12-10-30 වැනි දින පැවැත්වුනු එක්සත් ජාතික පක්‍ෂ කෘත්‍යාධිකාරී මණ්ඩල රැස්වීමේදී සම්මත කරගත් රැඩිකල් ප‍්‍රකාශය-
යුද්ධය
අවසාන වීමෙන් පසු උදා වේ යැයි දිගු කාලයක් තිස්සේ අපේක්‍ෂා කළ සැනසිල්ල,
සෞභාග්‍ය අහලකවත් නැත. පවතින ක‍්‍රමය මගින් තමන් රැවටීමකට ලක් කර ඇතැයි
ජනතාවට ඒත්තු යමින් තිබේ. කටුක වුවත් එය ඇත්තකි. මේ ක‍්‍රමය මගින් අප රවටනු
ලැබ තිබේ. ඔබ ජීවත් වන අවට හාත්පස බලන්න.
1.1 වොෂින්ටන් එකඟත්වය හා නව ලිබරල් වාදය මත පදනම් වූ
කොළඹ කොටස් වෙළෙඳපොළ ධනවාදයේ සූරාකෑමට අප ලක් වී තිබේ. අපට රැකියාවලින්
ලැබෙන්නේ හිඟන වැටුපකි. ජීවන වියදම හුස්මගත නොහැකි තරමට ඉහළය. යන්තම් ලැබෙන
විදේශ විනිමයෙනුත් වැඩි යරියක් මැදපෙරදිග මරු කතරට යන නුපුහුණු ගෘහ
සේවිකාන්ගෙන්ය. ණය ගෙවීම සඳහා ණය ගන්නා රජය මහජන සුබ සාධනය සඳහා කරන වියදම්
අනුකම්පාවකින් තෙරව කපා දමමින් සිටියි. සේවකයන්ට, ගොවීන්ට, කම්කරුවන්ට
අයිති ඉතිරි කිරීම් හා විශ‍්‍රාම වැටුප් වංචා කරමින් තිබේ.
1. වාර්ගික හා ආගමික අන්තවාදය දේශපාලන කොඳු නාරටිය
තුළට එන්නත් කරගෙන තිබේ. ඔවුන් විසින් උසිගන්වනු ලබන පිරිස් ඕනෑම මොහොතක
රට ගිනි තැබීමට සැදී පැහැදී සිටිති.
එල්ටීටීඊ
ත‍්‍රස්තවාදය වෙනුවට රාජ්‍ය ත‍්‍රස්තවාදය ආදර්ශ වී තිබේ. එය ගම් නියම්ගම්
දක්වා දළු ලා පැතිරී ඇත. දේශපාලන අනුග‍්‍රහය හා ආශිර්වාදය මැද අපරාධකරුවෝද,
මත්ද්‍රව්‍ය ජාවාරම්කරුවෝද, අශීලාචාර පුත්තු ද, ස්වකීය නොපනත්කම් සඳහා නගර
ගම් නියම්ගම් පාරාදීස කරගෙන නිදැල්ලේ ඇස් පනාපිටම වැජඹෙති. නීතිය
ක‍්‍රියාත්මක කරන ආයතන හා යුක්තිය පසිඳලන ආයතන අක‍්‍රීය කර බිය වද්දා තිබේ.
ස්ත‍්‍රී - පුරුෂ ළමා - ළපටි බේදයකින් තොරව කාටත් බියෙන් සැකයෙන් තොරව
ජිවත් වීමේ අයිතිය අතුරුදන් කර තිබේ. තරුණ තරුණියන්ට තමන්ගේ අභිමතය පරිදි
අධ්‍යාපනය ලැබීමටද, රැකියාවක් කිරීමටද ඇති අවස්ථා උදුරා ගෙන ඔවුන්ගේ නිදහසට
විලංගු දමා තිබේ. තම අඳුරු අනාගතය පිළිබඳ කලකිරීමටද, ඉච්ඡුාභංගත්වයට ද
පත්වී ඇති ඔවුහු බුරුතු පිටින් මහ රෑ අඳුරේම බෝට්ටුවල නැගී දිව පරදුවට තබා
රටින් පළා යති.
