amanté නවතම අලෙවිසැල මීගමුවේදී විවෘත කෙරේ

ශ්‍රී ලංකාවේ ප්‍රමුඛතම සමීප ඇඟලුම් සන්නාමය වන amanté හි නවතම ස්වාධීන අලෙවිසැල පසුගියදා මීගමුවේදී විවෘත කරන ලදි. amanté ශ්‍රී ලංකාව තුළ විවෘත කරන ලද 5 වන අලෙවිසැල මෙයයි. 

මෙම අලෙවිසැල විවෘත කිරීමේ උත්සවය 2023 අගෝස්තු 10 දින පැවති අතර, එහි ප්‍රධාන ආරාධිතයා ලෙස සහභාගී වූයේ බුද්ධි බතික්ස් ප්‍රධාන විධායක නිලධාරිනී සහ අධ්‍යක්ෂිකා දර්ශි කීර්තිසේන මහත්මියයි. amanté කළමනාකාරීත්වයේ නියෝජිතයන් මෙන්ම තවත් විශාල පිරිසක් මෙම අවස්ථාවට සහභාගී වූහ. 

“මම කවදත් amanté රසිකාවියක්. ඒ වගේම, කාන්තාවන් සවිබල ගැන්වීම සම්බන්ධයෙන් amanté සන්නාමයේ දැක්ම අගය කළ යුතුයි. ආරම්භයේ සිටම ශ්‍රී ලංකාව තුළ amanté අත්කරගත් දියුණුව දෙස උනන්දුවෙන් බලා සිටි කෙනෙකු ලෙස, ඔවුන්ගේ නවතම ශාඛාව විවෘත කිරීමේ අවස්ථාවට සහභාගී වීමට ලැබීම මට මහත් සතුටක්.” දර්ශි කීර්තිසේන මහත්මිය පැවසුවා ය. 

මේ වනවිට දිවයින පුරා අලෙවිසැල් 200 කට අධික සංඛ්‍යාවක amanté ඇඟලුම් අලෙවි කෙරේ. මීගමුවේ නව අලෙවිසැල, amanté විසින් ක්‍රියාත්මක කරනු ලබන, කොළඹ දිස්ත්‍රික්කයෙන් පිට ස්වාධීන 2 වැනි අලෙවිසැල වන අතර, එය amanté රසික රසිකාවියන්ට රිසි සේ amanté විශිෂ්ටත්වය අත්විඳීමට අවස්ථාව සලසා දෙනු ඇත. කාන්තා යට ඇඳුම්, ‘Athleisure’ වර්ගයේ ක්‍රීඩා ඇඟලුම්, නිදන ඇඳුම්, පිහිනුම් ඇඳුම් සහ නව යෞවනියන් සඳහා වෙන් වූ නවතම ඇඟලුම් එකතුව ඇතුළුව amanté ඇඟලුම් වර්ග සියල්ලම මෙම නව අලෙවිසැලෙන් මිලදී ගැනීමට පාරිභෝගිකයන්ට අවස්ථාව ලැබේ. 

“අපගේ අලෙවිසැල් ජාලය පුළුල් කිරීමේ පියවරක් වශයෙන් මේ ආකාරයට මීගමුව ප්‍රදේශයේ අලෙවිසැලක් විවෘත කිරීමට හැකි වීමට අපට මහත් සතුටක්. මාස 4 කට පෙර අපගේ 4 වැනි අලෙවිසැල විවෘත කිරීමෙන් අනතුරුව ඉතාමත් කෙටි කාලයක් තුළ තවත් අලෙවිසැලක් විවෘත කිරීමට හැකි වීම මගින් පෙනී යන්නේ, ශ්‍රී ලංකාවේ ජනප්‍රියතම සමීප ඇඟලුම් සන්නාමය බවට පත්වීම සඳහා අප ගන්නා උත්සාහය වේගයෙන් සාර්ථක වෙමින් පවතින බවයි.” amanté Sri Lanka ව්‍යාපාර ප්‍රධානී පද්මාල් සිල්වා මහතා පැවසී ය. 

