ත්‍රිමාණ විසිනි
එම නිවෙිදනය අනුව බුදු රජාණන්වහන්සේට බණ දේශණාකරන්නට උපදෙස් ලබාදී ඇත්තේ බන්දුල ගුණවර්ධන අමාත්‍යවරයා විසිනි. කළක් මේ ඇමතිවරයා කළ කී දෑ සිහිකරණ විට මෙය මුසාවක් යැයි කියා ඉවත දමන්නට අපට නොහැකිය. ඉතින් නිළධාරීන් විසින් ඇමතිවරුන්ට වන්දනාමාන කිරීම නිසා සුදුවන අලකලංචි වලට බුදු රජාණන්වහන්සේ පවා ජෝක් වී යන ලෝකයේ තිබෙන එකම රටෙන් වාර්ථා වන මේ ප්‍රවෘත්තිය පහත පරිදි වේ.
එහි දැක්වෙන්නේ “අධ්‍යාපන අමාත්‍ය බන්දුල ගුණවර්ධන මැතිතුමාගේ උපදෙස් පරිදි ලොව්තුරා බුදුරජාණන් වහන්සේ ශ්‍රී සද්ධර්මය දේශනා කළ” බවයි. අදාළ වාක්‍ය සම්පූර්ණ වශයෙන් මෙසේය. “ගරු අධ්‍යාපන අමාත්‍ය බන්දුල ගුණවර්ධන මැතිතුමාගේ උපදෙස් පරිදි ලොව්තුරා බුදුරජාණන් වහන්සේ විසින් ශ්‍රී සද්ධර්මය දේශනා කොට 2600 වසරක් සම්පූර්ණවීම හා භික්ෂු ශාසනය ආරම්භ වී වර්ෂ 2600ක් සම්පූර්ණ වීම අනුස්මරණය කිරීමේ මහා ශිෂ්‍ය පෙරහැරක් පැවැත්වීමට කටයුතු යොදා ඇත.”
මෙහි ඇති සුවිශේෂී කරුණ වන්නේ අධ්‍යාපන අමාත්‍යංශයේම ලිපියක මෙවැනි බරපතල දෝෂයක් පැවතීමයි. අධ්‍යාපන අමාත්‍යවරයාගේ නම මුලට යෙදීමේ අවශ්‍යතාවය නිසා මෙම බරපතල වරද සිදුව ඇති බව විමසිල්ලෙන් බලන්නෙකුට පෙනේ.
Post a Comment