දිවි මකුළු ඇස නොසැලෙයි

නොසැලෙයි

දිවි මකුළු ඇස නොසැලෙයි

නළියයි

අඳුන් දිවි නිය පහුර නළියයි

උකුසු ඇසට නොපෙනී

මහා කළු වෘකයා ගොදුර ඉව අල්ලයි

මොන නීතියද මේ

මිනිස් වනාන්තරේ

සඳ එළියේ

දිව්‍ය ලෝකෙන් පාවී

කුණු කසළ වැටි වැටී

නිවි නිවී යයි ගිනිදැල් අපායේ

කුවේරයා ලිස්සා ගිහින් පාතාලේ

විනිසුරු අසුනේ

සත් පුරුෂ ප්‍රාණේ

කළු රෙද්දෙන් ඔතලා

අපරාධය හෝ ඝාතකයා හෝ

විනිවිද නොපෙනේ

නීති පොතේ ඉන්ද්‍රජාලේ

ඝාතකයා - මිනීමරන්නේ - තිරිසනා

විනිසුරුවා - නඩු අසන්නේ - මිනිසා

මුනිවරයා - සමාව දෙන්නේ - දෙවියෝ