කෙටි කාලීන කෑදරකම මගින් දේශපාලන ආචාර ධර්ම යටපත් කර
තිබේ. වැටත් නියරත් ගොයම් කන්නාසේ දේශපාලනඥයින්ම අපරාධ, වංචා, දූෂණ සිදු
කරති. අනුබල දෙති. රැක ගනිති. තමන්ට ඡන්දය දුන් මහජනයා තුට්ටුවකට මායිම්
නොකර වස්තුකාමය හා බලකාමය වෙනුවෙන් පක්‍ෂ මාරු කරති. පවරා දෙනු ලැබූ
පරමාධිපත්‍යය ස්වකීය භක්තියට යොදා ගනිති.
මානව අයිතිවාසිකම් සීමා කිරීම හා ඛඛඍක්‍ වාර්තාව
පෙන්වා දෙන පරිදි ‘ප‍්‍රජාතන්ත‍්‍රවාදී ආයතන දුර්වල කිරීම’ මගින් රාජපෂ
පවුලේ පාලනය සමග රාජ්‍ය දේපොළ හොරකම් කරන හා ස්වභාවික සම්පත දූෂණය කරන නව
පැලැන්තියක් මතු වී තිබේ.
ජනගහනයෙන් සියයට 1ක් තරම් වන පිරිසක් අපේ රටේ
සම්පත්වලින් සියයට 60ක් පාලනය කරති. මේ සුළු පිරිස අපගේ පාක්‍ෂිකයන් මෙන්ම
සන්ධානයේ පාක්‍ෂිකයන්ද, ජනතා විමුක්ති පෙරමුණේ පාක්‍ෂිකයන්ද, ද්‍රවිඩ ජාතික
සන්ධානයේ පාක්‍ෂිකයන්ද, අනෙකුත් පාක්‍ෂිකයන් ද කිසිම පක්‍ෂයකට අයත් නොවන
ඉතිරි සියලූ දෙනා ද සූරා කති. මහජන දේපොළවල ඇටමිඳුළු දක්වාම උරා බී මහජනයාට
අත්තකිලමථානු ජීවිතයක් උරුම කර දී ස්වල්ප දෙනෙක් අධික කාමසුඛල්ලිකානු
ජීවිතයක් ගෙවති.
මේ රාජපක්‍ෂ රෙජිමය යටතේ ලබා ඇති ආශ්චර්යයි. සුබ අනාගතයයි.
එක්සත්
ජාතික පක්‍ෂය වන අපි රටට නව දේශපාලන විකල්පයක් ඉදිරිපත් කරන්නෙමු. අපේ
ව්‍යායාමය රාජපක්‍ෂ රෙජිමය පෙරළා දැමීමට පමණක් සීමාවූවක් නොව, මේ සමස්ත
ක‍්‍රමයම වෙනසකට ලක් කිරීම දක්වා දිගු වූවකි.
වෙළෙඳපොළ අභිබවා යන දේශපාලන පරමාදර්ශ ද, කෑදරකම අභිබවා යන වටිනාකම් පිළිබඳ පරමාදර්ශ ද ඇති කරන්නකි.
ලිච්ඡවී
රජවරුන් විසින් අනුගමනය කරන ලදුව හා බුදුන් වහන්සේ විසින් අනුදැන වදාළ
සප්ත අපරිහානි ධර්මයන්ට අනුකූලව කටයුතු කරන දේශපාලන ක‍්‍රමයක් ස්ථාපිත
කිරීම, එම දේශපාලන ක‍්‍රමය මගින් මතු සඳහන් කරුණු හැම පුරවැසියෙකුටම සහතික
කළ යුතුය.
පළමුව
1. අවුරුදු 13ක අනිවාර්ය අධ්‍යාපනය හා
රැුකියා වෙළෙඳපොළට සම්බන්ධ තෘතිය අධ්‍යාපනයක් ඇති කිරීම ඇතුළු අධ්‍යාපනයේ
පූර්ණ ප‍්‍රතිලාභ, නිදහස් සෞඛ්‍ය සහතික කරන ජාතික සෞඛ්‍ය හා සමාජ රක්‍ෂණ
ක‍්‍රමයක්, සමාජ රැකවරණය හා නිවාස ඊටීෆ් සේවක ඉතිරි කිරීම් හා විශ‍්‍රාම
වැටුප්වල පූර්ණ ප‍්‍රතිලාභ සේවකයින්ට හිමි කර දීම.
