සුනන්ද දේශප‍්‍රිය
සේවියට් රුසියාවේ කතා කිරිමට සහ ලිවීමට නිදහසක් නොතිබූ ස්ටාලින්වාදී පාලන සමයේ පැතිර ගිය දේශපාලන විහිළු කතා මා ඇසූයේ (රෝහණ වීමට පෙර* විජේවීරගෙනි. 1960 ගණන් මැද භාගයේ දී කොමියුනිස්ට පක්ෂයේ (පීකිං පිළ* රත්ගම සංවිධායක වූ සමරසිරි සමඟ සෑම ඉරිදාවකම වාගේ කොළඹ සිට විජේවීර ද පැමිණියේ ය. ඔහු තරුණ අංශයේ සංවිධායක යැයි කතා වූ බව මට මතක ය. ඔවුන් රත්ගමට ගියේ අපේ නිවෙසට පැමිණ තාත්තා ද කාරයට නංවාගෙන ය. ඒ කතා මා අසා දැන ගත්තේ ඒ කාලයේ දී ය.
මාර්තු මාසය පුරා පැවැති ජීනීවා මානව හිමිකම් කොමිසමේ 13වන සැසිවාරයට දිනපතාම වාගේ සහභාගි විමෙන් හෙම්බත් වී සිටි මට විද්්‍යුත් තැපෑලෙන් ලැබුණූ ඉංග‍්‍රිසියෙන් ලියූ ශ‍්‍රී ලංකා දේශපාලන විහිළු කතා ද ඒකොන් ගැන අන්තර් ජාලයේ සිංහල දිනපොත්කරුවන් විසින් පළ කරන ලද හාස්‍යමය රචනා ද වෙනසක් ගෙන ආවේ ය. වෙනසකටත් එක්ක ඒ කතාවක් දෙකක් ලීවොත් නරක නැත්දැයි ඒ ගැන පිළිසදරකදී මිතුරියක කීවා ය.
1. ජාත්‍යන්තර එක්දින ක‍්‍රිකට් තරඟාවළිය - විස්තර ප‍්‍රචාරය
ශ‍්‍රී ලංකාව කාසියේ වාසිය පැරදුන ද පන්දුවට පහර දීමට තීරණය කරයි.
විස්තර ප‍්‍රචාරක: ඉන්දියාව සහ ශ‍්‍රී ලංකාව අතර පැවැත්වෙන පළමු තරඟය අලංකාර දඹුල්ල ක‍්‍රීඩාංගනයේ දී ආරම්භවීමටයි යන්නේ. ශ‍්‍රී ලංකාව කාසියේ වාසියෙන් පැරදුනා. ඒත් විනිසුරන් සමඟ පැවැති බරපතල සාකච්ජාවකින් පසු සහ ජේෂ්ඨ ජනාධිපති උපදේශකයකුගේ උපදෙස් අනුව තමන් පන්දුවට පහර දෙන බව ප‍්‍රකාශ කළා. ඉන්දියානු කණ්ඩායම ඊට දැක්වූ විරෝධය අක‍්‍රීය 17වන සංසෝධනය යටතේ විශේෂ කමිටුවකට යොමු කර තිබෙනවා.
මෙන්න ආරම්භක පහර දෙන්නන් උපුල් තරංග සහ ගරු ක‍්‍රීඩා ඇමති සනත් ජයසූරිය පිටියට.
පළමු පන්දුව එවීමට අශිශ් නේරා සූදානම්. ගරු ඇමැතිතුමා එල්ලය ලබා ගත්තා. ඔහුගේ සුපුරුදු මිත්‍යා විශ්වාස අනුව පිත්ත, බෝල සහ පා ආවරණය සෙළවා බලා දැන් මෙන්න නේරාට මුහුණ දෙනවා.
නේරාගේ වමත් පිතිකරුට එල්ල වූ ප‍්‍රථම පන්දුව ඇතුළට කා වැදුණා. පන්දුව පිත්ත සහ පා ආවරණය මැදින් ගොස් විකට්ටුව කඩා දැම්මා. අපූරු පන්දුවක්. ඔහු දැවී යනවා සහතික යි.??
පිතිකරු තණ නිල්ලෙන් ඉවත්ව යන්නේ නැහැ. ඔහු මෙහෙම කියනවා ” මං පත්කලේ විධායක බලයෙන්, විනිසුරුට මා දවාලන්න බැහැ ”
විස්තර ප‍්‍රචාරක රූපවාහිනී මැදිරියෙන් ප‍්‍රකාශයක්:”ප්‍රෙක්ෂකයිනි, සමාවෙන්න. සම්බන්ධතාවය මඳකට අඩාල වුනා. අපේ විසිතර ප‍්‍රකාශයා ස්වයං ආරක්ෂාව සඳහා ප‍්‍රබල ආරක්ෂ විධිවිධාන යටතේ සුද වෑන් රථයකින් ස්වෙච්ජාවෙන් යන්න ගියා.”
¥විලි අවුස්සාගෙන සුදු වෑන් රථ ගණනාවක්ම ක‍්‍රිඩාංගනය අසළට පැමිණේ.
