මෑතකදී පැවති 'විදුල්කා' ජාතික බලශක්ති කාර්යක්ෂමතා සම්මාන උළෙලේදී බලශක්ති කාර්යක්ෂමතාව වැඩිදියුණු කිරීමේ කාණ්ඩය යටතේ, බලශක්තිය භාවිතය අවම කිරීම සඳහා දක්වන ලද දායකත්වය වෙනුවෙන් ෆෝබ්ස් මාෂල් සමාගම රන්සිළු සම්මානය හිමිකර ගත්තේය. මෙම සම්මාන උළෙල අතිගරු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අගෝස්තු මස 22 වනදා BMICHහිදී පැවැත්විණි.
(ඉහත සේයා රූ සටහන -ෆෝබ්ස් මාෂල් සමාගමේ ශ්‍රී ලංකා සහ මාලදිවයින් මෙහෙයුම් කළමනාකාර ලොෂාන් පලයන්ගොඩ සහ එම සමාගමේ නිෂ්පාදන කළමනාකාර චානක මහවත්ත යන මහත්වරුන් අතිගරු ජනාධිපති මෛත්‍රීපාල සිරිසේන මහතා අතින් රන්සිළු සම්මානය හිමිකර ගත් මොහොත. විදුලිබල හා පුනර්ජනනීය බලශක්ති අමාත්‍ය ගරු රංජිත් සියඹලාපිටිය, එම අමාත්‍යංශයේ නියෝජ්‍ය අමාත්‍ය ගරු අජිත් පී පෙරේරා සහ එම අමාත්‍යංශයේ ලේකම් ආචාර්ය බී.එම්.එස්. බටගොඩ යන මහත්වරු ද ඡායාරූපයේ වෙති)
විදුලිබල හා බලශක්ති ක්ෂේත්‍රයට සම්බන්ධ සියලු අංශවල කාර්යක්ෂමතාව වැඩිදියුණු කිරීම සහ පුනර්ජනනීය බලශක්ති මූලාශ්‍ර භාවිතය තවත් විධිමත් කිරීමේ අරමුණ පෙරදැරිව විදුලිබල හා පුනර්ජනනීය බලශක්ති අමාත්යංශය සහ ශ්‍රී ලංකා සුනිත්‍ය බලශක්ති අධිකාරිය (SLSEA) එක්ව මෙම සම්මාන උළෙල වාර්ෂිකව සංවිධානය කරයි.
සාර්ථක බලශක්ති කාර්යක්ෂම ව්‍යාපෘති ක්‍රියාත්මක කරන සහ විශිෂ්ට ලෙස ආයතනික බලශක්ති මූලාශ්‍ර කළමනාකරණය කරන ආයතන මෙම උළෙලේදී ඇගයුමට ලක් කෙරේ. බලශක්ති කාර්යක්ෂමතාව, බලශක්ති කාර්යක්ෂමතාව සඳහා තාක්ෂණික සහයෝගිතාව, මහා පරිමාණ හෝටල් සහ කුඩා පරිමාණ නිෂ්පාදන යන අංශ හතර යටතේ මෙවර රන් සම්මාන පිරිනැමිණි.
වර්තමානයවන විට ෆෝබ්ස් මාෂල් සමාගම වාෂ්ප සහ පාලන උපකරණ සම්පාදන පද්ධති සම්පාදනයට අමතරව වාෂ්ප සහ පාලන උපකරණ සම්පාදනය, බලශක්ති කළමනාකරණය, කාර්මික ක්‍රමාංකනය, ව්‍යාපෘති කළමනාකරණය සහ ක්‍රියාත්මක කිරීම යන ක්ෂේත්‍රවල උපදේශන සේවා ලබාදීමෙහි ද නිරත වෙයි. ෆෝබ්ස් මාෂල් ලංකා සමාගම මෙරට වඩාත් විශ්වසනීය ම කාර්මික සේවා සම්පාදකයෙකු ලෙස කීර්තිමත් නාමයකට හිමිකම් කියයි.
[caption id="attachment_20864" align="aligncenter" width="1024"]
ෆෝබ්ස් මාෂල් ලංකා කණ්ඩායම[/caption]පාරිභෝගික ජනතාව ෆෝබ්ස් මාෂල් ලංකා සමාගමේ නිෂ්පාදන, සේවා සහ විසඳුම් කෙරෙහි තබා ඇති විශ්වාසය මෙම රන් සම්මානය හිම්වීමේ මූලික අඩිතාලම බව එම සමාගම පවසයි. එම සමාගම පසුගිය වසර තුළ පොසිල ඉන්ධන ලීටර මිලියන 7ක් සුරක්ෂිත කිරීමට සමත්ව ඇති අතර එමගින් මෙරට වෙනුවෙන් රු. මිලියන 550කට අධික මුදලක් ඉතිරි කිරීමට ද හැකිවී ඇත. තවද, දර කිලෝ ග්‍රෑම් මිලියන 14ක් ද, ජලය ලීටර මිලියන 100ක් ද, විදුලි බලශක්ති ඒකක මිලියන 4ක් ද එම සමාගම ඉතිරි කිරීමට සමත් විය.