amanté ඇඟලුම්වල විශේෂත්වය වන්නේ, එහි සෑම නිෂ්පාදනයක්ම මාස 12 ක කාලයක් පුරා දැඩි තත්ත්ව පරීක්ෂණ ක්‍රියාවලියකට භාජනය වීම ය. ජාත්‍යන්තර ප්‍රමිතීන්ට අනුව නිෂ්පාදනය කෙරෙන මෙම ඇඟලුම් වෙළඳපොළට නිකුත් කරනු ලබන්නේ ඉන් අනතුරුව ය. මෙවැනි ජාත්‍යන්තර තලයේ ක්‍රියාවලියකට යටත් කරනු ලැබුවද, ප්‍රමිතියෙහි කිසිදු වෙනසකින් තොරව, සහනදායී මිලගණන් යටතේ මෙම ඇඟලුම් මිලදී ගැනීමට පාරිභෝගිකයන්ට අවස්ථාව සලසා දීමට amanté කටයුතු කරයි. එමෙන්ම නවතම ගෝලීය ප්‍රවණතා හඳුනා ගනිමින් හැකි ඉක්මනින් එම ප්‍රවණතා ශ්‍රී ලාංකික පාරිභෝගිකයන් වෙතද හඳුන්වා දීමට amanté පියවර ගනියි. 

2007 වසරේ ඉන්දියාවේදී ආරම්භ වූ amanté, 2012 වසරේදී ශ්‍රී ලංකාවටද පිවිසුණු අතර, මේ වනවිට මෙරට ජනප්‍රියම සමීප ඇඟලුම් සන්නාමයක් බවට පත්වීමට එය සමත් වී ඇත. මීගමුව ප්‍රදේශයේ විවෘත කළ නව අලෙවිසැලට අමතරව Racecourse Mall (කොළඹ 07), Marino Mall (කොළඹ 03), Kandy City Centre (මහනුවර) සහ Cool Planet Shopping Centre (නුගේගොඩ) යන ස්ථානවලද amanté අලෙවිසැල් විවෘත කර තිබේ. එමෙන්ම රටපුරා පිහිටි අනෙකුත් ප්‍රධාන පෙළේ ඇඟලුම් අලෙවිසැල් 230 කට අධික සංඛ්‍යාවක් වෙතින් මෙන්ම amanté නිල වෙබ් අඩවිය වන www.amante.lk වෙතින්ද amanté ඇඟලුම් මිලදීගත හැක. 2021 වසරේදී ඉන්දියාවේ විශාලතම සමාගමක් වන Reliance Retail Ventures Ltd. විසින් amanté හිමිකාරීත්වය පවරා ගන්නා ලද අතර, එය ආත්ම විශ්වාසයෙන් යුත් කාන්තාවන් සඳහා සුවපහසු හා අලංකාර ඇඟලුම් නිර්මාණය කිරීමේ amanté මෙහෙවර තවදුරටත් ශක්තිමත් කරන පියවරක් විය. 

වැඩිදුර තොරතුරු සඳහා amanté නිල විද්‍යුත් ලිපිනය වන reachus@amante.lk ඔස්සේ විමසන්න. නැතිනම් amanté ක්ෂණික ඇමතුම් අංකය වන 0114534707 අමතන්න. 

Read More

IELTS Prize 2023 සඳහා අයදුම්පත් භාරගැනීම ඇරඹේ

British Council IELTS පරීක්ෂණයට පෙනී සිටින්නන් වෙනුවෙන් සංවිධානය කරන IELTS Prize තරගයේ 2023 අදියරට අයදුම්පත් භාරගැනීම දැන් ආරම්භ වී ඇත. මෙහි ජයග්‍රාහකයන්ට ඉංග්‍රීසි භාෂාව කථාකරන විශ්ව විද්‍යාලවල අධ්‍යාපන ගාස්තු වෙනුවෙන් පවුම් 5,000 ක් දක්වා මුදල් ත්‍යාග හිමි වේ. 

ශ්‍රී ලංකාව, චීනය, ජපානය, හොංකොං, ඉන්දුනීසියාව, කොරියාව, මැලේසියාව, පිලිපීනය, සිංගප්පූරුව, තායිවානය, තායිලන්තය, වියට්නාමය, බංග්ලාදේශය, පාකිස්ථානය සහ නේපාලය යන රටවල වෙසෙන්නන්ට මෙම වසරේ IELTS Prize තරගය සඳහා සහභාගී විය හැක.

