නිර්භීත වන රාජ්‍ය සේවකයෝ දේශපාලනිකව ගොදුරු කරනු ලැබෙති.

- දුර්වල පාලනය, හැකිලුණු ශාස්ත්‍රීය ස්වාධීනත්වය සහ අත්‍යවශ්‍ය ප්‍රතිපාදන නොමැතිකම නිසා ක්‍රියාකාරීව පැවතීම පිණිස දුෂ්කර ක්‍රියාවක යෙදෙන විශ්වවිද්‍යාල දේශපාලනීකරණය කිරීම.

- ධනවතුන් සහ දුප්පතුන් අතර පරතරය වැඩිවීම. සෞඛ්‍ය සහ අධ්‍යාපන පහසුකම් ලබාගැනීමට දුප්පතුන්ට ඇති එකම මූලාශ්‍රය රාජ්‍ය අංශය වුවත් ඔවුන් වැඩිවැඩියෙන් ආන්තිකකරණයටද පෞද්ගලික අංශය වෙතද තල්ලු කරනු ලැබේ.

- ජනවාර්ගික, ආගමික සහ සංස්කෘතික විවිධත්වය නොඉවසීම එන්න එන්නම වර්ධනයවීම. පාලක ප්‍රභූන්ගේ හෙජමනිය පවත්වා ගැනීම සඳහා ආගමික නොඉවසීම ලජ්ජා සහගත ලෙස වර්ධනය කිරීම.  ප්‍රජාවන් සහ කණ්ඩායම් අතර අවිස්වාසය ඇතිවීම සහ සුලුජාතිකයන්ගේ අයිතිවාසිකම් කඩවීම වේගයෙන් වර්ධනයවීම.

- ආර්ථීක ව්‍යාපෘති හා සම්බන්ධ නාස්තිය සහ දේශපාලනීකරණය වූ ව්‍යාපාර මාෆියාවක් නිර්මාණය කිරීම.

-  මැතිවරණ නීතීන් උල්ලංඝනය කිරීම- නිදහස් සහ සාධාරණ මැතිවරණයක් පැවැත්වීම කළ නොහැකි තත්වයට පත් කරමින් කිසිම දණ්ඩනයකට යටත් නොවී මැතිවරණ නීති සම්පූර්ණයෙන් උල්ලංඝනය කිරීම

ඉහත සඳහන් කාරණා පමණක් නොව රටේ අනාගතයද සුපරික්ෂාකාරීව සලකා බලමින් එළඹෙන මැතිවරණයේදී තම පුරවැසි වගකීම ඉටු කරන ලෙසට අපි අපගේ සහෝදර පුරවැසියන් පොළඹවන්නට කැමැත්තෙමු.  ජනතාවට තමන්ගේ ප්‍රජාතන්ත්‍රවාදී අයිතිවාසිකම් ආරක්ෂා කර තහවුරු කරගත හැක්කේ ජනතාව බලය ක්‍රියාවට නැංවීමෙන්ම පමණි. අප සියලු දෙනාටම අනාගත පරම්පරාවල නාමයෙන් තීරණාත්මක ලෙස ක්‍රියා කරන්නටත් අපේ වටිනා ඡන්දය පහත සඳහන් කාරණා වෙත කැප වූ අපේක්ෂකයෙකු වෙනුවෙන් භාවිත කරන්නටත් කාලය පැමිණ ඇත:   

- පහත සඳහන් දේට ප්‍රමුඛතාව දෙන එහෙත් හුදෙක් ඒවාට පමණක් සීමා නොවන ව්‍යවස්ථා ප්‍රතිසංස්කරණ වෙත එළඹීම:

- විධායක ජනාධිපති ක්‍රමය අහෝසි කිරීම

- යාවජීව ජනාධිපති ධුරයකට දොර විවර කරන 18 වැනි සංශෝධනය අහෝසි කිරීම

- අධිකරණය රාජ්‍ය සේවය සහ පොලීසිය වෙත සුළු හෝ ස්වාධීනත්වයක් තහවුරු කළ 17 වැනි සංශෝධනය නැවත පිහිටුවීම

- සාධාරණය සහිත සාමය සහ ප්‍රතිසන්ධානය දිරිගැන්වීමට සංයුක්ත සහ අර්ථසම්පන්න පියවර ගැනීම සහ විතැන් වූ සියලු ජනයා තමන්ගේ මුල් පදිංචි ස්ථානවල යලි පදිංචි කරවීම

- රාජ්‍ය අධ්‍යාපනය වෙනුවෙන් ආණ්ඩුවේ වැයකිරීම් ලෙස දළදේශීය නිෂ්පාදිතයෙන්  6%ක් වෙන් කිරීම සහ රාජ්‍ය අධ්‍යාපනයේ ගුණය සහ ප්‍රමිතිය සහතික කිරීම

- මහජන සෞඛ්‍යය වෙනුවෙන් කරන රාජ්‍ය වියදම් විශාල වශයෙන් වැඩි  කිරීම සහ රාජ්‍ය සෞඛ්‍ය  සේවයේ ගුණය සහ ප්‍රමිතිය තහවුරු කරන පියවර ගැනීම

- විදේශ සම්බන්ධතා, අධ්‍යාපනය, සෞඛ්‍යය සහ අනිකුත් වැදගත් අංශ පිළිබඳ ජාතික ප්‍රතිපත්තීන් ස්ථාපිත කිරීම සහ මෙම අංශ ඒවාට අදාළ වෘත්තිකයන්ගේ සේවය යටතට පත් කිරීම

- තොරතුරු පිළිබඳ අයිතිය ආරක්ෂා කරන පනතක් ක්‍රියාවට දැමීම

- මාධ්‍ය නිදහස ආරක්ෂා කිරීම

- දූෂණය අල්ලස සහ නාස්තියද ව්‍යාපාර මාෆියාවද නැති කිරීම

- රාජ්‍ය සේවය සහ ව්‍යාපාර අංශ නිර්දේශපාලනීකරණය කිරීම

- ඥාති සංග්‍රහයෙන් සහ බල අපයෝජනයෙන් තොර යහපාලනයක් ඇති කිරීම

එසේම නිදහස් සහ සාධාරණ මැතිවරණයක් සහතික කරන මෙන්ද මැතිවරණ නීති උල්ලංඝනයන් වලක්වන්නට මැදිහත් වන ලෙසද අදාළ සියලූ දෙනාගේ ආරක්ෂාව සහතික කරන ලෙසද අපි මැතිවරණ කොමසාරිස්වරයාගෙන්ද බලවත් සේ ඉල්ලා සිිටිමු.

ඉහත සඳහන් කාරණා වෙත කැපවීමට තරම් වගකීමෙන් යුතු අය මත අප බලපෑම් කරන අතර මෙකී යෝජිත ව්‍යවස්ථා ප්‍රතිසංස්කරණ සහ ප්‍රතිපත්ති වෙනස්කම් කිරීම පිණිස ජනාධිපතිවරණයෙන් පසුවද කටයුතු කරන්නට අපි කැපවෙමු.

   
අත්සන් කෙළේ

නම සහ ආයතනය

Prof. S. B. S. Abayakoon -University of Peradeniya
Dr. Upul Abeyrathne -University of Ruhuna
Mr. H. V. D. I. Abeywickrama -University of Ruhuna
Dr. S. K. M. Ali -University of Ruhuna
Dr. Chandana Aluthge -University of Colombo
Dr. Liyanage Amarakeerthi -University of Peradeniya
Dr. Harini Amarasuriya -Open University of Sri Lanka
Ven. Uduhawara Ananda -University of Colombo
Mr. P. T. K. Arachchige -University of Ruhuna
Dr. A. K. S. Aramabawaththa -University of Peradeniya
Prof. S.A Ariadurai -Open University of Sri Lanka
Dr. Mojith Ariyaratne -University of Peradeniya
Ven. T. Ariyawimala -University of Ruhuna
Prof. D. Atapattu -University of Ruhuna
Dr. S. Baduge -University of Ruhuna
Prof. H. M. N. Bandara -University of Peradeniya
Dr. S. Banneheke -University of Peradeniya
Ms K Bulumulle -Open University of Sri Lanka
Dr. D.P Chandima -University of Moratuwa
Dr. A. J. M. Chandradasa -University of Ruhuna
Mr. D. C. Chandrasiri -University of Ruhuna
Prof. H. W. Cyril -University of Peradeniya
Prof. Kumar David -Formerly Hong Kong Polytechnic Univ.
Mr. W. K. R. Dayalatha -University of Ruhuna
Mr. Ravi de Mel -Open University of Sri Lanka
Dr. S. de Mel -University of Peradeniya
Ms. D. M. R. Deepika -University of Ruhuna
Prof G Delkumburewatte -Open University of Sri Lanka
Dr. R. M. K. Deshapriya -University of Peradeniya
Dr. Nirmal Ranjith  Dewasiri -University of Colombo
Prof. W. P. S. Dias -University of Moratuwa
Mr. D. D. Dias -University of Peradeniya
Ms. M. G. M. Dilrukshi -University of Ruhuna
Ms. P. K. C. Dinesha -University of Ruhuna
Prof. Lakshman Dissanayake -Univeristy of Colombo
Dr. G. Edirisinghe -University of Ruhuna
Dr. W. P. D. Fernando -University of Peradeniya
Prof Rohan Fernando -Open University of Sri Lanka
Dr. Michael Fernando -Formerly University of Peradeniya
Dr Theodore Fernando -Open University of Sri Lanka
Prof. Lalith S.  Fernando -University of Sri Jayawardenapura
Mr. W. M. N. Fernando -University of Sri Jayawardenapura
Dr. Anil Fernando -University of Sri Jayawardenapura
Mr. Wijith Herath Fernando -University of Kelaniya
Prof. E. A. G. Fonseka -University of Ruhuna
Mr. Krishantha Fredricks -University of Colombo
Mr. Kasun Gajasinghe -University of Peradeniya
Dr. Ruwan Gallage -University of Ruhuna
Mr. Indu Gamage -University of Ruhuna
Ms. Lakmini Gamage -University of Ruhuna
Dr V.V. Ganeshananthan -Harvard University
Prof. Savitri Goonesekere -Formerly University of Colombo
Mr. K. G. P. V. Gunarathna -University of Ruhuna
Mr. R. R. P. K. Gunarathna -University of Ruhuna
Dr. S. Gunarathne -University of Peradeniya
Mr Chandika Gunasinghe -University of Ruhuna
Mr. Ruvan Gunawardane -University of Ruhuna
Dr. R. D. Guneratne -University of Colombo
Prof. Camena Guneratne -Open University of Sri Lanka
Prof. Dileni Gunewardena -University of Peradeniya
Dr. Rangika Halwatura -University of Moratuwa
Dr. Farzana Haniffa -University of Colombo
Mr. E. H. M. Heenbanda -University of Ruhuna
Mr. G. P. T. S. Hemakumara -University of Ruhuna
Dr. K. R. B. Herath -University of Peradeniya
Dr Shyamani Hettiarachchi -University of Kelaniya
Dr S.R Hettiarachchi -Open University of Sri Lanka
Dr. N. K.  Hettiarachchi -University of Ruhuna
Dr. J.  Hewage -University of Ruhuna
Prof. P. Hewage -University of Ruhuna
Dr. Rajan Hoole -University of Jaffna
Dr. Kirupa Hoole -University of Jaffna
Mr J.H.S.K. Jayamaha -Open University of Sri Lanka
Ms. R. Jayaneththi -University of Peradeniya
Mr. G. G. Jayarathne -University of Moratuwa
Dr. T. Jayasingham -Eastern University of Sri Lanka
Dr. R. D. Jayasinghe -University of Peradeniya
Dr. Prabhath Jayasinghe -University of Colombo
Dr. R. Jayasinghe -University of Peradeniya
Dr. Vajira Jayasinghe -University of Peradeniya
Dr. B. C. Jayawardana -University of Peradeniya
Prof. U. de. S. Jayawardena -University of Peradeniya
Dr. Janaki  Jayawardena -Univeristy of Colombo
Dr. Ananda Jayawickrama -University of Peradeniya
Ms. H. A. C. Jeewanthi -University of Ruhuna
Dr. Silan Kadirgamar -University of Jaffna
Mr. S.Kahandagamage -University of Ruhuna
Dr. Pavithra Kailasapathy -University of Colombo
Dr. D. Karunanayake -University of Peradeniya
Mr. M. S. M. Karunarathne -University of Ruhuna
Dr. A. H. G. K. Karunaraththna -University of Sri Jayawardenapura
Mr. A. C. Karunaratna -University of Ruhuna
Dr. D. G. G. P. Karunaratne -University of Peradeniya
Mr. Nandasiri Keembiyahetti -University of Ruhuna
Prof G. Keerawella -University of Peradeniya
Dr. S.I. Keethaponcalan -University of Salisbury
Dr. S. P. Kodituwakku -University of Peradeniya
Dr. Shamala Kumar -University of Peradeniya
Prof. Vijay Kumar -Formerly University of Peradeniya
Prof. N. S. Kumar -Formerly University of Peradeniya
Dr. Kumudu Kusum Kumara -University of Colombo
Mr. W. A. M. Kumara -University of Ruhuna
Dr. P. A. P.S. Kumara -University of Ruhuna
Prof. Amal S. Kumarage -University of Moratuwa
Dr. Pivithuru Kumarasinghe -University of Sri Jayawardenapura
Mr. W. M. R. Laksiri -University of Ruhuna
Mrs. R. Liyanage -University of Peradeniya
Prof. R. P. Mahaliayanaarachchi -Sabaragamuwa University
Mr. R. Maheswaran -University of Peradeniya
Ven.Dr. U. Mahinda -University of Ruhuna
Dr. D. H. S. Maithripala -University of Peradeniya
Ven. Makola Mangala -University of Ruhuna
Dr. A. Manipura -University of Peradeniya
Mr. S. Mantillake -University of Peradeniya
Ms. Prabha Manuratne -University of Kelaniya
Dr. A. L. M. Mauroof -University of Peradeniya
Dr. Vivimarie V. Medwattegedera -Open University of Sri Lanka
Dr. Madhava Meegaskumbura -University of Peradeniya
Dr. R. Meegaskumbura -University of Peradeniya
Prof. Nayani Melagoda -Univeristy of Colombo
Dr. Mahim Mendis -Open University of Sri Lanka
Dr. Iresha Mendis -University of Peradeniya
Dr N. Morais -Open University of Sri Lanka
Mr. M. S. Nanayakkara -University of Ruhuna
Dr. B. G. T. L. Nandasena -University of Peradeniya
Prof. A. M. Navaratna Bandara -University of Peradeniya
Dr Vasuki Nesiah -New York University
Mr. S. N. Niles -University of Moratuwa
Prof. Mahesan Niranjan -University of Southampton
Mr. K. S. G. S. Nishantha -University of Ruhuna
Prof. M. A. Nuhman -University of Peradeniya
Prof. Gananath Obeyesekere -Formerly Princeton University
Prof. Ranjini Obeyesekere -Formerly Princeton University
Dr. R. Palamakumbura -University of Peradeniya
Mr. W. A. Palitha -University of Ruhuna
Dr. R. W. Pallegama -University of Peradeniya
Dr. Gihan Panagoda -University of Peradeniya
Mr. Upali Pannilage -University of Ruhuna
Prof. A. Parakrama -University of Peradeniya
Dr. M. P. Paranagama -University of Peradeniya
Dr. Dharmasena Pathiraja -Formerly Univeristy of Colombo
Prof. S. D. Pathirana -University of Peradeniya
Mr. L. K. K. Peiris -University of Ruhuna
Dr. H. R. D. Peiris -University of Peradeniya
Dr. P. Perera -University of Peradeniya
Mr. K. E. D. Perera -University of Ruhuna
Dr M.E.R Perera -Open University of Sri Lanka
Prof. Kapila Perera -University of Moratuwa
Dr. Himan Punchihewa -University of Moratuwa
Dr. D. D. J. Punchihewa -University of Sri Jayawardenapura
Mr. A. Rajapaksha -University of Peradeniya
Mr. W. P. S. Rajapaksha -University of Ruhuna
Prof. R. M. G. Rajapakshe -University of Peradeniya
Prof. Dharma Rajapakshe -University of Ruhuna
Mr. K. H. Ramanayake -University of Ruhuna
Dr. H.  Rambukwella -Open University of Sri Lanka
Mr. R. A. S. P. Ranabahu -University of Ruhuna
Dr. D. Randeniya -University of Peradeniya
Mr. S. Rasnayake -University of Peradeniya
Mr. R. M. D. D. Rathnayake -University of Ruhuna
Mr Sithumini Ratnamalala -University of Moratuwa
Dr. A. C. Ratnaweera -University of Peradeniya
Dr. Prasanna Ratnaweera -Open University of Sri Lanka
Mr. Rohana Ratnayake -Open University of Sri Lanka
Dr. Anura Ratnayake -University of Ruhuna
Mr. L. K. G. Roshana -University of Ruhuna
Dr. A. J. Ruhunuhewa -University of Ruhuna
Dr. T. S.  Samarakoon -University of Peradeniya
Attoney-at-Law D. Samararatne -University of Colombo
Prof. Gameela Samarasinghe -University of Colombo
Ms. Tanuja Sandanayake -University of Moratuwa
Mr. A. P.  Santhasiri -University of Ruhuna
Dr. I. M. S. Sathyaprasad -University of Peradeniya
Dr. Nihal Senanayake -Open University of Sri Lanka
Mr. G. Senarath -University of Ruhuna
Dr. Hiniduma Sunil Senevi -Sabaragamuwa University
Prof. K. G. S. C. Seneviratne -University of Peradeniya
Prof. Rev. Agalakada Sirisumana -Univeristy of Colombo
Dr. S. Sivamohan -University of Peradeniya
Dr. Daya Somasundaram -University of Jaffna
Dr. H. P. Sooriyaarachchi -University of Ruhuna
Dr. H. N. S.  Soysa -University of Peradeniya
Dr. B. M. Sumanaratne -University of Ruhuna
Mr. Chandraguptha Thenuwara -University of Visual and Performing Arts
Dr. Sharika Thiranagama -University of Stanford
Mr. Dayapala Thiranagama -Formerly University of Kelaniya
Prof. Asanga Tilakaratne -University of Colombo
Dr. N.  D. Udagama -University of Peradeniya
Dr. D. Udakara -University of Peradeniya
Dr. Anura Uthunmange -University of Sri Jayawardenapura
Prof. Jayadeva Uyangoda -Univeristy of Colombo
Dr. Vidura Vithana -University of Ruhuna
Prof. Manjula Vithanapathirana -University of Colombo
Dr. L. D. Sarath Vitharana -University of Kelaniya
Ven. N. Wajiraghana -University of Ruhuna
Prof. K. S. Walgama -University of Peradeniya
Dr. S. K. Wanniarachchi -University of Ruhuna
Prof. S. Wawwage -University of Ruhuna
Dr H.L.D Weerahewa -Open University of Sri Lanka
Prof. Ruwan Weerasekera -University of Moratuwa
Dr. A. R. Weerasinghe -University of Colombo
Prof. P. Wickramagamage -University of Peradeniya
Prof. C. S. Wickramagamage -University of Peradeniya
Prof. Maithri Wickramasinghe -University of Kelaniya
Dr. J. V. Wijayakulasooriya -University of Peradeniya
Ms. Gayatri Wijekoon -University of Peradeniya
Mr. S. Wijeratne -University of Ruhuna
Mr. Wimal Wijesinghe -University of Ruhuna
Mr. W. A. N. D. Wijesinghe -University of Ruhuna
Mr. T. R. Wijesundara -University of Ruhuna
Dr. Tilak Wijesundara -University of Ruhuna
Prof. R. L. Wijeyeweera -University of Peradeniya
Mr. N. A. Wimalasena -University of Peradeniya
Mr. P. H. Wimalasiri -University of Ruhuna
Mr B.D. Witharana -Open University of Sri Lanka

