සමන් ගමගේ
අන්තර්ජාලයෙන් ලබා ගත් අසභ්ය දර්ශන සහිත චිත්රපට කිහිපයක් පාසල් යන තම පුතුගේ ජංගම දුරකථනයේ තිබෙනු දුටු පියෙකු දැඩි ලෙස සිත් තැවුලට පත්ව පෙරේදා (9) වෙඩි තබාගෙන සිය දිවි හානිකරගෙන තිබේ.
ගොකරැල්ල පොලිස් වසමේ පදිංචි 43 හැවිරිදි පියෙකු මෙලෙස සිය දිවි හානිකරගෙන ඇති අතර ඔහු තම නිවසේ තිබූ කොටන තුවක්කුවකින් මෙලෙස වෙඩි තබාගෙන ඇතැයි පොලිසිය සිදුකළ විමර්ශනවලදී අනාවරණය වී ඇත.
ගොකරැල්ල ප්රදේශයේ පාසලක අධ්යාපනය ලබන ශිෂ්යයකු වන මිය ගිය අයගේ පුත්රයා සතුව තිබූ ජංගම දුරකථනයක් පසුගිය දිනෙක විදුහල්පතිවරයාට හසුවී ඇත.
පසුව එය තමන් භාරයට ගත් විදුහල්පතිවරයා එම ජංගම දුරකථනය පරීක්ෂා කර බැලීමේදී එහි අසභ්ය චිත්රපට දර්ශන තිබෙන දැක සිසුවාගේ දෙමාපියනට පාසලට පැමිණෙන ලෙස දන්වා තිබේ.
විදුහල්පතිවරයාගේ දැනුම් දීමට අනුව මියගිය අය හා ඔහුගේ බිරිඳ පෙරේදා (9 දා) දරුවා ඉගෙනුම ලබන පාසලට ගොස් ඇති අතර එහිදී අදාළ ජංගම දුරකථනයේ වූ දර්ශන ඔවුන්ට පෙන්වීමට විදුහල්පතිවරයා පියවර ගෙන ඇත.
එම සිද්ධියනේ පසු දැඩි ලෙස සිත් වේදනාවට පත්වූ පියා යළි නිවසට පැමිණ නිවසේ තිබූ තුවක්කුව ගෙන මෙලෙස වෙඩි තබාගෙන ඇතැයි පොලිසිය පවසයි.
Post a Comment