IELTS හරහා දේශීය හෝ විදේශීය විශ්ව විද්‍යාලවල ප්‍රථම හෝ පශ්චාත් උපාධි පාඨමාලා සඳහා අයදුම් කළ සහ, 2023 ජනවාරි මාසය සහ 2024 මාර්තු මාසය අතර පාඨමාලා ආරම්භ වන ශිෂ්‍ය ශිෂ්‍යාවන්ට මෙම තරගයට සහභාගී විය හැක. 2023 සැප්තැම්බර් 15 දිනට පෙර මේ සඳහා අයදුම්පත් යොමුකළ යුතු ය. 

තරගකාරී අයදුම්කරණ ක්‍රියාවලියකින් අනතුරුව ශ්‍රී ලංකාවෙන් ජයග්‍රාහකයන් 9 දෙනෙකු තෝරාගැනෙනු ඇති අතර, ඔවුන්ගේ අධ්‍යාපන කටයුතු වෙනුවෙන් අදාළ ත්‍යාග මුදල් හිමි වනු ඇත. 

“මෙම තරගයෙන් ශ්‍රී ලාංකිකයන්ට ත්‍යාග දිනාගැනීමට අවස්ථාව ලැබී තිබීම මට මහත් සතුටක්. තරගය හා එහි ජයග්‍රාහකයන් දැකගැනීමට මා මහත් උනන්දුවෙන් බලා සිටිනවා. මීට පෙර මෙහි ජයග්‍රහණ ලැබූවන් බොහෝ දෙනෙක් තමන් විදේශ රටවලදී ලැබූ අධ්‍යාපනය තම රටවල යහපත වෙනුවෙන් යෙදවූ ආකාරය අපට දැකගන්න ලැබුණා. ලෝකවාසීන් සියලුම දෙනා වෙනුවෙන් ලෝකය වඩාත් සාමකාමී හා සෞභාග්‍යමත් තැනක් බවට පත්කිරීමට නම්, ජාත්‍යන්තර අධ්‍යාපනය හා සහයෝගීත්වය අතිශයින් වැදගත් බව අපගේ විශ්වාසයයි. මේ අධිෂ්ඨානශීලී හා බුද්ධිමත් පුද්ගලයන්ට තම ඉලක්ක ළඟා කරගැනීමට අත්වැලක් වීමට හැකි වීම පිළිබඳව අප ආඩම්බර වනවා.” ශ්‍රී ලංකාවේ British Council අධ්‍යක්ෂ ඕලන්ඩෝ එඩ්වඩ්ස් මහතා පැවසී ය. 

IELTS Prize තරගය, ඒ සඳහා අයදුම් කිරීමේ ක්‍රියාවලිය සහ ඒ සම්බන්ධයෙන් නිතර අසනු ලබන ප්‍රශ්න ඇතුළු තොරතුරු සඳහා පිවිසෙන්න

IELTS පිළිබඳව 

International English Language Testing System (IELTS) යනු උසස් අධ්‍යාපනය සහ විදේශ සංක්‍රමණය සඳහා ලොව ජනප්‍රියම ඉංග්‍රීසි භාෂා ප්‍රවීණතා පරීක්ෂණය ලෙස සැලකේ. අධ්‍යාපන ආයතන, සේවායෝජකයන්, රජයන් සහ වෘත්තීය සංවිධාන ඇතුළුව ලොව සමාගම්, ආයතන හා සංවිධාන 11,5000 කට අධික සංඛ්‍යාවක් IELTS කෙරෙහි විශ්වාසය තබා ඇත. පසුගිය වසරේදී පමණක් ශ්‍රී ලාංකිකයන් 60,000 කට අධික පිරිසක් IELTS විභාගයට පෙනී සිටියහ. 

British Council, IDP: IELTS Australia සහ Cambridge Assessment English යන ආයතන IELTS හි සම-හිමිකාරීත්වය දරයි. IELTS පිළිබඳ වැඩිදුර තොරතුරු සඳහා පිවිසෙන්න: www.ielts.org

Read More

ට්‍රාන්ස් ඒෂියා සෙලියුලර් ඩුබායි වෙළඳපලට එක්වේ

ශ්‍රී ලංකාවේ ප්‍රමුඛතම ජංගම දුරකථන හා සන්නිවේදන උපාංග සමාගමක් වන ට්‍රාන්ස් ඒෂියා සෙලියුලර් (පුද්.) සමාගම [Trans Asia Cellular (Pvt) Ltd.] සිය ප්‍රථම විදෙස් අලෙවිසැල පසුගිය මැයි 29 දින එක්සත් අරාබි එමීර් රාජ්‍යයේ ඩුබායි හිදී විවෘත කළේ ය. මෙය ඉදිරියේදී ට්‍රාන්ස් ඒෂියා සෙලියුලර් සමාගමේ ව්‍යාපාර කටයුතු ලොව පුරා ව්‍යාප්ත කිරීමේ සැලසුමක ආරම්භක පියවරකි. 

