පුද්ගලික අරමුණු මත මාධ්‍ය අවභාවිතා කිරීම සම්බන්ධවයි
තුසිත හල්ලොලුව
ස්වකීය ප්‍රවෘත්තිමය බංකොලොත්භාවයේ තරම මොනවට පසක් කරමින් 'සිරස' 2018. 07. 30 දින සිය ප්‍රධාන පුවතට අතිශය සාවද්‍ය කරුණක් මත මවෙත චෝදනා කරමින් ප්‍රවෘත්තියක් නිර්මාණය කොට තිබිණි. පළමුකොටම එකී ප්‍රවෘත්තිය හුදෙක් ද්වේශසහගත අවලාදයක් බවත්, ඉන් එහා එහි කිසිවක්ම නැති බවත් පවසනු කැමැත්තෙමි. මාධ්‍ය ආචාර ධර්මය පිළිබඳව සාතිශය ප්‍රාථමික තත්ත්වයන්වත් නොසලකා හරිමින් ගොතන ලද එකී පුවත තුළින් ඔවුන් බලාපොරොත්තු වන්නේ කුමක්දැයි කියා දන්නේ නැත. එහෙත් කිසියම් අරමුණක් නැතිව ඔවුන් එවැන්නක් කරන්නේ නැත. ඒ නිසා මේ ගැන අවදානය යොමු කරනු වටී.
වර්ණකුමාර නැමැත්තෙක් කඩවත පොලිසියේ සුළු පැමිණිළි අංශයට කරන ලද පැමිණිල්ලක් පාදක කොටගෙන 'සිරසට' 'ලීඩ්' එකක් ලැබී ඇත. සිරස කියන පරිදි වර්ණකුමාර නැමැත්තා පැමිණිලිකර තිබෙන්නේ මට එරෙහිවය. එවැනි පැමිණිල්ලක් තිබේදැයි කඩවත පොලිසියේ ස්ථානාධිපතිවරයාගෙන් මා විමසන විට ඔහු කියන්නේ එවැන්නක් නැති බවය.
මා පුද්ගලිකව හමුවීමට අවස්ථා කිහිපයකම ඈ උත්සාහ කළ අතර ප්‍රථම මෙන්ම අවසන් වරට අප සිනමන් ග්‍රෑන්ඩ් හෝටලයේ ඉදිරිපස ලොබියේදී පමණක් හමුවීමට මම එකඟ වීමි. එයද අදාළ කාන්තාවගේ බලවත් පෙරැත්තය නිසාය. එහිදී ඈ ඉල්ලා සිටියේ ‘අපේ බොස්ව මිනිත්තු 10ට හෝ හමුවන්න’ කියාය. මම ඊට එකඟ නොවූ අතර, ඈ කීවේ එසේනම් 'ෂෙවාන් ඩැනියෙල්' හමුවෙමු කියාය. ඊටද මගේ ප්‍රතිචාරය 'කෙසේවත් බෑ' යන්න පමණි.
ටික වේලාවකට පසු ඔහු නැවත කියා සිටින්නේ 'සුලු පැමිණිලි' අංශයට එවැනි පැමිණිල්ලක් ලැබී තිබෙන බවය. පැමිණිල්ල ප්‍රකාරව සටහන්ව තිබෙන්නේ යුවලක් ඔවුනගේ නිවසට පැමිණ වර්ණකුමාරව සෙවූ බවත්, එසේ සොයනු ලැබුවේ මවිසින් යොදවන ලද යුවලක් යැයි සැක සිතෙන බවත් ය. 'සිරසට' ප්‍රධාන 'සිරස' වූයේ මේ සිදුවීම ය.
මේ පැමිණිල්ල සහමුලින්ම විකාරයක් ය. නින්දෙන් හීනයක් දැක, ඒ හීනයෙන් දුටු මිනිසාව පොලිසියට අල්ලා දීමට යන අන්දමේ 'මන්ද මානසික' ව්‍යාධියකට ප්‍රතිකාර තිබෙනවාද කියා මා දන්නේ නැත. තිබෙනවානම් නොවලහා ඊට ප්‍රතිකාර කළ යුතුය. ඊටත් වඩා මෙවැනි විසුළු උලුප්පමින් ප්‍රවෘත්ති වාර්ථාකරණය කරමින් සිදුකරන මාධ්‍ය සදාචාරය පාදඩකරණය කරන්නන් ගැන අවබෝධයෙන් සිටිය යුතුය. මුද්‍රිත අකුරු ගැනත්, ඉලෙක්ට්‍රොනික මාධ්‍ය ගැනත් ජන සමාජයේ කිසියම් විශ්වාසයක් පවතී. එය දඩමීමා කරගෙන උතුම් මාධ්‍ය ස්වකීය තිරස්චීන අවශ්‍යතා වෙනුවෙන් යොදා ගන්නේනම් එය නින්දා සහගත වරදකි.