Read More

ඌවෙන් දැල්වූ මේ පළමු වෙඩි මුරය, රාජපක්‍ෂ පවුලේ සාපයෙන් ජනතාව මුදා ගැනීම සඳහාය

 | ඌවේ මැතිවරණ ප්‍රතිපල විග්‍රහ කරමින් එක්සත් ජාතික පක්‍ෂය නිකුත් කළ පුවත් නිවේදනය

බ්‍රිතාන්‍ය  අධිරාජ්‍යවාදීන් මෙරටින් පළවා හැරීමේ අරමුණින් දියත් වූ සටනට දැඩි බලපෑමක් ගෙන දුන් මෙරට නිදහස් අරගලයේ පළමු වෙඩි මුරය ඌව  වෙල්ලස්සෙන් ඇසුනේ මීට වසර 200 කට ඉහතදී ය.

එම වීර ජීවගුණය යළි දෝංකාර නංවමින් නිදහස හා සාධාරණත්වය මුදුන්පත් කර ගැනීමේ අභිලාෂය පෙරදැරිව අඥාදායක රාජපක්‍ෂ පාලනය පැරදවීමේ සටන ඓතිහාසික ඌව වෙල්ලස්සෙන් දැන් යළි ආරම්භ වී තිබේ.

සුළුතරයක් සනසවමින්, ඔවුන්ව පමණක් පෝෂණය කරමින්, රටේ බහුතරයක් ජනතාව නොසලකා හරිමින් වත්මන් රෙජීමය ගෙන ගිය එම දුර්දාන්ත ප්‍රතිපත්ති බරපතළ ලෙස ප්‍රතිෙක්‍ෂ්ප කිරීම ඌව පළාත් සභා මැතිවරණ ප්‍රතිඵල තුළ පෙනෙන්නට ඇත. රාජ්‍ය පාලනය සම්බන්ධ ඔවුන්ගේ මන්තරයෙන් තවදුරටත් තමන් රැවටිය නොහැකි බව ඌවේ ජනතාව පෙන්වා තිබේ.

නීති විරෝධී ආකාරයෙන් තුන් වැනි වරටත් ජනාධිපතිවරණයට තරග කිරීමට ඇති රාජපක්‍ෂ ජනාධිපතිවරයාගේ නොනිමි ආශාව තුළ ඔහු, සෙනසුරාදා නිමාව දුටු මැතිවරණය සම්බන්ධයෙන් දැඩි උනන්දුවක් මුල සිටම දක්වන ලදී. ඡන්ද ප්‍රචාරක ක්‍රියාවලියේ අවසානය තෙක්මඌවේ රැඳී සිටිමින් ඔහු උත්සාහ කළේ තීරණාත්මක සටනට පෙර තම ශක්තිය පිටතට පෙන්වීමටය.

අනිත් අතට ඌව පළාත සැලකෙනුයේ එක්සත් ජනතා නිදහස් සන්ධානයේ ශක්තිමත් බල කොටුවක් ලෙසය. මේ මැතිවරණ ප්‍රතිඵලයේ විශිෂ්ඨත්වය වැඩි වනුයේ ඒ සන්දර්භය තුළය.

රාජපක්‍ෂවරු සතු ශක්තිමත් බලකොටුව පවා ජනතා ශක්තිය මතින් බිඳලිය හැකි බවට වන වැදගත් පණිවුඩය මේ ප්‍රතිඵලය තුළින් රටේ සෙසු ජනතාවට හා පිටස්තර ලෝකයාට ලබාදී තිබේ.

සැබැවින්ම මෙවර රජයට නිසි පිළිතුරු ලැබී ඇත. ඓතිහාසික ඌව වෙල්ලස්සෙන් රාජපක්‍ෂ රෙජීමයට ලැබුණු ඒ පණිවුඩය හඳුනාගැනීමට ඒ හැටි අසීරු නොමැත. එය සුපැහැදිලිය. වත්මන් රජය හා එහි ප්‍රකාශකයන් සමාජගත කරමින් සිටින මිත්‍යාවන්ට තවත් එපාෙ යන පණිවුඩය ජනතාව මැතිවරණ ප්‍රතිඵල හරහා ලබා දී ඇත.

දූෂණයෙන් පිරුණු වත්මන් රජයේ කොල්ලකාරී වැඩපිළිවෙළ තවත් තමන් නොඉවසන බව ජනතාව ප්‍රකාශ කර තිබේ.

 ඥාති සංග්‍රහය හා දැඩි ආත්මාර්ථකාමී පාලනය තුළ තමන් වෙහෙසට පත්ව ඇති වග ජනතාව පෙන්වා දී තිබේ. නීතිය නිසි ලෙස ක්‍රියාත්මක නොවීම, වැරදිකරුවන් සම්බන්ධයෙන් පාලක රෙජීමය අනුගමනය කරන ලිහිල් ප්‍රතිපත්ති ජනතාව මැතිවරණයේ දී ප්‍රතික්ෂේප ප්‍රතික්ෂේප  කර තිබේ.

ගෙදර යෑම සඳහා පැදුරු අකුලා ගනිමින් සූදානම් වන ලෙසට, ජනතාව රාජපක්‍ෂ රෙජීමයට පණිවිඩයක් ලබාදී තිබේ.

භීතිය හා දූෂණය වපුරවමින් සිටින වත්මන් පාලනය සහතිකවම, තම අවසානය කරා ළඟා වෙමින් සිටී.

ප්‍රජාතන්ත්‍රවාදය දිනෙක ජය ගන්නා බව දැන් ඉතා පැහැදිලිය. සෙනසුරාදා පැවැති ඡන්ද විමසීමේ දී ඒ සඳහා අවශ්‍ය මාවත ඌව වෙල්ලස්සේ වීරෝදාර ජනතාව පෙන්වාදී ඇත.

ඉතා සද්භාවයෙන් යුතුව තමන් සිදු කළ අතිමහත් පරිත්‍යාගය වෙනුවෙන් නිසි ප්‍රතිඵල හරීන් ප්‍රනාන්දු මහතාට ලැබී තිබේ. රාජපක්‍ෂ පාලනයේ සමස්ත රාජ්‍ය යාන්ත්‍රණයට ශක්තිමත්ව මුහුණ දෙමින් ජනාධිපතිවරයාගේ බෑණනුවන් සමඟ තරග වැදුණු මේ තරුණ දේශපාලනඥයා, තමන් ලබාගත් අතිසාර්ථකත්වය හරහා දේශපාලන හිණිමඟේ ඉහළට යාමට බලාපොරොත්තුවෙන් සිටින තරුණ දේශපාලනඥයන්ට හා දේශපාලන විශාරදයන්ට ද මාහැඟි ආදර්ශයක් ලබාදී ඇත.

 ඔහු කළ සුවිසල් කැපකිරීම, බදුල්ල ප්‍රමුඛ ඌවේ ඡන්ද ව්‍යාපාරයට ලබා දුන් ජීවය තුළ මීළඟ ජනාධිපතිවරණය ජය ගැනීමට අවශ්‍ය මාවත කරා එජාපය රැගෙන යාමට හරීන් සමත්ව ඇත.

මේ මැතිවරණ ප්‍රතිඵල නිසා බියෙන් සැලූණු රාජපක්‍ෂ රෙජීමය, 2009 ඌව පළාත් සභා මැතිවරණ ප්‍රතිඵල සමග මෙවර ප්‍රතිඵලය සංසන්දනය නොකරන මෙන් සියළු විද්‍යුත්  මාධ්‍යයන් වෙත බලපෑම් කර ඇත. මේ නිසා විද්‍යුත්  මාධ්‍යයන්හි වෙබ් අඩවිවල තිබූ එවැනි සංසන්දනාත්මක කරුණු සියල්ල ඉවත් කරලීමට ද, මාධ්‍ය ඔස්සේ සිදු කෙරුණු සංසන්දනාත්මක විග්‍රහ නවත්වා දැමීමට ද මාධ්‍යයන්ට සිදු වී තිබේ.

මෙයින් පිළිඹිබු  වන්නේ රාජපක්‍ෂ රෙජීමය සහ විශේෂයෙන්ම ජනාධිපති මහින්ද රාජපක්‍ෂ මහතා පත් වී ඇති දේශපාලන අස්ථාවරත්වයයි.

සැලසුම් කළ ආකාරයටම මැතිවරණය පවත්වා, රාජපක්‍ෂ පාලනයේ පසුගිය 9 වසර තුළ ජනතාව පත්ව ඇති ව්‍යාකුලතාව, දුක්ඛිතතාව පිළිබඳ සැබෑ සත්‍යයට මුහුණ දෙන ලෙස අප රජයට අභියෝග කරන්නෙමු.