2. සමාජීය වශයෙන් ඉහළ නැඟීමට, ජයග‍්‍රහණ ලබා ගැනීමට සැමටම සමාන අවස්ථා.
3. තම ජීවිතය වඩා සැපවත් කර ගැනීම උදෙසා කැමති පරිදි භාණ්ඩ හා සේවා මිලදී ගෙන ජීවත්වීමට ප‍්‍රමාණවත් තරම් ආදායමක්.
4. සමාජ තහංචි මගින් ස්ථාපිත කොට තිබෙන බාධක හඳුනාගෙන
ඒවා මුලින් උපුටා දැමීම පිණිස නියත වශයෙන්ම පියවර ගැනීමෙන් සමාජ
සමානාත්මතාව ප‍්‍රවර්ධනය කිරීම.
5. තරුණ තරුණියන්ට තමන් දකින ලෝකය සිහිනයක් නොව, සැබෑවක් කර ගැනීමට අවශ්‍ය ඉඩ ප‍්‍රස්ථා හා අවස්ථා සහිත පූර්ණ නිදහස.
6. ථේරවාදී බුහු දහම ආරක්‍ෂා කොට පෝෂණය කිරීම හා කැමති
ආගමක් ඇදහීමට ලෝකය පිළිගත් ෂක්‍ක්‍ඡුඍ ප‍්‍රඥප්තියට අනුකූලව තිබිය යුතු
නිදහස හා අපගේ බහු ආගමික, සංස්කෘතික හා භාෂාමය පොහොසත්කම ආරක්‍ෂා කිරීම.
7 වේගයෙන් වැඩිවන වැඩිහිටි ජනගහනය රැකබලා ගැනීම හා
විශ‍්‍රාම ගැන්වීමකින් තොරව තම කැමැත්ත පරිදි රැකී රක්‍ෂාවල නිරතවීමට
ඔවුන්ට ඉඩ ප‍්‍රස්තා සැලසීම.
දෙවනුව
ජනගහනයෙන්
බහුතරය වන ස්ව - අධිෂ්ඨානය හා ස්වසාධනය සඳහා සමාන අයිතිවාසිකම් නොමැති
කාන්තාවන්ගේ අභිවෘද්ධිය උදෙසා මතු සඳහන් කරුණු සහතික කළ යුතුය.
1. කාන්තාවට මුහුණ පෑමට සිදු වී ඇති සමාජ - සංස්කෘතික අසමානතා ඉවත් කොට දේශපාලන හා ආර්ථික වශයෙන් සවි බල ගැන්වීම.
2.
ස්ත‍්‍රී - පුරුෂ භාවය හෝ සුලභ තත්ත්වයන් මත ගරු සැලකිලි නොදක්වන,
කාන්තාවන්ගේ ආධිපත්‍ය හා පාලනය සහතික කරන සංස්කෘතියක් ඇති කිරීම.
3. ලිංගිකත්වය හා ස්ත‍්‍රීත්වය මත සිදු වන ප‍්‍රචණ්ඩ
ක‍්‍රියා කාන්තාවට බලපාන සාහසික අපරාධ ලෙස සලකන අතර, එකී ප‍්‍රචණ්ඩ
ක‍්‍රියාවලට එරෙහිව නීතිය දැඩි ලෙස ක‍්‍රියාත්මක කිරීම.
තුන්වෙනුව.
මතු සඳහන් කරුණු මත පදනම් වු ආණ්ඩුක‍්‍රමයේ ස්ථාපිත කළ යුතුය.
1.
ශ‍්‍රී ලාංකික අනන්‍යතාව, ජාතික සමගිය, ප‍්‍රජාතන්ත‍්‍රවාදී ආයතන හා
අයිතීන් ශක්තිමත් කිරීම, සමානාත්මතාව සහතික කිරීම, නීතියේ ආධිපත්‍යය,
ස්වාධීන කොමිසන් සභා යළි පිහිටුවීම, බලය බෙදීම සඳහා ඉඩ ප‍්‍රස්ථා ඇති සහ
ජනාධිපති ඇතුළු අනෙකුත් ප‍්‍රධාන තවනතුරු දරුන්නන්ගේ ධූර කාල සීමා කරන,
වර්තමානයේ පවතින එක් පුද්ගලයෙකු අත පූර්ණ බලතල කේන්ද්‍රගත වූ ක‍්‍රමය
වෙනුවට මහජන ආධිපත්‍යය තහවුරු කරන, කැබිනට් මණ්ඩල පාර්ලිමේන්තුවට වගකියන
නියෝජිත ආණ්ඩුක‍්‍රමයක් ඇතුළත් ශක්තිමත් නව ආණ්ඩුක‍්‍රම ව්‍යවස්ථාවක්.
