2013 දෙසැම්බර් 29 වන දින, ජනසංසදයේදී, නීතිය, පොලීසිය, උසාවිය හා යුක්තිය පසිඳලීම යන තේමාව යටතේ ප්‍රකාශයට පත් කරන ලද - ‘ප්‍රකාශනය’ කේන්ද්‍ර කරගෙන පැවති කථිකාවට එක්වෙමින් ඉහත සඳහන් ප්‍රකාශය කළේ - ජේ්‍යෂ්ඨ නීතිඥ චන්ද්‍රපාල කුමාරගේ මහතාය.
ප්‍රකාශනයේ සඳහන් කරුණු මූලික කරගෙන අදහස් දැක්වූ සියලු දෙනා මතු කළ මූලික ප්‍රශ්නයක් විය. එනම් මෙම ප්‍රකාශනය සාමාන්‍ය ජනතාව අතට පත් කරන්නේ කෙසේද යන්නයි.
මෙම මාතෘකා යටතේ බොහෝ ප්‍රකාශන ලියවී තිබේ. ඒ නීති රීති සම්බන්ධවයි. භාවිතය හා භාවිතා කරන්නේ කෙසේද සහ මෙම ආයතන විශේෂයෙන්, පොලීසිය හා උසාවිය අභියෝගයට ලක්කරන්නේ කෙසේද යන්න පැහැදිලි කරමින් සාමාන්‍ය ජනතාවට ලියන ලද එකම ප්‍රකාශනය මෙය බව සැමගේ පිළිගැනීම විය.
වධහිංසාවට පාත්‍ර වූ වින්දිතයින්, ප්‍රජා මූලික සංවිධාන, රාජ්‍ය දෙපාර්තමේන්තු, නීතිඥවරු,ස්වේච්ඡා සංවිධාන නියෝජිතයින්, මාධ්‍ය, ක්‍රියාකාරීන් හා සිවිල් සමාජ නියෝජනය කරමින් හතලිස් නව දෙනෙකු මෙම කථිකාවට එක්විය.
වාමාංශික ව්‍යාපාරයේ ක්‍රියාකාරිකයෙකු වූද මානව හිකම් කේෂත්‍රෙය් ඉදිරියෙන් සිටින ජේ්‍යෂ්ඨ නීතිඥ චන්ද්‍රපාල කුමාරගේ, මාධ්‍යෙව්දී ජයසිරි අලවත්ත, ප්‍රජාතන්ත්‍රීය අයිතිවාසිකම් රැකගැනීමේ ව්‍යාපාරයේ හා නිදහස් හා සාධාරණ මැතිවරණ ව්‍යාපාරයේ විමල් ප්‍රනාන්දු, 71 කැරැල්ලේ ක්‍රියාකාරිකයෙක්‍ වූ හා වෘතීය සමිති ක්‍රියාකාරිකයෙක්‍ වූ සෝමපාල ගරුසිංහ, වෘතීය සමිති ක්‍රියාකාරිකයෙක්‍ හා අධ්‍යාපන නිලධාරියෙකුව සිටි පී.ලියනගේ, විශ්‍රාමික බන්ධනාගාර කොමසාරිස්(විශ්‍රාමික) ඩබ්.ඒ.එල්. වීරසිංහ, මහියංගන රජමහා විහාරයේ ප්‍රෙව්ණිදාස ක්‍රමයට එරෙහිව මූලිකත්වය ගෙන ක්‍රියාකරන බන්දුල ගුණතිලක, කාන්තා ක්‍රියාකාරිණියක් වූ ශ්‍රීමා බෝපිටිය,නිදහස් හා සාධාරණ මැතතිවරණ ව්‍යාපාරයේ විමල් ප්‍රනාන්දු, නිදහස් වෙළඳ කලාපයේ වෘතීය සමිති ක්‍රියාකාරී වී.එස්. වීරක්කොඩි හා ජේ්‍යෂ්ඨ ප්‍රජා විශෝධන නිලධාරී (විශ්‍රාමික) පී.වී.එස්. සේනාරත්න, අදහස් දක්වමින් හා යෝජනා ඉදිරිපත් කරමින් දායක විය.
ආසියානු මානව හිමිකම් කොමිෂමේ අධ්‍යක්ෂ, බැසිල් ප්‍රනාන්දු මහතා පොලිස් ප්‍රතිසංස්කරණ මැයෙන් ඉදිරිපත් කළ කරුණු දැක්වීම(වීඩියෝව) ප්‍රදර්ශනය කරනු ලැබීන.
ජනසංසදය පිළිබඳ කෙටි හැඳින්වීමක් නීතිඥ හර්ෂි සී. පෙරේරා කළ අතර වැඩ සටහන මෙහෙය වීම ලේකම් චිත්‍රාල් පෙරේරා සිදු කළේය.
සියලු දෙනා දැක්වූ දායකත්වය ඉදිරියෙය්දී ඉදිරිපත් කරන්නෙමු.
ජනසංසදය
