නන්දන වීරරත්න
ජාතිය වඳවීම, අනාගතයේ සිදුවිය හැකි මුස්ලිම් ආක්‍රමනයකට මුහුණ දීම බඳු කාරණා ගැන බියෙන් මා අයිති සිංහල ජාතිය බියෙන් සිටින්නේය. ඇසුඇසු තැන බැලුබැලු තැන ඇසෙන්නේ දකින්නේ එබඳු බියක අඳුරය. අපේ කල්පනාව දේවල් දේශපාලන න්‍යාය පත්‍රවලින් එලියට එන යෝජනා මිස ලංකාවේ ජන ජීවිතය මුහුණ දෙන නිශ්චිත ගැටළුව නොවන බවයි.
මේ කරුණු සටහන් කරන්නේ පසුගිය මාස හයක කාලයක් වෛද්‍ය විද්‍යාඥයෙකු වන අචාර්ය කමල් ගම්මම්පිල සමඟ ලංකාව පුරා වකුගඩු රෝග වසංගතය අදාලව කෙරුණු සෙවීමට යෙදුනු ගමන් වලින් ලැබුණු අවබෝධය නිසාය. ලංකාවේ ජනයා පංති හෝ වාර්ගික බෙදීම් වලින් තොරව මුහුණ දෙන බලවත්ම තර්ජනය එන්නේ ජලය අපවිත්‍ර වීමය. ලංකාවේ කඳුකරයෙන් ගලන ගංගා සියල්ලේම ජලයට බැර ලෝහ මිශ්‍ර වන්නේය. මේවා සෙසු රසායනික ද්‍රව්‍ය මුසු වීමට අමතරවය.
අචාර්ය ගම්මම්පිලට අනුව මේ බැරලෝහ පානීය ජලයෙන් ඉවත් කිරීමට ජල සම්පාදන මන්ඩලයේ ජල පවිත්‍රාගාරවලට නොහැකිය. මෙහි දිගු කාලීන බලපෑම වකුගඩු විනාශවීම, පිලිකා, අධික රුධිර පීඩනය දිය වැඩියාව බඳු රෝග වසංගත තවයට පත්වීමය.
අපි තවමත් නොදන්නා හේතුන් මත 13 වෙනි සියවස වෙද්දී රජරට රාජධානි අත්හැර දැමූ ජාතියක් වෙමු. ජනප්‍රිය ඉතිහාසය රජරට රාජධානි අත්හැර දැමීමේ හේතුව දකුණු ඉංදියානු ආක්‍රමන බව කීවත් කිසිම ඉතිහාසකරයෙක් එම මතයේ නැත. මන්ද ආක්‍රමන නිසා මිනිසුන් රාජධානි අත්හැර දැමීම් නොකරන නිසාය. කාර්මික විප්ලවයට පෙර රසායනික පොහොර හා විනාශකාරි වල්නාශක හා කෘෂි නාශක සොයා ගැනීමට බොහෝ කලකට පෙර අපි රජරට අත්හැර දැමුවෙමු. නමුත් අපි මේ මොහොතේ සිටින්නේ ඉතා අනතුරු දායක රසායනික ද්‍රව්‍ය පිරුණු එවා අපේ අහාරයට එකතුවෙන යුගයකය.
මේ නිසා මේ යුගයේ දැනුවත් මිනිසුන්ගේ වගකීම කතා සාප්පු වීම හෝ සමාජ ජාලා හරහා කටින් බතල කොල සිටුවීම නොව ලංකාවේ ගංඟා, කලපු හා වැව් ආරක්ශා කිරීමට ස්වේඡාවෙන් සංවිධානය වීමය. ඒ හැර සිදු වෙන සැම දෙයක් ම අනාගත මානව පැවැත්මට උපකාර කරන්නේ නැත. මෙයට ක්‍රියාකාරී විප්ලවවාදීන් මෙන්ම හාන්සිපුටු විප්ලවවාදීන්ද විරුද්ධවී මෙසේ කියනු ඇත.
'ජලයද මිනිස්සුද ආරක්ශා වනු ඇත්තේ විප්ලවයෙන් පසුවය පලමුව විප්ලවය කර දෙවනුව ජලය ආර්ක්ෂා කරමු' එය පොහොට්ටුවන් හෝ කොල අලින්ගේ අපේ ආන්ඩු කතා වලට පමනක් දෙවැනි කෙප්පයන්ය.
තවත් වසර තිහකින් මේ රටේ ජීවත්වීමට සිතන මනුශ්‍යයන්ට ජලය ආනයනය කිරීමට සිතුවීම නතර කල නොහැකිය ඒ වනවිට මේ රටේ දිළින්දන් හා මැද පංතියෙන් පහල ජනයා ලෙඩ රෝගවලින් අකාලේ මිය ගොස් අවසානය. මේ ටික ලීවේ පසුගිය මාස තුනක් පුරා ලංකාවේ වැව් වලට අදාල නිර්මානයකට දායක වීමට සිදුවීමෙන් ලැබුනු අත් දැකීම් ද මුල් කරගෙනය
Post a Comment