| විශේෂ වාර්තාකරුවෙකු විසිනි
විපක්ෂ නායක සහ එක්සත් ජාතික පක්ෂයේ නායක රනිල් වික්‍රමසිංහ සහ එම පක්ෂයේ පාර්ලිමේන්තු මන්ත්‍රී රවී කරුණානායක සහ විශේෂ පුදගලයෙකු අතර පසුගිය 11 වැනිදා උදසාස 8.30 සිට 9.30 දකවා ලන්ඩන් හී පිහිටි ප්ලාක් ෆ්ලාසා (Park Plaza ) හෝටලයේ ලොබියේදී විශේෂ හමුවීමක් පවත්වා ඇත. ඒ වෙන කිසිවෙකු සමඟ නොව ඇමති මර්වින් සිල්වා විසින් බ්‍රිතාන්‍යට පටවනු ලැබූ ලාල් පිරිස් හෙවත් කුඩු ලාල් අතරය.
අදාළ හමුවීමේදී විශේෂ කාරණා රැසක් සම්බන්ධයෙන් සාකච්චා කොට ඇති අතර ඊට තවත් ශ්‍රී ලාංකිකයින් පිරිසක්ද සහභාගී වූ බව ශ්‍රී ලංකා ගාර්ඩියන් වෙත වාර්තා වේ. විශේෂයෙන් රනිල් වික්‍රමසිංහ අදාළ සාකච්චාව සඳහා සහභාගී වී ඇත්තේ මෙරට දේශපාලනය තුළ ඉතා වැදගත් විවාදයක් වූ ආණ්ඩුව විසින් පාඩු ලබන ව්‍යාපාර පවරා ගැනීමේ පනත සම්මත කර ගැනීම සඳහා පැවතී විවාදය මඟ හරිමිනි. අදාළ පනත මඟින් සිරිකොත කාර්යාලය පවත් ගැනීම සඳහා ප්‍රධාන මුල්‍ය දායකත්වය ලබා දෙන දයා ගමගේ වැනි ව්‍යාපාරිකයින්ගේ ආයතන රජයට පවරා ගනු ලැබීය.
මේ වන විට කුඩු ලාල්ට විරුද්ධව ලන්ඩන් අධිකරණයක බරපතල චෝදනා යටතේ නඩුවක්ද විභාග වෙමින් පවතී. කෙසේ වෙතත් කුඩු ලාල් වසර 5 ක මල්ටිපල් වීසා යටතේ බ්‍රිතානයේ රැඳී සිටින අතර ඔහු බ්‍රිතාන්‍යට යවනු ලැබුවේ මර්වින් සිල්වා සහ ජනාධිපති මහින්ද රාජපක්ෂගේ පූර්ණ අනුග්‍රහය යටතේය.
Post a Comment