කොලොන්නාවේ වෙඩි තැබීමේ සිද්ධිය පිළිබඳව පොලිස්පති එන්.කේ. ඉලංගකෝන් මහතාගේ මෙහෙයවීම යටතේ සිදු කෙරෙන පරීක්‍ෂණවලදී, භාරත ලක්ෂ්මන් පේ‍්‍රමචන්ද්‍ර මහතාට සහ කුඩු දුමින්ද මන්ත‍්‍රීවරයාට වෙඩි තබා ඇත්තේ එකම තුවක්කුවකින්ද යන සැකයක් මතු වී ඇතැයි පොලිස් මූලස්ථාන ආරංචි මාර්ගවලින් වාර්තා වේ.
ඒ පිළිබඳව සොයා බැලීම සඳහා රස පරීක්‍ෂක වාර්තාවක් කැඳවීමට තීරණය කර ඇත.
රහස් පොලිසිය භාර නියෝජ්‍ය පොලිස්පති ජයන්ත කුලතිලක මහතාගේ අධීක්‍ෂණයෙන් එහි අධ්‍යක්‍ෂ මහේන්ද්‍ර පෙරේරාගේ උපදෙස් මත මෙම වෙඩි තැබීමේ සිද්ධියට අදාළ පරීක්‍ෂණ සිදු කෙරේ.
කෙසේවුවද මේ වන විට එම පරීක්‍ෂණ සිදු කරන නිලධාරීන්ට ආරක්ෂක අමාත්‍යාංශයේ ඉහළ නිලධාරීන්ගෙන් බලපෑම් එල්ල වී තිබේ. එසේම මෙම ඝාතනවලට යොදා ගත් ටී. 56 ගිනි අවිය මේ දක්වා සොයා ගැනීමට පොලිසියට නොහැකි වී ඇත.
- LNW
Post a Comment