විනිසුරුවන් වන බිලි ඩොක්ට්රෝව් සහ කුමාර ධර්මසේන තණනිල්ල මැද කතා බහකි.
විකට්ටුවේ මැද ඇති මයික‍්‍රපොනයෙන් ඒ කතා බහ නොදැනීම විකාශනය කැරෙයි. ” අම්මට හුඩු, මගේ බැංකු සේප්පුව ඇරලා බලයි ද? මගේ බැංකු ගිනුම්, අනේ මොනව වෙයි ද? ” බිලි ගේ කටහඩ ” මොනවා, යාලූවා මේ තීරණෙයි බැංකු ගිනුමයි අතර සම්බන්දෙ මොකක්ද ?
තීරණය දීම තෙවැනි විනිසුරුට බාර දෙයි.
තෙවැනි විනිසුරුට පටිගත තරඟ අවස්ථා බැලීමට නොහැකි වේ. කොම්පියුටර් ජිල්මාට් එකක් දමා පරිගණකය අවුල් කර ඇත.
ඉන්දියානු නායක දෝනි විනිසුරන් කරා යන්නේ අතින් සංඥා කරමින් තීරණය පමා ඇයිදැයි විමසමිනි. ඉන්දියනු කණ්ඩායම අත් වනමින් විනිසුරන් සමඟ වාද කරති.
ඉන්දියානු ක‍්‍රීඩාගාරය අසළ කළබළයක් පෙනෙන්ට තිබේ. ජනයා ඉවතට දුවති. ආයුධ ගත් නිලඅඅඳුම් හැදි පුද්ගලයෝ ඉන්දියානු ක‍්‍රීඩාගාරය වටළති.
ශබ්ද විකාශණ ක‍්‍රියාත්මක වේ. ”කලබල නොවනු. ඉන්දීය පිළට ආරක්ෂාව සළසා ඇත. කරුණාකර ක‍්‍රිඩාව පවත්වනු”
එකවරම රූපවාහිනී තිරය ආලෝකමත් වේ. ”නොට් අවුට්” යැයි දිස්වේ.
ගරු අමාත්‍ය සනත් ජයසූරිය නොදැවී ළකුනු සියයක් වාර්තා කරයි.
පසුව වාර්තා වූ පුවතකි:
පිටුවාහල් කිරීම සහ අත් අඩංගුවට ගැනීම
ශ‍්‍රී ලංකාවේ ෙසෙවරීභාවයට තර්ජනයක් වන තස්ත‍්‍රවාදී ක‍්‍රියා සම්බන්ධයෙන් ත‍්‍රස්ත විමර්ශණ අංශය (ටීඅයිඞී* විසින් අත් අඩංඟුවට ගත් ක‍්‍රීඩක අශිශ් නේරා වහාම පිටුවාහල් කරන ලදී. එල්ටීටීඊ ත‍්‍රස්ත සැළැස්ම පිළබද තවදුරටත් පරීක්ෂා කරන ටීඅයිඞී ය නේරා නැවැති සිටි හෝටලයේ කළමනාකරු, කාමර කාර්්‍ය මණ්ඩලය සහ පිරිසිදු කිරීමේ කාර්ය මණ්ඩලය ප‍්‍රශ්ණ කිරිමකට ලක් කළේ ය. හෝටලයේ ආහාර කළමනාකරු කුමංත‍්‍රණයේ සැකකරුවකු ලෙස අත් අඩංගුවට ගන්නා ලදී. නේරාගේ කාරයේ රියදුරු ඇප නැතිව අත් අඩංගුවේ ම පසුවේ. රියැදුරුගේ මව සහ මාමා ද කුමන්ත‍්‍රණයට සහාය වී යැයි සැක පිට අත් අඩංගුවට ගන්නා ලදී.
දේශපේ‍්‍රමී ආශ්චර්යක්
ප‍්‍රබල ඉන්දීය ක‍්‍රිකට් ක‍්‍රිඩකයින් හතර දෙනෙකු වන සචින් තෙන්දුල්කාර්, මහේන්ද්‍ර සං දෝනි, විවේන්ද්‍ර ෂවෙග් සහ ගව්තම් ගම්බීර් පෝක් සමුද්‍ර සන්ධිය හරහා පැති මාරු කිරීමෙන් පසු සැබෑ දේශපේ‍්‍රමින් ලෙස දැන් ශ‍්‍රී ලංකා පිලට ක‍්‍රිඩා කරති. වඩාත් වැදගත් වන්නේ රන්මිණිතැන්න ටෙලි නාට්‍ය ගම්මානයේ ප‍්‍රථම අන්තර් ජාතික ටෙලි නාටකයට දැනටමත් යෞවනයට අදක් විසින් මෙම දේශප්‍රෙමීන් වෙත අත්තිකාරම් බැද තිබීම බව ජාතික රූපවාහිනිය වාර්තා කළේ ය.
2. මිය ගිය දේශපාලඥයා
කොළඹ හත මල්පාරේ දී මංත‍්‍රිවරයකු සුදු වෑන් රියක හැපී හදිසියේ මිය ගියේ ය. මෙම සුදු වෑන් රිය පැමිණියේ මල්පාරේ 28වන පටුමගෙන් අයකු ඉස්සීමට යැයි කියනු ලැබේ. වාහනය සොයා ගැනීමට බැරිවිය.
