දුමින්ද සිල්වා ජනතාවට විශිෂ්ඨ සේවයක් කලා – ගෝඨාභය

| විකල් වීරවංශ

පාර්ලිමේන්තු මන්ත‍්‍රී දුමින්ද සිල්වා මහතා ජනතාව සමග නිරන්තරයෙන් සිටි නායකයෙකු බව ආරක්ෂක ලේකම් ගෝඨාභය රාජපක්ෂ මහතා පවසයි. ජාතික පුවත්පතක් සමග සම්මුඛ සාකච්ඡාවකට එක්වෙමින් ආරක්ෂක ලේකම්වරයා මේ බව ප‍්‍රකාශ කර තිබේ.

කොළඹ දිස්ත‍්‍රික්කයේ පැල්පත් වෙනුවට නව නිවාස ඉදිකිරීම සහ කොළඹ නගරය අලංකෘත කිරීම උදෙසා තමාගේ ප‍්‍රමුඛතම අවධානය යොමු වූ බවත් දුමින්ද සිල්වා මහතා විශාල බහුතර ඡන්දයකින් ජනතාව තෝරා පත් කර ගත්, ඔවුන් සමග ඍජුවම කටයුතු කළ කොළඹ දිස්ත‍්‍රික්කයේ ජනතාවට විශිෂ්ඨ සේවාවක් සැලසූ පාර්ලිමේන්තු මන්ත‍්‍රීවරයෙකු බැවින් කොළඹ සංවර්ධනය උදෙසා ඔහුගේ සහාය ලබා ගැනීමට තමා යොමු වූ බවත් මෙහිදී ආරක්ෂක ලේකම්වරයා පවසා ඇත.

දුමින්ද සිල්වා මහතා මත්ද්‍රව්‍ය ජාවාරම්කරුවෙකු නොවන අතර, පාතාල ලෝකය සමග කිසිදු සම්බන්ධයක් නොමැති පුද්ගලයෙකු බවද ඒ මහතා මෙහිදී ප‍්‍රකාශ කර තිබේ.