පොලිස්කාරයින් දෙදෙනෙක් පාසල් බස් රථ රියදුරකුට පහර දෙයි.

හර්ෂි සි. පෙරේරා

මේ සිද්දිය වන්නේ 2011.11.08 දිනය. එදින පාසල් බස් රථයක් යතුරු පැදියක ගැටීමෙන් යතුරු පැදියට හානි වී ඇති අතර එහි ගමන් ගත් දෙදෙනා බිමට වැටී ඇත. මෙම පාසල් බස් රථයේ රියදුරු ලෙස කටයුතු කලේ දිලිප් තරංග කුමාර නමැති 28 හැවිරිදි තරුණයාය. ඔහු මතුගම පදිංචිකරුවෙකි.

යතුරු පැදියේ ගමන් කල දෙදෙනා නැගිට දිලිප්ට පහර දෙන ලදී. ඔහුගේ මුහුණට හිසට සහ පපුවට පහර දී ඇත. පසුව මතුගම පොලිසියේදී දිලිප්ට රුපියල් 5000 ක් ගෙවන්න කියා දෙගොල්ලෝ සමාදාන කර තිබේ.

මෙම පහරකෑමට ලක්වූ දිලිප් 2011.11.08 දින සවස නාගොඩ මහා රෝහලට ඇතුලත්ව තිබේ. ඔහු 11 වාට්ටුවේ ප්‍රතිකාර ගෙන ඇත. රෝහල් පොලිසිය කටඋත්තරයක් ලබා ගෙන ඇති අතර අදිකරණ වයිද්‍ය නිලදාරිවරයාද ඔහුව පරික්ෂා කොට තිබෙන අතර දිලිප් ඔවුන්ට තමාට පහරදුන්නේ පොලිසියෙන් බව ප්‍රකාශ කර ඇත. 10 වැනිදා ඔහුගේ ටිකට් කපා ඇත.

මෙම පහරදීම සිදුකල එක් අයෙක් අගලවත්ත පොලිස් මුරපොලේ ස්ථානදිපති විජේසිංහ ලෙස දිලිප් හදුනා ගෙන ඇති අතර අනෙක් පොලිස්කාරය දුටුවොත් හදුනා ගත හැකි බව දිලිප් කියයි.

දිලිප් මේ පිලිබදව 2011.11.14 දින මානව හිමිකම් කොමිසම් සබාවට, පොලිස්පතිට, නියෝජ්‍ය පොලිස්පති, කළුතර සහ ජෙෂ්ට පොලිස් අදිකාරී, මතුගම යන අයට ලිකිතව පැමිණිලි කරමින් මේ පොලිස්කාරයින්ට විරුද්දව නීතිමය හා විනයානුකුල පියවර ගන්නා ලෙසත් තමනට සාදාරනය ඉටු කරන ලෙසත් ඉල්ලා සිටි.