රජයේ අධිකාරිවාදී පාලනයට හා දූෂණයට එරෙහිව ඌවෙන් දැල්වූ මේ පළමු වෙඩි මුරය, රාජපක්‍ෂ පවුලේ සාපයෙන් ජනතාව මුදා ගැනීම සඳහා ඊට එරෙහි සියලූ බලවේගවලට එක්සත් වන ලෙස යළි බලකර තිබේ.

2014. 09. 21

Read More

ජාති ආගම් වෛරය වපුරන කතා තහනම් කරනු

මාතර දිස්ත්‍රීක් පාර්ලිමේන්තු මන්ත්‍රී මංගල සමරවීර මහතා නිකුත්කළ මාධ්‍ය නිවේදනය

බොදු බල සේනා ත්‍රස්ත නායකයින් අත්අඩංගුවට ගනු !

පසුගිය දින කිහිපයේ අලුත්ගම හා දර්ගා නගරය ආශ්‍රිතව ඇති වූ නොසන්සුන්කාරී තත්ත්වය අප ඉතිහාසයේ ඛේදජනක සිදුවීමක්ම ය. 

සැබැවින්ම, අලුත්ගම හා දර්ගා නගර ප්‍රදේශ ආශ්‍රිතව ඇති වූ මෙම ආගමික නොසන්සුන්තාව ආරම්භක අවස්ථාවේදී ම පහසුවෙන් විසඳා ගත හැකි මට්ටමේ තිබූ එකකි.   මිට වසර කිහිපයකට ප්‍රථම 'හලාල්' භීතිකාවක් ඇතිකරමින් ආරම්භකරන ලද බොදු බල සේනා ත්‍රස්තයින්ගේ වෛරකාරී ගමන මේවනවිට ජාතිවාදී කොලහයක් බවට පරිවර්තනය වෙමින් පවතී.  අදාළ වගකිව යුත්තන් දිගින් දිගටම නිසි උනන්දුවක් නොදැක්වීමත්, මෙම ජාතිවාදී උසිගැන්වීම හා ප්‍රහාරයන්ට රජයේ ඉහලම අයගේ අනුග්‍රහය ලැබීමත් නිසා අද එය  මහා ඛේදවාචකයක් බවට පත්ව තිබේ.

මෙම සමස්ත සිදුවීම් මාලාවට අදාළව රජය දැක් වූ ප්‍රතික්‍රියා නිරීක්ෂණය කරන විට මතු වන සාධාරණ හැඟීම වනුයේ,  රජය සැලසුම් සහගතව  ජාතිවාදය ප්‍රවර්ධනය කරමින් සිටින බව ය.   මෙය සැලසුම් සහගතව සිදු වුවක් බව අප පවසනුයේ වගකීමෙනි. 

තාර්කිකව හා ප්‍රායෝගීකව බලන කල ශ්‍රී ලංකා පොලිසිය ඇතුළු ආරක්ෂක අංශවලට මෙවැනි සිදුවීමක් මුල් අවස්ථාවේදී ම පාලනය කර ගත නොහැකි යැයි කිසිවෙකුට හෝ විශ්වාස කළ නොහැකි තරම්ය. ලෝකයේ අති භයානක ත්‍රස්තවාදියෙකු වූ වේලුපිල්ලේ ප්‍රභාකරන්ගේ ත්‍රස්තවාදය පරාජයට පත් කළ අප ආරක්ෂක අංශවලට මෙවැනි කුඩා ජන රාශියක් මුල් අවස්ථාවේ දීම පාලනය කර ගත නොහැකි වීම සැබැවින් ම සැක උපදවන සුළු ය. මෙම සමස්ත සිදුවීම් ජාලය සැලසුම් සහගතව වුවක් බව අප පවසනුයේ ඒ පසුබිම තුලය.

ජාත්‍යන්තර පෙරමුණ තුල පමණක් නොව රට අභ්‍යන්තරයේ දීත් සම්පූර්ණ අසාර්ථක වී සිටින රාජපක්ෂ පාලනය තම පැවැත්ම වෙනුවෙන් ජාතිවාදය පිම්මේ ප්‍රවර්ධනය කරමින් කටයුතු කරමින් සිටින ආකාරය සහතිකවම රටට, සිංහල ජනතාවට, බෞද්ධයන්ට පමණක් නොව ගෞතම බුදුරජාණන්වහන්සේගේ ඉගැන්වීම්වලට  පවා ගෙන දෙනුයේ බලවත් කැලලකි. 

ජිවිත කිහිපයක් හා අතිමහත් දේපල විනාශයක් සිදු වීමට පෙර සිට අලුත්ගම හා ඒ අවට බෞද්ධ හා මුස්ලිම් කොටස් අතර යම් අර්බුදයක් හටගෙන  තිබුණි.

බොදු බල සේනා සංවිධානය එහි රැස්වීමක් සංවිධානය කර තිබුණේ එබදු නොසන්සුන්කාරී තත්ත්වයක් ප්‍රදේශයේ නිර්මාණය වී තිබියදී ය.  ආගමික ගැටුමකට අවශ්‍ය පරිසරය හැමතින් සැකසී තිබිය දී ඊට සම්බන්ධ එක් පාර්ශවයකට රැස්වීමක් අලුත්ගම ප්‍රදේශයේ පැවැත්වීමට අවසර ලබා දුන්නේ කුමන හේතු මත,  කුමන බලධාරීයා  ද යන සාධාරණ ප්‍රශ්න මේ මොහොතේ සෑම නීතිගරුක පුරවැසියෙකු තුල ම මතුව තිබේ.

ජාතිවාදී ගින්නට ආණ්ඩුවෙන් ඉන්දන :

 ඉන් සැබැවින්ම සිදු වූයේ ඒ වන විටත් ඇති වෙමින් තිබූ ගින්නට තවත් ඉන්ධන සැපයීම පමණකි.  අලුත්ගම ගින්නට පිදුරු,  බොදු බල සේනා ත්‍රස්තයන්  සපයත් දී,  ඊට ඉන්ධන සැපයූයේ වත්මන් පාලනය බව අප පවසනුයේ එබැවිනි.

හිංසනයක ලකුණක්වත් නොමැති ශිෂ්‍ය විරෝධතා,  විපක්ෂ දේශපාලන පක්ෂ කණ්ඩායම් හි උද්ඝෝෂණ තහනම් කිරිම සඳහා අධිකරණ නියෝග ලබා ගැනීමට පමණක් නොව, ක්ෂණිකව එවැනි සාමකාමී විරෝධතාවයන්ට පොලිස් බලය පුර්ණ ලෙස යෙදවීමට උනන්දුවක් දක්වන ශ්‍රී ලංකා පොලිසිය, මෙබදු ජාතිවාදී හැඟීම් ප්‍රවර්ධනය කරන රැස්වීමකට අවසර ලබා දුන්නේ කුමන පදනමක් මතදැ යි දැන ගැනීමට අප ද කැමැතිය.

මෙම රැස්වීමට අවසර ලබා දීමෙන් පසු කලබලයක් සිදු වෙතැයි තමන් අපේක්ෂා නොකළ බව පොලිස්පතිවරයා  පවසනුයේ කුමන පදනමක් මත ද යන්න  අපට නම් ගැටළුවකි. එසේ විශ්වාසයෙන් පැවසීමට තරම් අවබෝධයක් බොදු බල සේනා සංවිධානය සම්බන්ධයෙන් ඔහුට තිබුණේ කෙසේ ද?   එම රැස්වීම පැවැත්වීමට ඉඩ ලබා දීමෙන් නතර නොවුනු පොලිසිය මුස්ලිම් බහුතරයක් වෙසෙන දර්ගා නගරය හරහා අනතුරුව පෙලපාලියක් ගමන් කිරිමට ද නිදහසේ ඉඩ ලබා දුන්නේ ඉන් ඇති විය හැකි ආනිසංස පිළිබඳ දෙවරක් නොසිතමිනි.

එහිදී සුළු අවබෝධ‍යක් හෝ පොලිසියට නොතිබීම අප තේරුම් ගත යුත්තේ කෙසේ ද?  පිරිසිදු පානීය ජලය ඉල්ලූ උද්ඝෝෂණය කළ රතුපස්වල ජනතාව දෙසට තම තුවක්කු එල්ල කළ,  විශ්ව විද්‍යාල ශිෂ්‍යයන් හා නිදහස් වෙළද කලාප සේවකයන් විරෝධතාවයන් හි නිරතවද්දී අධිපීඩක ජල ප්‍රහාර එල්ල කරන ආරක්ෂක අංශ මෙතරම් සැහැල්ලුවෙන් මේ කාරණයේ දී හැසිර තිබුණේ ඇදහිය නොහැකි ආකාරයට ය. 

මේ සියල්ල නිරික්ෂණය කරන විට පැහැදිලිව පෙනී යනුයේ රජයට තම පැවැත්ම වෙනුවෙන් මෙවැනි ගැටුමක් අනිවාර්යයෙන්ම අවශ්‍යව  තිබූ බව ය.  මෙහි දී රාජපක්ෂ ජනාධිපතිවරයා ප්‍රමුඛ රජයට අප පැහැදිලිව අවධාරණය කර සිටිනුයේ ආණ්ඩුවක් ආරක්ෂා කළ යුත්තේ  පෙනී සිටිය යුත්තේ එක් ජන කොටසක් හෝ ආගමික කණ්ඩායමක් පමණක් නොවන බවය.  මේ රටේ සියළු පුරවැසියන්ගේ ආරක්ෂාව තහවුරු කරමින් නීතිය හා සාමය සුරැකීමේ වගකීමක් රජයකට පැවරී තිබේ. 

පොලිස්පතිගේ විහිළු කතා :

මේ අතර පසුගිය බ්‍රහස්පතින්දා  මාධ්‍ය සාකච්ජාවක් පවත්වමින් ජනමාධ්‍ය අමාත්‍යවරයාත්, පොලිස්පතිවරයාත් සිදුකර ඇති ප්‍රකාශ හාස්‍ය ජනකය. එහිදී පොලිස්පතිවරයා බොදු බල සේනා  ත්‍රස්තයින්ට  චරිත සහතිකද ලබාදී ඇත. බොදු බල සේනා සංවිධානයේ කුපිත කරවීමේ ප්‍රකාශවලට අදාළව ක්‍රියාත්මකවීමට පොලීසියට ප්‍රතිපාදන නොමැති බවත්, පරීක්ෂණ කළ හැක්කේ සිදුවීමට අදාළව පමණක් බවත් පොලිස්පති එන්.කේ.ඉලංන්ගකොන් මහතා එහිදී පවසා ඇත.

මීට මාස දෙකකට පෙර බොදු බල සේනා සංවිධානය අලුත්ගම නගරයේ කිසිදු ප්‍රශ්නයකින් තොරව රැළියක් පවත්වා තිබුණු බවත්, පසුගියදා රජය විසින් අවසර ලබාදී තිබුණේ බොදු බල සේනා සංවිධානයට නොව ශාසනාරක්ෂක බල මණ්ඩලයේ රැස්වීමකට බවත් පොලිස්පතිවරයා පවසයි.

එසේම, ජනමාධ්‍ය අමාත්‍ය වරයා පවසන්නේ, බෞද්ධ උත්සව පැවැත්වෙන අවස්ථාවල දී භික්ෂූන් වහන්සේ යම් නගරයකට යාම හෝ රැස්වීම් පැවැත්වීම හෝ වැළැක්වීමට නොහැකි බව යි.

දැන් කාරණය ඉතා පැහැදිලිය. බොදු බලසේනා සංවිධානය වෙනුවෙන් චරිත සහතික දීමට රජය කටයුතු කරමිනි සිටි. අප මිට පෙර පැවසුවා සේම, බොදු බල සේනාව යනු ආරක්ෂක අමාත්‍යංශයේ ලේකම්ගේ පුර්ණ ආශිර්වාදය යටතේ, ආරක්ෂක සේවා බුද්ධි අංශ විසින් මෙහෙයවන ත්‍රස්ත සංවිධානයකි. එබැව දැන් මනාව තහවුරුවී ඇත.

ත්‍රස්ත චීවරධාරියා අත්අඩංගුවට ගනු !

අලුත්ගම- බේරුවල ගැටුමට සම්බන්ධ සියලු දෙනා සම්බන්ධයෙන් නිතිය අකුරටම ක්‍රියාත්මක කරන බව ජනාධිපතිවරයා පසුගියදා බේරුවල ජනතාවට සහතිකවිය. එසේනම්, ජිවිත ගනානාවක්  හා දේපල රාශියක් විනාශ කිරීමට ජාතිවාදීන් උසි  ගැන්වූ බොදු බල සේනාවේ ප්‍රධානියා වන ඥානසාර නමැති  චීවරධාරීයා ඇතුළු,  එම සංවිධානයේ සියලු  ත්‍රස්ත නායකයින් වහාම අත් අඩංගුවට ගෙන එම පොරොන්දුව ඉටුකරන ලෙස අප ජනාධිපතිවරයාට  බලකර කියා සිටිමු.   

නිතිය අකුරටම ක්‍රියාත්මක කරන බවට ජනාධිපතිවයා සහතික වෙද්දී,  ජි.එල්. පිරිස් , චම්පික රණවක යන ඇමතිවරු මෙම ගැටුමේ වගකීම 'ඉස්ලාම් අන්තවාදීන්' පිට පැවරීමේ මෙහෙයුමක දී  ඇත. තමන්ගේ ප්‍රතිපත්ති නායකයා අනුව වෙනස් කරන ජි.එල්. පිරිස් ඇතිවූ තත්වයන්ට දෙපැත්තේම සිටින අන්තවාදීන් වගකිව යුතු බවට පවසා ඇත. ජාති වාදය වපුරමින් නරුම දේශපාලනයක යෙදෙන චම්පික රණවක ඇමතිවරයා ද ආරක්ෂක ලේකම් වෙනුවෙන් 'ජිහාඩ්' කාණ්ඩායම් මවා පාමින්, මෙම අවස්ථාවේදී ද  අවස්ථාවාදී තක්කඩි දේශපාලන රංගනයක නියැළේ. මෙවැනි අවස්ථාවාදීන්ගේ ක්‍රියාවලින් සිදුවන්නේ සැබවින්ම අහිංසක මුස්ලිම් ජනතාව පවා අන්තවාදය කරා තල්ලු කිරීමකි. 

