"මාර්ග නීති කඩකළ රියදුරු පොලිස් පොත් උදුරා විසි කර දමයි"- රිවිර "බොරුව"

ඉහත සදහන් වන්නේ 2011.12.11 දින රිවිර පුවත්පතේ පලවූ වියාජ පුවතේ සිරස්තලයයි. ඇත්තටම මොකද වුනේ?

ඔහු නමින් රන්මිණි චමිල කසුන් දර්මවික්‍රමය. වයස අවුරුදු 29 ක් වන අවිවාහක තරුණයෙකි. අම්බලන්ගොඩ පදිංචිව සිටි. ගාල්ල කොලබ දාවනය වන එන් ඩි 4282 හි රියදුරු ලෙස වසර දෙකකට වැඩි කාලයක සිට සේවය කරයි.

සිද්දිය වන්නේ 2011.12.07 දින උදේ 07 ට 08 ට කහව ගොඩගම ප්‍රදේශයේදී මිටියාගොඩ පොලිසියේ රථවාහන අංශයේ පොලිස් නිලදාරීන් රන්මිණි පැදවූ බසය නැවැත්වීමත් සමගයි.

පොලිසිය රන්මිනිගෙන් ප්‍රශ්න කල අතර රන්මිණි පෙරලා පොලිසියට පිලිතුරුදිමත් පොලිසියෙන් ප්‍රශ්න ඇසීමත් සිදු විය. පසුව පොලිසිය රන්මිනිට කුණුහරුපෙන් බනින ලදී.

පොලිසිය මෙසේ කුණුහරුපෙන් බනිමින් රන්මිනිගේ ෂට් කොලරයෙන් අල්ලා ගෙන පාරේ එහාට මෙහාට ගෙන ගොස් ඇති අතර ඔහුගේ කනට පහරක් ගසා ඇත. එවිට බසයේ සිටි මගින්ද 30 ක් පමණ බැසවිත් මිනිස්සුන්ට ඔහොම ගහන්න අයිතියක් නැති බව පවසා තිබේ.

රන්මිණි 2011.12.12 දින මෙම පොලිස් නීතිවිරෝදී ක්‍රියාව ගැන මානව හිමිකම් කොමිසන් සබාවට, පොලිස්පතිට, දකුණ දිසා බාර නියෝජ්‍ය පොලිස්පතිට සහ ගාල්ල ජෙෂ්ට පොලිස් අදිකාරිට ලිකිතව පැමිණිලි කරන ලදී.

හර්ෂි සි. පෙරේරා