ඩුබායි නගරයේ සුප්‍රකට ඩෙයිරා හි පිහිටා ඇති මෙම නව අලෙවිසැල විවෘත කිරීම සඳහා පැවති උත්සවයේ ප්‍රධාන ආරාධිතයා ලෙස සහභාගී වූ ෂීක් මොහොමඩ් අල් ෂෙහි විසින් එම අලෙවිසැල විවෘත කරන ලදි. මෙම අවස්ථාවට ට්‍රාන්ස් ඒෂියා සෙලියුලර් සමූහයේ සභාපති මුෆීල් යසීන් මහතා ඇතුළු සම්භාවනීය ආරාධිතයෝ පිරිසක්ද එක්වූහ. 

1994 වර්ෂයේදී ආරම්භ වූ ට්‍රාන්ස් ඒෂියා සෙලියුලර් සමාගම, පසුගිය දශක තුනකට ආසන්න කාලය තුළ උසස්ම තත්වයේ ජංගම දුරකථන සහ සන්නිවේදන උපාංග මෙන්ම විශිෂ්ට තලයේ පාරිභෝගික සේවාවක් සැපයීම සම්බන්ධයෙන් විශාල ජනප්‍රියත්වයක් දිනාගැනීමට සමත් වී ඇත. එමෙන්ම ජාත්‍යන්තර ප්‍රවණතාවන්ට සමගාමීව ලොව නවතම උපකරණ හා උපාංග මෙරටට හඳුන්වා දීමටද එම සමාගම නිරන්තරයෙන් පියවර ගෙන තිබේ. ඩුබායිහි අලුතින් විවෘත කරන ලද අලෙවිසැලට අමතරව ට්‍රාන්ස් ඒෂියා සෙලියුලර් සමාගම කොළඹ සහ කුරුණෑගල යන ප්‍රදේශවල අලෙවිසැල් විවෘත කර ඇති අතර, ඉතාමත් පහසුවෙන් භාණ්ඩ මිලදීගත හැකි වෙබ් අඩවියක්ද පවත්වාගෙන යයි. 

“මෙය අපට ට්‍රාන්ස් ඒෂියා සෙලියුලර් සන්නාමය ජාත්‍යන්තර තලයට රැගෙන යාමට ලැබුණු අගනා අවස්ථාවක්. එමෙන්ම මෙය අපට මැද පෙරදිග සහ උතුරු අප්‍රිකා කලාපය තුළ ව්‍යාප්ත වීමට ශක්තිමත් අඩිතාලමක් බවට පත්වේවි. ඉදිරි වසර 5 තුළ නව අලෙවිසැල් විවෘත කිරීම සඳහා දැනටමත් අප ඕමානය, සෞදි අරාබිය සහ කටාර් වැනි රටවල පාර්ශ්වකරුවන් සමග සාකච්ඡා ආරම්භ කර තිබෙනවා.” ට්‍රාන්ස් ඒෂියා සෙලියුලර් සමාගමේ කලාපීය ව්‍යාපාර සංවර්ධන කළමනාකරු අබු අහමඩ් බින් අලි මහතා පැවසී ය. 

Read More

OMED Pharmaceuticals වෙතින් mesoestetic® වැඩමුළුවක්

OMED Pharmaceuticals (පුද්.) සමාගම ශ්‍රී ලංකාවේ ප්‍රථම වරට චර්ම වෛද්‍යවරුන් සහ ප්ලාස්ටික් ශල්‍ය වෛද්‍යවරුන් වෙනුවෙන් mesoestetic® සම්මන්ත්‍රණයක් හා වැඩමුළුවක් පැවැත්වීමට පසුගියදා කටයුතු කළේ ය. 2023 මැයි 14 වන දින හිල්ටන් රෙසිඩන්සීස් හිදී පැවති මෙම වැඩමුළුවට වෛද්‍යවරු රැසක් සහභාගී වූහ. මෙහිදී චර්ම වෛද්‍ය සේවාවන්ට අදාළ Depigmentation, Peelings, Intradermal Solutions සහ Fillers වැනි ප්‍රතිකර්ම සම්බන්ධ නවතම ප්‍රවණතා පිළිබඳව ඔවුන් දැනුවත් කරන ලදි. 

