ජීවිත තර්ජන නිසා රටින් බැහැර වූ මාධ්‍යවේදීන්ට යළි සියරට පැමිණෙන මෙන් නව ආණ්ඩුව කරන ඉල්ලීම සම්බන්ධයෙන් ප්‍රතිචාරය පළ කරන ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානය(JDS) පැරණි පාලනයෙන් නව පාලනයට එකතු වී සිටින කලින් රාජ්‍ය මාධ්‍ය දඩයමට වගකිව යුතු දේශපාලනඥයන් තමන් එම අතීත සම්ප්‍රධායයෙන් කැඩී ඇති බව පළමුව පෙන්නුම් කළ යුතුව ඇතැයි කියා සිටියි.
ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානයේ කැඳවුම්කරු රෝහිත භාෂණ අබේගුණවර්ධන බීබීසී සංදේශය සමග පවත්වන ලද සාකච්ඡාවක දී කියා සිටියේ නව පාලනය අඳුරු අතීත සම්ප්‍රදායෙන් කැඩී වෙන් වී ඇත්නම් ඔවුන් විසින් රාජ්‍ය මාධ්‍ය භාවිතා කරනු ලබන ආකාරය තුලින් ඒ බව පෙන්නුම් කළ යුතු බවයි.
ශ්‍රී ලංකාවේ දේශපාලන ඉතිහාසය තුල දරුණුතම භීෂණ මාධ්‍ය මර්දනය සිදු කෙරුණේ එක්සත් ජනතා නිදහස් සන්ධානයේ පාලනය යටතේ බවයි රෝහිත භාෂණ අබේගුණවර්ධන සිහිපත් කරන්නේ.
එම පාලනය යටතේ මාධ්‍යවේදීන්ගෙන් කොටසක් ජීවිතාරක්ෂාව පතා විදේශගත වූ අතර තවත් කොටසකට සිදු වුනේ මතභේදයට ලක් විය හැකි වාර්තාකරණයේ නිරත වීමෙන් තොරව නිහඬ වීම බවත් ඔහු පවසයි.
නව මාධ්‍ය පිළිවෙත
නව පාලනය විසින් ජීවිතාරක්ෂාව පතා විදේශගත මාධ්‍යවේදීන්ට ආපසු පැමිණෙන ලෙස කරන විවෘත ඉල්ලීම වැදගත් පියවරක් වන බව සඳහන් කළ ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානයේ කැඳවුම්කරු රෝහිත භාෂණ අබේගුණවර්ධන මෙහිදී නව ආණ්ඩුව සිය ඉල්ලීමේ අවංක භාවය සහතික කිරීම සඳහා ගත යුතු කාර්යභාරයක් ඇති බවයි පෙන්වා දුන්නේ.
පසුගිය ආණ්ඩුවේ මාධ්‍ය මර්දනය සම්බන්ධයෙන් මේ ආණ්ඩුව ගනු ලබන ක්‍රියා මාර්ගයක් ගැන අවධානය යොමු කළ යුතු බවත් ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානය කියා සිටියි.
Courtesy: BBC Sinhala
ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානයේ කැඳවුම්කරු රෝහිත භාෂණ අබේගුණවර්ධන බීබීසී සංදේශය සමග පවත්වන ලද සාකච්ඡාවක දී කියා සිටියේ නව පාලනය අඳුරු අතීත සම්ප්‍රදායෙන් කැඩී වෙන් වී ඇත්නම් ඔවුන් විසින් රාජ්‍ය මාධ්‍ය භාවිතා කරනු ලබන ආකාරය තුලින් ඒ බව පෙන්නුම් කළ යුතු බවයි.
ශ්‍රී ලංකාවේ දේශපාලන ඉතිහාසය තුල දරුණුතම භීෂණ මාධ්‍ය මර්දනය සිදු කෙරුණේ එක්සත් ජනතා නිදහස් සන්ධානයේ පාලනය යටතේ බවයි රෝහිත භාෂණ අබේගුණවර්ධන සිහිපත් කරන්නේ.
එම පාලනය යටතේ මාධ්‍යවේදීන්ගෙන් කොටසක් ජීවිතාරක්ෂාව පතා විදේශගත වූ අතර තවත් කොටසකට සිදු වුනේ මතභේදයට ලක් විය හැකි වාර්තාකරණයේ නිරත වීමෙන් තොරව නිහඬ වීම බවත් ඔහු පවසයි.
නව මාධ්‍ය පිළිවෙත
නව පාලනය විසින් ජීවිතාරක්ෂාව පතා විදේශගත මාධ්‍යවේදීන්ට ආපසු පැමිණෙන ලෙස කරන විවෘත ඉල්ලීම වැදගත් පියවරක් වන බව සඳහන් කළ ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානයේ කැඳවුම්කරු රෝහිත භාෂණ අබේගුණවර්ධන මෙහිදී නව ආණ්ඩුව සිය ඉල්ලීමේ අවංක භාවය සහතික කිරීම සඳහා ගත යුතු කාර්යභාරයක් ඇති බවයි පෙන්වා දුන්නේ.
පසුගිය ආණ්ඩුවේ මාධ්‍ය මර්දනය සම්බන්ධයෙන් මේ ආණ්ඩුව ගනු ලබන ක්‍රියා මාර්ගයක් ගැන අවධානය යොමු කළ යුතු බවත් ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානය කියා සිටියි.
Courtesy: BBC Sinhala
