මරා අවුරුදු නැකතටත් කෙළී: මහජනතාවට සුබ නැකැත් වෙනුවට මරාගේ අපල දුරුවෙන්න නැකත් හදලා

මරාගේ නැකතට ගිනි මෙලවුවහොත් වසරම දැවී අලූවන ගිනිජාලාවක -ජ්‍යොතිර්වේදීහු අනතුරු අඟවති

උපුටා ගැනීම ලංකා ඊ නිව්ස්

මහින්ද රාජපක්ෂ නම් ඒකාධිපති වියරුවෙන් පෙළෙන මඤ්ඤං පාලකයා මෙවර නව අවුරුදු උදාවේ නැකැත් රටේ මහජනතාවගේ සුබ සිද්ධිය සඳහා භාවිතා නොකර තමාගේ අපල උපද්‍රව නැතිකර ගැනීමට භාවිතා කර ඇතැයි ජ්‍යෙතිෂවේදීහු චෝදනා කරති.

රජයේ නිල අලූත් අවුරුදු නැකැත් zලංකා ඊ නිව්ස් හි ප්‍රචාරය වීමෙන් පසු අප වෙත බොහෝ ජ්‍යොතිෂවේදිහු අදහස් දක්වමින් මේ ගැන සත්‍ය තත්ත්වය පැහැදිලි කළේය.

වෙන කාල වලදී අවුරුදු නැකැත් ස්වාධීන ජ්‍යොතිෂවේදීන් විසින් සකස් කරන ලද්දකි. සුප්‍රසිද්ධ ලිත් කරුවන් වන ඈපා පඤ්චාංග ලිත අනුව මෙම කටයුතු සිදුකෙරුනු නමුත් වර්මානයේ සියළු දේම තම අභිමතය අනුව සිද්ධ විය යුතු යැයි මනෝ විකාරයෙන් පෙළෙන රාජපක්ෂ රෙජීමය නැකැත් සෑදීමට නැකැත් කොමිටියක් පත් කෙළේය. අනෙකුත් හෙංචයියන් මෙන් මෙම නැකැත් කොමිටියද රජාගේ කීම අනුව ක්‍රියා කරන් පිරිසකගෙන් සමන්විත විය. දැන් නැකැත් හදන්නේ ස්වාධීන නොවන රාජපාක්ෂික තක්කඩියන් කණ්ඩායමක් විසිනි. දැන් ලිත් කරුවන්ද ප්‍රසිද්ධ කළ යුත්තේ මේ මරාවාදීන්ගේ නැකත් ය.

මෙම හෙංචා නැකැත් කමිටුව මෙවර නැකැත් හදා ඇත්තේ මහින්ද රාජපක්ෂ දැනට පත්ව සිටින අපල කාලයට සරිලන ලෙස ඔහුගේ අපල අඩු කිරීම අරමුණු කර මිස රටේ මහජනතාවට සෞභාග්‍ය පැමීණවීම අරමුණු කරගෙන නොවේ.

ප්‍රවීන ජොතීර්වේදීන් පවසන අන්දමට මෙවර අලූත් අවුරුද්දට ගිනි මෙලවීමට දී ඇති නැකැත උයා පිහාගෙන කෑමට සුදුසු නොවන සියළු දෑ දවා හළු කරන ගිනිජාලාවකට සුදුසු නැකතකි.

මෙය ජ්‍යොතිර්වේදය අනුව විස්තර කෙරෙන්නේ මේ ලෙසට ය.

ලංකා පංචාංග ග්‍රහස්පුට ලිතට අනුව අප්‍රේල් 13 ඉර උදාව 6 යි 02 ට සහ ඉර බැසීම 6 යි 19ට සිදුවේ.

ඒ නිසා රත්‍රී කාලයේ දිග පැය 11යි විනාඩි 44 කි. හෝරාවක දිග විනාඩි 58 කි පංචම කාල හෝරාවක දිග විනාඩි 11 කි

සිකුරාදාට රාත්‍රී හෝරාවන් පටන් ගන්නේ ඉර බැසීමත් සමග කුජ ගෙන් 6.19 ටය. ඊට පසු එන්නේ රවි හෝරාව 7.17 ටය. රවි ගේ හෝරාවේ රවිගේ ම පංචම කාල හෝරාව 7.17 සිට 7.29 තෙක් ද රවි ගේ සඳු පංචම හෝරාව 7.29 සිට 7.41 තෙක්ද පවතී. එයින් පසු 7.41 සිට 7.52 තෙක් යන්නේ රවිගේ කුජ හෝරාවයි.

ලිප ගිනි මොලවන ලෙස රෙජීමය දී ඇති නැකත වන 7.42 වැටෙන්නෙත් රවිගේ කුජ හෝරාව වන කොටසටය. රවි කියන්නේ උණුසුම් ගිනි ග්‍රහයෙකි. කුජ කියන්නේත් එවැනිම ග්‍රහයෙකි.

එම නිසා මෙම වේලාව සුදුසු උයාපිහා කන්න නොවන අතර එය දවා අලූ කරන මහා ගිනිජාලාවකට හොඳ නැකතක් බවත් එම වේලාවට ගිනි මෙලවුවහොත් නිවෙස් හිමියන්ට වසර පුරා මහා ගින්නක දැවෙමින් සිටීමට සිදුවන බවත් ජොතිර්වේදීහු අනතුරු අඟවති.

ඒ කාලයේදීම උයාපිහා කන්න අවශ්‍යම නම් 7.29 සිට 7.41 තෙක් තියෙන රවිගේ සඳු පංචම හෝරාව මීට වඩා සුදුසු බවත් ඉන් 7.36 ට ලබන සිකුරු සුක‍ෂම හෝරාව වඩා සුදුසු බවත් සමහරුන්ගේ මතය වී තිබේ.

තවත් දිවයිනේ ඉතා ප්‍රසිද්ධ ජ්‍යෙෂ්ඨ ජ්‍යෙතිර්වේදියෙකුගේ මතය වන්නේ හොඳම සුබ නැකැත් වේලාව වන්නේ 14 සෙනසුරාදා උදේ 7.11 ට උතුර බලා ගිනි මොලවා උදේ 7.45 ට ආහාර අනුභවය බවයි.

අප වෙත අදහස් දැක්වූ ප්‍රවීන ජ්‍යොතීර්වේදීන් සුදු වෑන් වලට ඇති බිය නිසා මේ ගැන ප්‍රසිද්ධ ප්‍රකාශ නොකරන බව පවසමින් අපගෙන් ඉල්ලා සිටියේ ප්‍රමාද වී හෝ ලංකා ඊ නිව්ස් වෙතින් මේ බව මහජනතාවට දැනුම් දෙන ලෙසය.

නැකැත් විශ්වාස නොකරන නවීනවාදීන්ට නම් මේ ගැන කිසිදු ප්‍රශ්නයක් පැන නොනගී.