මාධ්‍ය භූමිකාව සහ ප්‍රවෘත්ති වාර්ථාකරණය පිළිබඳව 'සලකුණු' තැබූ ඉතිහාසයක් සිරසට තිබූ බව සැබවි. එහෙත් පුද්ගලික පටු අරමුණු වෙනුවෙන් මාධ්‍යකරණය යොදාගෙන සිරස ස්වකීය භූමිකාව කෙලෙසාගෙන ඇත. ජනතාවගේ බදු මුදලින් නඩත්තු වන, ජනතාවට අයිති විද්‍යුත් තරංගමාලා ස්වකීය පටු අරමුණු වෙනුවෙන් යොදා ගැනීම පිළිකුල් සහගත ය.
එක්තරා පෞද්ගලික කාරනාවක් මත සිදු වූ පැමිණිල්ලක් පසුපස හඹා යන සිරසට සිය 'ප්‍රධාන' සිරස්තල කරගන්නට හැකි කාරණා කිහිපයක් පිළිබඳව ඉඟි ලබා දීමට අප අපේක්ෂා කරන්නේ අනෙකාගේ ඇසේ රොඩු සොයන්නට පෙර තමන්ගේ ඇසේ පරාලය සොයාගැනීම පහසු වෙතැයි සිතා ය.
නිවෙසට පැමිණ විමසා ගිය පලියට ඊට කිසිසේත් අදාල නැති හිතලුවක් පමණක් වු මාව එහි වග උත්තරකරුවෙකු කොට කරන ලද පැමිණිල්ල සහමුලින්ම ද්වේශ සහගත ය. පැමිණි පිරිස තර්ජනය කළාද? කිසියම් පීඩාවක් සිදු කළාද? මා ඊට ඈදා ගැනීමට හේතු කවරේද? කිසියම් සැක කටයුතු බවක් වේනම් පැමිණි අයගේ හැඳුනුම්පත් හෝ ඉල්ලන්නට නොසිතුණේ ඇයි?
කඩවත පොලිසියේ සිදු කළාය කියන 'සුළු පැමිණිල්ල' සම්බන්ධව මෙවැනි ප්‍රශ්න රැසකි.
එහෙත් 'පුද්ගලයෙකුට' පහර දීමට කරුණු තැනීමේ ඒකායන වුවමනාව මත කටයුතු කරන 'සිරස' මෙකී සිදුවීම කදිමට යොදා ගනී.
මේ සාවද්‍ය ප්‍රවෘත්ති නිර්මාණය පෞද්ගලික පලිගැනීමක් බව එකහෙලා සඳහන් කරමි.මෙය සිරස' හිමිකරු කිලී මහරාජාගේ ඒකායන උවමනාව මත සිදුවන්නකි. බාල වර්ගයේ 'බයිස්කෝප්' කතාවක ස්වරූපයෙන් එහි තිර නාටකය ඔවුන් ලියමින් සිටී.
මේ කෝන්තරය කලක සිට එන්නකි. කිලී මහරාජාගේ මැදිහත්වීමෙන් රුසියාවෙන් ගෙන්වීමට සූදානම් වූ නැව පිළිබඳව වූ තොරතුරු මාධ්‍යයට නිරාවරණය වූයේ මා නිසා යැයි ඔවුන් විශ්වාස කරයි. ඒ අනුව ඔහුගේ අනුදැනුම මත කැපිටල් මහරාජා සමූහ ව්‍යාපාරයේ සේවය කරන එක්තරා සේවිකාවක් මා හමුවීමට එවීය. සමාජ ජාල මුහුණු පොත හරහා මිතුරු ඉල්ලීමක් යොමුකොට ඒ හරහා සබඳතාවයක් ගොඩ නඟා ගන්නට එකී මාධ්‍යවේදිනිය යොමු කරවූයේ සිරස පාලනාධිකාරය බව නොරහසකි. මා පුද්ගලිකව හමුවීමට අවස්ථා කිහිපයකම ඈ උත්සාහ කළ අතර ප්‍රථම මෙන්ම අවසන් වරට අප සිනමන් ග්‍රෑන්ඩ් හෝටලයේ ඉදිරිපස ලොබියේදී පමණක් හමුවීමට මම එකඟ වීමි. එයද අදාළ කාන්තාවගේ බලවත් පෙරැත්තය නිසාය. එහිදී ඈ ඉල්ලා සිටියේ ‘අපේ බොස්ව මිනිත්තු 10ට හෝ හමුවන්න’ කියාය. මම ඊට එකඟ නොවූ අතර, ඈ කීවේ එසේනම් 'ෂෙවාන් ඩැනියෙල්' හමුවෙමු කියාය. ඊටද මගේ ප්‍රතිචාරය 'කෙසේවත් බෑ' යන්න පමණි.
