සරත් ෆොන්සේකා මහතා කතරගම ප‍්‍රදේශයේ සංචාරයක

(January 19, Colombo, Sri Lanka Guardian) විජයග‍්‍රාහි ජනාධිපතිධූර අපේක්‍ෂක ජනරාල් සරත් ෆොන්සේකා මහතා අද කතරගම ප‍්‍රදේශයේ සංචාරයක නිරත වුණා. අද උදෑසන කතරගම කිරිවෙහෙර විහාරස්ථානය වැඳපුදා ගත් අතර ස්වාමීන්වහනසේලා සමඟ සුහද සාකච්ඡුාවක්ද පවත්වනු ලැබුවා. ඉන්පසු දැඩිමුණ්ඩ දේවාලයට ගිය ජනරාල් සරත් ෆොන්සේකා මහතා එහි පැවැති පූජාවන්ට ද සහභාගි වුණා. පසුව කතරගම මහා දේවාලයේ විශේෂ පුජාවකට සහභාගී වු ජනරාල් සරත් ෆොන්සේකා මහතා පසුව සෙල්ල කතරගම ප‍්‍රදේශයේ සංචාරයක නිරත වු අතර එහිදී ජනතාව දැඩි උණුසුම් ආකාරයෙන් එතුමා පිළිගත්තා. පසුව කතරගම ප‍්‍රදේශයේ ජනතාව සමඟ සුහද කතාබහක යෙදුණු ජනරාල් සරත් ෆොන්සේකා මහතා එම ඔවුන් මුහුණදෙන ගැටළුවලට ජනවාරි 26 වනදායින් පසු විසඳුම් ලබා දෙන බවත් ප‍්‍රකාශ කර සිටියා.

-Sri Lanka Guardian