ස්ත්‍රී දුෂණයට ලක්ව රිමාන්ඩ් එකේ මාස 29 ක් සිටිය වින්දිතයා ගෙදර එයි.

හර්ෂි සි. පෙරේරා

මෙම වෙබ් අඩවියේ 2011.10.03 දින පහත උදෘතයෙන් යුතු ලිපිය ඔබ කියවන්නට ඇත.

"ස්ත්‍රී දුෂණයට ලක්වූ වින්දිතයා වැලිකඩ රිමාන්ඩ් එකේ. මේකද ලංකාවේ යුක්තිය?"

Uploaded by admin feature, Harshi C. Perera, social, srilanka, Weeklya 1:43 PM

ඇය එනම් ජෙබමලා අම්මාන් නොහොත් වසන්තා රානි ගිය අගහරුවදා එනම් 25 වැනිදා වැලිකඩ කාන්තා අංශයේ අවුරුදු 02 සහ මාස 05 ක් සිට නුවර එළියේ පිහිටි සිය නිවසට ඒමට වාසනාවන්ත වුවාය. 25 වැනිදා ඇයව ගම්පහ මහා අදිකරණයෙන් නිදහස් කර ඇත.

ඔබේ මතකය අලුත් කිරීමට ඔක්තෝබර් තුන්වෙනිදා ශ්‍රී ලංකා ගාඩියන් වෙබ් අඩවියේ සහ චිත්‍රාංගි වඩ්ප්‍රෙස් බෝල්ග්හි පලවූ ලිපිය පහතින් සදහන් කරමු. ඇය නිදහස්වීමෙන් අනතුරුව පුවුලේ සාමාජිකයින් සමග ගත් සේයාරුද මෙහි පල වේ.

අවසාන වශයෙන් කීමට ඇත්තේ ලංකාවේ යුක්තිය ප්‍රමාදවුවත් යුක්තිය අහිමි නැති බවයි.

"ස්ත්‍රී දුෂණයට ලක්වූ වින්දිතයා වැලිකඩ රිමාන්ඩ් එකේ. මේකද ලංකාවේ යුක්තිය?"

Uploaded by admin feature, Harshi C. Perera, social, srilanka, Weeklya 1:43 PM

වසන්ත රාණි ජෝමල අම්මා නැතිනම් සැක අංක 385 දරන 29 හැවිරිදි තරුණිය දැනට වසරකට වැඩි කාලයක් තිස්සේ වැලිකඩ බන්දනාගාරයේය.

ජෝමාල අම්මා සිටින්නේ වැලිකඩ බන්දනාගාරයේ කාන්තා වට්ටුවේය. ඇය ගම්පහ මහදිකරණයේ අංක 315/2004 දරන නඩුවේ පැමිණිල්ලේ ප්‍රදාන සාක්ෂිකාරියයි. ඇයව දුෂණය කිරීම පිලිබදව මෙම නඩුව වදුමෙස්ත්රිගේ බන්දුල සරත් කුමාරට විරුද්දව පවරා ඇත.

මේ ඇගේ නඩුවයි. ඇය බරපතල අපරාදයක් වූ ස්ත්‍රී දුෂණයේ වින්දිතයායි. ඇය ඇගේ ඇප කොන්දේසි පහත පරිදිය. රුපියල් 10000/= ක් මුදල් ඇපයක් සහ රුපියල් ලක්ෂ පහ බැගින් ශරීර ඇප දෙකකි. මෙම ශරීර ඇපකරුවන් දෙදෙනාගෙන් එක්‌ අයෙකු ඇගේ මව වියයුතු අතර අනෙක් අය ඇය ගෘහසේවිකාවක් වශයෙන් සේවය කරන නිසා සේවය කරන ඉස්ථානයේ ගෘහ මුලිකයා විය යුතුය. මේ ඇප කොන්දේසි ලිහිල් කිරීමට කල ඉල්ලීමද ප්‍රතික්ෂේප විය.

අදත් ඔක්තෝම්බර් 03 වැනිදා ඇගේ මව අදිකරණයට ගිය විට කිවේ නඩුව 2012 ඒ කියන්නේ ලබන අවුරුද්දේ ජනවාරි 12 වැනිදා නඩුව කල් ගිය බවත් පවසන ලදී.

ඒ අනුව ජෝමාලා අම්මා වසර දෙකකට වැඩි කාලයක් රිමාන්ඩ් එකෙය. ලබන ජනවාරි 12 වැනිදාට හිතක් පපුවක් නැති යුක්තිය කුමකින් කුමක් කරයිද?

ඇගේ ස්වාමිපුරුසයා ඇයව අතහැර ගොසිනි. දරුවාව බලාගන්නේ ඇගේ මවයි. ඇගේ මව එදා වෙලා සොයාගන්නේ නුවර එළියේ එළවලු කොටු වල වැඩකිරිමෙනි.

ඇගේ දරුවා පාසල් යන්නේ නැත. ඒ තම මව නොමැති දුකෙනි.

චායාරුපයේ සිටින්නේ ඇගේ වයස අවුරුදු 50 ක් වන මව අන්තෝනි අම්මා සහ වයස අවුරුදු 05 ක් වන පුතු විසොප්ය."