 එනිසා අප තවත් මුලික කාරණයක් අවධාරණය කර සිටිමු. ජාතින් අතර ගැටුම් නිසා ශ්‍රී ලාංකීය අප දශක ගණනක් අනෙක විද පිඩා වින්දෙමු. එම අර්බුදයේ නිමාවක් අදටත් නොපෙනේ. එවැනි තත්වයක් තුල ආගම් කැරලි කෝලාහල මතු වුවහොත්, අනාගතය ගැන කිසිඳු බලාපොරොත්තුවක් තැබිය නොහැකි වනු ඇත. එම කාරණය සැලකිල්ලට ගෙන,  අන්තවාදී සංවිධාන වෙනුවෙන් නිදහසට කරුණු ඉදිරිපත් නොකර ජාති අතර, ආගම අතර වෛරය වපුරන කතා හා එවැනි සංවිධාන තහනම් කෙරෙන පනතක් වහාම පාර්ලිමේන්තුවට ඉදිරිපත් කරන ලෙස අප රජයට බලකර  සිටිමු.

හොරාගේ අම්මගෙන් පේන ඇසීමක් :

මේ අතර, දිගින් දිගටම බොදු බල සේනාවේ ප්‍රහාරයට ලක්වූ  ජාතික බල සේනා කැඳවුම්කරු මහියංගනය ප‍්‍රාදේශිය සභා මන්ත‍්‍රී පූජ්‍ය වටරැක විජිත හිමියන්ව,  ඊයේ අලූයම් කාලයේ නිරුවත් කර දෑත් දෙපා බැඳ පහර දී මහ මඟ දමා ගොස් තිබිණ.

එම පැහැරගත් කණ්ඩායම විසින් උන්වහන්සේට මුස්ලිම් කුඩා පිරිමි දරුවන්ට සිදු කෙරෙන ලිංග ව්‍යච්ඡේදනයක් (සුන්නත් ) කිරීම  සඳහා උත්සාහ දරා ඇතැයි වාර්තා වෙයි.

පූජ්‍ය වටරැක විජිත හිමියන් මුස්ලිම්වරුන් ගෙන් යැපෙමින්, සිංහල -බෞද්ධයින්ට අපහස කරන 'මුස්ලිම්' වරයකු බවට බොදු බල සේනා සංවිධානය මිට පෙර චෝදනා කර තිබිණ.

මෙසේ වටරැක හිමියන් පැහැරගෙන ගොස් අමානුෂික ලෙස පහරදුන් පුද්ගලයින් පිළිබඳව කිසිඳු තොරතුරක් සොයා ගැනීමට පොලිසිය හෝ ආරක්ෂක ලේකම්ගේ ආරක්ෂක අංශ අසමත්ව සිටි. මෙම පැහැරගැනීම පිටුපස සිටින්නේ ආරක්ෂක ලේකම්වරයාගේ යටතේ ස්ථාපිත කර ඇති,  පසුගිය කාලයේ පුද්ගල පැහැරගැනීම් වලට සම්බන්ධ 'සුදු වැන්'  කල්ලියේ  සිටි පිරිසක් බවට අප වෙත තොරතුරු ලැබී ඇත.  මේ තත්වය යටතේ ආරක්ෂා ලේකම්වරයාට මෙම පරීක්ෂණය බාරදීම  හොරාගේ අම්මගෙන් පේන ඇසීමක් බඳුය.

 සෑම ලේ බිදුවකටම වගකිව යුතුයි :

බුදු දහම පදනම් වී ඇත්තේ  මධ්‍යම ප්‍රතිපදාව මතය.  අවිහිංසාව හා කරුණාව මතය. බුදුරජාණන්වහන්සේගේ දේශනාවන් තුළ අන්තගාමීත්වයට කිසිදු ඉඩක් නොමැත.  නමුත් බොදු බල ත්‍රස්තයින්  හා ඔවුන්ගේ  අනුශාසකයින් තම වචන හා ක්‍රියා  මගින් ශ්‍රේෂ්ඨ බෞද්ධ දර්ශනයට අඛණ්ඩව අගෞරව කරමින් සිටී.  තම බල පැවැත්ම වෙනුවෙන් බෞද්ධ දර්ශනය වැරදි ලෙස ප්‍රයෝජනයට ගනිමින් සිදු කරන මෙම අපරාධ,  එම දර්ශනය පිළිබද මනා අවබෝධයක් සහිත සැබෑ බෞද්ධයන් පිළිකුලෙන් යුතුව ප්‍රතික්ෂේප කරන බව පැවසීම අතිශයෝක්තියක් නොවේ. 

අද බුදු දහමට එරෙහිව යම් කුමන්ත්‍රණයක් දියත් වන්නේ නම් දියත්වනේ, මෙවැනි සිවුරු පොරවාගත් ත්‍රස්තයින් හරහා බව අපට පැහැදිලිය.

කෙසේවුවද, අනිවාර්යයෙන්ම අලුත්ගම දී හැලුණු සෑම ලේ බිදුවක් සම්බන්ධයෙන් රාජපක්ෂ සහෝදරයන් පිළිතුරු දිය යුතුව තිබේ.  මෙම අවාසනාවන්ත තත්ත්වයෙන් අහිමි වූ සෑම ජීවිතයක් පිළිබදව ඔවුන් වග උත්තර බැදිය යුතුය.  එසේම ප්‍රහාරයන්ට ලක් වූ සෑම පාසලක්, පන්සලක්, පල්ලියක් හා කෝවිලක් සම්බන්ධව හා විනාශ වූ සෑම නිවාසයක් හා ව්‍යාපාරික ස්ථානයක් සම්බන්ධයෙන් සමාජය ඉදිරියේ  පිළිතුරු සැපයිමේ වගකීමක් ඔවුනට පැවරී තිබේ.  

එසේ නොකර මැරයන් හා කැරළිකරුවන් විසින් අප ආදරණීය මාතෘ භූමිය “ගිනි තබද් දී ” සැතපුම් දහස් ගණනක් ඈත රටක සිට ට්විටර් පණිවිඩයක් පමණක් නිකුත් කිරිම සැබෑ නායකයෙකුට තරම් නොවේ.

මෙම අඳුරු පැයේ දී සියළු ලාංකිකයන් එක් පවුලක් ලෙස එකට එක් විය යුතුවා සේම මෙවැනි අවාසනාවන්ත සිදුවීම් යළි ඇති නොවීමට වග බලා ගැනීම ද වැදගත්ය.  එබදු අධිෂ්ඨානයක් අප තුල පැවතිය යුත්තේ මෙය අප සියල්ලගේ ම මාතෘ භූමිය වන බැවිනි.  ඝෝර පවුල්වාදයක් නිර්මාණය කරමින් අප රටට ලජ්ජාවක් හා අගෞරවයක් ගෙන ඒමට රාජපක්ෂ පවුල කටයුතු කරමින් සිටිය දී, මම ශ්‍රී ලාංකිකයින්ට අවධාරණය කරනුයේ යලි  යුක්තිගරුක, සාධාරණ හා නීති ගරුක රටක් ගොඩනැගීමට, සියලු වාද බේද අත්හැර  අප සියලු දෙනා වෙනසක් වෙනුවෙන් පෙළගැසිය යුතු බවයි.

Read More

මානව හිමිකම් කවුන්සලය සමග සහයෝගයෙන් ගණුදෙනු කරනු - එජාප

| එක්සත් ජාතික පක්ෂය විසින් නිකුත් කළ පුවත් නිවේදනය.

ජාත්‍යන්තර ප්‍රජාවෙන් එල්ල වී ඇති බරපතල තර්ජන හමුවේ ජාතික ප්‍රශ්නය දඩමීමා කර ගනිමින් රාජපක්ෂ පාලනය යළිදු වතාවක් බාල දේශපාලන සූදුවක නිරතවෙමින් සිටී.  ශ්‍රි ලංකාවේ පැවති අර්බුදය තුළ රජය සහ එල්.ටී.ටී.ඊ ය යන දෙපාර්ශවය විසින්ම සිදු කළ ප්‍රජාතන්ත්‍ර විරෝධී නීති විරෝධී ක්‍රියා පිළිබඳ සොයා බැලීමට, එක්සත් ජාතීන්ගේ මානව හිමිකම් පිළිබඳ මහ කොමසාරිස්වරිය විසින් පසුගිය දා තම කණ්ඩායමක් ප්‍රකාශයට පත් කළ පසු එම කාරණය ඉතා අප්‍රසන්න ආකාරයෙන්, දේශපාලනීකරණයට ලක් කිරිමට රජය උත්සාහ දරමින් සිටින බවක් පෙනෙන්නට ඇත.  එම පරීක්ෂකයින්ට ශ්‍රී ලංකාවේ සංචාරය කිරිමට ඉඩ දිය යුතු ද නැත්ද කියමින්, මේ කාරණය දේශපාලනික මාතෘකාවක් බවට පත්කිරිමට රජය සැරසෙන බව දැක ගත හැකිය.

මේ මොහොතේ රටේ දැවෙන ප්‍රශ්නය වී ඇත්තේ විදේශිකයන් මෙරටට පිරිසකට ඇතුල්වීමට “වීසා” නිකුත් කිරිම නොවේ.   ඔවුන් ශ්‍රී ලංකාවට පැමිණිය ද, නොපැමිණිය ද අනිවාර්යයෙන්ම එම පරීක්ෂණය ඉදිරියට යනු ඇත.  අපගේ අභ්‍යන්තර කාරණා පිළිබඳ ජාත්‍යන්තර පරීක්ෂාවක් සිදු නොවනු පිණිස, වැඩ බලාගන්නා ලෙස එක්සත් ජාතික පක්ෂය ලෙස අපි පසුගිය කාලයේ දිගින් දිගටම රජයට අවධාරණය කළෙමු.  එබැවින්,  ඇතිවෙමින් තිබෙන මේ අවාසනාවන්ත තත්ත්වය ඇතිවීමට පදනම වනුයේ පාලක රෙජීමයේ නොහැකියාව හා බරපතල උඩඟු හැසිරීමය.   

යුද්ධයේ අවසාන භාගයේ දී සිදුවූවා යැයි කියන මානව හිමිකම් උල්ලංඝනයන් සම්බන්ධයෙන් සැමට පිළිගත හැකි අභ්‍යන්තර පරීක්ෂණයක් පැවැත්වීම සඳහා මීට පෙර අවස්ථා ගණනාවක් ලබා දුනමුත්,  එවැන්නක් සම්බන්ධයෙන් රාජපක්ෂ පාලනය කිසිදු උනන්දුවක් නොදක්වන බව ජාත්‍යන්තර ප්‍රජාව පසුගිය අත්දැකීම්වලින් ම අවබෝධ කර ගෙන සිටිති.  යුද්ධයේ අවසන් භාගයේ දී සිදු වූවායැයි චෝදනා එල්ලවන මානව හිමිකම් උල්ලංගනයන් පිළිබඳ සොයා බැලිමට තමන් අභ්‍යන්තර පරීක්ෂණයක් පවත්වන බවත්, 13 වන ආණ්ඩුක්‍රම ව්‍යවස්ථා සංශෝධනය සම්පූර්ණයෙන්ම බලාත්මක කරන බවත් කියමින් එක්සත් ජාතීන්ගේ මහ ලේකම් බෑන් කී මුන් හට 2009 මැයි මාසයේ දී පොරොන්දුවක් ලබා දුන්නේ අන් කිසිවකු නොව ජනාධිපති මහින්ද රාජපක්ෂ මහතා ය.  ජාත්‍යන්තර ප්‍රජාව සතුටු කිරිම වෙනුවෙන් ඉන් පසුව ද වරින්වර මේ “ මන්තරය”  රජය මැතිරරුවත්, එය කිසි දිනක මහ පොළොවේ ඇත්තක් නොවුණි.   වසර කිහිපයක් ම එලෙස රැවටීමකට ලක්වීමෙන් පසු සාධාරණත්වය පිළිබඳ ජාත්‍යන්තර දැති රෝද දැන් ශ්‍රී ලංකාව දෙසට හැරී තිබේ.

රටේ ස්ථාපිතව ඇති දේශිය අධිකරණ පද්ධතිය තුළින්, වින්දිතයන් හට පිළිගත හැකි විසදුම් ලබා නොදෙන පසුබිමක ඒ සම්බන්ධයෙන් ජාත්‍යන්තර අධිකරණයකට මැදිහත්වීමේ අවස්ථාව හිමිව තිබේ.  රාජපක්ෂ පාලනය රටේ බලය ලබාගත් පසු රටේ අධිකරණ පද්ධතියේ බරපතල ඛාදනයක් දැක ගත හැකි අතර,  මේ වන විට එය විනාශයේ කෙළවරට පැමිණ ඇත.  වසර දෙසීයකට අධික ඉතිහාසයක් සහිත ශ්‍රේෂ්ඨාධිකරණයේ අග විනිසුරු ධූරයට පත් වූ පළමු කාන්තාව වූ ශිරාණි බණ්ඩාරනායක මහත්මියව නීති විරෝධී දෝෂාභියෝගයක් හරහා එම ධූරයෙන් ඉවත් කළ රජය පසුව තමන්ගේ පදයට නටන “රූකඩ”  අගවිනිසුරුවරයෙකුව ඇගේ අනුප්‍රාප්තිකයා ලෙස නම් කළේය.  ඊට ම ගැළපෙන සේ, රටේ සෙසු ඉහළ  අධිකරණය ද තම දේශපාලන ආවතේවකරුවන්ගෙන් පිරවීමට රාජපක්ෂ පාලනය නිර්ලෝභිව කටයුතු කරන ලදී.  මේ සියල්ල සමගින්,  තවදුරටත් ස්වාධීන අධිකරණ පද්ධතියක් රට තුළ ක්‍රියාත්මක නොවන බව රාජපක්ෂ පාලනය තම රට වැසියන්ට හා ලෝකයාට පෙන්වන ලදී.