අනතුරුව ඈ මගෙන් 'රුසියන් නැව' පිළිබඳව තොරතුරු විමසුවාය. දිගින් දිගටම ඈ ඒ ගැන විමසූ කල්හි මා පැවසුවේ ‘ඔබ දන්න දේ පමණයි මාත් දන්නේ’ යනුවෙනි. අනෙක් කාරණය වන්නේ ජාතික ලොතරැයි මණ්ඩලයේ දැන්වීම ලබා ගැනීමට අයථා ක්‍රම හරහා ගත් උත්සාහයන් ව්‍යර්ථ වීමද මේ පහරදීමට හේතුවකි. එහෙත් අද කිසිඳු සාධනීය හේතුවක් නැතිව අප ඉලක්ක කොටගෙන පහර දෙන සිරසට යමක් මතක් කරනු යෙහෙකි.
ඒ ස්වකීය පෞද්ගලික ව්‍යාපාරික වුවමනාවන් වෙනුවෙන් සිය ආයතනයේ සේවය කරන නිලධාරිනියන්ද යොදාගෙන නටන නාඩගමේ සැබෑ ‘චිත්‍රපට කතාව’ බොහෝ අවලස්සන බවය. ඉහත කී නිලධාරිනිය මා වෙත එවන ලද කෙටි පණිවිඩ සියල්ල මා සතුව සුරක්ෂිතව තිබේ. මා මාධ්‍ය සදාචාරයට ගරු කරමි. පෞද්ගලිකත්වයටද ගරු කරමි. එකී ගරුකිරීම් සිරස වෙතින් බලාපොරොත්තු වන්නට අපේක්ෂාවක් නැත. එහෙත් පෞද්ගලික පටු අරමුණු වෙනුවෙන් මාධ්‍යකරණයෙහි යෙදී සිරස ජනතාව අතරින් ප්‍රතික්ෂේප වූ අවස්ථා කොතෙකුත් වේ. සිරස විසින් ඔසවා තැබූ පිරිස් පරාජයත් සිරස විසින් පාගා දැමූ පිරිස් ජයග්‍රහණත් ලැබූ අවස්ථා මෑත කාලීනව බෙහෙවි.
මාධ්‍ය නිදහස උපරිමව ලබාදෙන රටක එකී නිදහස වල්බූරු නිදහසක් බවට පත්කර ගැනීම සම්බන්ධව අප කණගාටු වෙමු. එය ස්වකීය පුද්ගලික අපේක්ෂාවන් මුදුන් පමුණුවා ගැනීමට ඉඩ ලබා නොදීම පිළිබඳව වියරු වැටී පුද්ගලයින්ට පහරදීම දක්වා රැගෙන යන්නේ නම් එය බලවත් අවාසනාවකි. ඔබේ නිදහසේ සීමාව අනෙකාගේ නාසය සමීපයෙන් කෙළවර වේ යන්න බොහෝ දෙනෙකුට අමතකය.
ප්‍රවෘත්ති යනු පුද්ගලික න්‍යාය පත්‍ර මත පදනම්ව සිදු කරන අවලාද නැගීමක්නම් එවන් නාලිකාවක ගුවන් කාලය මොනතරම් 'අවභාවිතා' කිරීමක්ද? මේ සංඛ්‍යාත වෙනුවෙන් ජනතාව ලබා දෙන බදු මුදල් සිරස ස්වකීය පුද්ගලික අභිමතාර්ථ වෙනුවෙන් වෙන් කිරීම මොනතරම් සාපරාධයක්ද? කතා කරන්නට, වාර්ථා කරන්නට ඕනෑ තරම් දේ තිබියදී, තමන්ට සිදු වූ ව්‍යාපාරික අහිමි වීම මුල්කොටගෙන, මුව හම් වලට තඩි බෑම මොනතරම් අවාසනාවක්ද?
'සිරස' පාර කියන බව කීවාට, ඒ පාරේ ගියොත් සිදුවන වින්නැහිය සිරසේම නිලධාරිනියගේ හැසිරීමෙන් සිතා ගන්නට පිළිවන් බව පමණක් අවසන් වශයෙන් සිහිපත් කරමු. මාධ්‍යකරණය සහ ප්‍රවෘත්ති වාර්තාකරණය සම්බන්ධව සිරස තරම් මහප්‍රාණ අප නොදන්නා බව සැබැවි. එහෙත් යතාර්ථය සහ මිථ්‍යාව අතර වෙනසත් මාධ්‍යකරණය සම්බන්ධව කිසියම් දැනුවත්භාවයකුත් පුරවැසියෙකු ලෙස අප සතුව පවතී. ඒ දැනුවත්භාවය මේ සිදුවීමේදී ප්‍රයෝජනයට ගන්නට සිදු වුවහොත් ඒ පිළිබඳ දෙවරක් කල්පනා නොකරමු. සියල්ලට වඩා වටින්නේ මිනිසෙකුගේ හෘද සාක්ෂියේ නිර්දෝෂීභාවයයි. ඒ සමඟ සෙල්ලම් කරන්නන් හෙළිදරව් කිරීම සමාජ වගකීමක් කොට සලකමි.
Post a Comment