මෙම සම්මන්ත්‍රණය හා වැඩමුළුව මෙහෙයෙවන ලද්දේ, ලොව සුප්‍රකට දේශකයෙකු, වෛද්‍යවරයෙකු සහ ග්‍රන්ථ කර්තෘවරයෙකු වන ගේබ්‍රියෙල් අයාලා වෙලාස්ක්වෙස් විසිනි. මෙහිදී ඔහු විසින් අදාළ ක්ෂේත්‍රවල නවතම ප්‍රවණතාවන් විස්තර කිරීමට අමතරව, ළඟදීම ශ්‍රී ලංකාවේ චර්ම වෛද්‍ය සේවා මධ්‍යස්ථානවල භාවිතයට ගැනීමට නියමිත නවතම වෛද්‍ය උපකරණයක් හඳුන්වා දීමද සිදුකරන ලදි. MCT injector නමින් හැඳින්වෙන මෙය, Mesotherapy සහ Carboxytherapy යන ප්‍රතිකර්මවල සංයෝගයකි. මෙමගින් මුහුණ හා ශරීරය සඳහා සිදුකරන ප්‍රතිකර්ම වර්ග කිහිපයක් වේදනාවෙන් තොරව සහ වඩාත් සුරක්ෂිත ලෙස සිදුකළ හැකි වේ. 

“mesoestetic® ප්‍රතිකර්ම ක්‍රමයේ සාර්ථකත්වය දැන් ලොව පුරා රූපලාවණ්‍ය වෛද්‍යවරුන් පිළිගෙන තිබෙනවා. මේ නිසා ශ්‍රී ලංකාවේ රූපලාවණ්‍ය වෛද්‍යවරුන්ද මේ සම්බන්ධයෙන් උනන්දුවක් දක්වන බව අපට පෙනී ගියා. විශේෂයෙන්ම MCT Injector උපකරණය හඳුන්වා දීම සහ එමගින් වෛද්‍යවරුන්ට සහ පාරිභෝගිකයන්ට ලැබෙන පහසුව දෙස බලන විට, ඉදිරියේදී mesoestetic® ප්‍රතිකර්ම සඳහා ශ්‍රී ලාංකික පාරිභෝගිකයන් අතර විශාල ඉල්ලුමක් ඇතිවනු නො-අනුමානයි.” OMED Pharmaceuticals සභාපති ෂර්වින් මාරියෝ ලින්ඩ්සේ පැවසී ය. 

පර්යේෂණ සහ සංවර්ධන කටයුතුවලට මුල්තැනක් දෙන mesoestetic® මේ වනවිට ගෘහස්ථ, වෘත්තීය සහ රූප අලංකරණ වෛද්‍ය ප්‍රතිකර්ම ක්‍රම රාශියක් හඳුන්වා දී ඇති අතර, විද්‍යාත්මක අධ්‍යයන රැසක් මගින් එම ප්‍රතිකර්මවල සාර්ථකත්වය සනාථ වී තිබේ. මේ සඳහා mesoestetic® ලොව ක්ෂේත්‍ර රැසක විශේෂඥයන් හා ප්‍රවීණයන් සමග හවුල්කාරීත්වයන්ට එළඹී සිටී. 

Read More

Christell සමූහය Christell International Institute විවෘත කරයි

ශ්‍රී ලංකාවේ වඩාත්ම විශ්වාසය දිනූ රූපලාවණ්‍ය ප්‍රතිකර්ම මධ්‍යස්ථානය වන Christell Skin Clinic පසුගියදා ‘Christell International Institute’ නමින් විශේෂ පුහුණු මධ්‍යස්ථානයක් විවෘත කළේ ය. මීට සමගාමීව පෙරළිකාරී mesoestetic age element® ප්‍රතිකර්ම ක්‍රමය ප්‍රථම වරට ශ්‍රී ලංකාවට හඳුන්වා දීමද සිදු විය. 