2. එල්.එල්.ආර්.සී වාර්තාව සහ ශ‍්‍රී ලංකා රජය එක්සත්
ජාතීන්ගේ සංවිධානයට දෙන ලද පොරොන්දු ක‍්‍රියාත්මක කිරීම මගින් ජාතික
ඒකාග‍්‍රතාව ප‍්‍රවර්ධනය කිරීම සඳහා නීතිමය රාමුවක්.
3. ‘‘අධ්‍යාපනය උදෙසා අසීමිත අවකාශය’ මූලික අයිතිවාසිකමක් ලෙස පිළිගැනීම සහ අධ්‍යාපනය ලැබීමේ අයිතිය පිළිබඳ නීතිය.
4. අල්ලස හා දූෂණය පිටුදැකීම සඳහා මතු සඳහන් කරුණු ඇතුළත් නව නීති
1. දුෂණයට එරෙහි ඵලදායී සහ ස්වාධීන යාන්ත‍්‍රණයක් සමග දූෂණය පිළිබඳ එක්සත් ජාතීන්ගේ ප‍්‍රඥප්තිය බලගැන්වීම.
11. මහජන දේපොළ සහ පුරා වස්තු දේශපාලනඥයින්ගෙන් හා ඔවුන්ගේ ආධාරකරුවන්ගෙන් ආරක්‍ෂා කර ගැනීම.
111.තොරතුරු දැන ගැනීමේ අයිතිය ක‍්‍රියාත්මක කිරීම සහ
1v. විනිවිදභාවය හා වගකීම සහිතව මහජන මුදල් දේශපාලන පක්‍ෂවලට සැපයීම හා එමගින් පුරවැසියන්ට රජයට සහභාගී වීමට හැකියාව ලැබීම.
හතරවෙන්ව,
රජයක්
1.
නූතන සාධනීය ග‍්‍රාමීය ආර්ථිකයක් ද ඇතුළත් ඉහළ තරගකාරීත්වයකින් යුතු සමාජ
වෙළෙඳපොළ ආර්ථිකයක් මත පදනම් වූ පූර්ණ රැකියා නියුක්තියට කැපවීම සහ එමගින්
ශක්තිමත් මධ්‍යම පන්තියක් නිර්මාණය කිරීම. ඔබ සතු ඕනෑම ආකාරයක දේපළක්,
කුඩා ව්‍යාපාරයක් හෝ කුඩා නිවසක් ඇත්නම් ඒ තරමට ඔබ ස්වාධීන වන බව එක්සත්
ජාතික පක්‍ෂය කල්පනා කරයි. රට පුරා ඇති දේපළ මිලියන ගණන් වූ පුද්ගලයන් අතර
විසුරුවා හැරේ නම් ඒ දේපළ අයිතිය මත රැඳී පවත්නා බලය ද විසිරෙන අතර විසිරෙන
බලය බලහත්කාරයේ යෙදවීමටද ඉඩක් නැත. රජය අතට හෝ වරප‍්‍රසාද ලත් පන්තියක්
අතට දේපළ අයිතිය හෝ බලය ඒකරාශී කිරීමට හෝ කේන්ද්‍රගත කිරීමට අපේ
අභිප‍්‍රායක් නැත.
2. අඩු කාබන් ආර්ථිකයක් ද ඇතුළත් තිරසාර සංවර්ධනයක් තුළින් පරිසරය රැුක ගැනීම සහා ඵලදායී පියවර ගැනීම මගින් පරිසරය සුරක්‍ෂිත කිරීම.
පස්වෙනුව,
තේරී
පත්වන මහජන නියෝජිතයන්ට ඔවුන්ගේ රාජකාරී කරගෙන යාම සඳහා චර්යා ධර්ම
පද්ධතියක් ද ඇතුළත් නීතිවලට යටත්ව පහසුකම් සැපයීම, පරිවාර ආරක්‍ෂක රථ
සැපයීම පිළිගත් පද්ධතියක් මත සකස් කළ ආරක්‍ෂක වාර්තා අනුව පමණක් සිදු
කිරීම.
