ශ්‍රී ලංකා ගාඩියන් වෙබ් අඩවියද ඇතුළු ආණ්ඩුව විවේචනය කල වෙබ් අඩවි කිහිපයක් ආණ්ඩුව විසින් අවහිර කර ඇත. මේ ක්‍රියාව නිදහස් මාද්‍ය වියාපාරය විසින් හෙළා දැක තිබේ.
2009 මැයි මස යුද්දය දිනු රාජපක්ෂ ආණ්ඩුවට එහි අවසාන අදියර වලදී සිදුවූ මනුෂ්‍ය සංහාරය පිලිබදව බරපතල චෝදනා එල්ල වේ. ඒ පිළිබද උගත් පාඩම් සහ සංහිදියා කොමිසමේ වාර්තාව නොවැම්බර් 15 නිකුත්වීමට නියමිතය.
යුද්දයට නායකත්වය දුන් සරත් ෆොන්සේකා ජනාදිපතිවරණයේදී මහින්දට එරෙහිව තරග කිරීමේ ශාපයට සිරගත විය. ඔහුට එරෙහි සුදු කොඩි නඩුවේ තීන්දුව නොවැම්බර් 18 වැනිදා ලබා දීමට නියමිතය.
මෙවන් පසුබිමක් තුල වෙබ් අඩවි තහනම් කලේ අන්කවරක් නිසාවත් නොව ශ්‍රී ලාංකීය ජනතාවට සත්‍ය තොරතුරු සදහා ඇති ප්‍රවේශය නැති කර දැමීමටය.
මේ මර්දනය වෙබ් අඩවි තහනමින් ඔබ්බට යනු ඇත. මද්‍යවේදීන් පුද්ගලිකව දඩයම් කිරීමේ වෑයම යලි කරලියට එනු ඇත.
එහෙත් පිට කොන්දක් ඇති සාටකයට ගැති නොවූ මද්‍යකරුවා සීමිත ඉඩකඩ තුල ජනතාවට සත්‍ය තොරතුරු දැන ගැනීමේ අයිතියට සහය පල කරනු නොවුනුමානය.
හර්ෂි සි. පෙරේරා
Post a Comment