මංත‍්‍රී ආත්මය ස්වර්ග දොරටුව අසළදී පිළිගනු ලැබුණේ සාන්ත පීතර විසිනි. ”ලංකාවේ උතුමන් ලා මෙහා ආ කාලයක් මතක නැහැ. ඒ නිසා ඔබට කැමැති කොහාටදැයි අපට නිච්චියක් නෑ” පීතර කීය.
අවුලක් නෑ, මට ඇතුලට එන්න දෙන්න, මං ස්වර්ගයට කැමැතියි” මංත‍්‍රී කීය.
නැහැ, ව්‍යවස්තානූකූලව ඔබ දිනක් ස්වර්ගයෙත් දිනක් අපායෙහිද ගත කර සදාකාලික කැමැත්ත ප‍්‍රකාශ කළ යුතුයි”
ව්‍යවස්ථා අපට වැඩක් නෑ, මට ස්වර්ගය දෙන්න” මංතී‍්‍ර කීය.
කණගාටුයි අපට එහෙම බැහැ, ව්‍යවස්ථාව අන්ගමකය කරන්න වෙනවා” පීතර කීය.
ඒ සමඟම පීතර බොත්තමක් තද කලෙන් විදුලි සෝපානය යටටම යටටම ගොස් අපාය ඉදිරියේ දොර හැරුනි. සුද මලින් ගැවසුණු සදාහරිත බිමක් ඔහු ඉදිරියේ විය. අසළ සිය ශ‍්‍රී ලංකාවේ ඉහළම දේශපාලනඥයකු මංත‍්‍රී හෙංචයින්යන්ද සිය හැත්ත බුරුත්ත ද පිරිවරා දුහුල් සේද ජාතික ඇදුමින් සැරසී සිටියේ උතුරා ගලා යන සතුටිනි. ඔහු කරා දිවවිත් ආලිංගන සමාචාරයෙන් පසු යට ගිය අතීත රස තකා තලූ මැරුවේ අතයට කොමිස් කතා තෙපෙරබාමිනි. සැර බීම අඩුවක් නොවී ය. ෂැම්පේන් ද පොකිරිස්සෝ යනාදී ලාංකික කෑම ද එකට කැළතින.
යහපත් මිනිසකු බව පෙනෙුන යක්ෂයා ද මෑත දී රුසියාවෙන් ලද ආචාර්්‍ය උපාධි ලෝගුවකින් සැරසී නටමින්ද විහිළු තෙපළමින් ද සිටි අතරවාරයේ මංත‍්‍රිවරයාට පිටත් වීමට කාලය එළඹ තිබුණි.
විදුලි සෝපානය උඩටම උඩටම ගියේ ය. ස්වර්ගයට දොර හැරුනි. තෘප්තියෙන් යුතුව වළාකුලූ මතින් පාවී යමින් මංත‍්‍රීවරයා ගී ගයමින් පිරිසකට එක්විය. ඒ අතර ශ‍්‍රී ලංකා ජනමාධ්‍යවේදීන් කිහිප දෙනෙක් ද සහන සේවකයින් ගණනාවක් ද විය. නමුත් මංතී‍්‍රවරයාට පිරිස පෑහුනේ නැත.
දවස අවසානයේ දී සාන්ත පීතර මංත‍්‍රීගෙන් විමසා සිටියේ ”දැන් ඔබේ තීරණය කියන්න, කවර දෙසට ද කැමැති” කියා ය. ස්වර්ගය අනර්ඝයි. ඒත මං හිත්තේ අපායෙදි මම සතුටින් ඉදීවි කියළ යි.”
සෝපානය ගැඹුරටම ගොස් අපායේ දොර හැරුනි. මංත‍්‍රීවරයා වික්ෂිප්ත විය. ඔහු ඉදිරියේ වූයේ දුඟද හමන කැළිකසලින් ද අප ද්‍රව්‍යයෙන් ද පිරි මුඩු බිමකි. ඔහුගේ සගයෝ සියල්ළෝම වැරහැළි හැඳ කලූ පොලීතීන් මලූවලට කුණු එකතු කරමින් සිටියේ තව තව අහසින් වැටෙත් දී ය.
යක්ෂයා පැමිණ සීතල අත විමතියට පත් මංත‍්‍රී උරහිස මත තැබුවේ සිනහසෙමිනි. ”මේ මොකද? ඊයේ අපූරුවට තිබුනේ. කෝ ඊයේ තිබුණු චිකන් කොත්ත,ු බුරියානි, විස්කි, බ‍්‍රැන්ඩි” මංත‍්‍රි හඩා වැටුණි.
අනුකම්පාවෙන් මංත‍්‍රී දෙස සිනාසුන යක්ෂයා මෙසේ කීය:
”ඊයේ තිබුණේ ජන්ද කැම්පේන් එක. අද ජන්දෙ ඉවරයිෟ,
(කර්තෘ අඥාතය*
Post a Comment