වසර 30 කට අධික කාලයක් රමණි අර් ස කුලරත්න ජාත්‍යන්තර පුහුණු ආයතනය (Ramani Arsecularatne International Academy) මගින් ඉටුකරන ලද මෙහෙවරෙහි තවත් ඉදිරි පියවරක් වශයෙන් Christell International Institute විවෘත කරන ලදී. මෙහිදී ශ්‍රී ලාංකික ශිෂ්‍ය ශිෂ්‍යාවන්ට රූපලාවණ්‍ය සම්බන්ධ විවිධාකාර පාඨමාලාවන් හැදෑරීමට අවස්ථාව ලැබෙන අතර, ඒ ඔස්සේ එය මෙරට රූපලාවණ්‍ය  උන්නතියට මහඟු දායකත්වයක් දක්වනු ඇත. 

2023 මැයි 10 වන දින කොළඹ හිල්ටන් හෝටලයේදී පැවති විශේෂ උත්සවයකදී, ලොව නවතම anti-aging facial ක්‍රමවේදයන් සම්බන්ධයෙන් ස්පාඤ්ඤයේ mesoestetic හි පුහුණුකරුවන් යටතේ පුහුණුව ලැබීමට Christell International Institute හි පළමු කණ්ඩායමට අයත් ශිෂ්ය ශිෂ්යාවන්ට අවස්ථාව උදා විය. පේටන්ට් බලපත්ර හිමි ‘Epigenetic’ ගුණය සහිත age element® anti-aging විසඳුම සමෙහි වියපත් භාවය පෙන්වන ලක්ෂණ අවම කරන අතර, වයස් භේදයකින් තොරව ඕනෑම කෙනෙකුගේ රුව අලංකාර කරයි. නවීනතම රූපලාවණ්‍ය වෛද්‍ය තාක්ෂණයන්ගෙන් පන්නරය ලැබූ මෙම ප්‍රතිකර්මය ඉදිරියේදී ශ්‍රී ලංකාවේ A ශ්‍රේණියේ සියලුම රූපලාවණ්‍ය මධ්‍යස්ථාන වෙතින් ලබාගැනීමට හැකි වනු ඇත. 

ක්ෂේත්‍රයේ ප්‍රවීණයන් පිරිසකගෙන් සමන්විත ආචාර්ය මණ්ඩලයක් විසින්, ලොව රූපලාවණ්‍ය ක්ෂේත්‍රයේ සිදුවන වෙනස්කම් පිළිබඳව පුළුල් අවබෝධයකින් යුතුව, ලොව ප්‍රමුඛ පෙළේ ආයතනවල සහයෝගයද සහිතව Christell International Institute හි ශිෂ්‍ය ශිෂ්‍යාවන් පුහුණු කිරීම සිදුකරයි. 

Christell International Institute මෙරට අනෙකුත් රූපලාවණ්‍ය පුහුණු ආයතනවලින් වෙනස් වන තවත් ප්‍රධානතම සාධකයක් වන්නේ, එහි ශිෂ්‍ය ශිෂ්‍යාවන්ට ශ්‍රී ලංකාවේ රූපලාවණ්‍ය ක්ෂේත්‍රයේ සහ සෞඛ්‍ය සුවතා ක්ෂේත්‍රයේ පුරෝගාමීන් වෙතින් පුහුණුව ලැබීමට අවස්ථාව හිමි වීමට අමතරව, රූපලාවණ්‍ය ක්ෂේත්‍රය තුළ ඉදිරියට යාමට අවශ්‍ය ව්‍යවසායකත්ව හා ව්‍යාපාර දැනුමද හිමි වීම ය.  

“උසස් තත්ත්වයේ සහ වෛද්‍ය අනුමැතිය හිමි චර් ම ආරක්ෂණ නිෂ්පාදන නොමැති වීමට අමතරව, ජාත්‍යන්තරව  පිළිගත් චර්ම ආරක්ෂණ ප්‍රතිකාර ලබා ගැනීමට නොහැකි තත්ත්වයක්ද ශ්‍රී ලංකාව තුළ පවතින බව අපට පෙනී ගියා. පුළුල් තාක්ෂණික දැනුමක් සමග රූපලාවණ්‍ය ක්ෂේත්‍රයේ දීර්ඝකාලීන පළපුරුද්දක් අප සතුව පවතින නිසා, මෙම ගැටලුවට පිළියමක් ලෙස තරුණ පරපුරට නිසි පුහුණුවක් ලබාදීමට අප තීරණය කළා.” Christell Skin Clinic නිර්මාතෘ රමණි අර්සකුලරත්න මහත්මිය පැවසුවා ය. 

