දර්ශනද සිල්වා වයස අවුරුදු 32 ක් වන අවිවාහක කොලබ 01 හිල්ටන් හෝටලයේ සේවය කරන බෝජන විද්‍යා ශිල්පියෙකි. ඔහු බත්තරමුල්ලේ පදිංචිකරුවෙකි.
මේ සිද්දිය වුයේ 2011 ඔක්තෝබර් 31 වැනිදාය. ඔහු රාත්‍රී 10.50 ට පමණ බදුල්ලෙන් සුපර් ලයින් ට්‍රැවල්ස් සුපර් ලක්ෂරි බස්රථයට ගොඩවූයේ කොලබ බලා පැමිණීමටය.
බස්රථය පිටත්වීමට ආසන්නයේ පොලිස්කාරයින් දෙදෙනෙක් එයට ගොඩ විය. ඉන් එක් අයෙක් දර්ශනට බසයෙන් බහින ලෙස නියෝග කරන ලදී.
එම නියෝගයට කීකරුව බසයෙන් බහින ලද දර්ශනගේ මුහුණට සහ ඔළුවට එක පොලිස්කාරයකු ඉවක් බවක් නැතිව පහර දුන්නේය. ඔහු අංක 44299 දරන රාජකරුණා නම් වේ. පසුව දර්ශනව බස්පොලේ පොලිස් මුරපොල වෙත ගෙන යන අතරතුර අනෙක් නිලදාරියද පහර දුන්නේය. ඒ අවස්ථාවේදීත් පහර දී ඇත්තේ දර්ශනගේ මුහුණට සහ ඔලුවටයි.
මුරපොලේදී කාඩ් බෝඩ් කැබැල්ලක් දී දර්ශනට නිදා ගන්නයි අණ කර ඇත. නමුත් ඔහු එය ප්‍රතික්ෂේප කර අසල පුටුවක ඉදගෙන ඇත. පාන්දර 3.30 ට පමණ දර්ශනව මුදා හැර තිබේ. නොවැම්බර් පළමුවැනිදා සවස 2 ට පමණ බදුල්ල පොලිස් අදිකාරිට සිද්දිය පැමිණිලි කිරීමෙන් පසුව පොලිසිය විසින් දර්ශනට රෝහල් ගතවීමට පෝරමයක් නිකුත් කර ඇත.
මේ පොලිස් පහරදීම නිසා දර්ශනට බදුල්ල මහා රෝහලේ අංක 07 වාට්ටුවේ 14 ඇදෙ දින 05 ක් නේවාසිකව ප්‍රතිකාර ගැනීමට සිදුවිය.
නමුත් අද 07 වැනිදා බදුල්ල සහකාර පොලිස් අදිකාරී 02 විජේතිලක අංක 0718329571 දුරකතනයෙන් කතා කර ඕයා බිලා ඉදලා තියෙන්නේ පොලිසියෙන් කරලා තියෙන්නේ හොද දෙයක්. ඔයාගේ මුදල් බඩු ආරක්ෂා කරලා දුන්න එක හොද දෙයක් කොහොම වුනත් පරීක්ෂණයක් පවත්වනවා යනුවෙනි.
ඉහත මෝඩ ප්‍රකාශය කල පොලිස් ලොක්කන්ට සහ පහර දුන් පොලිස් සොක්කන්ට විරුද්දව දර්ශන විසින් 2011.11.07 දින එනම් අද මානව හිමිකම් කොමිසමට, පොලිස්පතිට සහ බදුල්ල ජෙෂ්ට පොලිස් අදිකාරිට ලිකිතව පැමිණිලි කරන ලදී.
හර්ෂි සි. පෙරේරා
Post a Comment