ඉන් පසු අවස්ථා කිහිපයක දී පවුල් පාලනයේ දුෂ්ට ආඥාදායක ක්‍රියාමාර්ග හරහා ශ්‍රී ලංකාව යනු තවදුරටත්,  යහපාලන ප්‍රතිපත්ති ක්‍රියාත්මක හා නීතියේ පාලනය ක්‍රියාත්මක නොවන රටක් බව රාජපක්ෂ පාලනය නිර්ලජ්ජිතව ප්‍රදර්ශනය කරන ලදී.  එක් රැයකින් අතිශය ප්‍රජාතන්ත්‍රවාදී 17 වන ආණ්ඩු ක්‍රම

ව්‍යවස්ථා සංශෝධනය අහෝසි කළ රාජපක්ෂ පාලනය,  මාධ්‍ය හා ප්‍රතිවිරුද්ධ මතධාරීන් දඩයම් කිරිම ද අඩුවකින් තොරව කර ගෙන යන ලදී.  ඊට අමතරව වාර්ගික හා ආගමික සුළුතර කණ්ඩායම් ඉලක්ක කර ගනිමින්, මෑතක දී සිදු වූ අප්‍රසන්න සිදුවීම් හා සම්බන්ධ සියළු කොටස් පිටුපස සිටි මහා පොදු සාධකය වූයේ ද පාලක රෙජීමය බවට කිසිවෙකුට හෝ රහසක් නොවීය.  ඒ සියල්ල ප්‍රතිසන්ධානයක් වෙනුවෙන් රජයේ සැබෑ උනන්දුව බරපතළ ලෙස ප්‍රශ්න කරන ලදී.  විශේෂයෙන්ම නොනවත්වා සිදු වන්නා වූ පැහැර ගැනීම්, හිංසනයන්, මාධ්‍යය ආරභයා කරන අයුතු මැදිහත්වීම්, සමාජ හා ආර්ථික දේහයේ සෑම අංශයක්ම හමුදාකරණය වීම, අප්‍රසන්න ආකාරයට පිම්මේ වර්ධනය වන වංචා, දූෂණ, ඥාති සංග්‍රහය, වැරදිකරුවන් සම්බන්ධයෙන් අනුගමනය කළ ලිහිල් ප්‍රතිපත්ති මානව හිමිකම් පිළිබඳ ඇති සම්මත නීති රීති නොසලකා හැරීම ආදී මේ සියල්ල ජාත්‍යන්තර පරීක්ෂාවක් අභියසට ශ්‍රී ලංකාව රැගෙන යාමට හේතු වූ බව ඉතා පැහැදිලිය.

තමන් ඉදිරියේ ඇති මෙම ජාත්‍යන්තර අභියෝග පිළිබඳ සංවේදී ඒ පිළිබඳ නිසි ප්‍රතික්‍රියා දක්වන ලෙස එක්සත් ජාතික පක්ෂය නිරතුරුවම පෙන්වා දුන් මුත්,  රජය හැසිරුනේ ඒවා කිසිදු ආකාරයකට මායිම් නොකරමිනි.  වත්මන් රජය හැසිරුනේ එබදු උඩඟු අධිපතිවාදී මානසිකත්වයකිනි.   හුදු ජාතිකාවාදී හා දේශප්‍රේමී ප්‍රපචාරාත්මකවාදී ව්‍යාපෘති පිටුපස,  සැගවෙනවා වෙනුවට මානව හිමිකම් පිළිබඳ සැබෑ ප්‍රශ්නයක් රටේ ඇති බව රජය වටහා ගත යුතුව තිබුණි.

පිරිසිදු පානීය ජලය ඉල්ලමින් අරගල කළ වැලිවේරිය, අහිංසක ජනතාව වෙත යුද හමුදාව මුදා හරිමින් රාජපක්ෂ පාලනය කළ ලේ වැගිරීමෙන් පසු මානව හිමිකම් නමැති කාරණය පිළිබඳව දකුණේ ද ඇස් ඇරුණා යැයි පැවසුවහොත් එය බොහෝ දුරට නිවැරදි ය.  තමනට මෙසේ සලකනවා නම්,  උතුරේ  සහෝදර ජනතාවට රජය කෙසේ සලකන්නට ඇත් ද යන සාධාරණ ප්‍රශ්නය එක දිගට සිදු වූ බරපතල මානව හිමිකම් උල්ලංඝනයන් කිහිපයකින් පසු දකුණේ ජනතාව වෙතින් මතුවන්නට විය.

පහත් දේශපාලනයක  නිරත වෙමින් දේශපාලන වාසී ලබා ගැනීම වෙනුවට,   එක්සත් ජාතික පක්ෂය පසුගිය කාලයේ හැම විටම දුෂ්කර මාර්ගය තෝරා ගත්තේය.  ඒ අනුව රටේ සියළු පුරවැසියන්ගේ අයිතීන් වෙනුවෙන් පෙනී සිටිමින් රට තුළ නීතියේ පාලනය යලි පිහිටුවීමට අවශ්‍ය සියළු සහයෝගය රජයට ලබා දීමට සූදානම් බව නිරතුරුවම අප අවධාරණය කරන ලදී.

අප රට සම්බන්ධයෙන් ක්‍රියාත්මක ජාත්‍යන්තර අභියෝගයන් කාර්යක්ෂම ආකාරයෙන් ආමන්ත්‍රණය කිරිමට තවත් කාලය අපට තිබේ.  සැබැවින් ම,  තවමත් අප පමා වී නොමැත.  ඒ සදහා පළමුව පාලක රෙජීමයට දේශපාලන උනන්දුවක් තිබිය යුතුය.  පසුගිය මාර්තුවේ දී ජගත් මානව හිමිකම් කවුන්සිලය තුළ සම්මත වු යෝජනාවක් සමගින් ඒ අදාළ කාරණා සම්බන්ධව පිළිගත හැකි අභ්‍යන්තර පරීක්ෂණයක් පවත්වමින් ඊට මුහුණ දීමේ අවස්ථාවක් ශ්‍රී ලංකාවට හිමි වන ලදී.  අප එසේ කළේ නම් අභ්‍යන්තර කාරණා පිළිබඳ තනිව ක්‍රියාත්මක විය හැකි බවට පණිවුඩය ලෝකයාට සන්නිවේදනය කිරිමේ අවස්ථාව අපට හිමිවනවා නිසැක ය.

ඒ වෙනුවට එක්සත් ජාතීන්ගේ මානව හිමිකම් මහා කොමසාරිස්වරිය විසින් පත් කළ පරීක්ෂණ කණ්ඩායම සමග ගණුදෙනු කිරිම කළ නොහැකි බව පැවසීමට උනන්දු වීම තුළ එක් අතකින් ශ්‍රී ලංකාව, තමන් වැරදිකරුවකු ලෙස පිළිගනිමින් සිටිනවාට අමතරව මේ කාරණය සම්බන්ධව කරුණු ඉදිරිපත් කිරිමට තමන්ට ඇති අවස්ථාව ද අහිමි කර ගනිමින් සිටී.  එය අපගේ ආදරණීය මාතෘභූමිය වෙනුවෙන් තමන්ගේ ජීවිත, ඇස්, ඉස්, මස්, ලේ දන්දුන් විරෝදාර රණවිරුවන්ට කරන අසාධාරණයක් සේම රට වැසි සියළු දෙනා ම බරපතල ලෙස පාවාදීමක් වනුයේ ජාත්‍යන්තර ක්‍රියාමාර්ගයක ප්‍රතිඵල ඒ සියළුදෙනාටම එක සේ භුක්ති විදීමට සිදුවන බැවිනි.

එබැවින්, එක්සත් ජාතික පක්ෂය ලෙස අප යළිත් රජයට අවධාරණය කරනුයේ මේ සම්බන්ධයෙන්, ජගත් මානව හිමිකම් කවුන්සලය සමග සහයෝගයෙන් ගණුදෙනු කරන ලෙස ය.  මහ කොමසාරිස්වරිය විසින් පත් කර ඇති මෙම පරීක්ෂණ කණ්ඩායමට පැවරී ඇති බලය අනුව එල්.ටී.ටී.ඊ ය විසින් සිදු කරන මිලේච්ඡ සාහසික ක්‍රියා සම්බන්ධව ද පරීක්ෂණ පැවැත්වීමේ බලය ඊට හිමිව තිබේ. අවම තරමින් එල්.ටී.ටී.ඊ ය සිදු කරන ලද අපරාධ සම්බන්ධව හෝ මෙම පරීක්ෂකයන් හමුවේ රජය කරුණු ඉදිරිපත් කිරිම වැදගත් ය.  ඒ වෙනුවෙන් මේ හිමිව ඇත්තේ ස්වර්ණමය අවස්ථාවකි.  විශේෂයෙන්ම එල්.ටී.ටී.ඊ යේ ප්‍රධාන අවි සැපයුම්කරුවා සේම ප්‍රභාකරන්ගේ අභාවයෙන් පසු එහි නායකයා ලෙසට තමන් විසින්ම හදුන්වා ගත් කේ.පී මෙන්ම කලක් ප්‍රභාකරන්ගේ දෙවැන්නා වූ විනයාගමූර්ති මුරලිදරන් නොහොත් කරුණා අම්මාන් වැනි සාහසික අපරාධ රැසකට වගකිව යුතු දැනටත් ජිවත්ව සිටින පුද්ගලයන් පිළිබද ජාත්‍යන්තර පරීක්ෂකයන් හමුවේ කරුණු ඉදිරිපත් කරමින් අවශ්‍ය නම් වගවීමේ ක්‍රියාවලියට ආරම්භයක් දැන් රජයට ලබා දිය හැකි ය.  නැගෙනහිර පළාතේ දී එල්.ටී.ටී.ඊ යට යටත් වූ නිරායුධ පොලිස් නිලධාරීන් 600 කට අධික ප්‍රමාණයක් ඝාතනය කිරිම, හිටපු ජනාධිතිනිය චන්ද්‍රිකා කුමාරතුංග ඝාතනය කිරීමට උත්සාහ කිරිම, ඇතුළු තවත් බරපතල අපරාධ රැසකට වගකිව යුතු බවට එදා චෝදනා එල්ල වූයේ මේ පුද්ගලයන්ට ය.  ඔවුන් සම්බන්ධයෙන් අදාළ නෛතික රාමුන් තුළ ක්‍රියාත්මක වීම වෙනුවට ඒ සියළු ත්‍රස්තයන්ව තමන් යටතේ තබා ගනිමින්, ඔවුන්ව පෝෂණය කරමින්, රටේ සෙසු ප්‍රගතිශීලි බලවේග වෙත රජය ත්‍රස්තවාදී හා දේශද්‍රෝහී ලේබලය, අලවමින් සිටී.

17 වන  සංශෝධනය යළි ක්‍රියාත්මක කරමින් ශිෂ්ඨ වටිනාකම් හා නීතියේ පාලනය පිහිටුවන බවට පොරොන්දු වන්නේ නම්,  සැබෑ ප්‍රජාතන්ත්‍රවාදී පාලනයක් සදහා අවශ්‍ය පද්ධති හා ආයතන රට තුළ ස්ථාපිත කිරිම වෙනුවෙන් සහාය දැක්වීමට එජාපය සූදානම් බව අප මේ මොහොතේ යලිදු වතාවක් රජයට අවධාරණය කර කියා සිටින්නෙමු.  අප විශ්වාස කරන අන්දමට ශ්‍රී ලංකාව එක්සත්, ප්‍රජාතන්ත්‍රවාදී සම්පූර්ණ නිදහස් රටක් ලෙස පැවතිය යුතුය.  අප ආදරණීය මාතෘභූමිය ලෝකයේ පසුගාමී, නීච රාජ්‍යයක් බවට පත්වනු දැකීමේ අරමුණක් අපට නොමැත.  ශිෂ්ට ජාතීන් අතර,  ලෝකයේ අනභිභවනීය ස්ථානයක් අප කාලයත්, භුක්තිවිදින ලදී.   තමන් අනුගමනය කරමින් සිටින පටු ජාතිවාදී ප්‍රතිපත්ති විදේශ සබදතා හැසිරවීම පිළිබඳ ඇති නොහැකියාව තුළ,  රාජපක්ෂ පාලනය විසින් අප රට ආගාධය කරා දිනෙන් දින දක්වමින් සිටිය ද සුළුතරයක් වූ පාලක පන්තියේ පව්වලට මේ රටේ ජනතාවට වන්දි ගෙවීමට අප කිසිසේත්ම ඉඩ නොතබන්නෙමු.

2014, ජුනි 15

Read More

මිරර් වාරණයෙන් ආණ්ඩුවේ කෙරුවාව පේනවා

|  ෆ්‍රෙඩී ගමගේ

ශ්‍රී ලංකවේ මාධ්‍ය නිදහස සම්බන්ධයෙන් බරපතල තත්වයක් උදා වී ඇති බව තවදුරටත් සඟවා ලිය නොහැකි කරුණක් ලෙස මේ වන විට එය මතුපිට තලයට පැමිණ තිබේ. ආණ්ඩුව කරවන පර්ශ්වයේ මෙන්ම ඇතැම් විපක්ෂ පර්ශ්වයන්ගෙන්ද ජනමාධ්‍ය නිදහස සම්බන්ධයෙන් එල්ලවී ඇත්තේ තර්ජනයකි.

මේ අතර ජාත්‍යන්තර වශයෙන්ද ශ්‍රි ලංකාවේ මාධ්‍ය නිදහස සම්බන්ධයෙන් ගොඩ නැඟෙමින් පවතින්නේ නරක ප්‍රතිරූපයක් බව මෑතකදී නිකුත් වූ ඇතැම් වාර්තා අනුව පෙනීයයි.

කෙසේ නමුත් මේ තත්ත්වයන් හමුවේ විරුද්ධ පාර්ශ්වයන්ගේ  බලපෑම් වලට යටත් නොවී  පුවත් හා තොරතුරු වාර්තාකරණයේ යේදීමට වෙබ් පුවත් අඩවි ගණනාවක් කටයුතු කරමින් සිටීම ශ්‍රී ලංකාවේ  මාධ්‍ය නිදහස සම්බන්ධයෙන් ඉතිරිව තිබූ සුභවාදී භාවිතාව එයම පමණක් වන තරමට බලවත් ව ඇති බවත්  ඊට මේ වන විට එල්ලවෙමින් පවතින තර්ජන ගර්ජන බලපෑම්  ආදී බධා කිරීම් අනුව පැහැදිලිය.

