තමිල්නාඩු හිටපු මහා ඇමති එම්. කරුණානිධි මහතා සඳුදා තම දියණිය හමු විය. එහිදී 2G වංචාව සම්බන්ධයෙන් චෝදනා ලබා දැනට අත් අඩංගුවේ සිටින ඇය එනම් පාර්ලිමේන්තු මන්ත්‍රීනි කානිමොලී නව දිල්ලියේ පිහිටි තිහාර් බන්දනාගාරයේදී හමු වී පැයකට ආසන්න කාලයක් කරුණානිධි මහතා කතා කළේය.
පසුව ඔහු 2G වංචාව සම්බන්දයෙන් චෝදනා ලබා සිටින හිටපු විදුලි සංදේශ ඇමති ඒ. රාජා සහ කලෙග්නර් රුපවාහිනී නාලිකාවේ කළමණාකාර අධ්‍යක්ෂක වන ශරාධ් කුමාර් යන මහත්වරුන් මුණ ගැසුනේය.
අසු හත් හැවිරිදි වියේ පසුවන කරුණා නිධි මහතා පස්වරු 5.30 ට පමණ බන්ධනාගාරය වෙත ගිය අතර එහිදී ඔහුගේ බිරිඳ වන රාජති අම්මල්, ඩ්. එම් . කේ පාර්ලිමේන්තු පක්ෂ නායක ට්‍. ආර්. බාලු මහතා සහ කරුණා නිධි මහතාගේ දියණියගේ සැමියා වන අරවින්දන්ද ඊට එක වී සිටියහ.
සඳුදා උදැසන නව දිල්ලි නගරයට පැමිණි කරුණා නිධි මහතා ඔහුගේ දියණිය සමග බන්ධනාගාර අධිකවරයාගේ කාර්යාලයේ පැයකට ආසන්න කාලයක් රැඳී සිටියේය. තම දියණිය පසු ගිය සිකුරාදා දිනයේ බන්ධනාගාර ගත කළ පසු සිදු වූ ප්‍රථම හමුවීම මෙය වේ.
Post a Comment