ගල් කටස් දේශපාලනය කිරීම නිසා සීගිරියට යාමට පමණක් නොව උසස් පෙළ සමත් වීමට හෝ ඉංග්‍රීසි ටිකක් ඉගන ගැනීමට නොහැකි වූ විමල් වීරවංස වැනි දේශපාලන කලවැද්දන් ගේ මෝඩ තියරි නිසා ලංකාව වැටුනේ ගොඩ ඒමට බැරි අසීරුතා වලටය. මේ මෝඩයා කාලයක් දේශප්‍රේමී කියාගත් මිනීමරු ගල්කටස්කරුවන් සමග එකතු වී ඉන්දීය බඩු වර්ජනයකට බලෙන් ජනතාව ඇද දැමුවේය. ඒ නිසා ලංකාවේ ආර්ථිකය අබලන් විය. ඉන්පසු ලෝක බැංකුවේ ප්ලග් ගැලවීමට ගියේය. දැන් ඇමෙරිකානු සන්නාම සහිත භාණ්ඩ භාවිත කිරීම තහනම් කල යුතු බව කියා තප්පුලයි. මේ මෝඩයාට දිවයින පුවත්පතේ ශ්‍යාම් නුවන් ගනේවත්ත අගනා පිළිතුරක් දී තිබේ.
අපේ විමල් වීරවංශ ඇමැතිවරයා මතක්‌ වූ අවස්‌ථාවේ ඔහුගේ ඇමෙරිකානු භාණ්ඩ වර්ජනය ගැනත් වචනයක්‌ හෝ නොකියාම බැරිය. ඔහු මේ දිනවල මයික්‌ කටවල් බදාගෙන ඇමෙරිකාවට එරෙහිව දිගින් දිගටම බෙරිහන් දෙමින් සිටියි. ඔහු මෑතදී සිදුකළ කාගේත් අවධානයට ලක්‌ වූ යෝජනාවක්‌ වූයේ ඇමෙරිකානු සන්නාම සහිත භාණ්ඩ භාවිත කිරීම නතර කර ඇමෙරිකාවට විරෝධය පළ කළ යුතු බවයි. google සහ gmail භාවිත කිරීමත් නතර කළ යුතූ බවට ඔහු කියා සිටි බවත් කියති. ඔහු මේ අවස්‌ථාවේ ඇමෙරිකාවට එරෙහිව මාරාන්තික උපවාසයක්‌ නොකරන්නේ ඇයි ද යන ප්‍රශ්නයද ඇතැම්හු නගති. කවරක්‌ නමුත් විමල් වීරවංශයන් මේ කතා තුළින් කරන්නේ ඔහුත් විහිළුවට ලක්‌ වී, ආණ්‌ඩුවත් අපහසුතාවට ලක්‌කරමින් ජිනීවා අවුල පිළිබඳ මහජන හැඟීමද දුර්වල කිරීමයි. ඇමෙරිකානු භාණ්ඩ වර්ජනය ගැන ලක්‌ෂ්aමනු යාපා ඇමැතිවරයා ඇතුළු වෙනත් ඇමැතිවරුන් ප්‍රසිද්ධියේම කියා තිබුණේ එය ඔහුගේ පෞද්ගලික මතය මිස රජයේ ප්‍රතිපත්තියක්‌ නොවන බවයි. ජිනීවා ප්‍රශ්නය, ඇමෙරිකාවේ භාණ්ඩ වර්ජනය කොට විස¹ ගත හැකි ප්‍රශ්නයක්‌ නොවන බව විමල්ගේ මනසට නොතේරුණාට මෙරට සාමාන්‍ය ජනතාවටත් වැටහෙයි. ඇමැති වීරවංශගේ කතාව සමාජයේ කාටත් විනෝදය සපයන, හාස්‍යජනක කතාවක්‌ බවට පත්ව තිබේ. එතුමා කියන විදිහට නම් අපේ භාණ්ඩ ඇමෙරිකාවට විකිණීමත් හොඳ නැති විය යුතුය. එසේම එසේ විකුණා ඇමෙරිකානු ඩොලර් ලබා ගැනීමත් හොඳ නැති විය යුතුය. මේවා කරන්නට ගියහොත් රටේ ආර්ථිකයට සිදුවන දේ තේරුම් ගැනීමට සාමාන්‍ය බුද්ධියක්‌ තිබෙන අයකුට වුවද බැරිකමක්‌ නැත. ( ජිනීවා ප්‍රශ්නය, ගැලරියේ කතා සහ අපේ ආර්ථිකය - ශ්‍යාම් නුවන් ගනේවත්ත)
එසේම ජී මේල් වර්ජනය ගැනද ශ්‍යාම් නුවන් ගනේවත්ත මෙසේ කියයි.