Read More

'The Kandos Shop' 14 වෙනි අලෙවිසැල කළුබෝවිල දී දැන් විවෘතයි...

දශක හයක් පුරා දේශීය චොක්ලට් නිෂ්පාදනයේ ජාතික සන්නාමය බවට පත්ව ඇති KANDOS නිෂ්පාදන රැසක් ඇතුළත් 14 වෙනි අලෙවිසැල ඉකුත් 3 දාට යෙදී තිබුණු සුභ මොහොතින් කළුබෝවිල රෝහල පාර අංක 130/A (කීල්ස් සුපිරි වෙළඳ සංකීර්ණය අසල) දී විවෘත විය. (Shop Map Link) 

වර්ග අඩි 1300කින් සමන්විත නවීන පහසුකම් ආදියෙන් යුත් මෙම වෙළඳසැලට පිවිසීමේදී රටක් රසගැන්වූ KANDOS නිෂ්පාදන වන විවිධ වර්ගයෙන් සහ හැඩයන්ගෙන් යුත් අතින් නිමවන ලද කැන්ඩොස් චොක්ලට් වර්ග, චොක්ලට් අතුරුපස වර්ග, චොක්ලට් කප් කේක් ඇතුළු කැන්විටා (Kanvita) සිසිල්/උණුසුම් බීම මිලදී ගැනීමට සහ එම ස්ථානයේ සිටම රස විඳීමේ පහසුකම්  පාරිභෝගික ජනතාවට උදා වන අතර සැබෑ චොක්ලට් රසය මෙන්ම චොක්ලට්  පිළිබඳ නැවුම් අත්දැකීම් රැසක් ද අත්විඳීමේ හැකියාව දැන් ඔබට උදා වී ඇත.

සමාරම්භක උත්සවයට සඳහා සමූහ කළමනාකරණ අධ්‍යක්ෂක නිමල් වෙල්ගම මහතා, අධ්‍යක්ෂිකා කරිෂ්මා වෙල්ගම මෙනවිය, ප්‍රධාන විධායක නිලධාරී P.K.D.S සමන්ත මහතා ඇතුළු කළමනාකරුවන් සහ විධායක නිලධාරීන් සම්බන්ධ විය.

Read More

AkzoNobel වෙතින් Dulux පින්තාරු ශිල්පීන්ට විශේෂ වැඩසටහන් පෙළක්

 

ලොව විශාලතම තීන්ත හා ආලේපන සමාගමක් වන AkzoNobel Paints Lanka, ශ්‍රී ලංකාවේ Dulux  පින්තාරු ශිල්පීන් දිරිගැන්වීම සහ ඔවුන්ට අත්වැලක් වීම ඉලක්ක කරගෙන විශේෂ වැඩසටහන් පෙළක් ක්‍රියාවට නංවා තිබේ. මීට සමගාමීව එම සමාගම විසින් නවතම ඩිජිටල් සේවාවන් පෙළක්ද හඳුන්වා දී ඇත. 

Mind, Heart and Pocket යන සුවිශේෂී ප්‍රවේශය යටතේ පින්තාරු ශිල්පීන්ගේ මානසික, සමාජයීය හා ආර්ථික යහපැවැත්ම ඉලක්ක කරගෙන පවත්වනු ලබන මෙම වැඩසටහන් මගින් මෙරට 5,000 කට අධික පින්තාරු ශිල්පීන් පිරිසකට යහපත සැලසේ. මේ යටතේ පින්තාරු ශිල්පීන් වෙනුවෙන් පුහුණු හා සහතිකකරණ වැඩසටහන් පැවැත්වීම සහ පැමිණිලි කළමනාකරණය පිළිබඳව ඔවුන් දැනුවත් කිරීම යනාදියට අමතරව ඔවුන්ගේ පවුල් වල සාමාජිකයන් වෙනුවෙන් ප්‍රිය සම්භාෂණ පැවැත්වීම සහ ඔවුන්ගේ දරුවන්ට ශිෂ්‍යත්ව ලබාදීම වැනි කටයුතුද සැලසුම් කර ඇත. 