"බලශක්ති සහ පාලන උපකරණ සම්පාදන ක්ෂේත්‍රයේ අපගේ පාරිභෝගික ජනතාවගේ අවශ්‍යතාවන් සහ අපේක්ෂාවන් අඛණ්ඩව ඉටුකිරීම සඳහා මෙම ජාතික මට්ටමේ රන් සම්මානය අප තවත් දිරිමත් කරනවා. එම පාරිභෝගිකයන් අප වෙත ලබාදුන් අවංක ප්‍රතිචාර සහ යෝජනා ගෝලීය වශයෙන් විසඳුම් ලබාදෙන වෙළඳපල ප්‍රමුඛයෙකු බවට පත්වීම සඳහා අපට බෙහෙවින් උපකාරී වුණා. වසර 25කට අධික කාලයක් පුරා අපගේ පාරිභෝගිකයන් සමග අත්වැල් බැඳ ගැනීමට හැකිවීම පිළිබඳ අප බෙහෙවින් සතුටුවන අතර ඉදිරියේදීත් එම සබඳතාව තවත් සවිමත්ව ඉදිරියට පවත්වා ගැනීමට අප බලාපොරොත්තු වනවා" යනුවෙන් ෆෝබ්ස් මාෂල් සමාගමේ ජාත්‍යන්තර මෙහෙයුම් කටයුතු අධ්‍යක්ෂ සුනිල් බදමි මහතා සඳහන් කළේය.
මෙම ජයග්‍රහණය පිළිබඳ අදහස් පළ කරමින් ෆෝබ්ස් මාෂල් සමාගමේ දකුණු ආසියානු ප්‍රධානී දීපක් ශර්මා සඳහන් කළේ වසර 25ක් පුරා තම සමාගම කෙරෙහි විශ්වාසය තැබූ පාරිභෝගික ජනතාවට තම කෘතඥතාව පළ කරන බවය. "අපගේ කර්මාන්තශාලා මට්ටමින් බලශක්ති කාර්යක්ෂමතාව කෙරෙහි අවධානය යොමු කරන අතරම සාර්ථක බලශක්ති කර්මාන්තශාලාවක ප්‍රධාන සාධකයක්වන දැනුම් වර්ධනය කිරීම සඳහා ද අප අඛණ්ඩව කටයුතු කරනවා"
"පසුගිය වසර තුළ පමණක් අප බලශක්ති සංරක්ෂණ සහ ඉන්ධන භාවිතය වෙනත් විකල්ප වෙත මාරු කිරීම සම්බන්ධ ව්‍යාපෘති 30ක් සම්පූර්ණ කර තිබෙනවා. ඊට අමතරව ස්වේච්ඡා බලශක්ති විගණන 150කට අධික ප්‍රමාණයක් මෙන්ම පරිපූර්ණ බලශක්ති විගණන 7කට අධික ප්‍රමාණයක් ද විවිධ අංශ නියෝජනය කරමින් අප සිදුකර තිබෙනවා. මෙම කාල වකවානුව තුළ වාෂ්ප ඉංජිනේරු සහ බලශක්ති සංරක්ෂණ ක්ෂේත්‍ර සම්බන්ධව වෘත්තිකයන් 200 දෙනෙකුට අධික සංඛ්‍යාවක් ද විශ්වවිද්‍යාල සිසුන් 100කට අධික පිරිසක් ද පුහුණු කිරීමට තරම් අප වාසනාවන්ත වුණා. ඉදිරියේදී ද අපගේ පාරිභෝගිකයන් වෙනුවෙන් විශිෂ්ට සේවාවක් ලබාදීම අපගේ ඒකායන අරමුණයි" යනුවෙන් ෆෝබ්ස් මාෂල් සමාගමේ ශ්‍රී ලංකා සහ මාලදිවයින් මෙහෙයුම් කළමනාකාර ලොෂාන් පලයන්ගොඩ මහතා ප්‍රකාශ කළේය.
ෆෝබ්ස් මාෂල් යනු වාෂ්ප ඉංජිනේරු සහ පාලන උපකරණ සම්පාදන විසඳුම් ක්ෂේත්‍රයේ ප්‍රමුඛත ම නිෂ්පාදකයෙකි. වසර 70කට අධික කාලයක් පුරා, එම සමාගමේ නිෂ්පාදන සහ සේවා කර්මාන්තවල බලශක්තිය ඉතිරි කිරීමට, ක්‍රියාවලි ප්‍රමිතිය වැඩිදියුණු කිරීමට සහ පිරිසිදු සහ සුරක්ෂිත කර්මාන්ත ශාලා පවත්වා ගැනීමට උපකාරී වී ඇත. නිෂ්පාදන පහසුකම් 5ක් සමගින් ලොව පුරා රාජ්‍යයන් 19කට අධික සංඛ්‍යාවක මෙහෙයුම් කටයුතු සිදු කරන එම සමාගම දැනුම, නවෝත්පාදන විසඳුම්, විශ්වසනීය නිෂ්පාදන සහ ගෝලීය නාමය හරහා විශ්වසනීය හවුල්කරුවෙකු බවට පත්ව සිටී.
ෆෝබ්ස් මාෂල් සමාගමේ පූර්ණ අනුබද්ධිත සමාගමක්වන ෆෝබ්ස් මාෂල් ලංකා සමාගම ශ්‍රී ලංකාවේ වසර 25කට අධික කාලයක් පුරා මෙහෙයුම් කටයුතු සිදු කරන අතර පාලන උපකරණ පද්ධති, වාෂ්ප බොයිලේරු සහ මෙවලම් සඳහා වෙළඳපල ප්‍රමුඛයා වෙයි. පේරාදෙණිය විශ්වවිද්‍යාලයේ වාෂ්ප ඉංජිනේරු පුහුණු මධ්‍යස්ථානය ස්ථාපනය කරමින් බලශක්ති කාර්යක්ෂමතාව පිළිබඳ ශ්‍රී ලාංකේය ඉංජිනේරු ශිල්පීන් හට පුහුණුව ලබාදීමට ද එම සමාගම කටයුතු කරයි.
Post a Comment