හයවෙනුව,
ඉහත කී අරමුණු
සාක්‍ෂාත් කොට පැහැබර හෙටක් - බබළන රටක් - නව ශ‍්‍රී ලංකාවක් බිහි කිරීම
සඳහා එක්සත් ජාතික පක්‍ෂ රජයක් බලයට පත් කර ගැනීම පිණිස මතු සඳහන්
ක‍්‍රියාමාර්ග ගත යුත්තේය.
ඒ සඳහා අවශ්‍ය යාන්ත‍්‍රණය වශයෙන්
1. පක්‍ෂය වෙනුවෙන් අපරිමිතව කැපවී ක‍්‍රියාකළ ක‍්‍රියාකාරීන්, පාක්‍ෂිකයින් අගය කර ඔවුන්ගේ සත්‍යවාදී අවංක සේවය නොකඩවා ලබා ගැනීම.
2.
දීර්ඝ කාලයක් තිස්සේ පීඩාවන්ට හා මදි පුංචිකම්වලට ලක්වී සිටින අප
පාක්‍ෂිකයින්ගේ අභිලාෂ හඳුනා ගෙන එක්සත් ජාතික පක්‍ෂ රජයක් යටතේ ඒවා
ප‍්‍රමුඛත්වයෙන් යුතුව ඉෂ්ඨ සිද්ධ කර දීමට ක‍්‍රියාකාරී සැලැස්මක් සම්පාදනය
කිරීම.
3. රටේත් සමස්ත ජනතාවගේත් යහපත සැලසීම පක්‍ෂයේ
ප‍්‍රමුඛතම කාර්ය සේ සලකා පක්‍ෂ ව්‍යවස්ථාවට අනුකූලව කටයුතු කිරීමට
සම්මුතියකට එළඹෙන සියලූ පාර්ශ්ව ඒකරාශී කොට පක්‍ෂ අනන්‍යතාව ශක්තිමත්
කිරීම.
4. පක්‍ෂ සම්මේලනයේදී පක්‍ෂයේ සියලූ මහජන නියෝජිතයන්, ක‍්‍රියාකාරීන්
පක්‍ෂ ව්‍යවස්ථාව අනුගමනය කොට ආරක්‍ෂා කරන බවටත් ඊට අනුකූලව ක‍්‍රියා කරන
බවටත් ප‍්‍රතිඥා දීම.
5. බිම් මට්ටමේ ශාඛා, කාන්තා, තැරණ සමිති කඩිනම් වැඩසටහනක් යටතේ පිහිටුවා ශක්තිමත් කිරීම සඳහා පක්‍ෂ නායකියන් වෙත බලය පැවරීම.
6. රැඩිකල් වැඩසටහන පිළිබඳව මහජනයා දැනුවත් කර පක්‍ෂ සාමාජිකයින් බඳවා ගැනීමට හදිසි වැඩසටහනක් ක‍්‍රියාත්මක කිරීම.
7.
ඉහත රැඩිකල් වැඩසටහනට එකඟවන සියලූම දේශපාලන පක්‍ෂ, සමිති, සංවිධාන හා
පුද්ගලයින් ඒකරාශී කොට එක්සත් ජාතික පක්‍ෂ නායකත්වය යටතේ ජාතික සංවිධානයක්
පිහිටුවීම.
රැඩිකල් වැඩ සටහන යනු,
මහජනතාව උදෙසා කරන ආයෝජනයකි
වටිනාකම් වෙනුවෙන් කරන ආයෝජනයකි
පරිසරය වෙනුවෙන් කරන ආයෝජනයකි
සමාජ සුබ සාධනය වෙනුනේ කරන ආයෝජනයකි
යටිතල පහසුකම් වෙනුවෙන් කරන ආයෝජනයකි
ව්‍යාපාර වෙනුවෙන් කරන ආයෝජනයකි
රැකියා වෙනුවෙන් කරන ආයෝජනයකි
රැඩිකල් වැඩසටහන ඔබ වෙනුවෙනි, ඔබේ දරුවන් වෙනුවෙනි
රට වෙනුවෙනි.
