‘‘පුද්ගලයින් දෙදෙනෙකු තමන් අගමැති යැයි ප්‍රකාශ කරන බැවින් ශ්‍රී ලංකාවේ ප්‍රජාතන්ත්‍රවාදය අර්බුදයක‘‘ යන ශීර්ෂයෙන් යුතුව බ්‍රිතාන්‍යයේ Channel 4 නාලිකාව වීඩියෝ පටයක් ඊයේ (22) දිනයේදී විකාශය කර තිබෙන අතර මෙහි විදේශ කටයුතු සම්බන්ධයෙන් වාර්තා කරන මාධ්‍යවේදී ජොනතන් මිලර් මෙම වීඩියෝ පටයේ පෙනී සිටී.
මිලර් සිය පුවතින් දක්වන්නේ, මෙම අගමැතිවරුන් දෙදෙනා අතර සිටින මීට පෙර ජනාධිපතිධූරය දැරූ තැනැත්තා මානව හිමිකම් බරතල ලෙස උල්ලංඝනය කළ බවට චෝදනා ලබා ඇති බවත්, පසුගිය වසර 85 තුළ ලංකාවේ ප්‍රජාතන්ත්‍රවාදී ක්‍රියාවලිය තර්ජනයට ලක්වූ බවත් මෙමගින් දක්වයි.
ජොනතන් මිලර්, රනිල් වික්‍රමසිංහ මහතාගෙන් ප්‍රශ්න කරන්නේ ‘‘මෙරට අගමැති ඔබද ? නැත්නම් ඔහුද ?‘‘යන්නයි.
ඊට පිළිතුරු දෙන වික්‍රමසිංහ මහතා පවසන්නේ, ‘‘පාර්ලිමේන්තුවේ බහුතරය තියෙන්නේ මටයි, මට බහුතරය නැති බව විශ්වාස කරන්න බැහැ.‘‘ යන්නයි.
මංගල සමරවීර මහතා සමග කතාබහේ යෙදෙන දර්ශන මෙන්ම ඔවුන් වත්මන් දේශපාලන තත්ත්වය ගැන පළකල අදහස් ද මෙම වීඩියෝ පටයේ වැඩිදුරටත් දක්වා ඇත.
අදාළ වීඩියෝව නරඹන්න
Post a Comment