වෙබ් මාධ්‍ය කරණය සම්බන්ධයෙන් එල්ලවූ අලුත්ම තර්ජනය ශ්‍රී ලංකා මිරර් වෙබ් අඩවියට පිවිසීම අවහිර කිරීමය. මීට පෙර ලංකා ඊ නිව්ස්, ලංකා නිව්ස් වෙබ්, ශ්‍රී ලංකා ගර්ඩියන්, කල්ම්බෝ ටෙලිග්‍රාෆ් , ටැමිල් නෙට් ඇතුලු දෙමළ මාධ්‍ය වෙබ් අඩවි ගණනාවකුත්  ශ්‍රී ලංකාව තුල පිවිසීම අවහිර කර ඇත. එහෙත් අප දන්නා පරිදි මේ කිසිදු වෙබ් අඩවියක් ශ්‍රී ලංකාව තුල පිවිසීම අවහිර කිරීමට හෝ ඒ තහනම් කිරීමට හෝ  එරෙහිව අධිකරණමය ක්‍රියාමාර්ග මඟින් පියවර ගෙන නැත.

ශ්‍රී ලංකා මිරර් වෙබ් අඩවියේ සංස්කාරකවරයා තම වෙබ් අඩවියට පිවිසීම අවහිර කිරීම සම්බන්ධයෙන් පවසා තිබුණේ මෙය විදුලි සංදේශන  කොමිසමේ දැනුම් දීමක් මත අන්තර්ජාල සේවා පහසුකම් සලසන්නන් විසින් ක්‍රියාවට නඟා ඇති බවය.

මේ සම්බන්ධයෙන් අප හමුවේ ප්‍රශ්න ‍රැසක් පැන නැඟී ඇත. අන්තර්ජාල පහසුකම් සපයන ආයතන වලට මෙම නියෝගය ලැබුනේ කවර නීතිමය තත්වයක් යටතේද ? ඒ සඳහා ලිඛිතමය සාක්ෂියක් ඔවුන් සතුව තිබේද ? මිරර් වෙබ් අඩවියට පිවිසීම ඇහිරීමට විදුලි සංදේශ නියාමන කොමිසමට ඇති අයිතිය කුමක්ද ? ඒ කවර නීතිමය රෙගුලාසියක් යටතේ ද ?  ඒ වෙනුවෙන් ගත් නීතිමය ක්‍රියාපටිපාටිය කුමක්ද ?

එම වෙබ් අඩවියට එරෙහිව වූ චෝදනාව කවරක්ද ? එම චෝදනාව සම්බන්ධයෙන් පැමිණිල්ල ඉදිරිපත් කළේ කවරකු විසින්ද ? එසේ පැමිණිළි කරුවකු නොවේ නම් එවැනි පියවරක් ගැනීමට විදුලි සංදේශ නියාමන කොමිසමට ලැබී ඇති බලතල කවරේද ?  එමෙන්ම චෝදනා සම්බන්ධයෙන් අදාල වෙබ් අඩවියේ සංස්කාරක වරයා කැඳවා ඒ ගැන විභාගයක් හෝ විමසීමක් හෝ කළේද ?  

වෙබ් අඩවියක පලවන පුවත් හා තොරතුරු සම්බන්ධයෙන්  පැමිණිල්ලක් වුව හෝත් ඒ වෙනුවෙන් ක්‍රියාත්මක වන යාන්ත්‍රණයක් විදුලි සංදේශ නියාමන කොමිසම යටතේ තිබේද ? ඒ කවර නීතියක් යටතේ පිහිටවූවක්ද ?

ශ්‍රී ලංකාවේ ජනමාධය අමාත්‍යංශයේ ලියාපදිංචි වූ වෙබ් අඩවි හා විදුලි සංදේශ නියාමන කොමිසම අතර වන බැඳිම කුමක්ද ?  

අමාත්‍යංශයේ ලියාපදිංචි වී සිටීම කොමිසම ගන්නා ක්‍රියා මාර්ග කෙරෙහි බලපෑමක් නොමැතිද?

එමෙන්ම පොලිස් දෙපාර්තමේන්තුවේ ක්‍රියාමාර්ග හා වෙබ් අඩවි ලියාපදිංචිය අතර සම්බන්ධයක් නොමැතිද?

මෙම ගැටළු වහා විසඳා ගත යුතුව තිබේ. 

එමෙන්ම වෙබ් අඩවිවලට දිගින් දිගටම බාධා කිරීම් හා වෙනත් අභූත චෝදනා නැගීම්  හේතුවෙන් මේ සම්බන්ධයෙන් සාකච්ඡා කිරීම සඳහා ජනමාධ්‍ය ඇමැති කෙහෙළිය රඹුක්වැල්ල මහතා ගෙන් අප සංගමය 08/05/2014 දාතමින්   ලිඛිතව ඉල්ලා සිටි නමුත්  ඊට මේ දක්වා පිළිතුරක් ලැබී නොමැත. මෙය අතිශය කණගා‍ටු දායක තත්වයකි.

කෙසේ නමුත්  මේ තත්ත්වයන් , අප වෙත එල්ලව ඇති පීඩනය  සම්බන්ධයෙන් අන්තර්ජාතිකව මාධ්‍ය නිදහස අරබයා කටයුතු කරන සංවිධාන, තානාපති කාර්යාල, දේශපාලන පක්ෂ හා සිවිල් සංවිධාන දැනුවත් කිරීමටත් බහුජන ක්‍රියාමාර්ග ගැනීමටත්  අපට බල කෙරී ඇත.

Read More

මාතලේ සමුහ මිනීවළෙන් හමු වූ මළ සිරුරු 200

ආසියානු නීති සම්පත් මධ්‍යස්ථානය විසින් එක්සත් ජාතින්ගේ මානව හිමිකම්  කවුන්සිලය වෙත ඉදිරිපත් කරන ලද ලිඛිත ප්‍රකාශනය 

මාතලේ සමුහ මිනීවළෙන් හමු වූ මළ සිරුරු 200කට ආසන්න සංඛ්‍යාවක කොටස් පිළිබඳ විධිමත් පරීක්ෂණයක් පැවැත්වීමේ සහ එම සිරුරු කොටස් ආරක්ෂා කොට  සංරක්ෂණය කිරීමේ අවශ්‍යතාව  

1. ALRC (ආසියානු නීති සම්පත් මධ්‍යස්ථානය) සහ එහි සහෝදර  සංවිධානය වන ආසියානු මානව හිමිකම් කොමිසම (AHRC) විසින් බලහත්කාරී අතුරුදන්කිරිම්  විශාල සංඛ්‍යාවක් පිලිබඳ කරුණු  ශ්‍රි ලංකා රජය වෙත සහ එක්සත් ජාතින්ගේ කාර්ය කණ්ඩායම වෙත ලිඛිතව ලබා දී ඇත.

2. ශ්‍රි ලංකාවේ සිදුවන බලහත්කාරී අතුරුදන් කිරීම පිළිබඳ ගැටළුව දැනට බොහෝ කලක සිට කාර්ය කණ්ඩායමේ අවධානයට ලක්වී ඇත.  මෙම ලියැවිල්ල මගින් ALRC  විසින් නිශ්චිතව අවධානයට ලක්කිරීමට අදහස් කරනුයේ මාතලේ ප්‍රදේශයෙන් සොයාගන්නා ලද සහ දැනට රජයේ බලධාරින්ගේ පරීක්ෂණයන්ට යටත්ව පවතින  200කට ආසන්න මළ සිරුරු පිළිබඳවය.  මූලික පරීක්ෂණයන් සිදු කළ වෝහාරික විශේෂඥයන්ට අනුව මළ සිරුරු කොටස්වලට  තුවාල සිදුව ඇති ආකාරය හේතුවෙන් මෙම මළ සිරුරු සොයාගත් ස්ථානය අපරාධයක් සිදුව ඇති ස්ථානයක් ලෙස සළකනු ලබයි. 

3. මේ දක්වා සිදුකරන ලද අනුමාන කිරීම්වලට අනුව මෙම මළ සිරුරු කොටස් ජනතා විමුක්ති‍ පෙරමුණේ විසින් සිදු කරන ලද දෙවන කැරැල්ල ‍ලෙස නැතහොත් දෙවන නැගිටීම සිදු වූ සමයේ අත් අඩංගුවට ගන්නා ලද සැකකරුවන්ගේ යැයි සැළකේ‍ . අදාළ කාල සීමාව වනුයේ 1987 -1991 අතරය.  බලහත්කාරී පැහැරගැනීම් පිළිබඳව සොයා බැලීමට පත් කරන ලද කොමිසම්වල වාර්තා අනුව පුද්ගල අතුරුදන්වීම් 30000කට ආසන්න  සිදුවීම් සංඛ්‍යාවක් පිලිබඳව ඒවා වෙත පැමිණිලි ලැබී ඇත.

4. සමූහ මිනීවලක් ලෙස සැළකිය හැකි  එම  ස්ථානයෙන් මළ සිරුරු  කොටස්  සොයාගැනීම කෙරෙහි බලධාරින්ගේ අවධානය දැන් යොමුව ඇති අතර,  මෙම මළ සිරුරුවල  දක්නට ඇති තුවාල විසින් පෙන්නුම් කර  ඇති පරිදි,  සිදුව ඇතැයි සැක කරන  අපරාධයේ සියළු තොරතුරු අනාවරණය කරගැනීමට ඉවහල්වන  විශ්වාසනීය කාර්ය පටිපාටියක් තහවුරු කරමින්  මෙම පුද්ගලයන් මෙම අපරාධයට ගොදුරු වූ හේතු සහ එය සිදු වූ ආකාරය පිළිබඳව  දැඩි විමර්ශනයක් පැවත්වීම රජයට අයත් කාර්යයක් වේ

 5. සිදු කරන විමර්ශන  විසින් මෙම මළ සිරුර කොටස් වල පුද්ගල අනන්‍යතාවන්, ඔවුන් අත් අඩංගුවට ගෙන ඇත්තේ කොහේදි ද යන වග, ඔවුන්ව ඝාතනයට ලක්ව ඇත්තේ අත් අඩංගුවට ගැනීමෙන් පසුවද යන්න, සිදුව ඇති තුවාළවල ස්වභාවය කුමක්ද යන්න  සහ මෙම තුවාළ ඇතිකිරීමට හේතු වූ  සැළකිළිවලට  ඔවුන්ව ලක්වීමට බල පෑ ‍‍ඓතිහාසික හේතු සාධක කවරේද යන්න නිර්ණය කිරීමට සමත් විය යුතුය.  අදාළ තොරතුරු තහවුරු කළ පසුව යුක්තිය ඉටුකරළීම සදහා ගතයුතු ක්‍රියාපටිපාටිය තීරණය කළ හැකිවනු ඇත.

6. කෙසේ වුවද මළ සිරුරු  කොටස් සංරක්ෂණය කර ඇති ආකාරය සහ විමර්ශන සිදු කරන ආකාරය ගැන බරපතල අවධානයක් යොමුව ඇත. යුද අපරාධ, ජන සංහාර, මනුෂ්‍යත්වයට එරෙහි අපරාධ සහ ආක්‍රමණකාරි අපරාධ යනාදිය පිළිබඳසිදු කෙරෙන විද්‍යාත්මක විමර්ශනවලදී සවිස්තාරාත්මක ක්‍රියාදාමයක් සහ තාක්ෂණයක් යොදාගැනීම අත්‍යවශ්‍ය වේ.    ඒවා නම් ස්ථාන නිර්ණ විධික්‍රම , ඇගයීම, කැණීම, ප්‍රතිස්ථාපනය සහ සමූහ මිනීවලවල් පිලිබඳ වාර්තා පවත්වාගෙනයාම සහ විපතට පත් පුද්ගලයන්ගේ අනන්‍යතාව, ඔවුන් මරණයට පත්වීමට බල පෑ හේතු සහ ආකාරය  සෙවීමට මිනිස් සිරුරුවල කොටස් සහ අනෙකුත් සාක්ෂි විශ්ලේෂණය යනාදියයි.
7. ශ්‍රි ලංකාවේ මාතලෙන් හමු වූ මිනිස් සිරුරු 200ක් හෝ ඊට වැඩි සංඛ්‍යාවකට අයත්වන  කොටස් පිළිබඳව, බලහත්කාරයෙන් අතුරුදන් කිරීම් පිළිබඳ එක්සත් ජාතින්ගේ  කාර්ය කණ්ඩායම් ඔවුන්ගේ විශේෂඥයන් යොදවා තත්ත්ව අධ්‍යයනයක් සහ පරීක්ෂණයක් සිදු කළ යුතු බවටත්  ඒ පිලිබඳව සිදු කෙරෙන පරීක්ෂණ ජාත්‍යන්තර ව පිළිගත් ප්‍රමිතීන්ට අනුව සිදුවන බවට වගබලාගැනීමට ශ්‍රී ලංකා රජයට සහයෝගය දිය යුතු බවටත්   ALRC යෝජනා කරයි. එමෙන්ම විධිමත් පරීක්ෂණයක් පවත්වාගෙන යාමට සහ මළ සිරුරු කොටස් යෝග්‍ය තත්ත්වයෙන් සංරක්ෂණය කිරීමට අවශ්‍ය වන  විශේෂඥ සේවා, උපකරණ සහ අවශ්‍ය මුල්‍යමය සම්පත්  ලබා දීම මගින් ශ්‍රි ලංකා රජයට සහායවන ලෙස ජාත්‍යන්තර ප්‍රජාව වෙත ද එය යෝජනා කර සිටී.

8. ඉහත ප්‍රකාශ කර ඇති ආකාරයේ ජාත්‍යන්තර සහයෝගයක් නොලැබෙන්නේ නම් මෙම මළ සිරුරු කොටස් නොතකා හැරීම මගින් ඒවා මුළුමණින්ම හෝ විශාල ප්‍රමාණයක් විනාශවන්නට ඉඩ තිබෙන බවටත්  ඒවා යෝග්‍ය තත්ත්වයන් යටතේ සංරක්ෂණය නොකරන්නේ නම් ඒවායේ සාක්ෂිමය අගය ශීඝ්‍රයෙන් ක්ෂයවන්නටත් ඉඩ තිබෙන බවට  ALRC  අවධානයට යොමු කරයි.