“මේ ඔස්සේ අපගේ සමාගම සහ පින්තාරු ශිල්පීන් අතර සම්බන්ධතාව වැඩිදියුණු කරගැනීමටත්, තම හැකියාවන් වර්ධනය කරගැනීමට ඔවුන් දිරිගැන්වීමටත්, ඔවුන්ගේ ප්‍රතිචාර අනුව අපගේ සේවාවන් තවදුරටත් උසස් කිරීමටත් අප බලාපොරොත්තු වෙනවා. මෙමගින් එම ශිල්පීන්ට තම වෘත්තියෙහි වටිනාකම පිළිබඳ පැහැදිලි අවබෝධයකින් යුතුව, වඩාත් ගෞරවාන්විත ලෙස එම කටයුතු වල නිරත විය හැකි පරිසරයක් සකස් කිරීමට අපට හැකි වේවි.” AkzoNobel Sri Lanka ප්‍රධාන අලෙවි නිලධාරී උපේන්ද්‍ර ගුණවර්ධන මහතා පැවසී ය. 

වෘත්තීය පින්තාරු ශිල්පීන්ගේ පහසුව වෙනුවෙන් තම ඩිජිටල් සේවාවන් තවදුරටත් වැඩිදියුණු කිරීමටද AkzoNobel Sri Lanka පියවර ගෙන තිබේ. මේ යටතේ පින්තාරු ශිල්පීන් ලියාපදිංචි කිරීම, ගෙවීම් සිදුකිරීම සහ වියදම්වල තොරතුරු සහ විනිවිදභාවය පවත්වාගැනීම සම්බන්ධ ක්‍රමවේදයන් වැඩිදියුණු කර ඇත. 

මෙම වැඩසටහන් වලට සහභාගී වීම වඩාත් පහසු කිරීම සඳහා පින්තාරු ශිල්පීන් වෙනුවෙන් විශේෂ QR කේත ක්‍රමයක් හඳුන්වා දී තිබේ. මෙමගින් Dulux Connect හරහා පින්තාරු ශිල්පීන් සම්බන්ධ තොරතුරු ලබාගනිමින්, එම තොරතුරු ඔවුන්ගේ යහපත උදෙසා ක්‍රියාත්මක කර ඇති වැඩසටහන් වෙනුවෙන් භාවිතා කරනු ලබයි. Dulux Connect app එක හරහා පින්තාරු ශිල්පීන්ට තමන් කැමති තීන්ත අලෙවිසැල් තෝරාගත හැකි අතර, එම අලෙවිසැල් වලටද තමන් වෙතින් තීන්ත මිලදී ගැනීම සඳහා පින්තාරු ශිල්පීන් දිරිමත් කිරීමට අවස්ථාව හිමි වේ. 

මීට අමතරව මෙම ඩිජිටල්කරණ වැඩසටහනේ තවත් පියවරක් වශයෙන් “Painter Market Place” app එක පෙබරවාරි මාසයේදී හඳුන්වා දෙන ලදි. මෙය රට පුරා Dulux පාරිභෝගිකයන් සහ ඔවුන් පදිංචි ප්‍රදේශ වල වෘත්තීය පින්තාරු ශිල්පීන් එකිනෙකා සම්බන්ධ කරන වැඩසටහනකි. 

පාරිභෝගිකයන්ට Dulux නිෂ්පාදන මිලදී ගැනීම තවදුරටත් පහසු කිරීම සඳහා ‘Dulux Preview’ සේවාව (www.duluxpreviewservice.com/sl) හඳුන්වා දී ඇති අතර, මෙමගින් පාරිභෝගිකයන්ට Augmented Reality තාක්ෂණය ඔස්සේ, තමන් මිලදී ගැනීමට බලාපොරොත්තු වන වර්ණ ආලේප කළ විට දිස්වන ආකාරය සම්බන්ධයෙන් ඉතා පැහැදිලි අදහසක් ලබාගත හැකි වේ. මෙහිදී පාරිභෝගිකයන්ට වඩාත් ගැළපෙන තීන්ත වර්ග පිළිබඳ යෝජනාද ඉදිරිපත් කරනු ලබන අතර, ස්මාර්ට් දුරකථනයක් ඇති ඕනෑම කෙනෙකුට ‘Dulux Preview’ සේවාව ඉතාමත් පහසුවෙන් භාවිතා කළ හැක. 

Read More