මේ අනුව විද්යුත් රාජ්‍ය (e-gov) වැඩපිළිවෙළ යටතේ රාජ්‍ය ආයතනද තොරතුරු හා සන්නිවේදන තාක්‍ෂණයෙන් සවිබල ගැන්වීම සිදුකර ගෙන යයි. ඒ අනුව රාජ්‍ය අංශය තුළ විද්යුත් තැපෑල (e-mail) ප්‍රචලිත කිරීමද සිදුවේ. මහජනතාවටද විද්යුත් තැපෑලෙන් අමාත්‍යාංශයකට, රාජ්‍ය ආයතනයකට ලියුමක්‌ යවා විද්යුත් තැපෑලෙන්ම පිළිතුරක් ගෙන්වා ගැනීමට හැකි තත්ත්වයට රාජ්‍ය සේවය පත් කරගත යුතු බවද මේ කතාබහ තුළදී අපට අසන්නට ලැබී තිබේ. එය හොඳ දෙයකි. මේ නිසා රාජ්‍ය සේවයේ කාර්යක්‍ෂමතාව සහ ඵලදායිතාව ඉහළ නංවා ගැනීමට හැකිවෙයි. එහෙත් google සහ gmail වර්ජනය කරන්නට ගියහොත් රජයේ තොරතුරු හා සන්නිවේදන තාක්‍ෂණය ප්‍රචලිත කිරීමේ "ඉ - ශ්‍රී ලංකා" වැඩපිළිවෙළට සිදුවන්නේ කුමක්‌ද? ( ජිනීවා ප්‍රශ්නය, ගැලරියේ කතා සහ අපේ ආර්ථිකය - ශ්‍යාම් නුවන් ගනේවත්ත)
ජිනීවා ප්‍රශ්නය රජය විසඳීමට තිබුනේ රාජ තාන්ත්‍රික ක්‍රම මගිනි. ගැලරියට විජ්ජා පෙන්වීම සඳහා බැන් කි මුන්ට එරෙහි මෝඩවංශ ගේ ලෙමන් පෆ් උපවාසය කරන විට එහි අනාගත ප්‍රතිපල රටට අහිතකර විය හැකි බව අප කීවෙමු. වලිගයට ගිනි තබාගත් වඳුරා සේ මෝඩවංශ ලංකාවේ මාටින් අයියලා චූන් කිරීමට තමාවත් නොදන්නා බටහිරට පස් පඩන්ගුවේ බැන වැදුනේය. දැන් ඇමරිකානු භාණ්ඩ වර්ජනයකට කතා කරයි.
ශ්‍රී ලංකා අපනයන සංවර්ධන මණ්ඩලය මඟින් නිකුත් කර ඇති වාර්තාවට අනුව 2010 වසරේදී ඇමරිකාවෙන් ඩොලර් මිලියන 168.15ක හෙවත් රුපියල් මිලියන 21,018.75ක භාණ්ඩ ආනයනය කර ඇති අතර ශ්‍රී ලංකාව එම රටට යවා ඇත්තේ ඩොලර් මිලියන 1767.88ක හෙවත් රුපියල් මිලියන 22,085ක වටිනාකමක් ඇති භාණ්ඩ ය. ඇමරිකාවෙන් ශ්‍රී ලංකාවට ගෙන්වන භාණ්ඩ වල වටිනාකමට වඩා දස ගුණයකටත් වඩා වැඩි වටිනාකමක් සහිත භාණ්ඩ ප්‍රමාණයක් ඇමරිකාවට ශ්‍රී ලංකාවේ අපනයනකරුවෝ යවති. යම් ලෙසකින් ඇමරිකාව ශ්‍රී ලංකා භාණ්ඩ වර්ජනයක කලහොත් ශ්‍රී ලංකාවට වාර්ෂිකව හිමි වන ශුද්ධ පාඩුව ආසන්න වශයෙන් රුපියල් කෝටි 19,999.62 වේ. මේ නිසා ලංකාවේ ආර්ථිකයට කෙල වන බව (මෝඩවංසලාට නොතේරුනද ) පහේ පන්තියේ ළමයාටද තෙරේ. නමුත් මේ මෝඩ කලවැද්දන්ට ගැටලුවක් නැත. දැන් උන් ගෙවල් දොරවල් හදාගෙන ළමයින් පිටරට ඉගෙනීමට යවා ඇමතිකම් වලින් වරිගයටම සෑහෙන මුදල් උපයාගෙන අයි ෆෝන් කනේ ගසාගෙන ඇමරිකානු සන්නාම වර්ජනයට කතා කරයි. මේ මෝඩ වාහෙලාගේ ගොබ්බ සංදර්ශන නිසා වින කෙටෙන්නේ මේ රටේ අසරණ දුප්පතුන්ටය.
මේ කලවැද්දන් ගේ ක්‍රියා නිසා ලංකාව අන්තර්ජාතිකව හුදකලා වන තත්වයකට පත් වී තිබේ. දැන් ඉන්දියාවද අපට විරුද්දව චන්දය පාවිච්චි කිරීමට යයි. රාජ තාන්ත්‍රික ක්‍රම වෙනුවට මෝඩ දේශපාලන කලවැද්දන් යොදා ගැනීමේ භයානක බව දැන්වත් රජයට වැටහිය යුතුය. 2000 වසරේ කොටි ත්‍රස්තවාදය උච්ඡ අවස්ථාවට පත් වී යාපනය ඇද වැටීමට ගිය අවස්ථාවේදී ද බටහිර රටවල් ලංකාවට එරෙහි වී එකසත් ජාතීන්ගේ හමුදාවක් ඒවා රට දෙකඩ වී යාමේ තර්ජනයක් මතු විය. එම අවස්ථාවේදී කෘතහස්ත රාජ්‍ය තාන්ත්‍රික බුද්ධිමතෙකු වූ දිවංගත ලක්ෂ්මන් කදිරාගම මැතිතුමා රාජ්‍ය තාන්ත්‍රික උපාය මාර්ග මගින් ලංකාව බේරා ගත්තේය. නමුත් අද ලක්ෂ්මන් කදිරාගම වැනි රාජ්‍ය තාන්ත්‍රික බුද්ධිමතුන් අපට නැත. ඇත්තේ විමල් වීරවංස වැනි මෝඩ දේශපාලන කලවැද්දන් පමණි. එහෙව් රටක ජනතාවට අබ සරණය.
අමිල ගුණරත්න
Post a Comment