ආසියානු නීති සම්පත් මධ්‍යස්ථානය | Asian Legal Resource Centre

පෙබරවාරි  20, 2013

Read More

මට ලැබුණු තෑග්ග නම් මේ අයුක්තිසහගත සැලකිල්ලයි.- අගවිනිසුරු ශිරාණි

ආචාර්ය ශිරාණි ඒ. බණ්ඩාරනායක

මම ශ්‍රී ලංකා ප්‍රජාතාන්ත්‍රික සමාජවාදී ජනරජයේ හතළිස් තුන්වන අග්‍රවිනිශ්චයකාරවරිය වෙමි. අග්‍රවිනිශ්චයකාරවරිය වශයෙන් මේ රටේ විනිශ්චයකාරවරුන්, නීතිඥයන් සහ පුරවැසියන් උදෙසා වූ
නොසැලෙන වගකීමක් මා වෙත තිබේ.

මා අද ඔබ ඉදිරියේ නැගී සිටින්නේ අසාධාරණ ලෙස පීඩනයට, අපවාදයට හා හෙළාදැකීමට පත්කරනු ලබමිනි. පසුගිය සති කිහිපය තුළ මා වෙත දක්වන ලද සැලකීම්, ජනරජයෙහි අග්‍රවිනිශ්චයකාරවරිය
තබා සාමාන්‍ය පුරවැසියකුවත් නොලැබිය යුතු තරම් වේදනාකාරී ඒවාය. අවුරුදු පනස් හතරක මගේ  ජීවිත කාලයෙන් අවුරුදු තිස් දෙකක් අඛණ්ඩව කොළඹ විශ්වවිද්‍යාලය හා ශ්‍රේෂ්ඨාධිකරණය මගින් මම
මගේ මව්බිම වෙනුවෙන් සේවය කර ඇත්තෙමි. අවාසනාවකට ඒ වෙනුවෙන් මට ලැබුණු තෑග්ග නම් මේ අයුක්තිසහගත සැලකිල්ලයි.

පාර්ලිමේන්තු තේරීම් කාරක සභාව විසින් චෝදනාවන්ට ලක්කොට අසාධාරණ හා අත්තනෝමතික ලෙස වරදකාරිය කරනු ලැබූවද, නීතිය ඉදිරියේ මම නිවැරදිකාරිය කරනු ලැබ ඇත්තෙමි. එම තීරණයන්,
මට අඛණ්ඩව මගපෙන්වන හා මාද බලවත් ලෙස විශ්වාස කරන ස්වාභාවික යුක්තියේ මූලධර්ම හා නීතියේ නිසි ක්‍රියාදාමය අනුගමනය කරමින් එම උපරිමාධිකරණ විසින් ලබාදුන් ඒවා වීම මට මහත්
අස්වැසිල්ලක් ගෙනදෙයි. ගරු කථානායකවරයාද පිළිගත් පරිදි, ආණ්ඩුක්‍රම ව්‍යවස්ථාව අර්ථ නිරූපණය කිරීම සඳහා ශ්‍රී ලංකාවේ ඇති එකම සහ අනන්‍ය බලය සහිත අධිකරණය වන ශ්‍රේෂ්ඨාධිකරණය,
පසුගියදා ලබා දුන් අර්ථනිරූපණය මගින් පාර්ලිමේන්තු විශේෂ කාරක සභාවත් එහි ක්‍රියාපිළිවෙලත් ආණ්ඩුක්‍රම ව්‍යවස්ථා විරෝධී හා නීති විරෝධී බවට පැහැදිලිව ප්‍රකාශ කළේය. ඊට අමතරව,
අභියාචනාධිකරණය විසින් විශේෂ පාර්ලිමේන්තු කාරක සභාවෙහි තීරණය රිට් ආඥාවක් මගින් අවලංගු කරන ලදි. ඒ අනුව, පාර්ලිමේන්තු විශේෂ කාරක සභාවේ තීරණය නීතියට පිටින් ගිය,   ශුන්‍ය  හා
බලරහිත එකකි. ඊට නීතිය ඉදිරියේ කිසිදු බලයක් හෝ වලංගුභාවයක් හෝ නැත. පාර්ලිමේන්තුව විසින් යොදාගන්නා ලද ක්‍රියාදාමයද ඛෙහෙවින් දෝෂ සහගතය.

මේ කරුණු මත, නීතියේ ආධිපත්‍යය මූලික පදනම වූ සහ මූලික නිදහස පවතින, ප්‍රජාතන්ත්‍රවාදී ලෙෂ හඳුන්වනු ලබන මාගේ රටෙහි තවමත් නිසි ලෙස පත්කරන ලද නීත්‍යනුකූල අග්‍රවිනිශ්චයකාරවරිය මම
වෙමි.

මේ ක්‍රියාදාමය තුළ අග්‍රවිනිශ්චයකාර ධුරය පමණක් නොව අධිකරණයේ ස්වාධීනත්වයද බලහත්කාරයෙන් පැහැරගෙන තිබේ. නීතියේ පාලනය, නීතිය අනුගමනය කිරීම හා ස්වාභාවික යුක්තියේ මූලධර්ම යන
සංකල්පයන් පිටමංකර ඇතිවා පමණක් නොව කෘෘර ලෙස විකෘති කොට තිබේ.

මා පීඩාවට පත්කොට ඇත්තේ ස්වාධීන අධිකරණයක් වෙනුවෙන් සහ, අනිසි බලපෑම්වලට එරෙහිව මා පෙනීසිටි නිසාය. ජනතාව උත්තරීතර වන හා ආණ්ඩුක්‍රම ව්‍යවස්ථාව හා නීතියේ පාලනය පිළිගන්නා
ජනරජයක නීතියේ ආධිපත්‍යය පැවතුණේ නම් මෙවැනි අසාධාරණ ලෙස මා දුවම් නොලබනු ඇත. මට විරුද්ධව නගා ඇති චෝදනා මුළුමනින්ම අසත්‍යය. සිය චෝදනාවන්ට මා සම්පූර්ණයෙන්ම නිවැරදිකාරිය වන අතර, එකී චෝදනාවල සත්‍යයේ අංශ=මාත්‍රයක් හෝ පැවතුණේ නම් අග්‍රවිනිශ්චයකාර ධුරයෙහි, මෙම උත්තරීතර තනතුරෙහි මා මොහොතක් වත් රැඳීසිටින්නේ නැත. අග්‍රවිනිශ්චයකාරවරිය හැටියටත්, පුරවැසියකු සහ කාන්තාවක හැටියටත් ඔබ ඉදිරියෙහි නැගීසිටින්නට මට හැකිවී තිඛෙන්නේ මගේ නිවැරදිභාවය නිසාය.

තවදුරටත් නිල නිවසෙහි හෝ නිල මැදිරියෙහි හෝ මා රැඳීසිටියහොත් ප්‍රචණ්ඩකාරී ක්‍රියාවන් සිදුවීමට ඛෙහෙවින් ඉඩ ඇති බැවින්, නිල මැදිරියෙන් හා නිල නිවසෙන් ඉවත්වීමට තීරණය කළෙමි. රටේ අහිංසක ජනතාව, විනිසුරුවරුන් කනිෂ්ඨ නීතිඥවරුන් සහ මීට කැපවුණු පුද්ගලයන් වෙත ප්‍රචණ්ඩත්වය එල්ලවීම වැළැක්වීම එහි අරමුණයි.

මාගේ අවුරුදු දහසයක ශ්‍රේෂ්ඨාධිකරණ විනිශ්චයකාර ජීවිතය මා කැපකර තිඛෙන්නේ මේ රටේ, මිනිසුන්ගේ අයිතිවාසිකම් ආරක්ෂාකිරීම සඳහාය. මගේ උපරිම හැකියාවෙන් මිනිසුන්ගේ ජීවිත හා මිනිසුන්ගේ නිදහස, දරුවන්ගේ නිදහස, දරුවන්ගේ අධ්‍යාපනය සුරක්ෂිත කිරීම මගේ අවංක වගකීම ලෙස මම හැමවිටම සැලකුවෙමි. එමෙන්ම මම ඒ උදෙසා කටයුතු කළෙමි. අධිකරණයේ  ස්වාධීනත්වය යන ශ්‍රේෂ්ඨ  පරමාර්ථය වෙනුවෙන් මා සමග කටයුතු කළ සියම දෙනාට මම ස්තුතිවන්ත වෙමි. මට මේ මොහොතේ සාධාරණයක් ඉටුනොවූවත් ස්වභාවධර්මයත් කාලයත් මට යම් දිනයක සාධාරණය ඉටුකරනු ඇත.

බොහෝදෙනා පැමිණෙති. බොහෝදෙනා නික්ම යති. තනතුරෙහි රැඳීසිටින පුද්ගලයා කවර අවස්ථාවකවත් වැදගත් නොවේ. වැදගත් වන්නේ අධිකරණයෙහි ස්වාධීනත්වයේ අඛණ්ඩ පැවැත්මයි.
ස්තුතියි
ආචාර්ය ශිරාණි ඒ. බණ්ඩාරනායක
ශ්‍රී ලංකා ප්‍රජාතන්ති්‍රක සමාජවාදී ජනරජයේ හතළිස් තුන්වන අග්‍රවිනිශ්චයකාරවරිය.

Read More

මුග්ධ උවමනාව තවමත් අතහැරලා නැහැ- ජවිපෙ

රාජපක්ෂගේ  ප්‍රකාශය දෝෂාභියෝගය නාඩගමේම දිගුවක්... පාර්ලිමේන්තු කමිටුව ස්වාධීන නැතැයි ජනාධිපතිවරයාගේ ප්‍රකාශයෙන් තහවුරු වෙනවා යයි ජනතා විමුක්ති පෙරෙමුණේ අනුර දිසානායක අද පෙරේවරුවේ පවතී මාධ්‍ය හමුවකදී ප්‍රකාශ කළේය .

එහි මාධ්‍ය ඒකකය විසින් අප වෙත එවූ මාධ්‍ය නිවේදනය පහත දැක්වේ;

ජනාධිපතිවරයා විසින් දෝෂාභියෝගය සම්බන්ධ පාර්ලිමේන්තු කමිටු වාර්තාව පිළිබඳ සොයාබලන්න ස්වාධීන කමිටුවක් පත්කරන බවට ප්‍රකාශයක් සිදුකර තිඛෙනවා. මෙම ස්වාධීන කමිටු යෝජනාව දෝෂාභියෝග නාඩගමේම තවත් දිගුවක් පමණයි. ජනාධිපතිවරයා ඇතුළු ආණ්ඩුව දෝෂාභියෝගය සම්බන්ධයෙන් කරුණු විමර්ශනය කොට ඉදිරිපත් කරන ලද වාර්තාව කිසිදු ස්වාධීනකමක් නැති ලියවිල්ලක් බවට රටේ පොදු ජනතාව විසින් දන්නා කරුණක්. රටේ මුළු මහත් ජනතාව විසින් මෙම කරුණු අවබෝධකරගත් එක ජනාධිපතිවරයාට විශාල පීඩනයක් ගෙන දී තිඛෙනවා. වාර්තාව ඉදිරිපත්වීමෙන් අනතුරුව එයට මහත් අප්‍රසාදයක්, විරෝධයක් මතුවෙමින් ආවා. එනිසා ඊයේ ජනාධිපතිවරයා විසින් ස්වාධීන කමිටුවක් ගැන කට්ට කෛරාටික එහෙත් ආසාර්ථක ප්‍රකාශයක් කරනවා.

ජනාධිපතිවරයා විසින් කියනවා ඔහු දෝෂාභියෝග යෝජනාවට අකමැත්තෙන් සිටි බව. එම ප්‍රකාශය ඉතා පිළිකුල් සහගත ප්‍රකාශයක් බව අප දකිනවා. තෛයිනිකායික මහ සඟරුවන, මුළු මහත් පොදු ජනතාව, දේශපාලන පක්ෂ, සිවිල් සංවිධාන මෙම දෝෂාභියෝග යෝජනාව ඉල්ලා අස්කරගන්නා ලෙස ඉල්ලීම් කර සිටියා. නමුත් ඒ කිසිදුවක් ජනාධිපතිවරයා තමන්ට අහුනේ නැති ආකාරයෙන් සිටියා. ඔහු ඒ පිළිබඳ උද්දච්ච තක්කඩි හැසිරීමක් පෙන්නුම් කළා. මෙම දෝෂාභියෝගය මුළුමනින්ම රාජපක්ෂ පවුලේ නාඩගමක් බව අප මීට පෙරත් කියා සිටියා. අධිකරණය විසින් ලබාදුන් උසස් පෙළ ඉසෙඩ් ස්කෝර් සම්බන්ධ නඩු තීන්දුව සහ දිවිනැගුම පනත සම්බන්ධ නඩු තීන්දුව නිසා උරණ වූ රාජපක්ෂ පවුල ශ්‍රේෂ්ඨාධිකරණ විනිසුරුවරිය හඹාගොස් පලවා හැරීමේ උත්සාහයක නිරත වුණා. වේදිකා සැරසුවේ කතාව සැලසුම් කළේ රාජපක්ෂ පවුල විසින්. මෙම දෝෂාභියෝග යෝජනාව මුළුමනින්ම රාජපක්ෂ පවුල විසින් අධ්‍යක්ෂණය කොට ඉදිරිපත් කළ නාට්‍යක්.

මෙම ස්වාධීන කමිටුව යනු —මම සුදනා වීමේ උවමනාවෙන් අනෙක් අය වැරදිකරුවන් කිරීමට˜ ජනාධිපතිවරයා දරණ ප්‍රයත්නයක් පමණයි. මහින්ද රාජපක්ෂ කර තිඛෙන්නේ දෝෂාභියෝග යෝජනාවට අත්සන් කළ මන්ත්‍රීවරුන් 116 දෙනා ගිලටීනයට හේත්තු කිරීමයි. තමන්ගේ අකමැත්තෙන් අත්සන් කළා යැයි කියමින් මහින්ද රාජපක්ෂ කර තිඛෙන්නේ තමන්ගේ අත සෝදාගැනීමට මන්ත්‍රීවරුන් 116 දෙනා පාවාදීමයි. අද ජනාධිපතිවරයාගේ අනසකට, උවමනාවට, නියෝගයන්ට කුක්කන් ලෙස හැසිරෙන මන්ත්‍රීවරුන් පාවාදීලා තිඛෙනවා. ඔහු කියනවා ස්වාධීන කමිටුවක් පත් කර දෝෂාභියෝගය සම්බන්ධ වාර්තාව විමර්ශනය කරනවා කියලා. නමුත් අපේ රටේ නීතිය අනුව, ව්‍යවස්ථාව අනුව කිසිදු තැනක සඳහන් නොවන බලාත්මක නොවන දෙයක් තමයි මේ කියන්නේ. සාමාන්‍ය කි්‍රයා පටිපාටිය තමයි දෝෂාභියෝග යෝජනාව ගෙනඒමෙන් පසු, එය විභාගකොට කමිටුව විසින් සකස් කරන ලියවිල්ල මාසයක් ඇතුලත විවාද කොට ජනාධිපතිවරයාට භාරදීම සහ ඉන් අනතුරුව ඔහු විසින් තීරණයක් ගැනීම. ස්වාධීන කමිටු හෝ වෙනයම් නාඩගමක් කළ යුතු නැහැ. දැන් ජනාධිපතිවරයා විසින් නීතිය, ව්‍යවස්ථාව සහ පාර්ලිමේන්තු රීතීන් උල්ලංගනය කරමින් සිටිනවා.

ස්වාධීන කමිටුවක් පත් කරනවා කියන එකෙන් වැටහෙන්නේ කුමක්ද? සියලූ දෙනා කරුණු ඉදිරිපත් කළේ මෙම කි්‍රයාවලිය ස්වාධීන නැහැ කියා. නමුත් එය පිළිගත්තේ නැහැ. මහින්ද රාජපක්ෂ දැන් කියනවා ඔහු විසින් ස්වාධීන කමිටුවක් පත්කරනවා කියලා. ඉන් හැඟවෙන්නේ පාර්ලිමේන්තු කාරක සභාව ස්වාධීන කමිටුවක් නොවන බවයි. අප ස්තූතිවන්ත වෙනවා ජනාධිපතිවරයා ඔහුගේ මුවින් ස්වාධීන නැහැ තියන මතය තහවුරු කර තිබීම සම්බන්ධයෙන්. අපි තේරීම් කාරක සභාවේ ආණ්ඩුවේ නියෝජිතයින් හත්දෙනාගෙන් අහනවා දැන් තමන්ට අලවලා තිඛෙන ලේබලය ගැන මොකද කියන්නේ කියලා. කමිටු සාමාජිකයින් හත්දෙනා ජනාධිපතිවරයාගේ ඇඟබේරාගැනීම වෙනුවෙන් පාවාදී තිඛෙනවා. අපි කණගාටු වෙනවා ඒ හත්දෙනා ගැන. මහින්ද රාජපක්ෂගේ උවමනාවන් ඉටුකරන, දිවා රෑ නොබලා කඩේ යන කවර බලවේගයක් වුව ඔහු විසින් පාවාදෙන බව ඔප්පු කරමින් ඉන්නවා. ඔහු විසින් කට්ට කෛරාටික නාඩගමකට පණ පොවමින් ඉන්නවා.

දෝෂාභියෝගය මහින්ද රාජපක්ෂ ජනාධිපතිවරයාගේ අණක්. ඔහු ඒ බව හොඳින් දැන සිටියා. නොදැන සිටියේ දෝෂාභියෝගය අත්සන් කළ මන්ත්‍රීවරු 116දෙනා. ඔවුන් විසින් චෝදනා පිළිබඳව දැන සිටියේ නැහැ. ජනාධිපතිවරයා ඉතාමත් පහත් මට්ටමකට වැටිලා ලිඳ වටේ ඉඳගෙන ඕපාදූප කතාකරන අම්මණ්ඩිලාගේ තත්වයට වැටිලා. ජවිපෙ මෙම ප්‍රකාශ හෙළා දකිනවා. මෙම දෝෂාභියෝග කි්‍රයාවලිය ගෙනාවේ ජනාධිපතිගේ උපදෙස් මත. කමිටුව පත්කළේ ඔහුගේ උපදෙස් මත. කමිටුවේ සභාපති පත්කළේ ජනාධිපතිවරයා විසින්. සාමාන්‍යයෙන් සාමාජිකයින්ගෙන් ජ්‍යෙෂ්ඨයා තමයි සභාපති තනතුරට පත්කරන්නේ. නමුත් නිමල් සිරිපාල ඇමතිවරයා පත්කළේ නැහැ. ඔහු ජනාධිපති මන්දිරයට කැඳවා ඒ පිළිබඳ හිත් අමනාප කර නොගන්නා ලෙස කියා සිටියා. ආණ්ඩුවේ සාමාජිකයින් හත්දෙනා පත්කළේ ජනාධිපතිවරයා. අගවිනිසුරුවරියට සහ ඇගේ නීතිඥයින්ට කමිටුව හමුවේ සිටීමට නොහැකි ආකාරයෙන් ප්‍රකාශ නිකුත් කිරීමට විමල්, ඩිලාන් රිලා නැට්ටුවන් කමිටුවට පත්කළේ ජනාධිපතිවරයා විසින්.

මෙම කමිටුව දෙසැම්බර් 05 වෙනිදා ආරම්භ කළා. ඉන් අනතුරුව මාසයක් කල් ඉල්ලීමට යෝජනාවක් ඉදිරිපත් කරන්න කමිටුව තීරණය කරා. තවද කමිටුව දෙසැම්බර් 10, 11, 12 යන තෙදින රැස්වීමට තීරණය කළා. මේවා තමයි කමිටු තීරණ. නමුත් දෙසැම්බර් 05 ජනාධිපතිවරයා විසින් ආණ්ඩුවේ කමිටු සාමාජිකයින් කැඳවලා 08 වෙනිදා වන විට වාර්තා සකස් කර අවසන් කරන්න අණ කළා. ඔවුන්ට බලපෑම් කළා. සිදුවන ඕනෑ දෙයක් මම බලාගන්නම් කියා ඔහු කියා තිඛෙනවා. ඉන් අනතුරුව 06 වෙනිදා කමිටුව රැස්වෙනවා. අගවිනිසුරුවරියට, නීතිඥයින්ට අපහාස වන අයුරින් ප්‍රකාශ නිකුත් වෙනවා. ක්‍රමවේදයක්, සාක‍ෂි ලේඛනයක් නැති නිසා විපක්ෂයේ සාමාජිකයින් 04දෙනා කමිටුවෙන් ඉවත් වෙනවා. ආණAඩුවේ 07දෙනා ඉතිරි වෙනවා. ඔවුන් 08වෙනිදා පාන්දර 2 වෙනතුරු යක්කු ගස් නගින රූ 12ත් පහුවෙනකල් කමිටු වාර්තාව හදලා නිම කරනවා. මන්ත්‍රීවරුන් දෝෂාභියෝගය අත්සන් කිරීමට පෙළඹුවා. සාමාජිකයින් 07දෙනා තීරණය කළා. සභාපති පත් කළා. 08 වෙනි දින කමිටු වාර්තාව ලබාදෙන ලෙස තර්ජනය කළා. මුල සිට අග දක්වා මහින්ද රාජපක්ෂ විසින් මෙහෙයවන ලද කි්‍රයාමාර්ගයක්. බිත්තරය දැම්මේ වෙන කෙනෙක් වෙන්න පුළුවන්. නමුත් කෙකර ගෑවේ ජනාධිපතියි. කිසිසේත් බොරු විගඩම් ස්වාධීන කමිටු ගැන තමන්ගේ හෘද සාක්ෂිය ගැන දොඩවලා පලක් නැහැ. මෙයින් පෙන්නුම් කරන්නේ ඔහුට හෘද සාක්ෂියක් නොමැති බවයි. ඔහු ඉතාමත් පහත්, නිර්ලජ්ජිත, කට්ට කපටි කෛරාටික තැනකට පත්ව සිටිනවා. මෙම දෝෂාභියෝග යෝජනවට බැසිල් රාජපක්ෂ හෝ නාමල් රාජපක්ෂ අත්සන් කළේ නැහැ. පවුල බේරුවා.

දෝෂාභියෝගය නැවත විමර්ශනය ගැන මෙහි සඳහන් කර නැහැ. පාර්ලිමේන්තු වාර්තාව සලකා බැලීම තව තුන්දෙනෙක් මත පටවන්න උත්සාහ කරනවා. ඒකට කර ගහන තුන්දෙනා කවුද දන්නේ නැහැ. අපි කියන්නේ මෙම චෝදනා විධිමත් පරීක්ෂණ කි්‍රයාවලියකට ලක්කරන්න ඕනෑ කියලයි. ඉල්ලූවේ ස්වාධීන පරීක්ෂණ කි්‍රයාවලියක්. එය යටපත් කරලා රජපවුලේ වාර්තාව පරීක්ෂා කරන්න කමිටු පත්කරන එකෙන් පලක් නැහැ. ජනතාව ඉල්ලපු දේයි ජනාධිපතිවරයා දෙන දේයි අතර පරස්පරයක් තියෙනවා.

මුග්ධ උවමනාව තවමත් අතහැරලා නැහැ.

ශේ්්‍රෂ්ඨාධිකරණය ආණ්ඩුවේ තක්කඩි තීරණ සමග ගැටුණා. කළ නොහැක්කක් නොමැත කියන මානසික ව්‍යාධියෙන් පෙළෙන රාජපක්ෂ පවුල අධිකරණය හඹාගෙන ගොස් පහර දෙන්න පටන් ගත්තා. අගවිනිසුරුවරිය පලවා හැරීමේ උවමනාවක් ඔවුන්ට තිබුණා. එම පලවාහැරීමට සාදාචාරත්මකභාවයක්, ව්‍යවස්ථානුකූලභාවයක් ලබාදෙන්න තමයි දෝෂාභියෝග නාඩගම ගෙනාවේ. දැන් තිඛෙන්නෙත් එම උවමනාවමයි. එම මුග්ධ උවමනාව තවමත් අතහැරලා නැහැ. රාජපක්ෂ පවුල විසින් දියත් කළ කි්‍රයාමාර්ගය කිසිදු පුරවැසියෙක් පිළිගත්තේ නැහැ. ප්‍රතිෙක‍ෂ්ප කළා. ඉන් පසුව මහින්ද රාජපක්ෂ කල්පනා කළා එහි ප්‍රතිඵල විරහිතයි කියලා. එනිසා තව සැරයක් උත්සාහ කරනවා එම දෝෂාභියෝග නාඩගමට සාධාරණභාවයක් ලබාදෙන්න. රාජපක්ෂ දැන් දෝෂාභියෝග නාඩගම අංක 02 රඟදැක්වීම ආරම්භ කරලා තිඛෙන්නේ. මෙය ප්‍රජාතන්ත්‍රවාදය අගය කරන, ප්‍රජාතන්ත්‍රවාදය විශ්වාස කරන කිසිදු පුරවැසියෙක් අනුමත කරන්නේ නැහැ. ජනාධිපතිවරයා විසින් සිදුකර තිඛෙන මෙම අර්ථකතනය සියලූ ජනතාව විසින් හෙළාදැකිය යුතුයි. දැන් තිඛෙන්නේ දෝෂාභියෝග යෝජනාව ඉල්ලා අස්කර ගැනීම හෝ අන් යමක් නොවෙයි. පාර්ලිමේන්තුවට ඉදිරිපත් වී තිබුණත් එය එකවර බැරිනම් ටිකෙන් ටික හෝ ඉල්ලා අස්කර ගත යුතුයි. එයින් පමණයි තමන්ගේ සාධාරණ බව ඔප්පුකළ හැකි වන්නේ.

මාධ්‍යවේදියාගේ ප්‍රශ්නය - ඩලස් අලහප්පෙරුම කියා තිඛෙනවා මෙම දෝෂාභියෝගය ගෙනාවේ ජනතා විමුක්ති පෙරමුණත් යූඑන්පීයත් කියපු නිසා කියලා...

අනුර දිසානායක සහෝදරයා... -  ඩලස් අල අලහප්පෙරුම පත්ව තිඛෙන්නේ ඉතාමත් අඳබාල තත්වයකට. ඒ පිළිබඳව අපි කණාගාටුවට පත්වෙනවා. මේ රටේ සියලූ ජනතාව මෙන්ම මාධ්‍යවේදීන් වන ඔබ සියලූ දෙනා දන්නවා මෙම යෝජනාව විපක්ෂයේ යෝජනාවක් නොවන බව. ආණ්ඩු පක්ෂයේ 116 දෙනෙක් අත්සන් කරලා තමයි මෙය ඉදිරිපත් වුණේ. මේ සම්බන්ධයෙන් ජනතාවගේ විරෝධය ඩලස් අලහප්පෙරුමගේ මනස විකෘතිභාවයට පත්කොට තිඛෙනවා. මෙය සිහිබුද්ධියෙන් සිදුකරන ප්‍රකාශයක් නෙවෙයි. පදනමක් නැති, අපරිණත කෙබර ඇද බාමින් ඉන්නේ මේ නිසයි.

මාධ්‍යවේදියාගේ ප්‍රශ්නය - විදේශ බලපෑමක් නිසා මෙම ප්‍රකාශය කළා යැයි සැකයක් තිඛෙනවාත

අනුර දිසානායක සහෝදරයා.. - තෛයිනිකායික මහා සංගරත්නයට ඇහුම් කන් නොදුන් රාජපක්ෂ, අධිකරණය විනිසුරුවරුන්ට, නීතිඥයින්ට සහ අනෙකුත් නිලධාරීන්ට ඇහුම්කන් නොදුන් රාජපක්ෂ හිටි හැටියේ නින්දෙන් නැගිටලා වගේ මෙසේ නන්දොඩවන්නේ බැරක් ඔබාමාගෙන් කෝල් එකක් ඇවිල්ලද දන්නේ නෑ. ඒ සැකය ඒ විදියටම අපිට තිඛෙනවා. මේ රටේ ජනතාවට ඇහුම්කන් නොදුන් රාජපක්ෂ හිටිහැටියේම මේ විදියේ ප්‍රකාශයක් සිදුකරන්නේ එවැනි බලපෑමක් නිසාද කියන සැකය තමයි අපටත් තිඛෙන්නේ.

Read More